70. Ang Simbahan Nga Giniyahan Sa Espiritu

Ang pagkahimong higala sa Balaang Espiritu

Tan-awa ang mga Pagtulon-an

Basaha Kini sa Imong Biblia
Juan 14, 15 -26; kapitulo 15.26 - 16.15

Ani-a ang Imo’ng Sag-ulohon nga Bersikulo
Ang grasya sa Ginoong Hesu Kristo, ug ang gugma sa Dios, ug ang pagpakig-ambit
sa Espiritu Santo maga-uban kaninyong tanan. 2 Mga Taga-Cor. 13.14

Pagkahuman Hisguti ang Mahitungod Niini
Sa dihang ikaw magasaksi o maga-ampo sa masakiton, unsa nga kalahian
ang nahimo niini karon nga nahibaloan mo na nga wala ka mag-inusara aron sa pagministeryo kanila?

Usa ka Butang Angay Buhaton sa Dili pa ang Musunod
Sugdi sa pagpakig-istorya ngadto sa Balaang Espiritu sama sa imong buhaton ngadto sa imong suod nga higala.
Dili kita mo-ampo ngadto kaniya apan makahimo kita sa pagpakig-istorya ngadto kaniya ug sa pagpaambit sa atong kinabuhi. Ayaw kahibulong kung siya makig-istorya usab sama sa iyang gibuhat diha sa Mga Buhat 13.2, ug Mga Buhat 16, 6-10.

Buluhato’ng Pangdiploma
Ang Biblia naghisgot mahitungod sa Balaang Espiritu gamit ang daghang mga titulo ug hulagway sama sa salampati,
tubig, lana, maghuhupay, o gininhawa. Tan-awa kung pila ang imong makaplagan, bisan mga 10.

Pamalandungi ang Matag Pulong Niini’ng Bersikulo
Mga Buhat 16, 6-10

Pag-gahin ug Pipila ka Minuto aron sa Kausaban sa Kalibutan

Pray For Cuba - 10,000,000 Caribbean people

Repression, rationing and lack, past persecution of 3% believers

Widespread occult spiritism

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Nakahibalo Ka Ba Kung Unsa Ang Imong Gipangayo?

Kada tapos sa panimbahon kasagaran atong panalanginan ang matag usa uban sa mga mensahe sa atong mga paboritong bersikulo, apan wala ba nimo namatikdi nga nagatinguha kita sa matag usa?

Ang Pagpakighiusa Sa Balaang Espiritu

Ang pulong pakighiusa mao ang ‘koinoñia’, nga nagpasabot ug panagkumboya, o suod nga panaghigalaay uban sa Balaang Espiritu. Ang mga magtutuo nakahibalo na sa gahum, sa mga gasa ug mga bunga sa Balaang Espiritu, apan pila ba kanato ang nasayod kaniya ingon nga suod nga higala?

 

Kinsa Man Ang Balaang Espiritu ?

Uban sa mga tawo nagtuo nga ang Balaang Espiritu usa lamang ka matang sa kusog, gahum o kidlat. Apan dili man usab sila sayop kaayo.

Ang Balaang Espiritu Usa Ka Persona.
Sa kamatuoran siya usa ka mahinungdanon nga persona, ang Ikatulong Persona sa pamilya sa Dios, ang Trinidad: Mat. 28.19; 2 Mga Taga-Cor. 13.14. Siya usa ka espiritu nga persona, sama sa imong pagkatawo apan walay limitasyon diha sa lawas. Makahimo kita pag-ampo matag adlaw: 'Balaang Espiritu, pun-a ko sa imong gahum, giyahi ako, hatagi ako sa kaalam ug kaisog,' kay siya tinuod, matuod nga persona nga mahimo natong maka-istorya ug masuginlan.

Nganong Mahinungdanon Kini?

Kini nagpasabot nga sayon ka nang maka-istorya ngadto sa Dios. Ang tawo dili gayud mahimong makig-istorya ngadto sa usa ka gahum, kusog, o sa walay kinabuhi nga kamandoan, ug dili bisan ngadto sa suod nga higala sa tawo nga mao ang iro. Gusto sa Dios nga aduna kitay personal nga pakigrelasyon diha kaniya ug, tungod kay nakahibalo siya nga makasabot kita sa usa ka tawo, iyang gihatag ang Balaang Espiritu aron nga mahimo natong personal nga higala, atong katabang ug atong maghuhupay.

Alang niadtong mga disipolo nga nakig-uban ni Hesus sulod sa tulo ka tuig, miabot ang Balaang Espiritu ug mihulip sa puwesto ni Hesus uban kanila ug sa tinuod mas nahimong suod tungod kay siya nagpuyo sa sulod nila. Tungod kay ang Balaang Espiritu usa ka Espiritu nga persona makahimo siya sa pagpakig-uban sa tanang mga disipolo, sa tanang panahon, walay limitasyon sa bisag asang dapita ingon nga gitugotan usab ni Hesus ang iyang kaugalingon. Tinuod usab kini karon. Ang Balaang Espiritu, ang Dios mismo anaa uban kanatong tanan, kanunay.

Ang Balaang Espiritu Tinuod Nga Tawo?

Ang mga Doktor nag-ingon nga ang tinuod nga tawo kinahanglan adunay salabutan, kabubut-on ug pagbati. Mao kana ang pagsulay nga atong ibutang sa Balaang Espititu.

Ang Balaang Espiritu Aduna Bay Hunahuna?

Ang hunahuna nagkahulogan sa kahibalo, panghunahuna ug pagpangrason. Oo, aduna siyay mahait nga salabutan! Tan-awa sa Roma 8.27 ug 1 Mga Taga-Cor. 2. 10-13.

 

Ang Balaang Espiritu Aduna Bay Kabubut-on?

Ang kabubut-on adunay kalabutan sa katuyoan, pagpili, tinguha ug determinasyon. Oo,  ang Balaang Espiritu adunay kaugalingong kabubut-on ug siya nakig-uyon uban sa Amahan ug Anakl. 1 Mga Taga-Cor. 12.11.

 

Ang Balaang Espiritu Aduna Bay Mga Pagbati?

Aduna ba siyay mga pagbati ug gugma? Siya mahigugmaon ug mao kana ang iyang pinakagamhanang pagbati sa tanan, ug adunay kasibot diha sa iyang mga pag-agulo sa pag-ampo; Roma 15.30, 8.26,27.

Si Hesus Kanunay Nga Motawag Kaniya Nga Usa Ka Persona

Sa usa lamang ka talagsaon nga pakig-istorya kang Hesus iyang gitawag ang Balaang Espiritu nga “kaniya” sa ika-15 ka higayon, ug “siya” sa ika-10 ka higayon.. Juan 16.7-15. Si Hesus usab mihatag kaniya ug kaugalingong titulo, Manlalaban, nagpasabot nga Siya magabarog abay kanato ingon nga abogado aron paglaban kanimo. Juan 14.15-17. Ang Balaang Espiritu mao ang magahupot kanato batok sa atong kaluyahon ug ug mga balatian. Roma 8.26

 

 

Ang Balaang Espiritu Adunay Kaugalingong Ministeryo

Kung imong makit-an ang iyang mga trabaho mahibulong gayud ka, ug kini iyang gitrabaho pag-ayo, sa tanang panahon, bisag asa ~

 

Siya nagtrabaho, 1 Mga Taga-Cor. 12.11;

Siya nagapangita, 1 Mga Taga-Cor. 2.10;

Siya nagasulti, Mga Buhat 13.2;

Siya nagasaksi, Juan 15.26;

Siya nagatudlo, Neh. 9.20;

           

Siya nagakombiktar, Juan 16. 8-11;

Siya naga-ampo, Roma 8.26;

Siya nagatultol, Mateo 4.1;

Siya nagagiya ngadto sa kamatuoran, Juan 16.13;

Siya nagahimaya kang Hesus, Juan 16.14;

 

Siya nagahatud ug bag-ong pagkatawo, Juan 3.5-6;

Siya nagapangatarungan, Gen. 6.3;

Siya nagatudlo’g ministeryo, Mga Buhat 8.29;

Siya nagapadala ug mga mensahero, Isaias 48.16;

Siya nagatawag mga katawhan ngadto sa ministeryo, Mga Buhat 20.28;

Siya nagahatag mga gasa, 1 Mga Taga-Cor. 12.7-11.

 

Aduna Usab Siyay Kaugalingong Mga Pagbati

Mahimo siyang pasub-on,

insultohon, bakakan,

sulayan, pasipad-an,

dumili-an ug palongon.

Tan-awa sa Mga Taga-Efeso 4.30, Isaias 63.10,

Hebrohanon 10.29, Mga Buhat 5.3, Mat. 12.31, Mga Buhat 7.51; 5.9, 1 Mga Taga-Tes. 5.19.

Unsay Kahulogan Niini Kanako?

Makahimo kita pagpa;ambo ug relasyon uban sa atong kauban o kapikas sa kinabuhi, mao nga unsa pa kaha kung mag-ugmad kita usa ka suod nga pakighigala uban sa usa ka kasaligan nga Balaang persona ug higala kinsa nahigugma kanako, nagapuyo sulod kanako, nagapakigsulti kanako ug gusto mamuhat uban kanako ug pinaagi kanako.

·         Siya ‘Balaang’ Espiritu ug ang iyang kabalaan makahimo sa pagtuhop sa akong kinasulorang tinguha ug motabang kanako aron mahimong balaan. 1 Pedro 1.15

·         Wala ako mag-inusara. 2 Mga Taga-Cor. 13.14

·         Nagahupot siya sa tanang gasa sa Dios nga iayng ipaambit kanako sa dihang ako mag-atubang sa mga panginahanglanon matag adlaw. Isaias 11.2-4, Lukas 4.18

·         Ingon nga saksi ni Hesus dili na nako kinahanglan nga maningkamot sa pagbuhat sa buluhaton sa Dios aron pagkombiktar sa uban sa ilang mga sala, kakulang sa pagkamatarong ug sa nagkaduol nga paghukom. Bugtong Espiritu lamang sa Dios ang makahimo sa buluhaton sa Dios. Mahimo ko ang akong bahin, ug unya mopahulay aron pagtugot sa Balaang Espiritu sa pagbuhat sa iayng kaugalingong Langitnon nga buluhaton. Juan 16.8. Ang atong trabho mao ang pagministeryo sa Espiritu. 2 Mga Taga-Cor. 3.6

·         Sa simbahan makasalig kita diha sa Balaang Espiritu ug sa kakuyaw sa pagtugot kaniya sa pagdumala sa atong mga pagsimba, pag=ampo, mga plano sa umaabot ug atong ministeryo kada tuig.

·         Mga Buhat 2, 1-4 naghisgot kanato giunsa sa Dios pagpadala ang Balaang Espiritu ingon sa gitagna ni Propeta Joel, ug gisaad ni Hesus diha sa Juan 14.16. dili na nimo kinahanglan mohulat pa kaniya, tawga lamang siya ug papuno sa imong kinabuhi, imo siya nga dinapit. 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk