76. Ang Simbahan Nga May Kapukawan

Usa ka maayong adlaw sa dihang ang kapukawan moabot sa simbahan

Tan-awa ang mga Pagtulon-an

Basaha Kini sa Imong Biblia
Isaias 35, Mga Buhat 8, 4-8

Ani-a ang Imo’ng Sag-ulohon nga Bersikulo
Busa paghinulsol kamo, ug balik ngadto sa Dios, aron nga pagapalaon ang inyong mga sala,
sa ingon niana moabot ang panahon sa kahamugaya gikan sa atubangan sa Ginoo. Mga Buhat 3.19,20

Pagkahuman Hisguti ang Mahitungod Niini
Ang kapukawan nagpasabot ba sa mga dugang ug taas-taas nga mga panagtigum?
Unsa may epekto sa kapukawan diha sa atong komunidad?

Pagkahuman Hisguti ang Mahitungod Niini
Basaha ang tanang mga reperinsya sa libro sa Mga Buhat ang tan-awa mismo
unsay nahitabo. Aduna pa bay dugang mga taho mahitungod sa pagtubo sa simbahan?
Unsa may sinugdanan sa mga kapukawan? Aduna bay mga talagsaong panghitabo sama sa milagro
o kaayuhan nga nakapakuha sa atensyon sa mga tawo?

Buluhato’ng Pangdiploma
Sutaa pinaagi sa pagpangutana o pagbasa ug mga libro mahitungod sa kapukawan.
Isulat sa dili mosobra sa duha ka pahina kung unsay nahitabo.

Pamalandungi ang Matag Pulong Niini’ng Bersikulo
Salmo 85.6

Pag-gahin ug Pipila ka Minuto aron sa Kausaban sa Kalibutan

Pray For Tunisia - 9,000,000 North African peoples

Christian stronghold in the 1st century, now in great need of revival

99.5% Muslim, 0.25% Christian

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Dili pa dugay ang Dios mibubo sa iyang grasya ngadto sa iyang mga katawhan ug mipadala sa makadaghang bul-og sa kabag-ohan sa tanang parte sa iyang Simbahan nga nagadawat sa iyang Balaang Espiritu. Ang kabag-ohan nagadala’g paglab-as nga madawat sa mga magtutuo apan dili kini sama sa kapukawan, bisan pa kini mahimong unang huyop sa makusog nga hangin sa Espiritu nga maoy nagadala sa tinuod nga kapukawan.

Unsa Man Ang Kapukawan?

Hinuon kini magasugid ug bisag unsa man nga kaayohan ang pareho nga gihatod niini ngadto sa mga magtutuo ug mga kristohanong mibalik sa karaang kinaiya, ang kapukawan masulti lamang nga miabot sa dihang ang mga kalalakin-an ug mga kababayehan nga dili magtutuo moduol kang Kristo ug magahimaya sa Dios.

Basaha Ang Mahitungod Sa Kapukawan Diha Sa Mga Buhat

Tulo ka libo nga mga katawhan ang nadugang.

Ang Ginoo nagadugang matag adlaw sa ilang gidaghanon.

Ang gidaghanon sa mga kalalakin-an mikabat ngadto sa 5000.

Ang gidaghanon sa mga disipolo paspas nga midaghan.

Ang mga panon sa katawhan nakadungog kang Felipe, nakasaksi ug mga milagro, ang mga dautang espiritu nangahinginlan, ang mga bakol nanga-ayo, ug adunay dakung kalipay sa siyudad.

Ang Simbahan nalig-on, nadasig pinaagi sa Balaang Espiritu, nagkadaghan, ug nagapuyo nga mahinadlokon diha sa Dios.

Daghang mga katawhan ang nahimong magtutuo.

Ang tanan gisikop sa kahadlok, ang ngalan ni Hesus nabayaw ngadto sa himaya, mikompisal sa mga dautang buhat, ug misunog sa mga libro sa salamangka.

Tan-awa kung pila ka libo ang mituo

Sa milabay nga mga gatusan ka katuigan adunay mga kapukawan nga nahitabo diha sa Sidlakang Aprika, Indonesia, Tsina, Wales, Scotland, Argentina ug Amerika. Tan-awa ang Mga Buhat 2.41; 2.47; 4.4; 6.7; 8, 4-8; 9,31; 11.21; 19, 17-20; 21.20

Nganong Moabot Man Ang Kapukawan?

Sa walay pagduhaduha nga ang pagkamakagagahum sa Dios, nga mao ang iyang inusarang katungod sa pagpili sa insaktong mga oras ug mga dapit sa pagbisita, maoy responsabli sa mga panghitabo sa kapukawan.

Kinsa man ang makatupong sa hunahuna sa Ginoo ni magamando kaniya ingon nga iyang magtatambag? Isaias 40.13; Ako naga-ingon, Ang akong kabubut-on magapabilin, ug Akong pagabuhaton ang tanan nga akong gikahimut-an.Isaias 46.10.

Sa laing bahin ang Biblia nagadasig kanato nga ang Dios nagatubag niadtong mga pagtu-aw sa iyang mga katawhan, diha sa mga pagpangaliya, pagpang-awhag ug pagpangandam.

Andama ang agianan sa Ginoo,

Himoang patag sa kamingawan ang usa ka halapad nga agianan alang sa atong Dios. Isaias 40.3.

 

Andama ninyo ang agianan sa mga katawhan. Hinloi, hinloi ang dalan.

Hiposa ang mga bato. Pag-isa ug usa ka bandila alang sa mga kanasuran. Isaias 62.10

Unsaon Nato Pag-andam Ang Agianan?

Pinaagi Sa Pagtinguha Sa Dios Labaw Sa Tanan

Labaw pa kaysa hangin nga atong giginhawa kinahanglan atong tinguhaon ang iyang himaya, ang iyang mga pamaagi ug ang iyang pagkamatarong. Usa ka despirasyon nga mopuno sa atong kasingkasing, sa atong kalag, hunahuna ug kusog.

Ingon nga ang lagsaw nangandoy sa pagpangita sa tubig sa kasapaan, mao usab ang akong kalag nangandoy sa pagpangita kanimo O Dios. Salmo 42.1

 

Pinaagi Sa Paghatag Kagawasan Sa Balaang Espiritu

Walay sama ka gahi nga siyudad sa Herusalem. Labaw sa tanan mao kini ang dapit diin gipatay si Hesus. Bisan pa man gipili sa Balaang Espiritu nga mokunsad niining dapita sa panahon sa Pentecostes, ug siya nagabuhat sa mga butang nga wala pa masaksihi sukad. Kung atong ipamugos nga ang kapukawan moabot lamang sa paagi nga diin komportabli kita basin malabyan lang hinuon kita sa Balaang Espiritu. Mga Buhat 2, 1-12

 

Pinaagi Sa Pagbaton Ug Gugma Ngadto Sa Mga Kalag

Sa dihang ang pinitik sa atong kasingkasing nahiuyon diha sa pinitik sa kasingkasing sa Dios ug kung unsay makapasakit sa kasingkasing sa Dios makapasakit usab kanato nan magapanglimbasog kita sa usa ka normal nga kinabuhi sa simbahan ang padulngan sa mga kalag nga nahisalaag mopuno sa atong mga pag-ampo bisag unsa pang mga pagbabag.

Naga-ingon si Jehova, pangitaon ko kadtong nangawala, ug pabalikon ko kadtong nangasalaag, pagabugkoson ko kadtong nabunggoan sa bukog, ug palig-ono kadtong nagmasakiton. Ezequiel 34.16

 

Pinaagi Sa Paghigugma Sa Matag Usa

Si Hesus nag-ingon nga pinaagi niini mailhan sa mga katawhan nga kamo akong mga disipolo, ug siya nagaampo nga kitang tanan magkahiusa aron nga mutuo ang tibuok kalibutan. Juan 13.35, 17.21-23

 

Pinaagi Sa Seryosong Pagharong Sa Sala

Ang mga tawo nagasulay sa paglikay niini nga isyu apan gikinahanglan natong mangayo ug pasaylo sa tanang kasal-anan nga atong gihatag sa atong Dios, sa matag usa kanato ug sa atong kaugalingon mismo pinaagi sa pagkinabuhi nga dautan. Tinud-anay nga paghinulsol uban sa pagbalik atubangan sa balaang Dios maoy usa ka ilhanan sa tinuod nga kapukawan. Sa minglabay nga mga panahon sa dihang si Jonathan Edwards nagwali, ang mga kusgang tawo nagapanghupot sa mga haligi sa simbahan tungod sa kahadlok nga mahulog nga buhi ngadto sa impyerno. Sa dihang si George Whitfield nagwali daw suba ang mga luha gikan sa mga panagway sa mga magmimina.

 

Pinaagi Sa Pagpuyo Nga Mahinadlokon Diha Sa Balaang Dios

Aron nga dili siya makahimo ug hinungdan aron kita masilotan o madisiplina sama kadaghan na niyang nabuhat sa panahon sa Biblia. Ang mga magtutuo kinahanglan nga mga tawong pinasahi pinaagi sa putli nga kinabuhi ug sa dila nga wala magatunglo ni nagapasangil sa uban, ilabina sa ubang mga magtutuo. Salmo 51.10-13

 

Pinaagi Sa Paglahutay Diha Sa Pag-ampo Ngadto Sa Dios Nga Nagatubag Pinaagi Sa Kalayo

Kung ang akong katawhan, kinsa gitawag sa akong ngalan, mopaubos sa ilang mga kaugalingon ug mag-ampo ug magapangita sa akong nawong, ug motalikod sa ilang mga kasal-anan, nan ako magapatalinghug gikan sa langit ug mopasaylo sa ilang mga kasal-anan ug magaayo sa ilang mga kayutaan. 2 Mga Cronicas 7.14, 1 Mga Hari 18, 37-39.

Ang Pag-ampo Ni Propeta Habakkuk.

Ginoo, akong nadunggan ang imong kabantugan, ako nagabarog uban sa kahadlok tungod sa imong mga buhat, O Jehovah. Buhia ang imong mga binuhatan sa taliwala sa katuigan, sa taliwala sa katuigan ipahibalo kini. Sa kaligutgot hinumdumi ang kalooy. Habbakuk 3.2

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.