72. Ang Apostolik Nga Simbahan

Ang mga apostoles ingon nga mga maayong mangingisda nakahibalo unsaon nga magpabilin nga lig-on ang mga pukot

Tan-awa ang mga Pagtulon-an

Basaha Kini sa Imong Biblia
2 Mga Taga-Corinto 10 & 11

Ani-a ang Imo’ng Sag-ulohon nga Bersikulo
Busa dili na kamo mga dumuloong ug mga umalagi, kondili mga tagilungsod kamo uban sa mga balaan ug
sa mga panimalay sa Dios, sa mga tinukod kamo sa ibabaw sa patukoranan sa mga apostoles ug
mga manalagna, nga si Hesus Kristo gayud mao ang pangulo nga bato sa pamag-ang. Mga Taga-Efeso 2.19-20

Pagkahuman Hisguti ang Mahitungod Niini
Mahimo ba nga ang mga kasimbahanan karon mapasig-uli ngadto sa panig-ingnan sa apostolik nga
ministeryo diha sa Bag-ong Tugon?

Usa ka Butang Angay Buhaton sa Dili pa ang Musunod
Buhata ang pagka-apostolik, panlakaw ingon nga grupo sa bisan asa nga dapit, sama pananglit sa usa ka baryo,
tunghaan o bilanggoan diin wala pa masodli, ug ipresenta ang Diosno’ng plano sa kaluwasan.

Buluhato’ng Pangdiploma
Sutaa giunsa pagdumala ang mga kasimbahanan o mga relihiyusong pundok karon
ug isulat ang mga pananglitan ug mga Biblikanhon nga mga basihanan.

Pamalandungi ang Matag Pulong Niini’ng Bersikulo
1 Mga Taga-Tesalonica 1.7-8

Pag-gahin ug Pipila ka Minuto aron sa Kausaban sa Kalibutan

Pray For Uzbekistan - 24,000,000 in many ethnic groups

68% Muslim, 4% Orthodox, Islamic capital of Central Asia

Long history, recent independence

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Diha sa tibuok nga Bag-ong Tugon atong makaplagan nga ang mga apostoles gihisgutan mga 80 ka higayon, mao nga tataw nga sila maoy mga pangulong katawhan kaniadto sa panahon sa unang simbahan, sa kamatuoran ~

Ang mga apostoles maoy ‘una’ diha sa Simbahan, 1 Mga Taga-Corinto 12.28

Ang Simbahan natukod diha sa patukuranan sa mga apostoles ug mga propeta. Mga Taga-Efeso 2. 20.

Ang mga apostoles ug mga propeta adunay mga pinasahi nga pinadayag ug kaalam gikan sa Dios. Mga Taga-Ephesians. 3.5, Judas 17.

Ang mga kasimbahanan kinahanglan adunay ilang kaugalingon nga mga apostoles. 2 Pedro 3.2

Apan ang mga apostoles alang ba usab karon o sa sinugdanan ba lamang aron pagtukod sa Kristohanong kalihukan? Kung sila alang usab karon, kinsa man sila ug unsa man ang ilang gibuhat?

Unsa May Atong Buhaton?

Kasagaran karon gipangulohan kita sa mga maayong magdudumala o mga pastor apan kung ang mga apostoles sa gihapon maoy ‘una’ sa Dios diha sa Simbahan ug usa sa mga patukoranan niini, unsa may atong buhaton?

Unsa Man Ang Apostoles?

Ang pulong apostoles nagkahulogan nga mensahero, gihatagan ug gahum aron pagbuhat ug misyon gikan sa Dios. Dili kini katungdanan, apan usa ka tawag, usa ka gasa ug usa ka lihok diha sa Simbahan sama sa uban.

Ang Mga Apostoles Diha Sa Bag-ong Tugon

Si Hesus, labaw sa tanan, Hebrohanon 3.1.

Ang 12 ka unang mga apostoles sa Cordero, Marcos 3.14-16, Mga Buhat 1.26; Pinadayag 21.14

Ang gasa sa pagka-apostoles, Mga Taga-Efeso 4.11; mga tawo sama nilang Pablo, Santiago, Barnabas, Timoteo, Silas, Andronicus ug Junias.

Ang Biblia wala nag-ingon nga alang lamang sila sa mga unang kapanahunan. Ang tinuod gihatag ni Kristo ang mga apostoles sa Simbahan aron pagbuhat sa buluhaton nga wala pa nahuman, Mga Taga-Efeso 4.12-14, igo na nga kamatuoran nga ang mga apostoles gikinahanglan pa gihapon karon, maingon man ang mga na-ilhang mga gasa diha  sa Mga Taga-Efe. 4.11.

Unsa May Buluhaton Sa Apostoles?

Dili tanang mga apostoles nagabuhat sa tanan nga makit-an diha sa Bag-ong Tugon apan ang mga apostolikong mga kalihokan naglakip sa mga musunod ~

Pagpakaylap sa ebanghelyo, sama pananglit sa kadaghanan sa mga panaw  ni Pablo, ug sa pagbisita ni Pedro ngadto sa dapit sa usa ka Hentil nga panimalay nga wala pa niya sukad mahibaloi, Mga Buhat 10.

Ang pagkab-ot niadtong mga tawo nga wala pa nawalihan, Roma 15.20

Hinungdan nga adunay mga bag-ong pagpang-ebanghelyo, Mga Buhat 19, 10

Hinungdan nga adunay mga bag-ong simbahan nga natanum, sama sa gibuhat ni Pablo sa tibuok Habagatang Oropa.

Ang pagkahimong usa ka maalamong magtutukod, nga nakahibalo unsay angay buhaton, 1 Mga Taga-Corinto 3.10, 5.3; 6.4; 7.1, 8.1.

 

Ang Mga Apostoles Mibutang Sa Lig-ong Mga Patukoranan
Ni Kristo, 1 Mga Taga-Cor 3.11

Sa kinabuhi diha sa Espiritu, Mga Buhat 19.1, 8.14-17

Sa pagtuman sa Dios, Roma 1.5

Sa insaktong pagtulon-an, Mga Taga-Efe 3, 2-21

Sa mga maayong pangulo, Mga Buhat 14.23, Titu 1.5

 

Ingon nga mga amahan ug mga inahan sa mga batang simbahan, modasig pinaagi sa mga sulat o pagbisita, apan dili magadumala, 2 Mga Taga-Corinto 11.28; 1 Mga Taga-Tes. 2.7,11

Paghagit sa mga tradisyong walay kahimoan, ingon sa pagsupak ni Pablo ug Pedro, Mga Taga-Gal. 2, 11-14

Pagpanaw aron sa paghi-usa sa Lawas sama sa gibuhat ni Pablo nga paghi-usa sa Herusalem, Antioquia Ug sa mga bag-ong simbahan pinaagi sa iyang pakiglambigit.

Pagpakita ug matunyahong mga paghinigalaay ug mga pagkamadapigon, ang pagpamuhat pinaagi sa pakiglambigit dili sumala sa porma ug mga katungdanan, 1 Mga Taga-Tes. 1 5-7, 2.8; Mga Taga-Fil. 1.8, 4.10, 14-15; Mga Buhat 20.31, 18.11.

Unsaon Nimo Pagkahibalo Kinsa Ang Apostoles?

Ang mga apostoles tinawag sa Dios, ug kahibalo sila niini, ug bisan pa ang ubang tawo. Mahimo nilang mapamatud-an ang ilang tawag, apan dili nila kinahanglan imantala ang ilang posisyon ingon nga katungdanan, diin dili gayud angayan, kondili usa ka dapit sa taas nga pag-alagad. Tan-awa unasaon ni Pablo pagsugod sa iyang mga sulat, ug tan-awa usab nga ang mga apostoles ~

• Ma-ila usab sa ubang mga pangulo sa simbahan, Mga Buhat 15, 2, 4
• Nagalihok ug nagapakitag pagpamatuod sa ilang tawag dili pinaagi sa pinugos, kontrolado nga pagkatawo apan pinaagi sa mapadayunong pagpadayag sa gahum sa Espiritu, 2 Mga Taga-Cor. 11.6-13
• Adunay mga  katawhan ingon nga buhing kamatuoran sa ilang ministeryo, 2 Mga Taga-Cor. 3,2-3
• Dinihogan uban sa gahum alang sa ministeryo, 2 Mga Taga-Cor. 12.12.
• Mipamatuod sa Dios sa ilang kaugalingon diha sa mga paglahutay taliwala sa mga kalisdanan ug mga pagbatok, 2 Mga Taga-Cor.12, 7-10; 1 Mga Taga-Cor. 4, 9-13

Ang Mga Apostoles Magkinahanglan Usab Ug Panimalay.

Ang mga apostoles diha sa Bag-ong Tugon kanunay makit-an nga nagapamuhat kauban sa mga misyonerong grupo o uban sa mga pangulo sa simbahan diha sa ilang kaugalingong apostolik nga basi. Tan-awa sa Mga Buhat 15 ug Pagtulon-an 12.

Unsa Ang Apostolik Nga Basi?

Kini usa ka modelong simbahan, diin ang mga apostoles, mga grupo ug mga katawhan maghi-usa pagtigum diha kang Hesus ug alang sa matag-usa. Mao kini ang pundohanan sa mga igpadalahay ug dapit nga kapanguhaan sa mga tawo, salapi ug mga materyal alang sa misyon. Kini usa ka dapit sa panagtigum, kabag-ohan, kapangako-an ug pagpaluyo alang sa mga tawo kinsa gipadala sa Dios, apan dili kini usa ka ‘piramid’ nga gimando sa usa ka hawud nga apostoles. Apan sa dihang ang grupo ni Pablo nalayo gikan sa ilang basi sa Antioquia misuporta ug midumala sila sa ilang mga kaugalingon. Mga Buhat 14, 26-28

Ang Mga Apostolik Nga Basi Diha Sa Biblia

Ang Herusalem, Antioquia, Efeso ug Tesalonica labaw pa kaysa lokal nga simbahan. Gawas sa panagtigum kinaiya na usab nila ang mga buluhaton sa Balaang Espirito, pag-ampo, pag-ebanghelyo, pagpropesiya ug mga panaghisgut sa pagtulon-an. Adunay pagdaghan sa mga pangulo, usa ka buhing simbahan ug panagtigum. Sila milahutay sa mga bala-odnong mga paghagit, mga paglutos, mga pamaagi ug mipadala ug mga apostoliko nga grupo ug mitabang sa mga taga-Herusalem, ngadto sa Samarya ug bisan pa gawas ngadto sa mga kanasuran.

 

Mahinungdanon  nga ang apostoles makakat-on gikan sa iyang dapit ug modala sa mga pagtulon-an aron ipasa ngadto sa uban. Ang usa ka apostolik nga basi kinahanglan molampos sa bisag unsang mga pasulit ug kinahanglan anaa aron makatudlo sa grupo, aron makapangimbita ug mga tawo diin sila makakat-on, ug aron angayan ikapasigarbo.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.