81. Ang Misyon Sa Gingharian

Ang manunulat ug magtutuo nga si Aleksandr Isayevich Solzhenitsyn nakakita niini

Tan-awa ang mga Pagtulon-an

 Basaha Kini sa Imong Bibliya
Isaias 11, ug 12

Ani-a ang Imo’ng Sag-ulohon nga Bersikulo
Kay alang kanato ang usa ka bata matawo, alang kanato ang usa ka anak nga lalaki gihatag, ug ang kagamhanan
igatungtong sa iyang abaga, ug ang iyang ngalan pagatawgon Kahibulongan, Magtatambag,
Dios nga Makagagahum, Amahan nga Walay Katapusan, Prinsipe sa Pakigdait. Sa kauswagan sa iyang
kagamhanan ug sa pakigdait walay katapusan. Isaias 9.6.

Pagkahuman Hisguti ang Mahitungod Niini
Unsa may mga kalainan nga mahimo kung adunay dugang mga matinumanon nga mga Kristohanon ang mosulod
sa mga haligi sa katilingban ug magabarog alang sa Dios ug alang sa mga katawhan?

Usa ka Butang Angay Buhaton sa Dili pa ang Musunod
Pag-organisar ug usa ka panagtigum alang sa mga magpapatigayon, mga magtutudlo, mga magsisibya,
mga mamumuhat sa kagamhanan ug uban pa aron pag-ampo alang kanila ug aron
pagdasig kanila ingon nga mga misyonero sa gingharian.

Sinulat nga Buluhato’ng Pangdiploma
Pagsulat ug usa ka mubo nga artikulo alang sa usa ka basahon sa simbahan o dinominasyon
aron pagdasig sa mga magtutuo sa pagdala sa gingharian
sa Dios ngadto sa mga haligi sa nasud.

Pamalandungi ang Matag Pulong Niini’ng Bersikuloha
Proberbyo 11.10 ug 11.

Pag-gahin ug Pipila ka Minuto aron sa Kausaban sa Kalibutan

Pray For Somalia - 8,000,000 in four major clans 99.96% Muslim,

Failed by Islam, nation destroyed by anarchy, intensely dangerous place

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Atong makaplagan ang misyon sa gingharian ug ang pamaagi sa gingharian aron pagtuman niini sa panahon nga atong gi-ampo ang pag-ampo nga gitudlo ni Ginoong Hesus kanato, Mateo 6, 9-10, "Amahan namo maanaa ka sa langit, dalaygon ang imong ngalan, moabot kanamo ang imong gingharian, matuman ang imong pagbuot dinhi sa yuta maingon man didto sa langit."

Ang Misyon Mao Ang Pagbayaw Sa Hari
Ingon nga ang mga katawhan sa kalibutan nakig-uban sa kalangitan diha sa pagdayeg ug pagsimba sa ilang matuod nga Hari, Pinadayag 4.8-11; 5, 9-14.

Ang Pamaagi Mao Ang Pagpalapad Sa Iyang Matarong Nga Pagdumala Sa Gingharian
Diha sa pag-uswag sa kagamhanan ug kalinaw ni Kristo wala kini katapusan, Isaias 9.7, mao nga sa matag lakang ang tanang teritoryo nga giilog ni satanas pinaagi sa pagpanglimbong ug binuang didto sa Eden mabawi. Ang gingharian atua kung asa ang Hari, ug ang konstitusyon sa gingharian sa Dios magadumala ug kinahanglan nga kini mosukwahi sa gingharian ni satanas, sa tawo ug niining kalibutana.

Didto sa Krus pipila lamang sa iyang mga higala ang misugid nga si Kristo ilang Ginoo, Dios ug Umaabot nga Hari apan karon gatusan ka milyon sa mga katawhan malipayon nga nagapiko sa ilang tuhod ug nagasugid nga si Hesus ingon nga Ginoo sa ilang mga ngabil. Ang iyahang kagamhanan naga-uswag.

Ang Gingharian Moabot
Usa ka adlaw moabot ang kalinaw tali sa mga katawhan ug sa Dios, tali sa two ug iyang isig ka tawo, sa kinaiyahan ug sa palibot. Sa dihang ang gingharian moabot diha sa kinatibuk-an ang kalibutan mapuno sa kaalam sa Ginoo ingon nga ang tubig nagalukop sa kadagatan. Isaias 9, 1-9; 11.9.

1. Ang Naga-abante Nga Gingharian

Ang pamaagi sa Gingharianong misyon adunay tulo ka mga lugas aron pagpalapad sa kagamhanan sa Hari -

1. Ang misyon diha sa matag magtutuo.

2. Ang misyon diha sa matag nasud.

3. Ang misyon diha sa tibuok kalibutan.

"Ang pagbalik ngadto sa Hari ug sa iyang Gingharian mopa-ukay sa matag lokal nga komunidad, sa iyang sibyaanan, sa iyang patigayon ug industriya. Ang pagbalik makusganong mo-apekto sa kalibutan sa kalingawan, sa politika, sa edukasyon ug medisina ug mahimong hinungdan sa panagsumpaki diha sa mga kinaiya ug mga pagkatawo, apan una sa tanan diha sa espirituhanon kay ang Espiritu sa gingharian sa Dios ang tanan lahi gikan sa espiritu sa gingharian sa kangitngit. Dili lamang kay sila may kalahian kondili sila nagabarog nga supak sa matag usa!"
Gikan kang Gerald Coates, ‘Gingharian Karon’

Ang banggiitang manunulat nga si H G Wells, kinsa dili usa ka magtutuo nag-ingon, "Ang pinaka makusganong tanyag nga napahayag ngadto sa hunahuna sa tawo mao ang tanyag sa pagpuli sa pamaagi sa kalibutan uban sa pamaagi sa Dios, ang Gingharian sa Dios." Kini usa ka maayong deskripsyon sa gingharianong misyon.

2. Ang Misyon Ngadto Sa Matag Magtutuo.

Si Pablo nagsulat diha sa Mga Taga-Fil. 2,12-13; ug 1.6, "singkamotan ninyo nga mamunga ang inyong kaluwasan uban ang kahadlok ug pagkurog, kay ang Dios maoy nagabuhat diha kaninyo sa pagbuot ug sa pagbuhat usab, alang sa iyang maayong kahimut-an," ug "nga nagasalig niining butanga gayud, nga ang nagsugod ug maayong buhat diha kaninyo magahingpit niana hangtud sa adlaw ni Hesu Kristo." Imong makaplagan ang daghang mga pamaagi nga ginahimong pagmisyon sa Dios diha kanimo ingon nga ikaw nagapamuhat pinaagi niining pagtulon-an.

3. Ang Misyon Ngadto Sa matag Nasud.

Ang matag nasud adunay kaugalingong mga haligi nga nagahupot sa katilingban sa iyang dapit ug nakahatag ug dakung impluwensya sa mga kinabuhi sa mga katawhan maayo man o dili, ngadto sa Dios ug sa pagkinabuhi nga matarong o ngadto kang satanas, pagpanlimbong, pagkawalay hustisya, pagkadili makiangayon ug makaylapon nga kasakitan.

Ang Mga Haligi Sa Katilingban

Kagamhanan
Nasyonal o lokal nga mga pamolitika, ang administrasyon, ang korte sa huwes ug ang mga bilanggoan.

Pamilya
Kaminyoon, medisina, mga tambalanan, pagpakabana sa mga kabus, ang mga walay panimalay, ang mga ilo.

Sibya-anan
Ang maninibya, radyo, basahon, mga artista sa telebisyon, kompyuter, ang ‘Internet’.

Ang Mga Sining
Musika ug pagsulat ug mga alawiton, pagpinta, pagsulat, mga balak, pagkulit ug mga pagdesinyo.

Kalingawan
Mga pa-ugnat sa kusog, mga ‘cassette’, mga ‘CD’, mga ‘video’, teatro, sinehan, dapit bakasyonanan.

Relihiyon
Ang mga pagtuo, ang mga kasimbahanan, mga mosque, mga templo, mga diosdios ug mga tinuohan.

Edukasyon
Gikan sa pagka-kinder ug ngadto sa elementarya ngadto sa hayskul ug sa kolehiyo.

Patigayon
Ang lawak sa mga kadagkuan sa hunta, ang bangko, ang baligyaanan ug ang mga trabahoan.

Buot sa Dios nga ang matag magtutuo makig-uban kaniya sa iyang misyon sa pagpa-uswag sa pagdumala sa gingharian sa pagkamatarong dinhi sa atong nasud. Sukad didto sa Ganghaan sa Eden ang matag haligi sa matag nasud nadominahan ngadto sa madako o magamay nga sukdanan pinaagi sa gingharian ni satanas, apan gikan sa Krus naablihan ang agianan sa paghingilin sa mga nakuhaan ug hinagiban nga mga gahum sa kangitngit ug mipasulod sa Gingharian sa Dios. Mga Taga-Col. 2.15.

Ang Asin Ug Ang Suga
Ang pagdumala sa Gingharian maga-uswag sa dihang ang mga magtutuo magatan-aw sa ilang mga kaugalingon dili ingon nga mga empleyado o amo kondili ingon nga mga misyonero nga pinadala sa Dios ngadto sa nagkadaiyang parte sa kalibutan sulod sa ilang nasud aron paglukat sa mga katawhan didto alang sa Hari. Pinaagi sa pag-ampo, pagtuo ug pagkinabuhi nga matarong ang misyon sa gingharian naga-abante, ang Dios mabayaw ug ang nasud sa hinay hinay adunay kausaban.

Kinahanglan Makit-an Sa Mga Katawhan Ang Inyong Mga Maayong Buhat
Basaha ang Mateo 5, 13-16.

Sa dihang ang matarong magma-uswagon, adunay kalipay sa siyudad; kay pinaagi sa panalangin sa mga matarong ang siyudad usab mabayaw, apan ang baba sa mga dautan moadto sa kalaglagan. Ang pagkamatarong magabayaw sa usa ka nasud, apan ang sala makauulaw alang sa mga katawhan. Proberbyo 11.10,11; Proberbyo 14.34.

4. Ang Misyon Ngadto Sa Tibuok Kalibutan.

Isaias 11.9 nag-ingon nga moabot ang adlaw nga ang kalibutan mapuno sa kaalam sa Ginoo ingon nga ang tubig nagatabon sa kadagatan. Mao kini ang Dakung Misyon sa Gingharian o Sugo ug imong makaplagan ang usa ka tibuok seksyon niining libroha mahitungod sa imong tawag gikan sa Dios aron makig-uban kaniya alang niini. Mateo 28,19; ug 22, 36-40.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk