80. Ang Kabulahan Sa Gingharian

Ang Konstitusyon sa Gingharian maoy usa ka han-ay sa kinaiya dili pamalaod

Tan-awa ang mga Pagtulon-an

 Basaha Kini sa Imong Bibliya
Mateo kapitulo 5

Ani-a ang Imo’ng Sag-ulohon nga Bersikulo
Bulahan kamo kung kamo pagalabi-labihan ug pagalutoson ug paga-ingnon kamo sa lonlon kadautan ug namakak
batok kaninyo tungod kanako. Managmaya ug managlipay kamo, kay ang inyong balus
daku didto sa mga langit, kay sa ingon niini ginalutos nila ang mga manalagna
nga mga nanghiuna kaninyo. Mateo 5, 11-12.

Pagkahuman Hisguti ang Mahitungod Niini
Unsa may imong bation kung adunay masuko tungod kay misunod ka kang Hesus
ug nagatambong ug simbahan? Kung imong ipakita ang kinaiya sa gingharian
sa imong hunahuna mausab kaha ang ilang pagtagad kanimo?

Usa ka Butang Angay Buhaton sa Dili pa ang Musunod
Pangayo sa Dios ug mga higayon aron imong mapakita ang mga gikinahanglang kinaiya sa gingharian ug
hupti kini sa dihang moabot. Ug pangandam sa paghatag testimonya sa sunod panahon ninyong panagtigum.

Sinulat nga Buluhato’ng Pangdiploma
Paghugis ug usa ka bukid gikan sa yuta padulong ngadto sa kinatas-an, ipakita ang mga lebel
sa pagsaka ngadto sa kinatumyan, uban sa paghatag sa mga balaang pulong ug han-ay.

Pamalandungi ang Matag Pulong Niini’ng Bersikuloha
2 Timoteo 3.12

Pag-gahin ug Pipila ka Minuto aron sa Kausaban sa Kalibutan

Pray For Sri Lanka - 18,000,000 Sinhalese and Tamils

70% Buddhists, 7% Christians, Only 0.45% evangelicals

Long civil war and suffering

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Sumala sa ‘Amplified’ o Detalyado nga Biblia ang pagkabulahan nagkahulogan, pagkamalipayon, kasinahan, malambuon sa espirituhanon, uban sa kinabuhi, kalipay ug katagbawan diha sa Diosnong pabor ug kaluwasan, sa walay pagtagad sa mga kahimtang sa gawas. "Usa sa mga unang pagtulon-an nga gitudlo ni Hesus ngadto sa mga katawhan mao nga kung unsaon nga mapanalanginan. Kasagaran kanila mga kabus, mga tawo nga nagatrabaho sa nagkalisod nga nasud mao nga iya silang gitudloan unsaon sa pagpanalangin sa walay pagtagad sa mga kahimtang sa gawas. Mateo 5, 3-10, Mateo ch. 5 ngadto sa 7.29.

1. Ang Mga Kabulahanan Mao Ang Mga Kinaiya Nga Gikinahanglan.

Si Hesus nagtudlo kanato unsaon pag-atubang sa kinabuhi ug kung unsaon pagbaton sa insaktong kinaiya nga maoy mohatod ngadto sa panalangin. Kini iyahang mga kaugalingong kinaiya ug kinahanglan nga batonan nato ang samang mga kinaiya. Mga Taga-Filipos 2.5.

Pagsaka Sa Bukid Diha Sa Gingharian
Ang gikinahanglan nga mga kinaiya mao ang walo ka pasaka nga mga lakang ngadto sa kinatumyan sa bulahan nga kinabuhi.

1.        Pagkamapaubsanon, ang mapadayunong pagpuyo diha sa pagkinahanglan sa Dios ug sa iyang tabang, Mateo 5.3.

2.        Pagkamahinulsolon, pagkaguol sa imong kasal-anan, ug sa mga kasal-anan sa ubang, Mateo 5.4.

3.        Pagkamaaghop, ang pagkaligdong sa kalag diha sa Diosnong kapahulayan, Mateo 5.5.

4.        Pagkagutom, usa ka espirituhanong pagkagana, nagapakita nga ikaw nagatubo, Mat. 5.6.

5.        Pagkamaloloy-on, sama mismo sa Dios, nagapakita ug dugang pag-abante, 5.7.

6.        Pagkaputli sa kasingkasing, ang taas nga gihabogon diin imong makit-an ang Dios, Mateo 5.8.

7.        Pagkamada-iton, ang pagpalurang sa mga unos sulod sa mga kinabuhi sa uban, Mat. 5.9.

8.        Pagpangandam aron sa pag-antos, ang kinatumyan uban sa mga Propeta ug mga Martir, Mateo 5, 10-12.

2. Ang Pagkakabus Diha Sa Espiritu Makapabulahan.

Ilha ang gingharian sa langit, apan kinsa man sila? Ang kabus nga mao ang ptochos diin nagpasabot sa usa ka tawo nga ubos, dinaogdaog ug kabus sa bahandi, impluwensiya, katungdanan, kadungganan, pagkamatarong ug mga langitnong bahandi; tabangunon, walay gahum, usa ka makalolooy nga walay kinaadman ug nagasalig lamang ngadto sa uban. Mateo 5.3. Ang pagkakabus diha sa espiritu mao ang pag-ila nga wala kita’y atong kaugalingong kapangitaan ug adunay daghang mga pagkinahanglan, ang Dios lamang maoy atong bugtong kakuhaan sa atong mga gikinahanglan. Mao kini ang pagbuhi sa atong pagkamasaligon sa kaugalingon ug ngadto sa tibuok nga pagkamasaligon diha sa Dios ug ngadto sa matag usa. Si Hesus nagabuhat lamang sa unsay iyang nakit-an nga ginabuhat sa iyang Amahan. Mao kini ang matuod nga pagkakabus sa espiritu. Juan 5.19.

3. Ang Pagbangotan Makapabulahan.

Sila mahupay, apan unsa may buot ipasabot sa pagbangotan? Mateo 5. 4. Si Hesus naniguro nga ang mga katawhan nakasabot, mao nga iyang gigamit ang samang pulong nga atong gigamit sa usa ka haya. Sulod sa daghang kultura ang pagbangotan nagpasabot sa mga paghilak ug kusog nga pagtuaw, pag-agulo, pagpuasa, pagyukbo pag-ayo, paglakaw nga magtiniil ug pagpakagis sa buhok. Apan si Hesus wala naghisgut sa natural nga kamatayon kundili sa kinaiya nga maguol alang sa kaugalingon ug nasyonal nga kasal-anan nga nagahatod ug kamatayon. Si Hesus maoy usa ka tawo sa kagul-anan, apan gidihogan sa lana sa kalipay taliwala sa iyang mga kaubanan. Isaias 53.3; Esdras 10.6; Nehemias 1.3; Santiago 4, 9-10.

4. Ang Pagkamaaghop Makabulahan.

Ang mga maaghop manonod sa yuta, apan unsa may buot ipasabot sa pagkamaaghop? Mateo 5. 5. Ang modernong Griego nga pinulongan alang sa ‘pagkamaaghop’ mao ang prautes diin naghulagway sa usa ka batan-ong kabayo nga gitun-an aron masakyan ug gibansay alang sa pagserbisyo. Kinahanglan adunay usa ka tawo nga modumala sa ilang kinabuhi ug mopondar ug relasyon, unya ang kabayo motuman ngadto sa awtoridad ug mo-alagad sa iyang amo, nga nagasul-ob ug sampong sa isig ka kilid sa mata aron pagkontrolar sa iyang direksyon. Diha sa pagkamaaghop wala kini sa kaluyahon kundili sa kontrolado nga kusog, ug mahimong galamiton. Maingon man sa usa ka maaghop nga tawo nga mipili sa pagtugyan sa tanan niyang katungod ug kaugalingong mga tinguha, mihatag sa iyang kusog alang sa Dios ug sa uban.

5. Ang Pagkagutom Makapabulahan.

Kung ikaw gigutom ug giuhaw sa pagkamatarong, ikaw pagabusgon. Mat. 5 6; Salmo 42, 1-2. Ang pagkaon ug mainom maoy mga mahinungdanon nga gikinahanglan sa lawas nga diin kung wala kini mangamatay kita. Labaw na nga gikinahanglan usab nato nga gutomon ug uhawon sa Dios, ang pagpangita ug una kaniya ug sa iyang pagkamatarong. Si Hesus nag-ingon nga ang iyang pagkaon mao ang pagbuhat sa kabubut-on sa Dios ug pagtapos sa iyang buluhaton. Mao nga kinahanglan atong tinud-on ang pagkagutom ug pagkauhaw sa pagkamatarong nga mao ang walay kapaosang patukuranan sa Gingharian sa Dios, Matew 5 ngadto sa 7. Mateo 6. 33; Juan 4. 34; Marcos 8. 8.

6. Ang Pagkamaloloy-on Makapabulahan.

Buot ka ba nga pakitaan ug kalooy? Ang Dios puno sa kalooy, ug sa dihang atong nadawat ang iyang kalooy kita usa may katakus sa pagpakita ug kalooy, ingon nga ang atong Amahan maloloy-on – ug mabulahan ka! Mateo 5.7; Mga Taga-Efeso 2. 4; Lukas 6. 36. Ang pagkamaloloy-on dili lamang nga malooy ka sa mga tawo ug buhian lamang sila sa dihang masakpan, kundili kini usa ka wala tuyoa nga kaayo, pagpasaylo ug ang pagtanyag ug tabang.

7. Ang Pagkaputli Ug Kasingkasing Makapabulahan.

Ang pagkaputli ug kasingkasing nagpasabot nga ikaw walay laing motibo, tinaguang katuyoan o may duha ka mga sukdanan. Ang pulong katharos nagkahulogan sa lonlon puthaw, bino nga walay sagol, mga sundalo nga gikuhaan sa mga talawan ug mga masupakon. Ang mga tawo nga adunay putli nga mga kasingkasing nakaila sa Dios ug sa iyang mga katuyoan kay ang ilang mga motibo putli. Mateo 5. 8; Santiago 4.8; Salmo 86.11; Proberbyo 4.23.

8. Ang Pagkapakigdait Makapabulahan.

Dili lamang kini usa ka hilum nga kinabuhi kundili usa ka aktibo nga kalihukan ug kalabotan nga naga-atubang sa mga problema ug naghatod niini ngadto sa maayong sangputanan. Salmo 34.14. Ang kalinaw o pakigdait mao ang eirene o shalom, panaghiusa, kalamboan ug pabor gikan sa Dios. Bugtong mga anak lamang sa Dios ang makahatod niana. Mateo 5.9.

9. Ang Pagkalinutos Usa Usab Ka Kabulahanan!

Ang pagpanglutos maoy usa ka resulta sa panagsangka sa duha ka mga gingharian sa Dios ug kang satanas nga nagabatok sa matag-usa sa espirituhanon, moralidad, sa kadungganan, ug diha sa mga tinuohan ug kinaiya. Ang tinuod nga katawhan sa gingharian mobati sa kainit sa pakiggubat diha sa diskreminasyon, mga pagpang-insulto, pagpanglutos ug sa tanang matang sa mga dautang pasangil. Si Hesus nag-ingon nga kini mahitabo gayud apan magkalipay ug magmaya kay kini nahitabo usab sa mga propeta. Daku ang inyong ganti didto sa langit. Mat. 5.10. 11; 2 Tim. 3.12; Juan 15.20; 1 Ped. 4,13-14.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk