73. Ang Simbahan Sa Katawhan

Ang madaugong gahum sa hini-usang pagpamuhat

Tan-awa ang mga Pagtulon-an

Basaha Kini sa Imong Biblia
Mga Buhat, Kapitulo 22

Ani-a ang Imo’ng Sag-ulohon nga Bersikulo
Apan kamo ang kaliwatan nga pinili, harianong pagkasacerdote, nasud nga balaan,
katawhan nga nakaugalingon sa Dios, aron igamantala ninyo ang mga pagkahalangdon niya
nga nagatawag kaninyo gikan sa kangitngit ngadto sa iyang katingalahang kahayag. 1 Pedro 2:9

Pagkahuman Hisguti ang Mahitungod Niini
Sa unsang paagi kamo ingon nga harianong sacerdote makahalad sa
mahalong espirituhanong mga sakripisyo nga atong makita dinhi sa Biblia niini nga pagtulon-an?

Usa ka Butang Angay Buhaton sa Dili pa ang Musunod
Pangayoa sa Ginoo nga tultolan ka ngadto sa usa ka sitwasyon mahimong karon o sa sunod panahon
diin mabuhat mo ang samang butang gihimo ni Hesus. Unya sa dihang kini mahitabo, hinumdumi
kining maong pagtulon-an, ayaw pagbalibad apan lakang diha sa pagtuo ug diha sa gahum sa iyang ngalan.

Buluhato’ng Pangdiploma
Pagsulat ug usa ka paghulagway sa unsay gipangayo ni Hesus sa dihang miadto
siya sa Amahan aron mahimong posibli kanimo sa pagministeryo
sa samang paagi nga iyang gihimo. Juan 14:12

Pamalandungi ang Matag Pulong Niini’ng Bersikulo
Juan 14.12

Pag-gahin ug Pipila ka Minuto aron sa Kausaban sa Kalibutan

Pray For Thailand - 60,000,000 people in Asia

Much corruption, immorality, drugs, 93% Buddhist, only 1% Christians

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Kinsa Man Ikaw, Ginoo?

Mao kini ang unang pangutana  nga migula sa mga ngabil ni Saulo sa dihang sa wala damha iyang nahibalag ang himaya sa Dios sa iyang paglakaw padulong sa Damascus, Mga Buhat 22,8-10. Sa dihang si Saulo, nga sa wala madugay gitawag ug Pablo, nakasabot nga anaa siya sa presensya sa nabanhaw nga Ginoong Hesus, ug nangutana sa ikaduhang pangutana ~

Unsa May Akong Buhaton?

Ang samang pangutana anaa pa gihapon sa mga ngabil sa kadaghanan sa mga magtutuo karon kinsa gusto mangalagad sa Ginoo kaysa mosunod sa mga kalibutanong pangandoy. Subong palandungon, dili tanan nakakaplag sa paagi sa pagpakita sa ilang pagtuo kay sa ubang mga simbahan ang tanan gibuhat pinaagi sa mga banggi-itang tinugyanan o mga sinuholang mga pangulo, diin ang mga sakop wala nay buhaton gawas sa pagtungha sa matag Dominggo nga tigum ug paghatag sa mga ikapulo ug mga halad sa walay pagpasabot kung asa kini mopadulong. Inay nga palihokon ang simbahan kasagaran nahimong inutil.

Sa laing bahin, daghang mga pastor ang nagreklamo nga walay mga tawo nga motabang kanila apan napakyas pagtan-aw sa gihatag sa Dios diha kanila.

Ang Puwersa Sa Misyon Anaa Sa Mga Lingkuranan Sa Simbahan.

Ang puwersa sa misyon mahimong anaa sa lingkuranan sa simbahan apan ang mga sundalo nga dili mo-asdang dili gayud magmadaugon. Diha sa sugilanon sa Simbahan adunay duha ka tataw nga mga kinadak-ang kahibulongan nga pagtubo. Imo kining makaplagan diha sa kina-unhang gatusan ka tuig ug diha sa ika saysinta ka gatusan ka tuig, diha sa gitawag nga Reporma.

Niadtong panahona kadaghanan sa mga katawhan sa Dios dili lamang ang mga pangulo ang pinasahi nga nadasig ug naglihok ug moadto sa halayo ug halapad nga dapit aron pagsangyaw sa maayong balita bisan ubos sa mainitong pagpanglutos. Ang mga sundalo sa Dios mi-asdang diha sa gahum ug ang kalibutan na-uyog.

Sa laing mga higayon sa kasaysayan bisan ang mga kaparian midumili sa pagtugot sa mga katawhan sa pagbasa sa Balaang Kasulatan bisan sa pagpahayag sa ilang mga gasa ug pagtuo. Bisan karon adunay mga tawo sa Dios nga may katakus sa pagpangulo apan mobati ug pagka walay pulos kung sila dili mahatagan sa higayon sa pag-alagad  sa Dios sumala sa kanunay nilang madunggan sa mga mensahe.

Sumala sa kasaysayan atong nahibaloan nga ang usa ka na-ugmad nga simbahan makasinati ug dakung kawad-on sa dihang ang maong pagbati sa pagka walay pulos dili na mapugngan ug unya moabot ang oportunidad. Bisan pa man ang Biblia nagtudlo kanato sa pinakamaayong paagi aron magkahiusa pagpamuhat.

Ang Matag Miyembro Usa Ka Mamumuhat.
Si Apostol Pedro nagsulat, " kamo usab, ingon nga mga batong buhi, ginatukod kamo nga usa ka balay nga espirituhanon, usa ka pagkasacerdote nga balaan, aron magahalad kamo sa mga halad nga espirituhanon, nga nahamut-an sa Dios pinaagi kang Hesu Kristo." 1 Pedro 2. 5; ug tan-awa usab sa 9. Ang sukdanan sa Bag-ong Tugon mao ang pagkasacerdote sa tanang mga magtutuo, dili ang propesyonal nga sacerdote ug ang wala sa biblia nga pulong - layko. Ug inyo bang nakaplagan ang gisulti ni Hesus nga mahimo sa mga magtutuo, diha sa Marcos 16, 16-18?

Kini Ba Nagpasabot Nga Wala Na Kinahanglana Ang Mga Pangulo Sa Simbahan?

Dili kana mao ang gipasabot. Tataw kaayo diha sa Biblia nga ang Dios nagbutang ug mga pangulo diha sa simbahan, Mga Taga-Efeso 4.11,12, apan ang ilang kinadak-ang responsibilidad mao ang pagpangandam ug pagbuhi sa tibuok simbahan ngadto sa ‘pari-anon’ nga pag-alagad nga daan nang giplano sa Dios alang sa matag usa ka magtutuo. Mga Taga-Efe. 2.10.

Nan Unsa Man Ang Buhaton Sa Usa Ka Sacerdote?

Siya maoy salamin sa pagkabalaan sa Dios ug sa iyang Labaw nga Pari, si Hesus. 1 Pedro 1.15; Hebrohanon 7.26; 10.10

Siya nagapangaliya alang sa mga tawo atubangan sa Dios.

Siya nagarepresentar sa Dios atubangan sa mga tawo.

Oo, tinuod nga mao kana ang buluhaton sa usa ka pari, apan mahimo mo usab, ug kinahanglan nga imo gihapong buhaton, kada adlaw, ingon nga sacerdote niining mga tawhana diin asa sila nahimutang.

Unsa Pay Uban Buluhaton Ingon Nga Mga Sacerdote?

Makahimo kita ug kinahanglan gayud mohalad ug ‘mga espirituhanong sakripisyo.’ 1 Pedro 2.5

 

Ang Biblia nag-ingon nga kini sila ang mga -

Sakripisyo sa mga pagdayeg ngadto sa Dios. Heb. 13.15

Sakripisyo sa salapianon o mga materyal nga butang. Mga Taga-Filipos 4.18; Hebrohanon 13.16

Sakripisyo sa atong lawas nga gihalad ngadto sa Dios. Roma 12.1

Sakripisyo sa pagbuhat ug maayo.

Hebrohanon 13.16, Mga Buhat 10.38

Usa ka hinigugmang misyonero mibati ug kapakyas kay wala niya makita nga daghan ang nangaayo o nakabaton sa kagawasan sa dihang siya nangampo kanila. Sa dihang nag-ampo siya mahitungod niini gigiyahan siya sa Ginoo ngadto sa Mga Buhat 10.38 alang kaniyan ug misugyot nga buhaton una niya ang unang bahin niini sama sa gibuhat ni Hesus – nga mao ang pagpamuhat ug maayo, unya ang ikaduhang bahin niini nga mahitungod sa kaayuhan gikan sa pagpaantos sa yawa mosunod. Sa dihang kini iyang gitugyan ang iyang kaugalingon diha sa mga yano nga mga buhat sa pagkamaayo ang Ginoo mituman sa iyang pulong uban sa mga milagro.

Hinuon Ang Tanan Makahimo Pagbuhat Sa Maayo.

Ang mga kaayuhan nga gihimo ni Hesus dili na ma-ihap ug si Pablo mitudlo kang Titu sa pagtugyan sa ilang mga kinabuhi diha sa paghimo ug maayo. Titu 3, 8,14.

Tan-awa usab sa Mga Taga-Efe. 6.8; 2.10, 4.12; Mateo 5.16 ug Santiago 2.14-26

Aduna Ka Bay Pagtuo Diha Kang Hesus?

Nan basaha kung unsa ang gisulti ni Hesus diha sa Juan 14.12. Si Hesus nagtudlo nga bisag unsa nga iyang ginabuhat buhaton usab niadtong mga tawo nga nagatuo kaniya karon, diha sa iyang ngalan.

Unsa May Gibuhat Ni Hesus?

Si Hesus nagsulti sa matuod ug mihimo sa ~

 

Baynte tres ka mga milagro sa kaayuhan,

Traynta ka higayon mibuhi sa patay,

Ikaduhang higayon mipakaon sa liniboan ka mga katawhan,

Siya nagamando sa kinaiyahan,

Siya mihatag buhis sa milagrosong paagi,

Ikaduhang higayon siya mitagbo sa pagpangisda aron ipakaon, ibaligya ug tipigan,

Siya nagatagbo ug bino alang sa usa ka pagsa-ulog.

Ang usa ka maalamon nga pangulo sa simbahan motabang sa iyang kaugalingon ug mohatod sa dakung panalangin ug katagbawan ngadto sa iyang mga katawhan pinaagi sa pagsiguro nga ang matag kalalakin-an ug kababayehan mabansay nga mahimong sama kang Hesus ug unya buhian uban sa pagsuperbisyo aron mahimong mamumuhat diha ba sa kaugalingong dapit o mahimong usa ka misyonero ngadto sa halayo. Kung kini iyang buhaton nan ang tibuok kasundalohan sa Dios maga-martsa uban sa gugma ug modaug batok sa tanan, ug ang pastor dili na kinahanglan mamuhat sa tanan diha sa iyang kaugalingon.

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.