71. Ang Manggugubat Nga Simbahan

Si Satanas gi-abog ngadto sa kalibutan, karon aboga siya pagawas sa simbahan !

Tan-awa ang mga Pagtulon-an

Basaha Kini sa Imong Biblia
Pinadayag 12, 7-12; Daniel 10

Ani-a ang Imo’ng Sag-ulohon nga Bersikulo
Ug siya gidaog nila tungod sa dugo sa Cordero, ug tungod sa pulong
sa iyang pagpamatuod, ug wala nila paghigugmaa ang ilang
kinabuhi hangtud sa kamatayon. Pinadayag 12.11.

Pagkahuman Hisguti ang Mahitungod Niini
Tan-awa ang kinaiya sa usa ka kawatan ug suginli ang matag usa kung giunsa nimo pagtan-aw
ang matag usa niini diha sa kinabuhi ug sa katilingban. Taposa pinaagi sa pagpasalamat sa Dios sa iyang pagluwas kanimo.

Usa ka Butang Angay Buhaton sa Dili pa ang Musunod
Pag-organisar ug espesyal nga panahon sa pag-ampo uban sa mga batid nga mga pastor ug mga manggugubat
sa pag-ampo ug pangayo ug tabang sa Balaang Espiritu; aron pagdawat sa ministeryo nga
mohatag kasigurohan nga ikaw gawasnon na gikan sa paghupot sa ‘Poneria.’

Buluhato’ng Pangdiploma
Pag-sulat ug usa ka pahina pag-ila kung unsa ang nagadumala nga espiritu’ng nagpuyo ibabao
sa inyong siyudad, ug ihulagway ang iyang mga pagpadayag diha sa kinabuhi sa mga lumolupyo.

Pamalandungi ang Matag Pulong Niini’ng Bersikulo
Mga Taga-Colosa 1.13

Pag-gahin ug Pipila ka Minuto aron sa Kausaban sa Kalibutan

Pray For Ireland - 4,000,000 Celtic people

92% Catholic, Protestants in decline, major missionary sending nation

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Duha Ka Mga Gingharian Ug Duha Ka Mga Plano

Ang Biblia tino nga mitudlo sa pagkamatuod sa duha ka mga gingharian ug sa duha ka mga magmamando. Ang gingharian sa Dios mao ang gingharian saDiosnong awtoridad ug gobyerno, ug ang kinatibuk-an kinaiyahan niini maayo. Ang laing gingharian gipangulohan ni Satanas ug ang iyang mga gahum sa kangitngit kinsang kinaiyahan dili malalis nga dautan. Ang gingharian sa Dios mao ang dapit sa panalangin nga makit-an, sama pananglit, diha sa Jeremias 29.10-14:

Ako magadu-aw kaninyo aron pagtuman sa akong mga maayong saad, bersikulo 10.

Ako adunay plano aron pagpalambo kanimo ug dili paghatag kanimo ug kadaut, nersikulo 11.

Ang akong mga plano nga magahatg paglaum ug kaugmaon, bersikulo 11

Ako magapatalinghug kaninyo, ako inyong makaplagan.

Ako magakuha kaninyo pagbalik gikan sa pagka-ulipon. bersikulo 12, ug 14

Apan ang kawatan mianhi aron lamang sa pagpangawat, pagpatay ug paglaglag, Juan 10.10. Ang gingharian ni Satanas mao:

Ang gingharian sa pagduhaduha, pagkawalay pagtuo, kalibog, pagkawalay paglaum, pagkmagul-anon, pagkasinalikway; pagtipas, pagtintal, madanihon ug pagkahugaw; paglingla, pagpamakak, pagpasangil ug pagpangawat; pagpanghawud, pagkontrolar, pagsukol, mini nga pagsimba, kulto ug pagpang-ulipon; kadautan, pagpatay, pagtukob, pagpasakit, kahadlok ug pagkabahinbahin. Kining tanan gihulagway gikan sa Biblia.

Ang Dili Makita Nga Pagbatok.

Mao kini ang trabaho sa Simbahan ingon nga niluwas, Mga Taga-Colosas 1.13,14, ngadto sa pagtugyan diha sa Dios, ug pagsukol sa yawa pinaagi sa magubaton, igmat nga espirituhanong pagpakigbugno.

Ang Gubat Uban Sa Pahimangno

Mas maayo kining buhaton pinaagi sa usa ka simbahan, o usa ka grupo sa mga tigpataliwala kaysa indibiduwal nga magtutuo. Santiago 4.7; Roma 12.21; 1 Pedro 5.9. Kini nga topiko ug kini nga pagtulon-an puno sa sa makinaadmanong lantugi ug dugang mga pangagpas, apan maghimo kitag pagtan-aw sa Mga Taga-Efeso 6.12 aron pag-ila sa tulo ka mga lebel sa gahum sa kaaway ug pipila ka mga angayang tubag.

Mga Tigdumala Sa Kalibutan kasagaran mao kini ang kalibutanong pagbati.

Mga Espiritu Sa Kayutaan ang mga espirituhanong gahum nga nagpaluyo sa mga kanasuran.

Mga Kasundalohan Sa Mga Espirituhanong Gahum personal nga gibutang batok sa mga grupo ug sa matag-usa.

Usa ka inilang makinaadmanon nga si Dr. Peter Wagner, nakamatikod ug usa ka yutan-ong lebel sa dautan – nga makita sa nahitabo didto sa Samaria, Mga Buhat 8.7;  kulto nga lebel sa dautan – nga makita diha kang Simon nga Salamangkero, o Elimas, Mga Buhat 8.9; 13.6, ug ang mamanduon nga lebel sa dautan – sama kang Artemis o Diana sa Efeso, ang diniyos nga kaharianon, Mga Buhat 19.27

Pagpildi Sa Mga Dili Makita Nga Mga Kalibutanong Tagdumala.

Ang pulong mao ang Kosmokrator, ang kalibutanong ginoo, (Mga Gaway) o mga gahum sa kangitngit, (NIV). Ang kalibutanong ginoo nagahupot sa tibuok katilingban diha sa usa ka dakung espirituhanong paglimbong. Ang mga Kosmokrator mahimong mopasiugda sa anti-Kristong espirito sa Islam, o materyalismo, Hinduismo, Buddhismo ug sa Bag-ong Kapanahonan. Ug ang labaw nga tagdumala mao si Satanas mismo, ang tawong kusgan sa Lukas 11.21, ug siya mao ang sumbanan sa tanang ubos nga mga katungdanan.

Ang Mga Desisyon Mao Ang Espirituhanong Pagpakigbugno

Diha sa Mateo 4, 1-11, si Hesus mibuntog kang Satanas pinaagi sa espirituhanong pagpakigbugno diha sa hugot nga mga pagdesisyon.

Siya midumili sa mga pagtintal sa yawa aron paggamit sa iyang gahum aron pagpanalangin sa iyang kaugalingon, hinuon mipili sa pagdili sa kaugalingon ug pagsakripisyo, 3,4.

Siya midumili sa pagpamasin nga sinagulan sa tawhanong/yawan-ong kaalam, ug mipili sa pagbuhat sa pamaagi nga makahatag kahimayaan ngadto sa iyang Amahan, 5-7.

Siya midumili sa paglaktod aron paglabay sa Krus sa Kalbaryo ug mipili sa kabubut-on sa Dios apil na ang pag-antos, aron pagluwas sa uban, 8-10.

 

Mikalagiw ang yawa ug sa katapusan na pildi ngadto sa Krus pinaagi sa samang hinagiban sa hugot nga mga pagdesisyon.

 

 

Ang Pagdaog Sa ‘Arche’ Ug ‘Exousia’.

Mao kini ang mga tagdumala ug mga awtoridad sa Mga Taga-Efeso 6.12, (NIV). Sila mao ang gakontrolar nga mga pangulo, mga gahum ug mga tagdumala ibabaw sa mga kanasuran, kayutaan ug mga siyudad.

Sama pananglit sa mahugaw nga ‘espiritu’ sa Amsterdam. Ang punoan sa Japan nga nagpasiugda sa pagsimba sa adlaw. Usa sa mga espiritu sa San Francisco mao ang kaulag. Ang Espanya adunay karaang espiritu sa relihiyon, kalibog ug pagkabahinbahin. Didto sa Aprika ang espiritu sa pagka-ungo adunay kalambigitan sa espiritu sa mabudlayong kapubrihon. Job 38,7; Pinadayag 12, 7-9,4; Gen., 1-7; 6,1-6; 11,1-9; 10.5; Deut 32.8; Salmo 82; Daniel 10.13, 20

Ang Daniel 10 nagahtag kanato’g mahinungdanong pinadayag mahitungod sa pagbatok sa mga pangulo ug mga gahum ug kung unsaon sa masubsob nga mga pag-ampo pagdala sa mga kinahanglanong mga pinadayag ug anghelanong tabang.

Pagbuntog Sa Dautan Batok Kaninyo.

Si Hesus misukol sa yawa diha sa katilingban ug siya usab nagahingilin sa mga dautang espiritu pagawas niadtong mga tawo nga adunay dili makatarunganon nga kinaiya. Ang pulong diha sa Biblia mao ang 'Poneria,' ang espirituhanong kusog diha sa langitnong dapit. (NIV) si Pablo diha sa Mga Taga-Efeso 6,10-14 usab misulti kanato sa sigurong paagi ug pagbaton sa atong kadaugan:

1. Magmalig-on diha sa Ginoo ug diha sa iyang kusganong gahum.
2. Buhata ang pagsul-ob sa hinagiban sa Dios, sama pananglit sa pagsugid sa tinuod nga maoy makapanalipod kanimo ug makapasubo sa yawa.
3. Sukli ang yawa.
4. Pag-ampo diha sa Balaang Espiritu.

Ang pag-ampo diha sa ngalan ug awtoridad ni Hesus makabungkag sa tanang ‘Poneria’ nga yawan-ong gahum, apan ang pagpakigbugno mahimong mas madali ug mas masayon kung ang tawo nga gibug-atan mohimo sa musunod:

Pag-ila nga ang hinungdan espirituhanon.

Paghinulsol sa mga sala, pagtalikod kanila pinaagi sa tabang sa Dios, ug ang pagpili sa pagsunod kang Hesus ingon nga manluluwas ug Ginoo.

Pagdawat sa kapasayloan diha sa Ngalan ni Hesus ug ang pagpasaylo usab sa mga nakasala, nag-abusar ug nakapasakit kanimo diha sa Ngalan ni Hesus.

Pagsalikway kang Satanas ug sa tanan niyang mga buhat.

Unya pahinumdumi si Satanas sa Dugo ni Kristo ug sa iyang kapildihan didto sa Krus.

Unya imong badlongon ang tanang mga dautang espiritu, mandoi ang tanang demonyo sa paghawa ug sa tanang tunglo nga mabungkag diha sa ngalan ni Hesus.

Pandongi ang tawo aron pagpuno pag-usab sa ilang kinabuhi sa Balaang Espiritu. Sultihi sila sa pagdayeg kang Hesus, ug pagpuyo uban sa Espiritu ug sa pulong sa Dios.

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.