78. Ang Himaya Sa Gingharian

Tan-awa ang mga Pagtulon-an

 Basaha Kini sa Imong Bibliya
Mateo 13, 1-52

Ani-a ang Imo’ng Sag-ulohon nga Bersikulo
Ang gingharian sa kalibutan nahimong iya sa atong Ginoo ug sa iyang Kristo
ug magahari siya ngadto sa mga katuigan nga walay katapusan. Pinadayag 11.15

Pagkahuman Hisguti ang Mahitungod Niini
Hisguti ang mahitungod kung asa makita ang matarong ug maloloy-on nga balaod
sa Gingharian sa Dios nga mihugpa sa kinabuhi sa inyong syudad ug nasud.
Giunsa man niini pag-abot?

Usa ka Butang Angay Buhaton sa Dili pa ang Musunod
Pangita ug pipila niadtong mga katawhan diin nahisakup sa Gingharian sa Dios, ug lakaw
ngadto kanila isip mga embahador ug pagdala’g mga gasa ug maayong balita.
Imbitaha sila ngadto sa mas maayong Gingharian.

Sinulat nga Buluhato’ng Pangdiploma
Gikan sa mga pasumbingay sa Gingharian sa Mateo 13 isaysay sulod sa duha ka pahina
ang salabtono’ng pasabut sa Gingharian. Ang seksyon sa Gingharian
sa pagtulon-an 3 maghatag kanimo ug han-ay nga sundanan.

Pamalandungi ang Matag Pulong Niini’ng Bersikuloha
Daniel 7, 13-14

Pag-gahin ug Pipila ka Minuto aron sa Kausaban sa Kalibutan

Pag-ampo alang sa Taiwan - 22,000,000 mga Intsik

70% mga relihiyon sa Tsina kaniadto, paspas nga pagtubo diha sa industriya ug bahandi

 

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Makadaghan na kita makabasa mahitungod sa Gingharian sa Dios (o sa langit) apan unsa may atong gibuhat sa atong kaugalingong yuta, atong kasaysayan ug atong Hari?

Unsa Man Ang Gingharian, Ug Asa Man Kini?
Kini ba laing ngalan na usab sa simbahan? Kinsa man ang anaa dinha, ug kinsa ang wala? Asa man kini gikan? Makasulod ba si bisan kinsa? Unsa‘ng klase sa kinabuhi sulod sa Gingharian? Aduna bay nagpakabana sa mga kabus? Unsa kaha ang klase sa ekonomiya? Unsa kahay gibuhat sa mga tawo? Ang Gingharian ba adunay mga kaaway? Kini ba mobarog ug unya malumpag? Ang mga disipolo gusto usab makahibalo ug dugang mahitungod sa Gingharian. Tan-awon nato kung unsa ang atong makaplagan. Mateo 18.1; 20.21; Lukas 19.11; Mga Buhat 1.6.

1. Unsa Man Ang Gingharian?

Simpli lang, ang gingharian usa ka dapit diin ang Hari nagdumala. Aron nga ang gingharian maglihok, sa husto ug himsog, magkinahanglan kini ug duha ka mga butang. Una, usa ka Hari, kinsang pulong katapusan ug kinsang gahum hingpit. Ikaduha, anon sa mga malipayong alagad, kinsa mga matinguhaon ug makahimo sa kabubut-on sa Hari.

Ang Gingharian sa Dios andam na bisan sa wala pa ang paglalang sa kalibutan ug ang mga tawo lantaw sa onahan sa pag-abot niini sa dugay’ng panahon. Ang Simbahan usa lamang ka parte niini. Kini usa lamang sa duha ka gingharian matag usa aduany nagdumala ug mga lumulupyo, apan ang Gingharian lamang sa Dios ang gitawag ug ‘maayong balita’ ug kini dili mauyog. ‘Kini adunay mga yawi, mga sekreto ug mga bahandi nga atong makaplagan, sa tinuod pipila sa mga tawo mibaligya sa tanan nilang mga katigayunan aron pag-angkon niini. Kini wala sa kalibutan apan malungtaron ug dili makita hangtud ang tawo matawo pag-usab, ug unya kini dali nang makit-an ug masiksik.

Mateo 25.34; Marcos 11.10; Marcos 15.43; Lukas 8.1; Hebrohanon 12.28; Mateo 16.19; Juan 18.36; Mateo 13.52; Mateo 13,44-45; Lukas 17, 20-21; Juan 3.3.

2. Kinsa Ang Anaa Sa Gingharian Sa Dios?

Ang Hari Mao Si Hesus
Si Hesus nagwali mahitungod sa Gingharian sa tanang panahon ug nagsulti nga ang katawhan kinahanglan maghinulsul ug moliko padulong niini. Sa makausa si Hesus nagtudlo sa iyang mga tinun-an mahitungod sa Gingharian sulod sa kwarenta ka adlaw mao nga basig kini importante gayud ug basig daghan ang angay pagahisgutan. Kita nasayod nga kini natukod sa taas nga bili sa iyang kaugalingong lawas ug dugo.
Lukas 4.43; Mateo 3.2; Mateo 4.17; Mga Buhat 1.3; Juan 18.36; Lukas 22.30.

Sa Kang Kinsa Nasakup Ang Gingharian?
Kini nasakup ngadto sa Dios, sa Amahan, dayun ngadto sa kabus sa espiritu ug ngadto sa walay kwarta nga kabus kinsa nagsunod kang Hesus. Kini nasakup sa mga tinamay, ngadto sa mga kabataan, ug sa mga katawhan sa kadalanan. Usahay adunay mga tawo nga molangyaw ug lagyo aron lamang makaabot sa ganghaan padulong sa Gingharian sa Dios ug ang ubang mga tawo dili na gani magminyo aron lamang makagahin ug dakung panahon sa pag-alagad sa Gingharian. Mga katawhan mahimong madasigon kaayo sa pagsulod.

Diha sa Gingharian sa Dios mahimo kang ‘labing gamay’ o ‘labing dako’.  Ang posisyon madeterminar pinaagi sa pagkamasinugtanon ug pagkahimong sumbanan ngadto sa uban. Ang ‘labing gamay’ nga disipolo gina-ingon nga mas labing dako kaysa Daang Testamento nga bayani. Subo palandungon uban sa mga tawo mahimong matambog tungod sa wala pagdawat kang Hesus ug ang uban kinsa karon naghunahuna sila ang ‘una’ mahimong maulahi ug ang ‘naulahi’maoy mag-una.

Lukas 11.2; Mateo. 5.3; Mateo. 5.10; Mateo. 18.4; Mateo. 21.31; Mateo. 25.14; Mateo. 19.12; Mateo. 18, 1 ug 4; Mateo. 5.19; Mateo. 8.12; Lukas 7.28.

3. Asa Nimo Makita Ang Gingharian Sa Dios?

Ang mga disipolo nakakita sa purtahan sa Gignharian ug kini duol sa panahon imong makaplagan ang kapasayloan gikan sa kasingkasing, gahum sa pagdala ug sugo, maayong pagkinabuhi, kalinaw, kalipay, pagkamanggihatagon ug panagsama uban sa inusab nga hunahuna sa paghimo sa kabubut-on sa Dios. Ang Gingharian magadumala diin ang mga katawhan sa Dios magarepresentar kaniya sama sa mga pari ug sa dihang alerto sila sa pagbalik sa Hari. Sa iyang Gingharian adunay mahinungdano’ng pagtagbo alang sa gigutom, sa hubo, sa giuhaw, sa masakiton ug mga tawong napriso.

Mateo 18.23; Lukas 12, 32-34; Mateo 25.1; Mateo 25.35.

Unsaon Mo Pagsulod Sa Gingharian?

Dili pinaagi sa pagpalit sa imong agianan uban sa salapi apan pinaagi lamang sa grasya ug gugma sa Dios ug sa natapos nga gibuhat ni Hesus. Ikaw magasulod pinaagi sa mga tawag sa Dios, iyang pagkamatarong, paghimo sa kabubut-on sa Dios, pagsalig sama sa gagmay’ng bata ug pagpaubos sa imong kasingkasing. Ikaw magasulod ug magapabilin diha sa Gingharian pinaagi sa pagdawat sa sapot nga hinatag sa Dios, pagputol sa tanang dautan nga kalihukan, pagkatawo pag-usab sa espiritwal, pagkamalahutayon diha sa mga kalisdanan ug kinabubut-on  nga pagtagad sa mga makaluluoy kaayo.

Marcos 10.23; Lukas 18.24; Col. 1.12,13; 1 Tes. 2.12; Mateo 5.20; Mateo 7.21; Mateo 18, 3-4; Mateo 22.12; Marcos 9.47; Juan 3.5; Mga Buhat 14.22; Mat. 25, 34; 40.

4. Unsa Nga Buluhaton Ang Buhaton Didto Sa Gingharian?

Mga katawhan sa gingharian nag-ampo alang sa pag-abot sa Gingharian ug nagapangita una sa pagdumala sa Gingharian sa Dios. Ang buhat adunay pagsakripisyo sa bahin sa Gingharian, paghingilin sa mga demonyo ug balatian, pagwali sa ‘maayong balita’ sa tanang nasud ug pagsalig sa Dios dili sa tawhanong pagpaningkamot alang sa pagtagbo, samtang maayo nga nagagamit sa salapi sa Hari. Ang dugang pagkugi makapugong sa tanang makadaot nga pagbahinbahin, relehiyusong pagkabugnaw ug pagka walay pagtuo, ug dili, na motan-aw sa likod.

Mateo 6.10; Mateo 6.33; Lukas 18.29; Mateo 12.28; Mateo 10, 7-8; Lukas 9.2; Mga Buhat 8.12; Mga Buhat 19.8; Lukas 12.31; Mateo 12,.25; Mateo 23.13; Lukas 10.11; 9.62.

5. Ang Destinasyon Sa Gingharian.

Ang Gingharian makusganong nag-abante ug padulong sa paglambo sa matag kanto diha sa pagkamainantuson sa mga gingharian niining kalibutana. Kini magadulot sa tanang tawhanong katilingban nga walay tabang gikan sa tawo, sinugnuran pinaagi sa kinasuloran sa kinabuhi.

Adunay mga ilhanan nga nagatudlo ngadto sa katapusang pag-abot sa Gingharian ug ang pagbalik ni Hesus isip Hari sa kahangturan ibabaw sa maputli ug balaang mga katawhan. Ang Iyang Gingharian mahimong dapit sa pagsaulog ug siya magalumpag sa tanang kaaway ug magatugyan sa Gingharian ngadto sa iyang Amahan.

Adunay dyutay pang mga daw-gingharian sulod sa Gingharian apan ang dautan dili makapanunod ug dapit karon o sa umaabot. Ang mga manununod ni Hesus makaangkon ug bag-ong sepirituhanong lawas ngadto sa pagsulod sa Gingharian.

Mateo 11.12; Mateo 13.24; Mateo 13.31; Mateo 13.33; Mateo 24.14; Mateo 24.31; Mateo 25.10; Lukas 13.29; 1 Corinto 15.24; 1 Corinto 6.9; Mga Taga-Galacia 5.21; Lukas 1.33; Pinadayag 11.15; 1 Corinto 15.44.

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

  

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk