75. Ang Simbahan Nga Naga-usab Sa Kalibutan

Ang imo bang templo usa ka baIay sa pag-ampo o lungib sa mga tulisan?

Tan-awa ang mga Pagtulon-an

Basaha Kini sa Imong Biblia
Marcos 11, 12-17; Isaias. kapitulo 56

Ani-a ang Imo’ng Sag-ulohon nga Bersikulo
Ang akong balay paganganlan balay sa pag-ampo sa tanang mga nasud,
apan gihimo ninyo nga lungib sa mga tulisan. Marcos 11.17.

Pagkahuman Hisguti ang Mahitungod Niini
Hisguti ninyo sa makadiyot ang tanang mga butang nga maoy makapahunong kaninyo sa paghimo ug
mga regular nga pagpangaliya alang sa mga kanasuran? Aduna bay mga tulisan nga naga-atake
sa imong kinabuhi sa pag-ampo? Kinsa sila ug unsay imong mahimo mahitungod kanila?

Usa ka Butang Angay Buhaton sa Dili pa ang Musunod
Paghimo ug lista sa mga nasud ug mga katawhan diin imong itugyan ang imong kaugalingon sa pag-ampo kanila
tagsa-tagsa matag panahon, sa usa ka regular nga oras kada adlaw. Panan-aw ug mga mapa sa mga grupo sa mga tawo nga wala pa nawalihan. Unsa may imong makaplagan niining mga dapita?
Ang usa ka heyograpikanhong mapa makatabang usab, o mga pamantalaan o mga balita sa telebisyon.

Buluhato’ng Pangdiploma
Iguhit o kopyaha pinaagi sa kinamot ang mapa sa kalibutan. Isulat o badlisi ang mga ngalan
sa mga dagkung mga nasud ug tanang gagamay nga imong makit-an.

Pamalandungi ang Matag Pulong Niini’ng Bersikulo
Habbakuk 2.14

Pag-gahin ug Pipila ka Minuto aron sa Kausaban sa Kalibutan

Pray For Israel - 6,000,000 Jews and Arabs.

God’s ancient people. Fulfilled prophecy by returning home.

In crisis but still expecting their Messiah. Christianity heavily frowned upon.

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Wala ka ba kahibalo nga usa ka adlaw si Hesus nahagit sa usa ka makatarunganong kasuko? Kini nahitabo sa dihang iyang nakaplagan nga ang balay sa Dios nahimong usa ka tiyanggihan inay sentro sa panalangin alang sa mga nasud.

Usa Ka Ma-abi-abihon Nga Panimalay Alang Sa Tanang Mga Kanasuran

Balik sa panahon sa Daang Tugon, buot sa Dios nga ang iyang panimalay, ang templo sa Herusalem, mahimong dapit diin ang mga katawhan sa tanang mga kanasuran moadto ug moampo ngadto kaniya uban sa kalipay. Ang Iyang mga katawhan, ang mga Hudiyo, ingon man ang mga langyaw ug bisan niadtong mga sinalikway sa katilingban gi-abiabi usab.

Sa dihang si Isaias naghisgot ug ‘tanang kanasuran’ kini nahimong makapahinganha alang sa mga Hudiyo samtang sila masinahon nga midumili pagpasulod sa mga tawong dili Hudiyo sa Templo. Apan ang kasingkaisng sa Dios mas daku pa kaysa ilaha, sama kadaku sa tibuok kalibutan! Tan-awa sa Isaias 56.6-8

Ang Simbahan anaa na sa matag nasud dinhi sa kalibutan karon. Ang pagsimba dinhi sa kalibutan nahimo nang sama sa pagsimba didto sa langit diin ang mga katawhan gikan sa tanang nasud, tribo ug pinulongan nagkahiusa sa pag-awit ngadto kang Hesus atubangan sa trono sa Dios. Pinadayag 7, 9-10.

Gikan Sa Tanang Nasud Ngadto Sa Tanang Kanasuran

Si Hesus nag-ingon nga ang balay sa Dios kinahanglang nga mahimong balay sa pag-ampo alang sa , ingon nga tigpataliwala, mga kanasuran. Mao nga ang mga katawhan gikan sa tanang mga kanasuran makahimo pagsulod uban sa kalipay ug mag-ampo alang sa mga katawhan sa tanang mga kanasuran aron nga mapanalanginan. Marcos 11.17

 

Ang ‘Ethnos’ Mao Ang Yawi Nga Pulong

Diha sa pinulongan sa Biblia ang pulong alang sa mga nasud mao ang ‘ethnos’ diin nagpasabot nga dili tungod sa pamolitika sa nasud apan grupo sa mga katawhan kinsa may kasagaran nga kauyunan sama sa pinulongan o kultura. Kini mopatutok sa atong mga pag-ampo bisan pa ngadto sa pinakgamay nga tribo. Sa ubang mga nasud makakaplag ka ug daghang mga ethnos. Sama pananglit ang pasaporte sa Burkina Faso mahimong molakip sa usa ka Mossi, o usa ka Lobi, o usa ka Gurunsi, usa ka Fulani, tanang mga ‘ethnos,’ sulod sa usa ka yutan-on ug politikanhon nga nasud diin artipisyal nga naporma pinaagi sa kolonyanhong gahum ibabaw sa mga naglabay mga gatusan ka katuigan.

 

Akong Dios, Ug Ang Dios Sa Tibuok Kalibutan

Ang Dios personal alang kanako ug kanimo apan ayaw kalimot nga siya nahigugma usab sa kalibutan.

Hinumdumi usab nga ang Dios mipadala sa iyang bugtong anak aron pagluwas sa katawhan sa kalibutan. Juan 3.16,17

Si Kristo mianhi dinhi sa kalibutan. Juan 1.9

Ang kaparasan mao ang kalibutan. Mateo 13.38

Ang Mga Kanasuran Anaa Ba Sa Biblia?

Oo, mga 580 ka higayon, mao nga atong masabtan nga ang Dios kanunay naghunahuna sa mga kanasuran. Tan-awa sa Genesis 12.3, Roma 4,17-18, Mga Taga-Gal. 3.8

Ang mga kanasuran maoy espirituhanong panggubatan. Mga Taga-Efeso 6.12. Ang atong trabaho mao ang paglakaw ug paghimog mga disipolo sa tanang mga kanasuran ug kana nga trabaho mahimong matapos. Mateo 28.19, Pinadayag 5.9; 7, 9-10. Ang kalibutanong pag-ebanghelyo maoy yawi sa petsa sa pagbalik ni Kristo, ug siya usab magadalag hustisya ngadto sa mga kanasuran. Mat. 24.14,12.18. Ang mga nasud kanunay magabaton sa ilang kaugalingon, ug sa katapusan adunay dakung pagkinahanglan sa kaayuhan alang sa mga kanasuran. Pinadayag 22.2, 21.24

Asa Na Ang Templo Karon?

Dili na nato kinahanglan moadto sa Herusalem tungod kay si Pablo nagpadayag nga karon ang templo sa Dios anaa makit-an sa atong mga kinabuhi. 1 Mga Taga-Cor. 6.19. mao nga  ang atong kinabuhi balay ba sa pag-ampo o lungib sa mga tulisan ?

 

Unsa Man Kanang Lungib Sa Mga Tulisan?

Kini mao ang mga unsa, o si kinsa , nga nagakawat kanimo sa Diosnong gugma alang sa kalibutan sa katawhan.

Diha sa Jeremias 7.1-11 ang mga tulisan mao ang relihiyon ug ritwal, pagka walay hustisya, pagsimba ug mga diosdios, pagka walay pagtagad sa mga langyaw ug mga kabus.

Si Hesus nakamatikod nga ang paghigugma sa salapi usa ka laing matang sa tulisan.

Pagkaplag Ug Pagtuo Aron Pag-ampo Alang Sa Mga Kanasuran

Makatuo ba kita nga ang pag-ampo makahimo ug kausaban sa mga plano sa Dios sa mga kanasuran? Atong pagatan-awon ang pipila ka mga pananglitan ~

Abraham

Ang Dios buot na untang molaglag sa duha ka mga dautang siyudad apan si Abraham nakahibalo ug mipataliwala sa daghang panahon aron pagluwas sa mga tawo nga anaa niadtong dapita. Iyang nakita nga ang Dios andam sa pagtubag. Genesis 18, 17-33

Amos

Sa dihang nakita ni Amos nga ang Dios nagatawag ug paghukom alang sa Israel, si Amos nagtuaw, sa pag-ampo, "Gamhanan nga Dios, pasayloa! Unsaon pagsugakod ni Jacob? Gamay lamang kaayo siya! Mao nga ang Dios nalooy." Amos 7, 2-6

Daniel

Si Daniel nasayod sulod sa iyang kasingkasing nga mao kini ang panahon sa pag-ampo alang sa nasud, mao nga siya nag-ampo. Ug ang Dios mihatag kaniya ug tubag nga hinanali. 9.2-23

Ug Diha Usab Sa Mga Modernong Panahon  

Si Hesus nagpaabot nga kita makahibalo sa mga ilhanan ug sa mga panahon. Mateo 16.3. Ang nagtipon nga kadaugan diha sa Ikaduhang Gubat sa Kalibutan, ug ang pagkahugno sa komunismo nahimong may kalambigitan sa mga katuigan sa pagdedikar, ug insaktong pagkatala, ug mapadayunong pakigbugno diha sa pag-ampo pinaagi ni Rees Howells, Samuel Howells ug mga tigpataliwala sa pag-ampo gikan sa ‘Swansea Bible College’ didto Wales, kuyog sa uban gikan sa tibuok kalibutan.

Ang Pag-ampo Magahulma Sa Mga Katapusang Takna

Diha sa Pinadayag 5.8 ug 8,1-5, ang Biblia nagpadayag nga ang sangputan sa tawhanong kasaysayan anaa sa mga kamot ni Ginoong Hesus Kristo. Atong makaplagan nga ang mga panghitabo sa katapusang kapanahonan ug ang mga pag-ampo sa mga katawhan adunay kalambigitan. Adunay kahilum sa langit aron paghatod sa mga pag-ampo sa mga katawhan sa Dios ug unya sa katapusan, ang makalilisang nga pito ka silyo sa paghukom maabli.

Giingon nga ang kasaysayan iya sa mga tigpataliwala. Sa ngalan ni Hesus aduna kitay awtoridad ibabaw kang satanas aron pagpakgang sa iyang mga plano, pagtumpag sa iyang mga kota ug pagpahigawas sa iyang mga bihag. Ang atong mga pag-ampo makapausab sa atong kalibutan, makaabli sa mga siradong pultahan, makapadawat niadtong mga madumilion nga mga atwo, ug mopatumba ug mopabangon ug mga pangulo.

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.