74 (2 bahin). Ang Nagapadala Nga Simbahan

Kung ikaw mismo dili makaadto – pagpadala ug lain puli sa imong dapit

Tan-awa ang mga Pagtulon-an

Basaha Kini sa Imong Biblia
Mga Taga-Filipos 4,14-20

Ani-a ang Imo’ng Sag-ulohon nga Bersikulo
Si Hesus nag-ingon, " Ang kalinaw maanaa kaninyo! Ingon nga ako gipadala sa Amahan,
ako magapadala usab kaninyo. Ug uban niana siya miginhawa ngadto kanila ug nag-ingon,
"Dawata ang Balaang Espiritu."

Pagkahuman Hisguti ang Mahitungod Niini
Kung ikaw mismo dili makaadto uban sa  maayo ug balido nga mga hinungdan,
kanus-a ka man magsugod sa pagpadala ug tawo puli sa imong dapit
ug unsa may imong kaugalingon nga buhaton diha sa plano sa pagpadala.

Usa ka Butang Angay Buhaton sa Dili pa ang Musunod
Pangita’g postal o ‘e-mail’ address sa bisag mga tulo lang ka mga tawo
nga anaa sa dapit sa pagmisyon ug padalhi ug sulat sa pagdasig ngadto kanila.
Ayaw kini langana paghimo, ang imong pulong karon mahimong makaluwas sa ilang ministeryo.

Buluhato’ng Pangdiploma
Paghimo ug usa ka gamay nga basahon, mahimong mga tulo ka bahin diha sulod sa duha ka bahin sa papel,
aron pagpasabot unsay maayong buhaton aron sa pagpadala ug mga kalalakin-an ug mga kababayehan ngadto sa misyon. Siguroha nga kini adunay pamalihug unsaon sa mga sakop sa simbahan pagtubag nga nagasulti
unsay gusto nilang buhaton. Uban sa pagtugot ipanghatag ang maong  mga basahon diha sa
simbahan ug mga kasimbahanan, ug tan-awa kung ang Ginoo mopabangon ug mga pundok nga mopadala.

Pamalandungi ang Matag Pulong Niini’ng Bersikulo
Juan 1.6

Pag-gahin ug Pipila ka Minuto aron sa Kausaban sa Kalibutan
Pag-ampo alang sa kalibutanong Diosnon nga kalihokan sa pagpadala ug mga kalalakin-an ug mga kababayehan ngadto sa pagmisyon sa kalibutan. Ingon nga daghan ang anihunon apan gamay ra ang mamumuhat, pag-ampo nga ang Ginoo sa pag-ani mobangon ug mga mamumuhat alang sa halapad nga anihunon,
ug nga ang mga kasimbahanan mahimong andam ug responsabli sa pagpadala kanila sa insakto.

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Gitawag Aron Mamahimong Mananagat Sa Katawhan

Palihug basaha ang Marcos 1, 14-18

Aron pagtingub sa maong yugto si Hesus nag-ingon ug nagapadayon sa pag-ingon nga:

 

Ang takna miabot na,

ug – ang Gingharian haduol na.

 

Diha sa kalendaryo sa Dios ug sumala sa iyang orasan, karon mao ang panahon sa kaluwasan, ug karong adlawa mao ang adlaw sa Iyang kaluwasan (2 Mga Taga-Corinto 6,2).

 

Si Hesus nag-ingon nga paghinulsol, pagtuo ug pagsunod kaniya,

Ug siya magahimo kanimo nga mananagat sa mga katawhan.

 

Si Simon ug Andres misugot pinaagi sa pagbiya sa ilang mga pukot diin maoy ilang kinadak-ang kapangitaan, ug sila misunod kang Hesus, mipili sa pagtuo kaniya ug nahimong masaligon diha Kaniya ug sa Iyang pulong ngadto kanila.

 

2. Diha sa Gingharian ang atong trabaho mao ang pagpanagat ug mga katawhan.

Usa ka mananagat uban sa usa ka pasol ug usa ka bingwit makakuhag mga isda matag karon ug unya.

Bisan pa man, kinahanglan makakt-on kita sa pamaagi sa kalibutan, kinsa pa may laing maalamon kaysa mga katawhan sa Dios, Lukas 16.8

·         Sa dihang ang mga mananagat magkahiusa ug mamuhat ingon nga grupo diha sa usa ka sakayan, makakuha sila ug daghang mga isda.

·         Sa dihang ang mga sakayan sa pagpangisda gikan sa nagkalainlaing kompanya magkahiusa ug magtambayayong sa pagpamuhat, ilang ilatag ang ilang mga pukot ibabaw sa 50 kilometro kwadrado. Sa dihang ilang haw-ason ang ilang mga pukot ang dagat mabiyaan nga wala nay mga isda, ug sila maga-ani sa dakung ganti sa ilang pagkahiusa sa buluhaton.

·         Si Hesus mihulagway niini diha sa Lukas 5,4-7.

3. Pagtaktak sa pukot ngadto sa lawud, tungod kay nag-ingon si Hesus.

Palihug basaha ang Roma 10, 9-14

Diha sa mga bersikulo 9-13, atong makita giunsa pagluwas sa mga kalalakin-an ug mga kababayehan gikan sa sala, gikan sa kaugalingon, gikan kang satanas ug gikan sa walay katapusang kalaglagan, ug giluwas alang sa Gingharian ni Kristo, alang sa panalangin, alang sa paglaum niining kinabuhia ug alang sa siguradong kaugmaon uban sa Ginoo sa walay katapusan human niining kinabuhia. Mao kini ang kahibulongan nga maayong balita sa ebanghelyo.

Bisan pa man, diha sa bersikulo 14 ang balaang kasulatan mibahin sa tibuok katawhan ngadto sa tulo ka bahin:

Una, "Sila" kinsa nagkinahanglan nga motawag sa ngalan sa Ginoo.
Buot  ipasabot nga ang mga katawhan nga gitawag 'sila' kinsa nagkinahanglan nga motawag sa Ginoo nga nagaluwas ug nagapanalangin sa madagayaon niadtong tanan nga nagaduol Kaniya.

Kinsa man sila? Tan-awa sa Mateo 24.14 ug 28.19 aron makakuha ug ideya, ug sutaa pagbalik ang mga pagtulon-an 17 ug 18 aron pagbag-o sa imong nakat-unan mahitungod sa mga wala pa mawalihi nga mga grupo sa katawhan, hinuon mahimo usab nga 'sila' nagapuyo tapad sa inyong balay o simbahan.

Ikaduha, kadtong gitawag aron sa paglakaw.
Buot ipasabot nga kadtong mga kaigsuonang lalaki ug mga babaye diha sa simbahan kinsa gitawag sa Dios aron sa pagbiya sa ilang mga “nasud, ilang mga katawhan ug sa panimalay sa ilang amahan ug moadto sa dapit nga gipakita sa Ginoo kanila."
(Genesis 12.1)

Kinsa kadtong gitawag aron sa pagpanglakaw ‘sila' (o kanila), kinsa kinahanglan motawag sa Ginoo.

Unsa may angay nilang buhaton ?

"Unsaon nila pagkadungog kung walay mowali ngadto kanila?"

 

Nagtuo ka ba nga dili ka makawali ?

Hinumdumi si Moises, Exodo 4.10 -17.

Hinumdumi si Isaias, Isaias 59.21

Hinumdumi ang batan-on nga si Jeremias, Jeremias 1.9

Hinumdumi ang batan-on nga si Amos, Amos 7.14,15.

Hinumdumi ang batan-on nga si Ester, Ester 4.14-16.

Hinumdumi si Pedro nga mihimakak kang Hesus sa wala pa siya mapuno sa Balaang Espiritu, apan pagkahuman imong makit-an ang iyang kaisog, Mga Buhat 2.14 hangtud sa unahan.

 

Dili ka ba makasulti sa pinulongan ?

Hinumdumi ang mando ni San Agustin sa dihang iyang gibuhi-an ang iyang mga mamumuhat sa pag-adto sa karaang Oropa uban sa ebanghelyo, "Panglakaw kamo ngadto sa tibuok kalibutan ug iwali ang ebanghelyo sa tanag binuhat, ug kung gikinahanglan – ikaw mismo magasulti !"

 

Si Agustin nakasabot nga usahay mas epektibo ang pagwali sa ebanghleyo uban sa atong kinabuhi nga gibutang diha sa pagpaubos, sakripisyo sa paghalad alang sa uban sa walay ganti, sa dili pa kita kinahanglan mamulong. Ang atong kaugalingon mismo ang bugtong ‘Buhi’ nga Biblia nga makit-an sa ubang mga tawo.

Ikatulo, ug may samang pagkamahinungdanon, kadtong gitawag aron sa pagpadala.
Kung dili na nimo kinahanglan motawag pa sa Ginoo alang sa imong kaluwasan, ug kung wala nimo gibati nga gitawag ka sa paglakaw, nan ikaw gitawag sa pagpadala. Ang Balaang Kasulatan walay gihatag nga laing kapilian o kategoriya.

Kita mopadala niadtong gitawag sa paglakaw 'sila nga kinahanglan mo tawag,' nga mao niadtong mga grupo sa katawhan sa kalibutan nga wala pa nawalihan.

Diha sa militarya ug ilabina diha sa puwersa sa kahanginan, usa ka kamatuoran nga sa matag piloto nga nagalupad sa atubangan sa gubat, laing mga 400 ka mga kalalakin-an ug mga kababayehan ang kinahanglan  nga mopaluyo aron pagtagbo sa tanan niyang gikinahanglan gikan sa pagkaon, ngadto sa iyang pagbansay, kapahimutangan, komunikasyon ug mga galamiton sa panggubatan.

Ang pagpadala maoy usa ka mahinungdanon nga tawag ug dili lang kini segunda klase o ubos lamang nga trabaho. Kadtong gitawag sa paglakaw maglisod pagpamuhat kung wala ang patukuranan sa tigpadala, ug sa pikas bahin kadtong adunay nagpaluyo nga patukuranan sa tigpadala nakahimo sa pagpamuhat nga epektibo ug masangputon ug malungtaron sa dugay nga panahon.

Usa ka matuod nga sugilanon sa duha ka mga babaye

Si Donna nakadawat sa tawag sa Dios sa iyang pagkabatan-on. Iya kining gipahat sa iyang lokal nga simbahan kinsa mitambag kaniya, mi-ampo alang kaniya ug mitabang kaniya sa pipila ka mga katuigan nga pagbansay sa Biblia, pagsinati ug mga mugbong panahon sa misyon ug pagkat-on sa mga mahinungdanon nga kahibalo diha sa medikal nga mga buluhaton. Sa dihang siya ipadala na,  siya mibiya uban sa hinugpong nga mga pag-ampo, mga maghahatag ug mga pastor nga mipaluyo kaniya.

 

Si Ann mitando sa tawag sa Dios diha sa simbahan nga mihatag ug gamay nga pagtagad sa iyang pagtuo ug panan-awon. Sa dihang siya miadto alang sa pagbansay wala gani mga paghisgot, walay pagpaluyo sa pag-ampo, walay pagpanamilit ug Diosnong pagpanalangin nga gihatag, ug walay suporta nga gitanyag, gawas lang kung adunay mga tawo nga mohatag matag karon ug unya. Sa dihang siya nagatubo ug midaug sa mga kaugan sa pagtuo, bugtong ang Dios ug ang iyang mga suod nga kauban sa dapit ang nakakita ug midayeg.

 

Ang usa ka babaye gipadala ug ang usa ‘milakaw’. Ang usa ka babaye miagi sa daghang katuigan nga pagpangandam uban sa daghang mga paggakus ug pagpangga, ug ang usa ka babaye miagi usab sa mga katuigan sa pagpangandam uban sa pag-antos, kamingaw, kakulang, kalisod ug mawad-an sa paglaum usahay. Pinaagi sa grasya sa Dios ang duha ka mga babaye nahimong mga banggiitang misyonero ug nagapaabot sa kinabuhi nga mahimong panalangin. Si Donna nagapangalagad sa Sidlakang Aprika ug ang kasingkasing ni Ann alang sa nadaut sa gubat nga Sidlakang Oropa..

 

Asa kanila ang gipangga ug asa ang nag-antos, ug ngano man kana ?

4.Unsa may buot ipasabot nianang nagapadala nga simbahan ?

Sa dihang ang Dios magatawag ug mga katawhan gikan sa inyong simbahan, atong hinumduman nga ang pagpadala ngadto sa misyon mas mahinungdanon kaysa serbisyo sapagpanamilit ug pag-ampo.

Si Neal Pirolo diha sa iyang talagsaon nga libro, "Serving as Senders" o ‘Maga-alagad Ingon Nga Mga Tigpadala’(ISBN 1-85078-199-0) nagatudlo nga ang nagapadala nga simbahan mohatag niining matang sa pagdasig:

Pagdasig o Pagdason – positibo nga pagdasig alang sa mga tawo ngadto sa pagbiya sa ilang kahimtang, kapangitaan, pamilya ug siguridad aron pagsunod kung si Kristo nagatawag.

 

Praktikal Nga Pagpaluyo – ang tabang nga gikinahanglan aron pagpaabot sa mga kalalakin-an ug mga kababayehan ngadto sa ilang padulngan, pag-abang sa ilang panimalay, magalantaw sa ilang mga buluhaton ug sa pamilya nga mahibilin, pag-impake sa ilang mga kabtangan ug dugang daghan ka mga liniboan ka mga paagi.

 

Salapianong Pagpaluyo – aron paghimo ug pagsangkap kanila aron dili magkalisod diha sa dapit sa misyon ug makabaton ug igo, uban sa hustong kapangitaan aron pagtrabaho sa buluhaton.

 

Pagpaluyo Diha Sa Pag-ampo – pag-organisar ug usa ka pagpataliwala sa pag-ampo aron pagprotektar ug pagpanalangin kanila sa ilang kinabuhi ug buluhaton, dili lamang ingon nga tulomanon sa paghisgot kanila matag serbisyo sa Dominggo.

 

Pagsuporta Pinaagi Sa Komunikasyon – regular nga mga sulat, mga sulat pinaagi sa ‘computer’ ug mga koreyo sa mga pakete mahinungdanon kaayo aron nga ang pamilya sa misyonero nga anaa diha sa simbahan mahimong ingon sa sumpay sa pamilya, ug dili pagputol kanila gikan sa pamilya.

 

Pgpaluyo Sa Ikaduhang Pagbalik – usa ka mahinungdanon kaayo aron pagtabang sa mga miyonero pagpaangay pagbalik sa ilang kinabuhi balik sa panimalay sa panahon sa ilang bakasyon ug sa dihang sila mopauli. Kini usa ka kamatuoran nga ang pagpauli mas makahatag ug pagka nabag-ohan sa kultura ug kahago kaysa pagpadulong !

5. Sa katapusan, maminaw kita sa usa ka panag-istorya gikan sa Isaias 6, 1-8

Ang batan-on nga si Isaias nakakita sa iyang kaugalingon diha sa Espiritu, nga misulod ngadto sa panagsimba sa langit ug miatubang sa pagkabalaan sa Dios nga Gamhanan. Tungod sa maong presensya iyang nasabtan ang iyang kaugalingong pagkamakasasala ug mibati ug kawala. Naulian lamang siya sa dihang human siya tanduga sa anghel, ug unya iyang nadunggan ang panag-istorya sa Amahan, Anak ug Balaang Espiritu.

"Kinsa man ang atong ipadala, kinsa man ang molakaw alang kanato?"

Atong mahulagway ang batan-ong si Isaias nga nanuktok sa pultahan ug naga-ingon, "pasayloa ako, Sir, dili naku kapugngan nga madunggan ang inyong panag-istorya."

"Ania ako, ipadala ako."

Mao kini ang tingog ug mga pulong sa batan-ong si Isaias sa milabay nga 2,760 ka mga katuigan, apan kung kita maminaw pag-ayo makadungog kita’g samang mga tingog karon, apan karon dili na kini ang tingog sa batan-ong si Isaias apan tingog sa usa ka batan-ong taga-Aprika, batan-ong taga-India ug batan-ong taga-Habagatang Amerika.

Aduna silay samang tawag, sila mihatag sa samang pagtubag, aduna silay samang paglaum – Ipadala Ako !

Ang Dios miingon kang Isaias - Lakaw, ug mihimo niining posibli ngadto kaniya. Karon ang Dios nagapamuhat pinaagi sa Lawas ni Kristo – ang Simbahan, kinsa man ang responsabli sa pag-ila niadtong gitawag sa paglakaw, ug ang pagpadala kanila nakatuman sa mahinungdanon nga katungdanan diha sa Dakung Sugo.

Si Oswald Smith, usa ka inilang manunulat sa libro nga ’A Passion for Souls’ ug ang pastor sa Simbahan sa Mga Katawhan diha sa Toronto, diin sa milabay nga mga katuigan mipadala’g gatusan ka mga katawhan ngadto sa kalibutanong misyon nag-ingon,

"Kung ikaw mismo dili makaadto, tungod ug alang sa Dios padala ug laing tawo puli sa imong dapit."

Tinuod ilang gibuhat ug natala didto sa libro sa kasaysayan sa ika-20 ka gatusan ka tuig.

Ang tinuod mao nga ang usa ka lokal nga simbahan dili limitado sa pagpadala sa iyang kaugalingong mga sakop ngadto sa misyon aron niadtong mga nagkinahanglan nga motawag sa Ginoo. Makahimo usab kini pagsagop ug misyonero gikan sa laing simbahan ug makig-uban pagpamuhat kanila sama niadtong mga mananagat sa mga baroto. Makahimo kini pagsagop ug misyonero gikan sa halayong dapit sa Aprika, gikan sa Asya o gikan sa Latinong Amerika ug magkahiusa sa pagpamuhat dihasa magantihong panagkumboya.

Usa ka gamayng lokal nga simbahan sa baryo sa Riverside sa Englatera:

·         Mipadala kang Philippe didto sa Burkina Faso – ug liniboan ka mga tawo ang nakadungog sa ebanghelyo.

·         Mipadala kang John didto sa India – ug  usa ka grupo sa mga tawo nga wala pa nawalihan ang nakaplagan.

·         Mipadala kang Samuel didto sa India – ug karon si Hesus nawali na hangtud ngadto sa mga kalasangan.

Si Hesus naga-ingon ug nagapadayon sa pag-ingon:

Ang panahon miabot na, ang Gingharian haduol na

Paghinulsol, salig, sunod kanako – ug ako magahimo kaninyong mananagat sa katawhan.

Ato ba siyang tugotan sa paghimo niini pinaagi sa pagpadala ug mga kalalakin-an ug mga kababayehan nga moadto ug mowali niadtong mga atwo nga kinahanglan motawag sa Ginoo ?

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

.