79. Ang Pag-abot Sa Gingharian

Ang Konstitusyon sa Gingharian usa ka han-ay sa mga kinaiya dili mga balaod

Tan-awa ang mga Pagtulon-an

 Basaha Kini sa Imong Bibliya
1 Corinto 15

Ani-a ang Imo’ng Sag-ulohon nga Bersikulo
Ug miingon: "sa pagkamatuod naga-ingon ako kaninyo, nga kong dili kamo mamalik ug
magpakabata, dili gayud kamo makasulod sa gingharian sa langit. Mateo 18.3

Pagkahuman Hisguti ang Mahitungod Niini
Si Hesus Hari ba gayud sa imong personal nga kinabuhi, kaminyuon, panimalay, trabahoan
ug simbahan. Asa ka dapita wala magmasinugtanon sa iyang mga kasuguan?
Niadtong dapita makahinulsul kita ug mausab uban sa tabang sa Dios.

Usa ka Butang Angay Buhaton sa Dili pa ang Musunod
Lakaw ngadto duol sa mga nag-unang tunghaan sa inyong distrito. Ang governo’ng
opisina, ang kapulisan, ang kasundaluhan, ang balay sa mga ilo, mga eskwelahan. Pag-ampo ibabaw niini
aron ang gingharian sa Dios makalungkab ug ang mga laraw sa kangitngit mapildi.

Sinulat nga Buluhato’ng Pangdiploma
Unsa sa imong hunahuna ang mahitungod sa gingharian sa Dios?
Unsaon mo man kini paglarawan karon sulod sa usa ka pahina nga sinulat?

Pamalandungi ang Matag Pulong Niini’ng Bersikuloha
Mateo 6.33

Pag-gahin ug Pipila ka Minuto aron sa Kausaban sa Kalibutan

Pag-ampo alang sa Brunei - 300,000 lamang ang mga Malay ug Intsik

Dili katuohan nga adunahan sa lana, 71% Muslim, 8% Kristohanon

Walay gitugot nga pag-ebanghelyo sa mga Muslim

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Unsa Ang Gingharian?

Kini ba usa ka kalagnong gahum diin magasulod sa kalag sa tawo? Adolf von Harnack.

Kini ba lonlon diha lamang sa pagkatawo ni Hesus sa dihang siya misulod sa panahon? C H Dodd.

Kini ba usa ka gingharian sa umaabot nga diin ang Dios lamang maoy makahimo sa dihang matapos ang kasaysayan ug magsugod ang bag-ong langitnong paghari. Ang tanan umaabot ug labaw sa kinaiyahan? Albert Schweitzer.

Makahimo ba kita pagtuy-od sa atong mga kamot ug paghakop niini ug pagguyod sa gingharianong matang sa kinabuhi, espiritu, kamatuoran ug mga prinsipyo ngadto sa atong personal nga pamatasan, sa atong mga relasyon, sa mga panalapi, sa mga patigayon, sa mga ministeryo ug mga pagpanaw. Ang Gingharian Sa Dios anaa sa mga kamot? Roger Forster.

O ang gingharian ba walay pagpakabana sa kaluwasan sa matag-usa o sa umaabot kundili mga suliran sa katilingban karon? (Inila nga maki-angayon nga pagtan-aw)

O ang gingharian nailhan lamang sa tinuod nga Simbahan, nga diin sa dihang kini magatubo, ang gingharian nagadugang pinaagi sa pagmisyon aron sa hinayhinay makabig ang tibuok kalibutan ngadto kang Kristo ug aron pag-usab sa kalibutan ngadto sa Gingharian sa Dios? Augustine.

Mahimo ba nga ang Gingharian ug ang Simbahan managlahi, apan ang simbahan maoy komunidad sa Gingharian. Ang Gingharian mao ang paghari sa Dios, diin maoy mas mahinungdanon? John Wimber.

2. Asa Man Ang Tinuod Nga Gingharian Sa Dios?

Mobalik kita ngadto sa Biblia ug atong tan-awon unsay gisulti niini mahitungod sa gingharian:

• Ang pagkakaron nga espirituhanong kamatuoran, Rom. 14.17
• Ang umaabot nga panulondon nga igahatag sa Dios sa dihang si Hesus mobalik sa himaya. Mateo 25.34.
• Ania na kita niini karon! Mga Taga-Col. 1.13, Lukas 16.16
• Ang usa ka dili madugay nga gingharian nga atong pagasudlan sa dihang si Hesus mobalik. 2 Pedro 1.11, Mat. 8.11, 13.41
• Ang Biblia nag-ingon nga ang gingharian anaa kanimo mao nga mahimong ania dinhi. Lukas 17,20-21
• Si Hesus nag-ingon nga ang iyang gingharian wala niining kalibutana! Juan 18.36

Nakasabot ka na ba karon?
Wala, ayaw kahibulong. Nganong daghan kaayong mga opinyon? Sigurado nga adunay usa lamang ka gingharian?

"Adunay daghang gihisgutan ang Biblia mahitungod sa gingharian ug kini nagpasabot nganong adunay daghang mga interpretasyon uban sa tanang mga bersikulo. Ang gingharian usa ka kamatuoran sa pagkakaron, ug usa ka panalangin sa umaabot. Kini usa ka espirituhanong panalangin sa kinasuloran diin moabot pinaagi sa pagkatawo pag-usab ug usab kini adunay kalabutan sa pagdumala sa mga kanasuran. Kini usa ka gingharian nga pagasudlan sa mga katawhan karon, ug usab gasa sa Dios nga diin iyang igahatag ngadto sa umaabot, apan kinahanglan nga madawat sa pagkakaron. Sa klarong pagkasulti wala kini yanong pag-eksplekar! "

Linaktod gikan sa sinulat ni G. Ladd, ‘Gospel of The Kingdom’

Mat. 12.28; 1 Mga Taga-Cor 15.50; Roma 14.17; Juan 3.3; Pinadayag 11.15;
Mat. 21.31; Lukas 12.32; Marcos 10.15.

3. Ang Yawi Nga Makaabli Sa Gingharian.

Unsa may kahulogan sa gingharian? Sa modernong pinulongan kini nagkahulogan ug usa ka heyograpikanhong ginsakupan o nasud uban sa usa ka hari o tigdumala ug mga katawhan nga gidumalahan. Ang biblikanhong pulong alang sa gingharian mao ang ‘basilea’ diin nagkahulogan sa harianong gahum, paghari, pagdumala, pagmando, dili usa ka aktuwal nga gingharian kundili usa ka katungod o awtoridad sa pagdumala ibabaw sa gingharian; ang harianong gahum ni Hesus. Sa kanhing pinulongan mao kini ang insaktong kahulogan sa gingharian. Sa dihang gihukman sa Dios si Belshazzar, ang iyang pagdumala sa gingharian ug dili ang Babelonia mao ang natapos, Daniel 5.26. Diha sa pasombingay sa Lukas 19.11 ang halangdon nga tawo nagadawat sa iyang basilea o katungod sa pagdumala.

4. Moabot Ang Imong Gingharian.

Si Hesus nag-ingon nga kinahanglan natong iampo nga moabot ang iyang gingharian, ug kinahanglan ato kining pangitaon ug una ingon nga gagmay’ng mga bata. Mateo 6.33; 6.10; 18.3.

Apan Unsa May Atong Gipangayo?
Kini ba dugang simbahan? O langit dinhi sa yuta, mga kasulbaran sa mga tawhanong kagubot, o gahum aron pagsakop sa kalibutan alang kang Kristo? Atong pangayoon nga si Hesus, ang Hari, modumala kanako ug kanatong tanan. Atong pangayoon nga kita magabuhat sa iyang kabubut-on, dugang sa iyang pagdumala, pagka-Ginoo o paghari. Sa dihang ang atong pag-ampo nga moabot ang iyang gingharian nadungog nan ang langit mosulod sa atong mga kinabuhi, mga panimalay, mga simbahan ug mga kultura.

" Imong mahibaloan kung anaa ang gingharian sa usa ka sitwasyon kung imong makit-an ang panaghiusa, sa dihang ang mga katawhan matarong atubangan sa Dios ug sa matag usa. Kung wala kay makit-an nga panaghiusa, kini tataw nga ilhanan nga ang pagdumala sa Dios nababagan ug kinahanglan adunay buhaton mahitungod niini." Gikan ni John Wimber.

5. Nan Asa Man Ang Gingharian?

" Ang gingharian sa Dios puno sa mga tawo nga gigutom, giuhaw ug nagapangita; nagatuktok sa pultahan sa langit ug nagalaum sa paghurot ug kuha sa iyang kamatuoran, gahum ug pagkamatarong hangtud nga atong mabatonan ang langit dinhi sa yuta. Hinuon adunay daghang mga butang nga ‘anaa na’ ug adunay pipila nga klarong ‘wala pa.’ Ang gingharian sa Dios wala naglangkob sa pagguyod sa kagahapon uban kanato, kini naglangkob sa pagguyod sa umaabot padulong sa pagkakaron."

Gikan ni Gerald Coates, ‘Gingharian Karon’.

" Ang gingharian sa Dios anaa sa pagkakaron diha sa matag nasud diin ang mga katawhan nag-angkon kang Hesus ingon nga Hari. Kini kinahanglan nga espirituhanon uban sa matuod, makita nga pagpadayag sa gugma gikan sa laing kalibutan. Ang gingharian sa Dios usab sa umaabot, sa dihang si Hesus mihatod sa gangharian ngadto sa Dios ug mitapos sa tanang paghari sa kaaway, gahum ug kamatayon, ug usa ka adlaw midala sa usa ka bag-ong langit ug bag-ong yuta. 1 Mga Taga-Cor 15.24-26. Sukad niadto kita nagpuyo sa usa ka kalibutan diin ang mga kaaway sa Dios ug iyang katawhan anaa pa. Si satanas gitawag nga dios niini sa kapanahonan, ang prisepe sa gahum sa kahanginan ug ug nagahupot sa kalibutan ubos sa iyang pagdominar. Ug kana nahisulat human ngadto sa Krus! Sa wala pa ang Krus halos tanan gikontrolar ni satanas, iya na ganing gitanyag ang kalibutan ngadto kang Hesus. Apan ang kalibutan haduol na sa pagpaminaw sa maayong balita tungod kay ang gingharian sa Dios haduol na ug ang usa ka masalbaron nga kasundalohan anaa na sa ganghaan sa katawhan."

Gikan ni C Peter Wagner, ‘Spreading the Fire’
2 Mga Taga-Cor 4.4; 1 Juan 5.19; Mga Taga-Efe. 2.2; Lukas 4.6.

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.