Impormasyon
Dayon – unsay among ikatabang kanimo ?

Ika-25 sa Augusto, 2001

 Unsaon Ko Pagsugod ?

Makakuha o Makahatag Ba Ako Ug Mga Diploma ?

Unsaon Ko Pag-abli Ug Tunghaan ?

Unsaon Ko Pagdumala Ang Akong Kompyuter ?

Mga Pangutana Ug Mga Tubag

Unsaon Pagkontak Kanamo

Tusloka ang ‘Control + F’ aron pagpangita sa pahina sa imong ‘keyword’

Sponsored by The DCI Foundation, England

 

Unsaon Ko Pagsugod ?

 

Kinahanglan pa ba ako’ng magpalista sa mao’ng Eskwelahan ?
Dili, dili na kinahanglan.  Magpalista ka lamang para sa Diploma. Ayaw kaikod sa pag-gamit sa mao’ng pagtulon-an alang sa imo’ng personal nga pagtubo ug kalingawan, ug andam gihapon kami  pagtabang kanimo  pinaagi sa e-mail kung kami imo’ng gikinahanglan

Kinahanglan pa ba ako’ng magpalista sa mao’ng Eskwelahan ?
Dili, dili na kinahanglan.  Magpalista ka lamang para sa Diploma.

Wala nay gikinahanglang porma sa aplikasyon alang niining bersyon sa ‘Internet’. Modawat kami kanimo ug motabang kami kanimo. Gawasnon ka nga mogamit sa mga pagtulon-an alang sa imong personal nga pagtubo ug kapuslanan ug motabang usab kami kanimo pinaagi sa ‘e-mail’ kung gikinahanglan mo kami.

Pila man ang kantidad ning maong Kurso ?
Wala na. Ang ‘Internet DCI School of Mission’ ug ang amo’ng oras libre. Mao kini ang amo’ng gasa kaninyo diha sa gugma ni Hesus. Usa ka tipikal nga Kurso sa UK mokabat ug dili mukulang sa £2,500 / $4,000 ug laing susama’g kantidad para sa kapoy-an ug pagkaon mao nga nasayod ka na siguro kung unsa ka bililhon kini’ng libre nga gasa.

Dili mahitabo nga ang taga ‘DCI | World Christians’ mangayo kanimo ug kwarta, numero sa ‘credit card’, cheke, donasyon o bayad alang niining mga pagtulon-an. Kung aduna man, dili kana gikan sa ‘DCI’ ug dili ka dapat mobayad kang bisan kinsa, sa bisan unsa alang niining mga materyales. Kung napanalanginan ka niining Kursoha modawat kami ug gasa aron itabang ug suporta sa mga nang-graduar ug mga misyonero sa ilang ministeryo.

Unsay akong himoon sa pagsugod ?

Una sa tanan kinahanglan nga modesisyon ka kung himuon mo ba kini alang sa imong personal nga kapuslanan, o gusto mo ba makakompleto sa tanan sa disiplinado nga paagi ug makabaton ug diploma.

 1. Kung gusto mong mo eskwela alang sa imong kaugalingong kapuslanan ug kauswagan, nan sugdi na diha sa Pasiuna, dayun  ngadto sa Pagtulon-an 2 ug sa unahan. Wala na may angay buhaton sa dili pa magsugod sa mga pagtulon-an. Mahimo mong sundon ang mga pahimangno dinhi sa sunod nga bahin.

2. Kung ugaling, gusro mong himuon ang Kurso pinaagi sa disiplinado nga paagi ug makabaton ug diploma, nan kinahanglan mong makuha ang pag-uyon sa imong pastor o simbahan/pangulo sa misyon ug pangita’g superbisor kinsa maoy mobasa ug mogrado sa imong mga sinulat nga mga buluhaton, nga maminaw sa imong mga taho sa praktikal nga buluhaton, nga maoy imong makahisgot hisgot ug mo tipig sa imong mga rekord ug rehistro.

Kinsa man ang mahimong superbisor?

Sa katapusan sa imong mga pagtuon bisag kinsa kinahanglan nga mo susi sa imong gibuhat ug sa rekord sa imong superbisor pwede ang imong lokal nga pastor o pangulo sa misyon o kadtong may samang propesyon. Dayun kung ang imong mga gibuhat nakaabot sa batakan sa DCI Tust sa UK kami mo himog paghangyo gikan  sa pastor, pangulo o propesyonal nga opisyal pagtugot sa imong simbahan o misyon sa pagisyu kanimo ug diploma ilalum sa among  ngalan ug mga pangabag. Tan-awa ang sa ubos nga bahin sa pahina sa Impormasyon nga gitawag  Makakuha ba ako sa diploma alang sa dugang pang impormasyon.

Kung makakuha ka ug dugang kauban nga mga higala, ug pangulo sa simbahan nga mo mobantay kaninyo, nan aduna ka nay bag-ong Eskwelahan sa Misyon ubos sa pamaagi diin morehistro ka kanamo alang sa pagtugot.

Pwede ba ninyo’ng ipadala ang mga pagtulon-an pinaagi sa postal ?
Gikasubo namo apan dili mahimo tungod sa raso’ng pang-ekonomiya kami 100% nagabasi sa ‘Internet’. Ang gastos sa pagprinta ug pagpadala ug linibuan ka putos mahal kaayo ug dili mahimo nga motanyag ang Eskwelahan ug libre’ng bayad. Aron paglikay sa daku’ng gasto pag- ’ download ’ lamang sa tana’ng pagtulon-an sulod sa 10 minutos ug i-printa kini ug anam-anam kung imong gikinahanglan, tan-awa ang seksyon sa mga tambag sa kompyuter diha sa ubos.

Unsay una nakong buhaton sa matag pagtulon-an ?

Ang kinadak-ang materyal sa pagtu-on mao ang pagpadangat kanimo ngadto sa pag-susi ug paghuna-huna ug ang unang parte milig-on sa mga pagtulon-an uban sa pagbasa sa biblia ug pagpakig-istorya, maghatag kanimo ug hamubo nga mga sulato’ng eksam, ug sa gamay’ng paagi, magahangyo kanimo sa pagbalhin sa imong nakat-unan ngadto sa usa ka butang’ ginahimo mo karon.

Ang pasukarana’ng pulong alang kanamo mao ang pagkamanunuton.  Wala’y igsapayan kanamo kung sa unsa’ng han-ay nimo gidala ang sulod niining maong pagtulon-an, kung unsay pinakamaayo alang kanimo, mahimo usab kanang pinakamaayo kanamo, apan kung makahimo ako pagsugyot tingali mahimo mo ang paagi sa pagtuon sama niini:

1. Ang pagbasa sa biblia aron pagpahiluna sa kinatibuk-ang kahulugan.
2. Ang aktuwal nga pagtu-on.
3. Pagsag-ulo sa bersikulo.
4. Pagpamalandong sa gihatag nga bersikulo.
5. Ang sinulat nga buluhaton.
6. Ang praktikal nga buluhaton.
7. Ang pagpakig-istorya.
8. Ayaw kalimot sa duha ka panahon sa pag-ampo, pagsugod ud pagtapos.

Palihug ibutang sa huna-huna nga kung indibiduwal nimo’ng gihimo ang Kurso, diin mao’y labing maayo, uban niini’ng mga bahin, sama sa ‘Paghisgot mahitungod niini…..’ gitagana aron gamiton sa gagmay’ng grupo. Bisan ako sigurado nga ang imong pamilya ug mga higala dili la-ayan makig-uban kanimo mahitungod sa imong nadiskobrihan. Dili nimo kinahanglan buhaton ug dungan ang tanan, ang mga tawo usahay makakompleto ug usa ka pagtulon-an sa usa ka simana.

Pwede ba ako’ng mokuha ug usa lamang ka bahin sa programa sa pagtu-on ?
Oo, mahimo kaayo, palihug tabang sa imong kaugalingon sa daku o sa gamay’ng paagi sa imong gusto.

Kinhanglan ko ba nga buhaton ang praktikal ug sulaton nga mga buluhaton ?
Dili, dili na kinahanglan. Mas daghan hinuon ka ug makat-onan kung himuon nimo apan mahimo gihapon nga imo rang buhaton ang pinaka importanting bahin isip personal nga pagtuon ug hibalui nga usa ka sa mga kadaghanan nga nagahimo niini. Walay problema, padayon lang. Adunay ubang kaso nga may mga tawo nga maglisod pagsulat ug Ininglis o bisan sa iyang kaugalingong sinultihan, ug sa mga mapig-uton nga mga nasud  kugn ang estudyante mosulay paghimo sa mga praktikal nga buluhaton mahimong mapriso. Dili kami gusto nga kana mahitabo.

Isip alternatibo sa among mga praktikal nga proyekto mahimo ka sa pagsangpit sa imong Pastor, ug pangutana kung makahimo ba sila pagpatrabaho kanimo sa mga kalihukan sa simbahan sulod sa duha ka oras kada adlaw alang sa matag pagtulon-an. Kung nagtuon ikaw alang sa Sertipiko nan kinahanglan maghupot ka ug lista sa imong mga natrabaho ug oras nga kini nahimo.  Kanunay kami nagadawat ug sama niini.

Kinahanglan ko pa bang mopalit ug mga libro ug pila man ang mabayad ?
Ang bugtong libro nga imong gikinahanglan mao ang moderno’ng Biblia sumala sa imong pinulongan.

Pila may gidugayon sa pagkompleto sa Kurso ?
Among gisugyot nga ang tanang mga pagtulon-an, mga buluhaton ug mga praktikal nga buluhaton kompletuhon dili molapas duha ka tuig, diin labaw pa kaysa igo nga gidugayon.

Pila may gidugayon sa pagkuha sa tana’ng 85 ka mga pagtulon-an ?
Kasagaran sa mga tawo gikuha nila ang usa ka pagtulon-an sa usa ka simana, apan ang uban sulod sa tulo o upat ka adlaw. Kinahanglan nga imong taga-an ug lugar ug panahon ang imong kaugalingon aron nga motuhop ang mga unod sa Biblia diha sa imong huna-huna, kasing-kasing ug espirito ug pagbuhat sa mga buluhaton. Wlay kaayuhan diha sa dinalidali nga paagi.

Back to Top

 

 Makabaton ba ako ug diploma ? 

Naga-isyu ba kamo ug mga sertipiko ug mga diploma ?
Among gi-rekomendar nga ang mga simbahan, mga misyon ug mga Tunghaan sa Biblia nga nagagamit niining mga pagtulon-an sa pag-isyu ug ilang kaugalingong mga Sertipiko o Diploma sa Pagkompleto ubos sa among opisyal nga pagtugot. Kasagaran sa mga tunghaan mo-isyu ug libre sa diploma alang sa ilang mga malampuson nga mga estudyante ug kini madawat kaayo sa mga kasimbahanan, mga pangatungdanan, mga agalon ug mga opisyal sa lokal nga dapit.

Kung ikaw usa ka Pangulo sa Tunghaan o Simbahan palihug sulat kanamo ug ipahayag ang imong mga kamatuoran alang sa isa ka pahina nga puno sa impormasyon kung unsaon pag-isyu’g katoohan ug makatarunganon nga mga sertipiko nga gitugot sa DCI Trust, England. Kini nga pahina dili magamit sa publiko isip balaodnong seguridad sa pagbatok sa pagpang- limbong

Kung ikaw nagtuon isip indibidwal, palihug hangyua ang imong, ministro, pastor, prinsipal sa kolehiyo, pangulo sa misyon o opisyal nga may samang propesyon sa pagsulat kanamo ug ipahayag ang ilang mga kamatuoran ug aron amo silang matugyanan dayon.

Nganong dili ka magsugod ug imong kaugalingong tunghaan gikan sa panimalay o sa simbahan. Makahimo kami pagtugot kanimo sa pag-isyu ug mga diploma kon ang imong trabaho makaabot sa mga batakan. Sulat kanamo ug ipahayag ang imong mga kamatuoran apan ayaw palangan sa listahan, atong tan-awon kung unsay mahimo.

Maka-isyu ba kamo ug Diploma gikan sa England ?
Makahimo man, apan gipili namo nga dili nalang tungod sa among naangkon nga mga kakulian diha sa pagbantay ug pagpaghimatuod, apan mobuhat kami kauban sa imong simbahan o Tunghaan sa Biblia o bisan pa sa bag-ong tugnhaan nga imong gisugdan mismo, ug among buhaton ang among mahimo sa pagtugot sa simbahan o tugnhaan sa pag-isyu ug mga diploma ilalum sa among pangalan ug mga pangabag.

Ang maong Diploma nagahatag mga tunghaanong mga kredito ?
Imposibli nga maipasalig nga adunay mga eskwelahan nga institusyon nga modawat ug gawas nga mga sertipiko apan daghang mga kolehiyo ug mga unibersidad nga modawat sa imong mga gipamatud-ang mga buhat diha sa pagtagad. Sama pananglit, usa ka makatarunganong diploma nga gi-isyu ubos sa among ngalan ug pag-abag pinaagi sa gitugotan nga lokal nga simbahan o tunghaan mahimong madawat sa “New Covenant International University’ sa Estadus Unidos diha sa pagpangayo ug kredito padulong sa mas Taas nga Pagtungha. Ang NCIU adunay ‘website’ sa Inglis sa www.newcovenant.edu ug ang ilang ‘e-mail’ mao ang NCIUSA@compuserve.com sa Inglis lamang. Kinahang ka nga mo’download’ ug ibalik ang kompletong porma sa pagpatasal diha sa Inglis, aron nga maangkon mo ang imong natasal nga tunghaanong posesyon sa dihang mo hangyo ka alang sa taas nga matang sa lebel sa pagtuon.

Back to Top

 

Unsaon ko pag-abli ug tunghaan ?

Pwede ba ako’ng maka-abli ug bago’ng Tungha-an sa Pagbansay uban sa inyong mga materyal
Pwede ba’ng makagamit  ang ako’ng nasugdang Tungha-an sa Pagbansay sa inyong mga materyal ?
Mahimo, ngadto sa duha ka pangutana, kon imo kaming pasidan-an daan. Ang mga pagtulon-an ug mga tambag nga imo’ng gikinahanglan amo’ng gasa alang kanimo. Amo’ng buhaton ang kutob sa amo’ng mahimo aron pagtabang kanimo ug kon imong ipabilin ang mga batakan nga among gipangayo nan makatugot kami kanimo sa pagpamuhat ubos sa among pag-abag.

Unsaon ko pag-abli ug bag-ong tunghaan sa akong simbahan, misyon o panimalay ?
Among nakit-an nga dunay daghang pamaagi sa paghatag ug pagbansay gikan sa pormal ngadto sa simpli, ug ang tanan nagapamuhat diha sa ialng kaugalingong kinatibuk-ang kahulugan. Aduna kami espesyal nga pahina uban sa daghang mga tambag mahitungod sa Unsaon Pag-abli Ug Imong Kugalingong Tugnhaan Sa Pagbansay uban sa gamay nga gastuhon.

Unsaon ninyo pagtabang kanako ?
Pagkahuman nimo ug basa niini nga pahina kung mahimo sulat kanmo uban sa imong mga pangutana ug kami mamuhat uabn kanimo aron pagtabng kanimo sa pagsugod. Tan-awa  Unsaon Pag-abli Ug Imong Kaugalingong Tunghaan Sa Pagbansay diin gisudlan ug mga kasinatian nga angay makat-unan. Makahatag kami kanimo ug opisyal nga mga pasulit ug mga tubag alang sa imong mga estudyante ug sultihan ka namo unsaon pag-isyu ug mga sertipiko ug paghatag kalig-unan sa mga rekord. Among pagahuptan ang among interes pinaagi ngadto sa adlaw sa pagtapos. Kung ikaw usa na ka Pangulo sa Tunghaan o Simbahan o nagplano pa, palihug sulat kanamo ug ipahayag ang imong mga kamatuoran alang sa isa ka pahina nga puno sa impormasyon kung unsaon pag-isyu’g katoohan ug makatarunganon nga mga sertipiko. Kini nga pahina dili magamit sa publiko isip balaodnong seguridad sa pagbatok sa pagpang- limbong.

Kinahanglan ba nga ang mga estudyante pormal nga paga bantayan ug eksaminon ?
Oo – sa among hunahuna, ilabina kung ang imong simbahan o Tunghaan sa Biblia gusto mohatag ug katuohan nga Sertipiko sa katapusan sa Kurso. Oo – kung ang mga estudyante gusto makadawat sa kinatibuk-ang benepisyo sa disiplinadong kurso sa pagtuon ug sa pagkatinuod ang mga tawo mipamatuod nga aduna silay nakat-unan pinaagi sa pag eksamin.
Dili – kung ang mga tawo mikuha sa mga pagtulon-an alang sa ilang kaugalingong kapuslanan ug personal nga pagtubo sama sa sinimanang pagtuon sa Biblia sa simbahan.

Kinsa man angmahimong superbisor sa estudyante ?
Una sa tanan ang Pangulo sa Tunghaan magkinahanglan ug mga superbisor kon dili siya rang usa ang magkabaguod sa mga bulohaton. Ang superbisor dili kinahanglan nga propesyonal o taas ug kinaadman. Among sugyot nga ang superbisor mahimong, sama pananglit – mga pastor, mga elder, mga katabang pastor, mga misyonero, mga retiro nga pangulo sa simbahan o misyon, mga ginikanan, pangulo sa hugpong o grupo, ug retiro’ng katawhan basta sila hingkod nga magtutuo, responsabli, tawo nga may maayo’ng gawi nga may kahibalo sa Biblia ug mogahin ug panahon paghisgot pag-ampo uban sa estudyante. Sa among pangagpas ang usa ka tawo makadala ug hangtud ngadto sa 6 ka estudyante, kapin kon kulang.

Unsay among buhaton kung wala nay igong mga superbisor sa among simbahan?
Ang maayo, nganong dili mangayo ug tabang sa laing simbahan, bisan pa gali gikan sa lahi nga klase sa simbahan sa kinatibuk-an. Ang pagpamuhat uban sa laing simbahan maayo kaayo ug sama sa ginaingon sa panultihon nga puthaw nga nagabaid ug puthaw. Mga retirong katawhan, mga retirong pastorug mga retirong misyonero kasagaran andam nga motabang. Mao kana ang normal nga mahimo. Uban sa dyutay’ng pasensiya ug pag-ampo, ako nagtuo nga ang Ginoo magahatud ug mga tawo sa imong hunahuna o sa imong purtahan.

Unsa may angay buhaton sa usa ka superbisor?
Among isugyot ang musunod gikan sa among kaugalingong kasinatian: Ang superbisor maoy mobasa ug mogrado sa mga pagtulon-an sa mga estudyante, ug labaw sa tanan kinahanglan nga mobati sama sa pastor diha sa mga estudyante. Ang superbisorkinahanglan nga mo tago ngadto sa Pangulong pastor o pangulo sa kurso ug motipig sa mga musunod nga simpli apan inampingang mga rekord aron pagsibo niini sa mga nahuman na mga pagtulon-an:

(1) Ang rehistro sa mga pagtulon-an nga nakompleto sa estudyante, uban sa petsa, ug pirma aron pagpamatuod nga ang estudyante nakakat-on sa maong pagtulon-an.

(2)Ang rehistro sa mga sinulat nga buluhaton nga parte sa matag pagtulon-an, uban sa petsa ug mga komentaryo mahitungod sa kantidad ug kalidad sa trabaho. Ang estudyante kinahanglan moandam kanunay sa iyang mga buhat alang sa eksaminasyon kung gikinahanglan. Ania ang giya alang sa paggrado:

Tungod kay kining maong Kurso gigamit sa tibuok kalibutan niadtong mga tawo diin ang Inglis maoy ilang ikaduhang pulong among gipabilin nga simpli ang plano sa paggrado. Samang plano sa paggrado ang magamit sa eksaminasyon.

A = 80% -100% Tinud-anay nga dungganong pagkahimo, iganti lamang kini sa tinagan-an. Ang mga superbisor kinahanglan nga moganti lamang sa A o A+ inkaso kung may mga extra ordinaryo na kaayo nga mga maayong trabaho, kon dili walay hinungdan sa paghatag ug ganti nga espesyal.
B = 70% - 79% Maayo kaayo nga trabaho, klaro nga nakasabot sa pagtulon-an.
C = 50% - 69% Kasarangan ang trabaho, mahimo pang molambo.
D = 50% ug ngadto sa ubos. Ang pagtulon-an o ang eksaminasyon kinahanglan pabalikan sa estudyante aron matuhog gayud ang buot ipasabot.

Matag grado adunay +  o  - , sama pananglit  B-  o  C+

(3) Ang rekord sa tumong ug mga resulta sa praktikal nga buluhaton uban sa titulo ug petsa. Wala kami nagapangita ug dihadiha nga kalampusan sa matag higayon, hinoon aron nga ang matag buluhaton sa gawas mamahimong kasinatian nga may nakat-unan.

Unsaon mo man pagrado sa mga sinulat sa A,B,C ug uban pa?
Kinahanglan nimong hukman sumala sa gitas-on sa nahimo, 350/400 ka mga pulong mao ang insaktong usa ka pahina alang kanako. Dayun akong tan-awon kung nakatubag ba ang estudyante sa pangutanan ug wala nagsulat ug tubag nga dinalidali. Dayun akong tan-awon ang sulod, ug akong pangutan-on ang akong kaugalingon kung ang estudyante nagtubag ba sa pangutanan diha sulod sa utlanan sa pagtulon-an, ug natural akong pangitaon ang kamatuoran, pagkainsakto ug presentasyon, kalimpyo ug pagkamabasa. Magpakonsulta ako sa usa ka magtutudlo sa hayskul alang sa pamaagi sa paghukom sa buluhaton nga masabtan sa lokalidad. Ubang mga kultura nagahatag bili sa ubang mga butang labaw kaysa uban ug importante nga atong mahibaluan kung unsa kini sila.

Asa man ang eksaminasyon ?
Imo kining makit-an diha sa tanag ma’download’ nga ‘packages’ ug uban niini ang giya unsaon paghatag sa eksaminasyon sa binahinbahin ba o sa tinibuok pag-abot sa katapusan. Ang sumbanan sa paggrado naa makit-an sa ibabaw. Ang pangulo sa simbahan o Tunghaan sa Biblia mahimong mosulat kanamo ug ipahayag ang imong mga kamatuoran ug pangayoa ang kopya sa mga sumbanan nga mga tubag.

Unsay mahitabo pagkahuman sa maong kurso?
Among sugyot nga sa katapusan sa mga pagtuon, sa dili pa mi-isyu’g mga Sertipiko sa Pagtapos ang Simbahan o Eskwelahan, ang pangulong pastor o pangulo sa maong eskwelahan kinahanglan mosusi ug motugot sa mga musunod:

1. Ang tulo ka klase sa papel talaan diin detalyado sa ibabaw uban sa mga opinyon ug mga pribadong rekomendasyon sa superbisor.

2. Ang mga resulta sa eksaminasyon.

3. Ang kinaiya ug kabubut-on sa estudyante sa panahon sa kurso.

Naandan na nga ang mga sertipiko ihatag sa Seremonyas sa Pagtapos diin tanan kasimbahanan, pamilya ug mga kahigalaan imbitado sa pagtambong. Among hangyuon ang mga estudyante sa pagpahayag diha sa publiko sa ilang panan-awon alang sa umaabot nga pag-alagad.

Unsaon sa among kaugalingong eskwelahan o simbahan pag-isyu ug may kredito nga mga sertipiko ?
Dili kini malisod. Kung ikaw usa ka pangulo sa eskwelaahn o simbahan sulat kanamo ug ipahayag ang imong mga kamatuoran alang sa usa ka pahina nga puno sa impormasyon kung unsaon pag-isyu ug may kredito nga sertipiko. Kini nga pahina dili magamit sa publiko isip balaodnong seguridad sa pagbatok sa pagpang- limbong.

Back to Top

 

Unsaon ko pagdumala ang akong kompyuter ?

 

Mawala pa ako diha sa website tungod kay bag-o pa ako sa mga kompyuter.
Uban sa hinay-hinay nga pag-praktis mahimo na unya nga sayon kanimo ang tanan. Pagpa-ilob sa imong kaugalingon, ug ayaw kalisang. Kini usa lamang ka makina ug ikaw mao ang gadumala. Buhaton niini ang imong buot ipabuhat niini. Kanunay tan-awa ang mga link sa ibabaw niini’ng mga pahina, ug bisan ang kadaghanan sa uba’ng mga tawo. Sila magadala kanimo paatras man o paabante. Ug dunay mga arrow sa imong menu bar nga makita sa ibabaw nga sama ang gibuhat. Kung madaut balik lang sa www.dci.org.uk ug sugod sa uno.

Unsaon naku pagtan-aw sa akong gitun-an diha sa screen ?
Ang tanang mga titulo sa pagtulon-an may liniyaha’ng mga hyperlink diin nagpasabut nga pinaagi sa pag-click sa blue link imong makita ang pagtulon-an, ug kung gusto nimo mahimo nga imo kining i-download sa imong PC.

Unsaon nako pagkaplag sa mga topiko nga maka-interesar kanako ?
Pangitaa sa tibuok website ang mga pulong nga gusto nimo ug may pahina nga magahatag kanimo ug mga lista nga angay nimo’ng pangita-on.

Unsaon ko aron makaprinta ug gamay / daku ?
Kini nga mga pahina mugula nga medyum ang sukod diin gidesinyo alang sa screen nga na-uyon sa 800x600 pixels. Ang sayon nga paagi sa pagpadaku sa sukod diha sa ‘Internet Explorer programme’ mao ang pag-adto sa ‘View/Text Size’ ug ngadto sa ‘the adjust to setting to Smaller, Medium or Larger’ kung unsa imong kinahanglan.

Ngano’ng dili man ko makasulod ngadto sa pahina aron pagtan-aw sa pagtulon-an ?
Kung dili mo-abli ang pahina sa imong ‘double-click’ nan kini nagpasabot nga ang ‘Internet’ tali kanimo ug kanamo napuno nianang higayuna diin dili talagsaon. Imong sulayan pag-usab taudtaud. Kung makakuha ka ug ‘404 Page Not Found’ nga sipyat sulayi lang pag-usab taudtaod, kini ang panagdasok, apan kon kini magpadayon palihug ipahibalo kini aron maayo dayon sa among  webmaster@dci.org.uk

Unsaon pagprinta sa mga pagtulon-an ?
Mga pahina sa Internet kasagaran dili gyud sayon nga printahon. Ang maayong paagi sa pagprinta mao ang pag ‘Select All’ sa pahina, nga kalagmitan Ctrl + A, dayun pag ‘Copy’ sa pahina diin kalagmitan Ctrl + C. dayun abli ngadto sa imong ‘Word Processor’ ug pag ‘Paste’ diin Ctrl + V. Mas maayo gikan sa imong ‘Edit Menu’ pilia ang ‘Paste Special/Unformatted Text Both’ niini dayun ibutang ang teksto ngadto sa imong ‘Wprd Processor’. Dayun pwede mo na’ng usbon ang kolor, sukod ug han-ay nga imong nauyonan ug sa sukod sa imong papel.

Maka download ba ako diha sa Word 7/Office 97 nga pormat diin dali moprinta?
Oo, makakaplag ka ug ‘file’ nga paspas nga mo’download’ diha sa ‘Word 97’ nga pormat sulod sa pahina sa Download. Aduna usab lai’ng daku ug mas hinay mo’download’ nga ‘Word file’ diin nagsulod sa tana’ng pagtulon-an diha sa orihinal porma sa libro uban sauban sa kolumna ug daghang mga ilustrasyon, diha sa Iningles o Kinatsila.

Mahimo ba nga tingbon pag-kuha ang tanang pagtulon-an ?
Oo, sayon sa sulod lamang sa duha ngadto sa napulo ka minutos. Kuhaa kini gikan sa Download nga pahina diin may simpli nga mga tambag kon unsaon pagdawat sa mga pahina.  Ang pinakamaayong panahon sa pag-‘download’ mao nga kung nangatulog na ang mga taga-Amihana’ng Amerika ug wala gagamit sa ‘internet’.

Maka konektar ba pinaagi sa ‘Web TV / WAP Mobile Phone / Palm’, ug uban pa
Unsaon ko pag’download’ sa inyong mga ‘file’ ug mga pagtulon-an ?
Gikasubo nga dili mahimo. Palihug adto sa pinakaduol nga nagparenta ug kompyuter nga pang’internet’ ug ‘download’ ang bersyon nga ‘Word’ agi sa PC o Mac ug dayun printaha ang mga pagtulon-an ug dayun dad-a sa balay.

Back to Top

 

Mga pangutana ug mga tubag

Gikan sa inyong mga ‘e-mails’

Mahimo ko bang tawgon nga Eskwelahan sa DCI ?
Salamat sa imong pagtuo apan alang sa mga leagal nga rason, mas maayo alang kanimo kung mogamit ka sa imong kaugalingong ngalan, kay samtang nagagamit kamo sa ngalan niining ‘Charity Trust’ nga walay pagtugot ug permiso makahatag kaninyo ug mga problema ug interes gikan sa mga opisyal. Hinuon makahimo ka pagsulti nga ikaw nagagamit sa mga materyal ug mga pagtulon-an pinaagi sa Tunghaan sa Misyon nga gipangamahan sa ‘DCI Trust’ dinha sa England.

Mahimo ko ba kini nga Kurso pinaagi sa pagsinulatay uban kaninyo ?
Gikasubo, wala kami igong mga sakop nga modumala sa tanang mga sulat. Ang maayong paagi mao ang pagpangita ug lokal nga superbisor ug pamuhat uban kaniya. O pagbutang ug mubo’ng sulat sa among ‘World Notice Board’ sa pagpangayo ug tagsinulatay.

Unsay laing mga pinulongan ang anaa ?
Aduna kita’y mga pagtulon-an sa Iningles, Kinatsila, Hindi, Indonesyan, Mooré, Romanhon, Rusyanhon, Telegu ug Inintsik. Amo’ng dawaton ang tana’ng tanyag sa paghubad sa mga pagtulon-an ug usahay motagana pa ug pahinungod sa maghuhubad.

Unsa inyong ikarekomenda alang sa siminar sa mga pastor ug mga lider ?
Kung aduna kamo’y panahon para sa pito ka sesyon, ug ang katawhan nakahibalo na sa mga punoa’ng pagtulon-an nan girekomenda namo ang musunod nga mga pasukurana’ng topiko gikan sa atong pinaka-listahan:

11. Plano sa Dios Alang sa Kalibutan; 12. Ang Daku’ng Sugo; 38. Ipabalik ang Hari

63. Pagtubo sa Simbahan; 64. Ang Nagaani nga Simbahan; 65. Magbubuhat nga Simbahan

66. Manunudlo nga Simbahan

Pwede ba ako’ng makapakopya para sa uban ?
Oo, makatabang ikaw sa imong kaugalingon ug makapanghatag sa bisag unsa nga imong makita sa ‘Website’.  Dili namo igsapayan. Dili ka namo paninglon sa ‘copyright’, basta imo lang ihatag sama sa among paghatag kanimo, ug mopabayad lamang sa aktwal nga kopya.

Kinsa kamo ug asa kamo gikan ?
Kami ania sa Englantera, ug aron pagdaginot sa gasto naa kami nagbasi sa usa ka gamay’ng balay diha sa usa ka umahan sa gamay’ng baryo nga may 24 ka panimalay. Ang among mga kauban ug mga estudyante nagagikan sa lainlaing sakop sa kalibutan. Kung mosulod ka niining pahina imong makit-an kung kinsa Ang DCI Trust ug unsay ilang ginahimo, ug kining pahina mopakita kanimo kinsa ang mga Direktor sa Eskwelahan, among mga kinahanglan ug kung diin gikan kining maong pahina.

Unsa’y buot ipasabot sa DCI ?
Ang DCI gikan sa Roma 1.1 diha sa Biblia diin diha sa orihinal nga sinultihan ni Pablo gihulagway niya ang iyang kaugalingon isip 'Doulos Christou Iesou' – usa ka suluguon ni Hesu Kristo. Kini nga titulo gikan pa sa 1986 nagpahinumdum kanamo sa among dapit ug tawag sa pag-alagad sa Ginoo ug sa katawhan sa kalibutan.

Unsa nga simbahan o dinominasyon kamo nasakop ?
Ang “World Christian’ nga kalihukan sa tuyo walay gisakupan nga dinominasyon ug ang mga katawhan nga nagapamuhat o kinsa nakabenepisyo gikan sa among gisilongan nga kapunongan, Ang DCI Trust nagagikan sa daghang nagkalainlaing ekspresyon sa Kristohanong pagtuo. Mahitungod sa eskwelahan, nasakop kamo sa Unibersidad sa NCI dinhi sa Estados Unidos. Dinhi sa basi sa UK ang Direkto ug iyang asawa nasakop sa ebanghelyohanong simbahan sa baryo nga gitawag ug Riverside Christian Fellowship , diin may taas taas ug sugilanon. Ang ‘Riverside’ adunay 240 ka mga membro, dagha’g kabatan-onan, ug paspas nga nagatubo. Ang Pastor mao si Steve Wendels ug adunay upat ka mga elder kinsa makigkita kanamo matag karon ug unya ug nagatabon kanamo sa ilang mga pag-ampo ug tambag. Ang simbahan may pagka karismatik, nagatuo sa Biblia ug may dedikasyon diha sa pagsimba.

Aduna ba kamo’y panghimatuod sa pagtuo ?
Kami anaa sa panag-uyon uban sa gisaysay’ng pagtulon-an nga gi-isyu pinaagi sa UK Evangelical Alliance  diin kami nasakop sa dagha’ng katu-igan, ang mga musunod:

Amo’ng gidawat ang pinadayag sa usa ka Dios isip Amahan, Anak ug Espiritu Santo nga gihatag sa mga Kasulatan sa Daan ug Bag-o’ng Tugon ug among ginasugid ang makasaysayo’ng pagtuo diha sa Ebanghelyo. Kami nagatuo sa musunod nga pasukarana’ng pagpadayag sa pagtuo nga dapat mo-produkto’g pagbinaslana’y sa gugma, paraktikal nga Kristohano’ng pagserbisyo ug ebanghelyohano’ng pagpakabana ug dili panagbahin-bahin.

1. Ang pagkagamhanan ug grasya sa Dios Amahan, Dios Anak ug Dios Espiritu Santo diha sa pagmugna, pag-alima, pagpadayag, pagtubos ug katapusa’ng paghukom.

2. Ang balaano’ng lamdag sa Balaa’ng Kasulatan ug ang iyang nasangputan nga kinatibuk-a’ng pagkamasaligan ug gamhana’ng awtoridad sa tana’ng matang sa pagtuo ug kalihokan.

3. Ang pagkamakasasala sa tanan ug sayop sa nalaglag nga tawo, nagahimo kaniya nga sakop sa Diosno’ng kapungot ug pagkahinukman.

4. Ang pakigbaylo ug sakripisyo sa nabuhi nga Anak sa Dios isip bugtong ug igo nga tinubdan sa kaluwasan gikan sa kasaypanan ug gahum sa sala, ug sa wala’y katapusa’ng sangputanan.

5. Ang pagmatarong sa makasasala piaagi lamang sa grasya sa Dios diha sa pagtuo kang Kristo nga nalansang ug nabanhaw gikan sa kamatayon.

6. Ang pagdan-ag, paghatag bag-o’ng kinabuhi, pagpuyo ug pagbalaan nga buhat sa Dios Espiritu Santo.

7. Ang pagkapari sa tana’ng mga magtutuo, kinsa mihimo sa unibersal nga Simbahan, ang Lawas diin si Kristo mao’y Ulo ug diin mitugyan diha sa Iyang sugo sa pagwali sa Ebanghelyo sa tibuok kalibutan.

8. Ang paghulat sa personal, dayag nga pagbalik ni Ginoo’ng Hesu Kristo diha sa gahum ug himaya.

Unsaon ko pagbalos ug tabang kaninyo ?
Salamat sa paghuna-huna mahitungod niana, amo’ng ikalipay ang tana’ng tabang bisan wala kami mopabayad sa mga pagtulon-an diha sa ‘Internet’ nga bersyon o sa aktwal nga tunghaan man. Wala kami gadawat ug denominasyonal o kapunongang suporta. . Kung ang Eskwelahan sa Misyon nahimo’ng panalangin kaninyo, nan ang gasa makatabang kanamo paghatag niini nga libre ngadto sa uba’ng nag-usbaw nga kalibutan nga wala’y kapangitaan ug pundo para sa ilang pagtuon, ug makatabang usab kami sa mga bag-ong nakatapos ug mga pangulo sa pagsugod ug mga bag-ong misyon o mga proyekto sa pagtabang.

Back to Top

 

 Unsaon pagkontak kanamo
Sa dili pa nimo buhaton sulayi ang ‘ Ctrl+F ’ aron pagpangita niining pahinaa sa mga ‘keyword’
O sulayi Pagpangita aron pagpangita sa tibuok ‘website’

Gusto ka ba ug dugang impormasyon apan dili mo lang makit-an ?
Pislita kini aron pagtan-aw sa tanang mga pagtulon-an
Pislita kini aron pag’download’ sa tanang mga pagtulon-an
Pislita kini aron pagsusi sa igtutultol nga pahina

Maka ‘e-mail’ sa among Direktor pinaagi sa pagklik niini

Motubag kami dayun samtang mahimo, kasagaran gani sa maong adlaw, apan pagdaginot sa oras siguroa nga ang imong mga pangutana kanang wala pa matubag niining pahinaa o sa bisan asa niining ‘website’. Sulayi ang Ctrl+F aron pagsusi sa ‘key word’ sa imong ipangutana. Basin ang tubag anaa na dinhi, ug unya wala nay paglangay alang kanimo. Makahimo usab ikaw Pagpangita osa atong tibuok ‘website’ sa pipila ka mga segundo.

O padala ug sulat sa:
DCI, Riverside, PO Box 5091, Nottingham, NG25 0DL, England.

Among gikasubo
apan dili kami makahimo pagbalos sa inyong mga hangyo alang sa salapianong suporta. Gusto man kaming motabang sa matag usa apan wala man usab kami kapangitaan o mga kontak sa paghimo niini. Mohimo kami kada tuig sa kadaghanan sa daghang lugar apan dali ra kami moabot sa among mga limit.

Palihug hinumdumi usab nga ang pagpangayo ug personal nga pagpatambag pinaagi sa ‘e-mail’ dili maoy pinakamaayong ideya, ug among girekomenda nga personal kang makig-istorya sa imong pastor o sa ubang mga pangulo sa simbahan sa imong dapit kinsa makaampo uban kanimo, bisan pa man amo usab nga paningkamutan nga makatabang kutob sa among mahimo.

Back to Top

The World Christian
Tunghaan sa Misyon

Walay mga paril, Walay mga utlananUg walay bayad

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk