82. Ang Hiniusa Nga Gingharian

Unsa may problema sa kalibutan ? Ako, ingon ni George Bernard Shaw

Tan-awa ang mga Pagtulon-an

 Basaha Kini sa Imong Bibliya

Juan 17, Mga Buhat 10

Ani-a ang Imo’ng Sag-ulohon nga Bersikulo
May usa ka lawas ug usa ka Espiritu, ingon nga gipanawag kamo sa usa ka paglaum
sa pagtawag kaninyo, usa ka Ginoo, usa ka pagtuo, usa ka pagbautismo; usa ka Dios
ug Amahan sa tanan, siya nga anaa ibabaw sa tanan, ug sa sulod sa tanan. Mga Taga-Efeso 4,4-6.

Pagkahuman Hisguti ang Mahitungod Niini
Sutaa ang imong kasingkasing sa mga pagpanaway, mga daan nang gilaraw nga mga ideya ug mga tradisyon
ug isugid ug hinulsoli kung kinsa kadtong imong gituohan nga mahugaw,
nga gihinloan na sa Dios. Kinsa man si Cornelius sa inyong dapit?

Usa ka Butang Angay Buhaton sa Dili pa ang Musunod
Niining simanaha bisitahi si ‘Cornelius,’ ingon man kutob sa mga pastor, mga sacerdote ug mga katawhan
gikan sa laing kasimbahanan nga imong maadtoan aron pagdasig kanila.

Sinulat nga Buluhato’ng Pangdiploma
Sulod sa usa ka pahina pagtanyag kung unsay angayan buhaton diha sa inyong dapit
aron nga ang mga katawhan makatuo tungod sa atong panaghiusa.

Pamalandungi ang Matag Pulong Niini’ng Bersikuloha
Mga Taga-Efeso 4.3

Pag-gahin ug Pipila ka Minuto aron sa Kausaban sa Kalibutan

Pray For Colombia - 35,000,000 Spanish speakers

93% Catholic, 3.1% Evangelicals, notorious for drugs and violence

Significant church growth

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Matubag Kaha Ang Pag-ampo Ni Hesus?

Si Hesus nag-ampo nga kita magkahiusa ingon nga ang Dios Usa, bisan gani ang tulo ka managlahi nga mga persona nahiusa diha sa Pagka-usa. Buot usab sa Dios nga ang iyang mga karnero mahimong mahiusa bisan sa ka daghan sa mga kalahian, ubos sa usa ka Magbalantay. Ang pinakadaku nga hinungdan sa pagtamay sa mga katawhan mao ang mga pagbahinbahin sa kasimbahanan, ug mao usab kini ang pinaka kasagaranan nga hinungdan nganong wala mahatagi ug pagtagad ang ebanghelyo. Kasagaran gamay ra ug problema mahitungod sa Dios apan ang paagi sa atong pagpresenta usahay niini mahimong maka-eskandalo. Juan 17.11; 21,22; 10.16.

Namuhat Ba Ang Imong Pag-ebanghelyo?
Nagagasto kita ug dagkung salapi diha sa misyon apan mihatag lamang ug gamay nga pagtagad sa mga pinaka-epektibo nga mga pamaagi sa pag-ebanghelyo. Juan 17,21-23 ug Juan 13,34-35.

2. Ang Saad Sa Pagkahimong Usa.

Dugang Dihog Ug Pagtagbo
1 Mga Cron. 12, 38-39, 2 Samuel 2,4 sa dihang si Dabid ug ang mga banggiitang kalalakin-an nagkahiusa.

Pagasugoon Ang Panalangin
Ang Bukid sa Zion usa ka uga, abogon nga dapit apan sa dihang ang mga kaigsoonan nagkahiusa ingon nga ang Zion nagmalipayon sa matag adlaw nga kinabuhi samtang nagahatag sa tubig nga maoy nakapabantogan sa Bukid sa Hermon. Ang lana sa kaayohan ug dihog naga-agas gikan sa ulo sa tibuok lawas. Salmo 133

Nganong Pilion Man Nato Nga Matunglo?
Ang maong mga panalangin imposibli sa dihang atong ipamugos ang nagkadaiyang mga denominasyon uban sa ilang mga kaugalingong kasimbahanan, kolehiyo, panaghisgut ug mga misyon. Ang Denominasyonalismo batok ngadto sa pag-ampo ni Hesus, ug nagabutang ug paril sa pagpihig nga ginapadayon sa mga henerasyon sa mga ekslosibo nga mga pangulo. Ang tanang nagadasig niini dili matinud-anon sa kasingkasing sa Dios.

3. Nganong Nahitabo Man Kini?

Mga Katawhang Nangalaglag
Kinahanglan atong masbatan nga bisan ang mga Kristohanon adunay kahakog, mga ma-indigon nga mga ambisyon nga nagatinguha sa gahum ug kaugalingong kagamhanan gawas kung masanta.

Yawan-ong Pamaagi
Sa dugay’ng panahon nakig-uban si satanas sa Simbahan, aron pagpamuhat diha sa sulod inay mo-asdang gikan sa gawas. Lukas 11.17.

Kita Nagatukod Ug Mga Paril Dili Mga Pundasyon
Nakahinumdum ka ba niining pulonga: AIDS – alang sa panaghiusa.

A alang sa mga absuloto,
I alang sa mga interpretasyon,
D alang sa mga doktrina ug
S alang sa mga salabotan.

Sa dihang magatutok kita sa atong mga Absuloto sama sa pagka-anaay Dios, kasal-anan sa tawo, si Kristo ingon nga Manluluwas ug sa kinabuhing walay katapusan mahimo kitang hiniusa sa matag usa. Ang mga absuloto maoy komon nga kapasikaran sa dihang maga-atubang kita ug mga mini nga mga relihiyon.

Apan sa dihang magapadayon kita sa pagwali sa atong kaugalingong mga Interpretasyon sa mga bersikulo, o sa atong kaugalingong mga Doktrina gikan sa mga han-ay sa bersikulo, o ilabina kung atong ipamugos ang atong kaugalingong kulturanhon o Salabotan nga mga pagbati nan dali ra kitang makatukod ug mga paril nga maoy makabahin kanato.

4. Ang Pagkahimong Usa.

Salamat sa Dios nga daghang mga dapit sa kalibutan ang bag-o ug lab-as nga hangin gikan sa Dios nagahuyop. Unsa may atong mahimo aron pagdala ug kaayohan ngadto sa nabungkag ug nabahinbahin nga lawas ni Kristo?

Paghinulsol
Usa ka banggiitang pilosopo nga si George Bernard Shaw makausa nag-ingon, "Unsa may problema sa kalibutan?" Iyang gitubag ang iyang kaugalingong pangutana, nga nag-ingon, " Ako." Ang kalahian tali sa duha ka mga pulong ‘UNITED’ o PANAGHIUSA ug ‘UNTIED’ o BINADBARAN mao lamang ang posisyon sa usa ka letra, ang letra ‘I’. Ang tubag kanunay nagasugod kanako ug sa akong posisyon nganha kanimo.

Tipigi Kung Unsa Ang Gihatag Sa Dios
Mga Taga-Efeso 4.3 nagsulti kanato sa pagtipig sa panaghiusa sa Espiritu diha sa kalinaw. Ang pagtipig sa usa ka butang nga masabtan nga kini anaa, mao nga kita mas nahiusa kaysa atong mahunahunaan, bisan tuod daghang mga butang ang mihagit niini. Ang panaghiusa diha sa Espiritu mao ang panaghiusa nga gidala sa Balaang Espiritu, dili ang ginama nga panagpareho diha sa doktrina, kultura o pagsimba.

Pagkompisal Sa Kaugalingong Pagsaway
Diha sa Mga Buhat 10, 9-16, ang Dios nagpakita kang Pedro pinaagi sa panan-awon ug usa ka grupo sa mga mananap nga giputos sa daw usa ka habol gikan sa langit. “Bangon Pedro, pag-ihaw ug kumaon ka.” “ Dili ako, Ginoo,” matod ni Pedro nga Hudiyo. "Mora ug nasayop Ka, nakahibalo ako sa mga balaod sa akong relihiyon ug dili gayud ako magakaon sa maong mga mananap!"

Aron gayud pagpadayag sa iyang tuyo ang Dios mihagit sa mga pagsaway ni Pedro, sa iyang naandan nga mga ideya, sa iyang pagkagahi ug ulo ug sa iyang mga relihiyoso ug kulturanhong salabton nga mga pagbati sa makatulo ka higayon. Ngano man? Aron pag-andam kaniya sa usa ka kapukawan nga wala niya damha, diin dili niya kasagaran adtuon tungod sa maong pagsaway. Ngadto sa usa ka panimalay sa Hentil diin naghulat ang Dios. Mga Buhat 10.17-48.

Hugaw – O Wala Nailhi Ug Wala Higugmaa?
Kinahanglan usab nato nga walihan ang daghan nga mga ‘Cornelius' sa pagka karon kinsa lahi ra kaayo sa kultura ug dili gani nato ganahan nga diin wala nato damha nga ang Dios nagpakabana kanila. Apan pila ba ka mga katawhan sulod sa nagkadaiyang kaliwatan, relihiyon ug denominasyon kinsa buot mahigugma sa usa ka Dios nga wala nila hiilhi? Prob. 30, 1-6.

5. Ang Pagkahimong Hiniusa Nga Gingharian.

Ang mga Kristohanon mahimong mga tradisyonal nga mga katawhan, o mga karismatik, o mga radikal apan mahimo ba nga magkauban kita sa paglambo aron nga makatuo ang kalibutan ?

Unsa May Atong Mahimo?

• Makahimo kita sa pagtutok sa mga Absuloto diha sa balaang kasulatan. Atong hunongon ang pagsige ug tan-aw sa mga kalahian sa atong pamaagi ug atong pagabuhaton kadtong mga pamaagi diin kita adunay panagsama.
• Makahimo kita sa pagrespito sa mga Interpretasyon sa balaang kasulatan sa uban, bisan ug lahi ang atong mga hunahuna.
• Makahimo kita sa pag-ampo nga magatubo ang pagpanglihok sa Balaang Espiritu sa tibuok dapit
• Makahimo kita sa pagpa-ila ni Kristo ug sa iyang pulong diha sa atong mga lungsod sa walay pagbayaw sa bisag unsang ngalan o simbahan.
• Makahimo kita sa paghimo’g pagpaluyo diha sa pulong o sa buhat ngadto sa matag usa. Usa ka simbahan nagpasiugda ug usa ka paniudto kada bulan alang sa mga Ministro ug mga kaasawahan. Una kini mabugnaw ug puno sa mga pagduda apan sa milabay nga mga katuigan kini nahimong himsog, makalingaw ug epektibo uban sa lungsoranong kampanya nga gitawag ug ‘Panaghiusa 95.’

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk