Kinsa Ako ?
Enero, 1999
Unang Edisyon sa ‘Internet’Mga Minahal Nga Estudyante ug Mambabasa,
Wala ako’y katungdanan sa simbahan, pulpito, relehiyusong titulo o sweldo. Ako nagasulti lamang mahitungod kang Hesus matag karon ug unya diha sa simbahan sa lokal nga baryo nga among gitambongansa akong nasud, apan ang akong mga higala, mga kaubanan ug akong mga kanhi estudyante nag-angkon ug responsibilidad sa linibuan ka katawhan, kasagaran kanila mga kabus sumala sa ubang sukaranan, sa nagkalainlaing nasud sa kalibutan.
Ako natawo ug hangtud karon nagpuyo dinhi sa Kasadpan, apan usahay matingala ako kung dili ba kaha kini usa sa talagsaon nga sayop sa Dios. Panagsa mobiya usab ako sa akong minahal nga pamilya mga duha ka simana ang gidugayon hinuon malipayon gihapon ako sa paggahin ug halos walay tulog nga panahon sa pagpamuhat sa Aprika, sa India o bisan pa sa halayo diin wala nay lain nga makaadto.
Kaniadto, usa ako ka negosyante nga may daku’ng balay ug daku’ng sakyanan, apan karon ang akong mga banggiitang higala, diin ako untang gisaligan, nalakip na sa mga nahikalimtan nga mga tawo sa kalibutan. Sa una grabe ako ka palainom, ngil-ad ug pagtratar sa mga tawo, nakahimo ug daghang kasaypanan ug wala gani nagbalibali niini. Dayon sulod sa 1977 si Hesus mitagbo kanako; iya akong giluwas, giayo ako, gihataga’g kagawasan sa dili maihap nga mga bisyo ug kinaiya, gipuno niya ako sa iyang Espiritu ug gitawag aron pag-alagad kaniya. Kini akong nahimo sulod sa baynte-dos ka tuig uban sa grasya sa Dios lamang, ugbuban s atabang sa akong pamilya ug gamay’ng pundok sa kahigalaan sa nagkalainlaing simbahan. Kung gusto ikaw makahibalo ka ug dugang pa niining pahina dinhi sa itudlo nga website.
Ang mga pagtulon-an niining libroha nahimong panalangin kanako ug ako naghinaot nga kaninyo usab. Ang mga kasaypanan akoa lamang; palihug pasayloa ako, usa pa lamang ako ka magtutuon ug andam nga makorihian.
Kauban sa akong asawa ug mga anak among gipadala kaninyo ang among pangamusta uban sa among mga pag-ampo, lamang naghangyo nga inyo usab kaming i-ampo.
Kinsa ako ? Ako inyoha, tungod kang Hesus,
Kauban Nga Alagad
© The DCI Foundation
Ang pagtugot
gihatag aron pagprodukto ug mga kopya sa hinungdan nga kini matun-an
apan dili alang
ibaligya o sa pangkomersyo nga hinungdan.
Kay libre nimong nadawat, libre usab nga ihatag.