Kinsa Kami ?
Luyo niining ‘website’ ang duha ka tawo ug pipila ka mga higala. Kami mga minyo nga magtiayon, si Les Norman kinsa usa ka taga-Englatera ug iyang asawa nga si Pilar usa ka Katsila. Kaming duha parehong 51 anyos ug may tulo ka mga anak, si James, 30, David 28, ug Elisabeth nga 13 anyos.
Sa milabay nga 23 ka tuig ang among tibuok panahon naa sa pag-alagad sa Kristohanong buluhaton, pagbansay ug pagtabang aron pagsangkap sa mga kalalakin-an ug kababayehan sa tanang panuigon, kolor, nasyonalidad ug mga kasinatian sa buluhaton sa simbahan, misyon ug taliwala sa mga kabus. Usahay sa among kaugalingong sentro, usahay sa mga tunghaan nga giablihan sa among mga estudyante sa ilang nasud, usahay sa simbahan kinsa nangayo ug pakitabang. Mao kini ang buluhaton sa among kinabuhi ug ang among ganti mao nga makit-an ang katawhan nga nagadala sa gugma sa Dios sa layo ug halapad, ug nagatabang sa mga kabus ug sinalikway sulod sa siyudad o sa lagyong kalasangan. Karon ang among pinakatunghaan ania sa ‘Internet’, ang nagdagsang dapit sa merkado sa kapahahonan sa tuig 2001.
Si Les nagbaton ug hitakus sa Doktoral ug Masteral nga titulo, ug siya usa ka Kaabin nga Propesor kauban sa ‘New Covenant International Seminary’. Si Pilar nakaila sa Ginoo sa kapi 36 ka tuig ug kaming duha lakip kanunay sa tanang sama nga buluhaton, bisan tuod kung moabot na sa pagpangampo ug pagpanambag si Pilar mao ang maki-istorya. Mga tuig milabay among gitukod ang DCI Trust diin karon gidumalahan pinaagi sa mga hunta direktiba diin kami nagahatag sa among taho ug nagadawat sa pag-ampo.
Ang tanan namong guibuhat suportado sa among kaugalingon. Aron gamay rag gastos wala kami manag-iya ug mga bilding, walay giswelduhan ug pinaagi sa pag-ampo nagpuyo kami sa pagkamatinudanon sa Dios. Niining paagiha makapastor kami sa mga pastor, makabansay ug mga mamamansay ug makatanyag ug pagbansay, pagsangkap ug suporta sa tanan nga moabot, ang tanan libre. Wala kami nagahimo ug mga pakitabang sa salapi.
Nasakop kami sa nagtubo nga baryohanong simbahan nga may 170 ka mga sakop ug sa ‘UK Evangelical Alliance’, ug higala sa mga magtutuo gikan sa tanang parte sa Kristohanong pagtuo.
Aduna
na kami taastaas nga panag-uban sa pagpangalagad sa katawhan diha sa Burkina
Faso, India, Espanya ug Uganda ug sa mga nanglabay pang mga adlaw sa tibuok
Latinong Amerika. Among gitagaa’g taas nga pagdayeg ang among mga higalang
Katsila ilabina niadtong nagaabli ug mga basi sa misyon sa singkwenta ka nasud
diin nakatumong sa mga pinakakabus ug pinakasinalikway nga katawhan. Sa Aprika
ug India ang among mga higala nagbukas sa ebanghelyo taliwala sa mga nahibiling
wala pa nawalihan nga katawhan samtang ang ubang mga estudyante nagkatagkatag
sa tibuok kalibutan.
Kini
nga ‘web page’ nagagikan sa among balay ug opisina dihi sa 90 anyos nga
gamay’ng balay diin among gi-abangan ania sa umahan sa Englatera, mga 12 ka
milya gikan sa kinadul-ang dakung lungsod. Wala kami amoang laing mga
kasangkapan, gipili ang pag-alagad sa uban diha sa ilang mga nahimutangan. Ang
kinadul-ang baryo adunay mga 24 ka panimalay ug sa tumoy sa among agianan may
usa ka simbahan nga may sobra sa 1000 anyos nga natala sa kasaysayan.
Ang ‘website’ naglangkob ug di primera klaseng 85 ka pagtulon-an sa Internasyonal nga Tunghaan sa Misyon uban sa tambag pinaagi sa e-mail, ang tanan libre sa bayronon. Lapas na sa 500,000 ka mga tawo ang mibisita niining mga pahinaa sa unang duha ka tuig. Palihug sugd-onga pag-ayo sa dili pa ikaw mopauli, ilabina sa ‘World’s Notice Board’ diin ang mga gitudlo nahimong lig-on nga kamatuoran sa mga nabuhat sa kadaghanan sa among mga higala ug kaubanan.
Sa dili pa ikaw motan-aw sa ubang mga hulagway sa among Album sa Hulagway ug kung nakatabang ikaw sa among buluhaton, daghang kaming nahibaloan nga mga katawhan sa misyon ug mga proyekto sa tibuok kalibutan kinsa mapanalanginan ug madasig pinaagi sa imong pakigtambayayong.
Les ug Pilar
Kami tigpadala sa mga misyo
Home Page | School of Mission | Information and Help
© The DCI Foundation
Ang pagtugot
gihatag aron pagprodukto ug mga kopya sa hinungdan nga kini matun-an
apan dili alang
ibaligya o sa pangkomersyo nga hinungdan.
Kay libre nimong nadawat, libre usab nga ihatag.
www.dci.org.uk | cebuano@dci.org.uk
