83. Gingharian O Kalamidad

Mga mensahe gikan sa langit alang sa katapusang mga kapanahunan

Tan-awa ang mga Pagtulon-an

 Basaha Kini sa Imong Bibliya
Pinadayag kapitulo 14.

Ani-a ang Imo’ng Sag-ulohon nga Bersikulo
Kahadloki ninyo ang Dios, ihatag ninyo kaniya ang himaya, kay miabot na ang takna sa iyang paghukom.
Ug simbahon ninyo ang nagbuhat sa langit ug sa yuta ug sa dagat ug sa mga
tuburan sa mga tubig. Pinadayag 14.7.

Pagkahuman Hisguti ang Mahitungod Niini
Hisguti kung unsay inyong pagtan-aw sa upat ka magkakabayo sa adlaw sa apokalipso
nga nagasakay taliwala sa yuta sa imong mga kapanahonan.

Usa ka Butang Angay Buhaton sa Dili pa ang Musunod
Pagsulat ug artikulo nga matinud-anong nagapahinumdum sa mga katawhan mahitungod sa Biblikanhong propesiya
nga may kalabotan sa pagkawala sa mga maayong kaugmaon patigayon, ug pagtunol niini ngadto sa inyong mga lokal nga pamantalaan ug mga estasyon sa radyo. Walay makalilisang nga mga pamaagi o basin makuhaan ka sa kredibilidad.

Sinulat nga Buluhato’ng Pangdiploma
Pagsulat ug usa ka pahina nga nagsugyot mahitungod sa unsay mas maayong paagi sa pagsimba
sa Ginoo kaysa atong kasagaran ginabuhat sa atong mga serbisyo sa simbahan, diha sa
paghatag kapangakoan sa mga pamaagi aron paghatag kaniya sa kahimayaan.

Pamalandungi ang Matag Pulong Niini’ng Bersikuloha
Pinadayag 19, 1-2

Pag-gahin ug Pipila ka Minuto aron sa Kausaban sa Kalibutan

Pray For Eritrea - 4,000,000 in nine major peoples

30 years of war and drought, 50% Muslim, 40% Orthodox

Huge challenge to rebuild the nation

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Kadaghanan sa mga katawhan nagatuo nga anaa kita karon sa mga katapusang adlaw sa dili pa mobalik si Hesus ingon nga Hari. Sa tinuod, walay laing ulahi nga adlaw kaysa pagka karon. Ang bag-ong kalibohan ka tuig ug ang pagbalhin sa tuig 1999 ngadto sa tuig 2000 usa ka dakung mapanagnaong kaikag alang sa kadaghanan samtang ang bag-ong pag-abot sa tuig 6000 diha sa Hudiyong kalendaryo makahuloganon usab alang sa uban. Ang mga Sentipiko na-alarma usab mahitungod sa panghitabo sa palibot, nagapadayon ang politikanhong krisis, ug sa espirituhanon atong nahibaloan nga ang sala, krimen, pagka walay hustisya ug pagka dili maki-angayon dili molungtad hangtud sa hangtud. Adunay umaabot nga mahitabo.

Ang Mga Tawo Nga Nagakabayo Sa Adlaw Sa Apokalipso

Diha sa libro sa Pinadayag 6, 1-8 atong nakat-onan ang mahitungod sa upat ka magkakabayo kinsa magasakay dinhi sa yuta. Wala gani matino ang mga kasikas sa mga tiil sa kabayo. Ang nagasakay sa puti nga kabayo mao si Hesus kinsa maoy modaug sa mga kasingkasing sa mga katawhan. Pinadayag 19.11.

• Ang pula nga kabayo nagasunod ug siya nagabawi sa kalinaw sa kalibutan samtang ang mga katawhan magpinatyanay sa matag usa ingon sa duha ka mga gubat sa kalibutan ug ang bag-ohay lamang didto sa Bosnia, Kosovo, Sierra Leone, Eritrea ug Rwanda.
• Ang itom nga kabayo nagadala ug kadaut sa ekonomiya sa mga kanasuran hangtud nga ang mga kabus wala nay makaon, apan ang mga adunahan mosamot kaadunahan taliwala sa krisis.
• Sa katapusan ang luspad nga kabayo nga gisakyan ni kamatayon kinsa nagahakot sa mga katawhan pinaagi sa kagubot, balatian ug katalagman.

Apan salamat kay ang Biblia nag-ingon nga sa dihang ang kadautan nagahari, mas labaw nga mohari ang grasya, Roma 5.21. Makighimamat kita karon sa tulo ka mga anghel nga may tino nga mga mensahe gikan sa Dios alang sa mga katapusang takna. Basin kini sila mga Kristohanong mga pangulo kinsa mipatalinghug sa kalibutan kay diha sa Pinadayag kapitulo 2 ang pulong anghel naglangkob ngadto sa mga pangulo sa mga kasimbahan.

1. Ang Unang Anghel

Nagaproklamar sa langitnong ebanghelyo ngadto sa tanang kanasuran, mga tribo ug mga pinulongan ingon nga maoy numero 1 nga prioridad sa Dios. Aduna siyay tulo ka mga mensahe:

1. Diha sa mahadlokon nga kalibutan – kahadloki lamang ang Dios.
2. Hatagi siya sa himaya. Sulod sa mga panahon sa kahibulongan nga mauswagong kinaadman, sa medisina ug sensya, ang Dios nagapaabot nga hatagan sa pagpasidungog ug pagpasalamat alang sa iyang gihatag nga kaayo.
3. Siya lamang ang simbahon, ang magbubuhat dili ang binuhat. Usahay ang pagsimba dili lamang ang pag-awit sulod sa simbahan. Makahimo usab kita pagsimba sa Ginoo pinaagi sa pakig-ambit uban kaniya sa iyang mahinungdanon nga pagtapos sa Dakung Sugo. Roma 12, 1-3.

2. Ang Ikaduhang Anghel.

Siya nagapropesiya nga, ‘Ang Babelonya malaglag.’ Pinadayag 14.8. Ang Babelonya maoy puy-anan sa mga demonyo ug mga dautang espiritu nga nagapakuyanap sa mga salamangkahong gahum aron paghatod sa mga nasud ngadto sa pagkasaag ug ngadto sa kasuko, aron pagpatay sa kadaghanan sa mga santos. Ang mga Hari, mga pangulo ug mga magpapatigayon nagapanapaw, uban kaniya kay siya maoy nagahatag kaluho ug bahandi ug nagahimong bantugan sa mga magpapatigayon. Ang Babelonya nagapatagbaw sa mga kailibgon sa mga tawo alang kaugalingon o hinugpong nga bahandi ug kaluho. Kining pagpamaligya sa mga maluhoon nga mga butang maoy hinungdan sa minilyon nga kakulang sa pagkaon ug maoy hinungdan sa pagbaligya sa kaugalingon ug bisan sa pa kinabuhi ug kalag sa ilang mga kaanakan. Tan-awa sa Pinadayag kapitulo 17 ug 18.

Kadaut Sulod Sa usa Ka Oras!
Sulod sa usa ka oras siya mahatod ngadto sa kadautan! Mahimo ba kini? Ang Ginoo nagahatag daghang mga pagpahi-mangno sa dili pa dugay. Sama pananglit, ang pagkatumpag sa emperyo ni Maxwell. Ang kapakyasan sa Hapones nga mga bangko. Ang mga pagsaka ug pagkatumpag sa mga kabtangan sa ‘Internet’ ug teknolohiya. Hinumdumi ang maka-lilisang nga gitawag ug ‘Maitom nga Miyerkules’ sa tuig 1992 sa dihang ang mga kalibutanong manlalantaw midaut sa bili sa ‘pound’ o matang sa salapi sa laing nasud ug Oropanhong panalapi. Ang mga magpapatigayon, lakip na ang mga pastor nawad-an ug minilyon ka kantidad sa ‘pound’ sulod sa usa ka oras diha sa Pamatigayon sa Englatera. Ang Nasyonal nga pang-ekonomiya sama sa Korea ug Brazil nadaut sulod sa pipila ka mga adlaw.

Gawas Gikan Kaniya Akong Mga Katawhan
Kini ang mga pahimangno gikan sa langit alang sa mga katawhan sa Dios aron pagpaminaw sa gimando sa 18.4. Mahimong atong ihatag ang atong mga kinabuhi ug mga kabtangan ngadto sa Dios o mawala kini kanato samtang ang pamaagi sa kalibutan magadawat sa iyang dugay na nga paghukom. Kinahanglan nga siguradohon sa mga Kristohanon nga ang ilang mga inipon sa bangko, mga puhonan ug mga bahin sa mga patigayon maanaa sa mga maayong kamot ug dili sa sayop nga dapit. Haggeo 2.6-7, Jeremias 51, 6-7. Ang Babelonya malaglag.

3. Ang Ikatulong Anghel.

Ang mensahe sa ikatulong anghel mao ang pag-andam sa mga katawhan sa Dios aron dili makig-uyon uban sa pamaagi sa mananap ni magadawat sa iyang marka aron lamang makapamalit, o basin imong madawat ang kapungot sa Dios, Pinadayag 14.9; 13, 11-17.

Kinsa Ang Mananap?
Siya ang umaabot nga politikanhong pangulo sa kalibutanong pagka-inila. Usa ka madanihon, gamhanan nga tawo uban sa mapugsanong pamaagi nga nagakalipay sa pagpaluyo sa dautang gahum nga nagkinahanglan ug pagsimba.

Unsa Kini Nga Marka?
Ang teknolohiya sa pagbutang niining marka anaa na sa Kasadpan ug nagahulat lamang nga madawat sa kadaghanan. Usa ka ‘electronic bar code’ diha sa kamot o sa ulo ingon nga maalamong ideya sa pagkontrolar sa krimen, ug bisan pa sa pagkuha ug kwarta.

Gikinahanglan nga makaplagan sa mga Kristohanon ang pagtuo diha sa Dios alang sa pagtagbo, Isaias 55, uban sa pagka dili materyalistik nga pamaagi sa kinabuhi, Mga Buhat 2, 42-47, aron mga malikayan ang pakig-uyon. Kini naglangkob ug mapailubong paglahutay diha sa bahin sa mga katawhan sa Dios ug mahimong mohatod ngadto sa pagka martir sa pipila. Kini nagkinahanglan ug matag adlaw nga pagpatay sa kaugalingon atubangan sa mga pagbiaybiay ug pagpinig.

Mahandurawong Pagpanlantaw O Propesiya?
Unsa may imong nahimo niining tanan? Basaha ang Zacarias 1.4-6 sa dili pa ikaw motubag.

4. Ang Duha Ka Pagpang-ani Sa Kalibutan.

Una pinaagi kang Hesus
Kinsa nagamando sa mga pagpang-ani sa mga katawhan sa Dios dinhi sa kalibutan aron makig-uban kaniya sa walay katapusan.
Pinadayag 14,14-16; Daniel 7.13.

Ikaduhang Pag-ani Mao Ang Walay Katapusang Kamatayon
Pinaagi sa anghel nga gihatagan sa katungod sa kalayo sa paghukom ug kalaglagan alang niadtong nagdumili sa pagkahadlok sa Dios, sa paghatag kaniya sa himaya o pagsimba kaniya, nga mipili sa pagpabilin sulod sa gingharian ni satanas. Mao kini ang pag-ani sa makahahadlok nga dapit sa kapungot sa Dios. Pinadayag 14.11; 17-20; 2 Pedro 3.12.

Karon atong nasabtan ang madasunong pagkadinalian sa mensahe sa unang anghel gikan sa langit nga mao ang pagtapos sa Dakung Sugo. Magkinahanglan kita sa matag usa sa mga panahon nga umaabot. Sa pagkakaron kinahanglan nga magtigom kita ug mga langitnong bahandi pinaagi sa pagbutang sa atong mga kinabuhi diha sa buluhaton sa Dios uban sa mga nahisalaag ug sa mga kabus, gamit sa atong kalibutanong bahandi aron pag-angkon ug mga higala pinaagi sa pagdala sa maayong balita sa gingharian ngadto sa tanang kanasuran. Mateo 6.20; Lukas 16.9.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk