69. Ang Buhi Nga Simbahan

Ang Simbahan mao ba ang balay alampu-anan o ang mga tawo?

Tan-awa ang mga Pagtulon-an

Basaha Kini sa Imong Biblia
1 Mga Taga-Corinto kapitulo 12 ngadto sa 14

Ani-a ang Imo’ng Sag-ulohon nga Bersikulo
Pagatukoron Ko ang akong simbahan, ug ang mga ganghaan sa Hades dili makadaug kaniya.
Ug kanimo akong igahatag ang mga yawi sa gingharian sa langit; ug ang imong
pagagapuson sa yuta pagagapuson sa langit, ug ang imong pagahubaran 
sa yuta pagahubaran sa langit. Mateo 16, 18-19

Pagkahuman Hisguti ang Mahitungod Niini
Sa sunod panahon nga moadto ka sa simbahan, nganong moadto ka man, ug unsa man ang imong gipaabot?

Usa ka Butang Angay Buhaton sa Dili pa ang Musunod
Sa sunod panahon nga moadto ka sa simbahan siguradoha nga ikaw magapangita sa Dios alang sa gasa aron
nga imong ihatag sa tawo nga anaa didto, ug siguradoha nga kini ilang madawat sa dili pa sila mopa-uli.

Buluhato’ng Pangdiploma
Pagsulat ug usa ka pahina nga nagatanyag mga kausaban nga mohatod
ngadto sa mga positibo nga kalamboan diha sa kinabuhi sa simbahan.

Pamalandungi ang Matag Pulong Niini’ng Bersikulo
2 Timoteo 1, 6-7

Pag-gahin ug Pipila ka Minuto aron sa Kausaban sa Kalibutan

Pray For American Native Indians - 2,000,000 people, 266 groups

Poverty, disease, unemployment, small but growing response to Jesus

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Nganong Moadto Ka Sa Simbahan?

Uban sa mga katawhan moadto lamang sa simbahan tungod sa tulomanon tungod kay Dominggo sa buntag. Alang sa uban mao kini ang maayong dapit sa negosyo o gusto lang nila ang pagbati nga ilang makuha. Ang uban moadto lang tungod kay toa ang ilang mga higala ug mao kini ang sentro sa sosyal nga kinabuhi. Ang mga tawo moadto aron malingaw o aron malamdagan ba, o aron makadungog ug mga banggi-itang magwawali. Ang uban moadto aron pagpahimuot lamang sa ilang mga kapikas, o aron pagpangita ug pamanhunon o pangasaw-onon ug ang uban aron makalikay sa ilang mga bana o asawa. Sa gihapon gila-uman nga adunay moadto sa simbahan aron gugsto makakat-on mahitungod sa Biblia.

 

2. Unsa Man Ang Simbahan?

Bisan pa ug kini ang Simbahan sa tibuok uniberso diin minilyon ka mga magtutuo ang magkatigum sa tibuok kalibutan o ang lokal nga simbahan nga anaa makit-an sa eskena, ang ‘simbahan’ sa kanunay mao ang mga katawhan ug dili ang balay alampu-anan. Kita mao ang Simbahan, ang ‘Panimalay Sa Ginoo.’

Ang Bag-ong Komunidad

Ang Simbahan maoy usa ka makusganong alternatibo alang sa kausaban sa komunidad nga gihatagan ug kaarang sa Balaang Espiritu. Ang komunidad nga may panaghi-usa diha sa pagtuo, nagadayung sa kabug-aton sa matag usa, ug nagahalad ug disiplinadong kinabuhi uban sa suod nga pakigtigum, pagdumala ug pagbuhat.

 

Mga Tawong Nagatutok Lamang Sa Dios

Ang Simbahan nagkahulogan sa kalipay, pag-ampo ug pagsimba aron pagsa-ulog sa matag adlaw nga kaayo sa atong Langitnong Amahan. Dugang grasya ang madawat pinaagi sa pagbautismo, sa Lamesa sa Ginoo ug sa presensya sa Dios.

 

Nadestino Ngadto Sa Kadaugan

Si Hesus misaad sa pagtukod sa iyang simbahan ug nga ang ganghaan sa impyerno dili magmadaugon sa dihang maga-asdang ang Simbahan batok kanila. Mateo 16.18.

 

Hunahuna usab kining mga hulagway gikan sa Biblia. Ang Simbahan mao ang pamilya sa Dios, usa ka balay nga diin si Hesus mao ang Magtutukod ug ang Bato’ng Tukoran, usa ka buhing lawas diin si Hesus mao ang ulo, usa ka panon diin si Hesus mao ang magbalantay, usa ka pangasaw-onon diin si Hesus mao ang pamanhunon, usa ka kaha sa mga bahandi, mga sanga sa parras, usa ka templo diin si Hesus mao ang pangulong pari, mga sundalo ug usa ka gamhanang panimalay sa pag-ampo.

 

Gusto Pa Makahibalo Ug Dugang?

Gamita ang imong ‘concordance’ aron pagpangita sa mga bersikulong kinutlo  gikan sa Biblia alang sa simbahan.

3. Unsa May Mahitabo Diha Sa Simbahan?

Makigtagbo Kang Hesus

Si Hesus anaa bisan aduna lama’y duha o tulo nga magkatigum diha sa iyang ngalan, nagatanyag ug kapasaylo-an, pagdawat ug kinabuhing dayon. Mateo 18.20

 

Makapaminaw Kita Gikan Kang Hesus

Pinaagi sa iyang pulong ug iyang Espiritu.

 

Manga-ayo Kita Pinaagi Ni Hesus

Si Hesus, mao sa gihapon kagahapon, karon ug hangtud sa kahangturan kanunay nga naga-ayo.

 

Magkahiusa Kita Sa Pagsimba Sa Dios

Ang Dios nagapuyo taliwala sa mga panagdayeg sa iyang katawhan.

 

Magdinasigay Kita Sa Matag-usa.

Si Pablo nagtudlo diha sa 1 Mga Taga-Corinto 14.26 nga sa dihang ang simbahan magtigum, ang matag-usa kinahanglan motungha nga may gasa gikan sa Dios alang sa ubang tawo. Si Pablo naghisgot ug lima ka mga gasa apan aduna pay daghang mga gasa nga makatagbo sa panginahanglanon sa mga katawhan sa simbahan.

4. Atong Ablihan Ang Mga Gasa Sa Dios.

1 Mga Taga-Corinto kapitulo 12-14 naghulagway sa mga gasa sa Dios ug nagpakita unsaon nato paggamit ang nagkadaiyang mga gasa, sa insakto 12.4.

Mga Gasa Sa Komunikasyon

Ang pagsulti’g mga dila motugot kanimo sa pagsulti ug pinulongan nga wala pa nimo mahibaloi sukad.

Adunay paghubad aron mahibaloan kung unsay ipasabot sa gisulti.

Pagpanagna, diin kanunay nga dawaton, pagasutaon ug pagasulayan.

 

Mga Gasa Nga Pinadayag

Mga pulong sa kahibalo, gikan sa langitnong pundohanan sa mga impormasyon sa Dios.

Mga pulong sa kaalam, aron mahibaloan unsay angay buhaton.

Ang pag-ila sa mga dautan (dili tawhanon) nga mga espiritu.

 

Ang Mga Gamhanang Gasa  

Iyang pagtuo, nga mopabalhin sa mga kabukiran.

Ang mga kaayuhan mga gasa kini sa Dios alang sa mga tawong masakiton.

Mga milagro, sa literal nga pagkasulti, mga buhat nga gamhanan.

 

Mga Gasa Nga Makahimo’g Mga Pangulo

Mga Taga-Efeso 4,11 ug 1 Mga Taga-Cor. 12, 27-31.

 

Mga Gasa Alang Sa Tanang Katawhan Sa Dios

Roma 12, 6-8 ug 1 Pedro 4, 8-11.

Pagpanagna, dili ingon nga Propeta, apan magadala sa pulong sa Dios aron paglig-on, paghupay ug pagdasig sa mga katawhan, 14.3.

Pag-alagad, nagpasabot nga malipayong nagatabang sa uban!

Pagpanudlo, apan kini wala nagpasabot nga kinahanglan aduna gyud kay gasa nga Magtutudlo.

Magdadasig, sama kang Barnabas, Mga Buhat 11.23

 

Paghatag, ang pagkamatinguhaon sa pagpaambit sa Diosnong panalangin ngadto sa uban, kini usa ka dakung gasa.

Pagdumala, kini usa ka gasa sa elder.

Ang kalooy, mao ang pagtabang kanimo aron pagtabang sa mga maluyahon.

Pagpamuno usa ka mahinungdanong gasa nga naga-organisar sa mga buluhaton sa simbahan.

 

Ubang naglakip sa pagpangliyupo, pagka-elder, pagkadiyakono, mang-aawit, magtutudlo sa mga alawiton, magbalantay sa pultahan ug pagkapari. Dili kahibulongan nga si Pablo nag-ingon sa pagpalihok sa mga gasa nga ania kanato, 2 Tim. 1.6; 4.14. Adunay nagkadaiyang mga butang nga mabuhat uban sa mga gasa ug nagkadaiyang pamaagi sa pagpamuhat uban sa managsamang gasa, apan ang Dios anaa kanilang tanan. Ang tanan gihatag sa Balaang Espiritu sumala sa iyang gusto. Dili kita ang mopili sa atong mga gasa, ni mahimo nato sa pagpaandar o pagpahunong sa atong mga gasa, hinuon ato kining gamiton diha sa gugma.   1 Mga Taga-Cor. 12, 5-6 ug tibuok kapitulo 13.

5. Aduna Bay Ranggo?

Ang Biblia nag-ingon nga ang mga apostoles ug mga propeta maoy maga-una sa dalan ug unya moabot ang magtutudlo aron pagtul-id kanato. Human niana ang tanang mga gasa mahinungdanon, mao nga sutaa ang gasa nga gihatag sa Dios kanimo ug palamboa kini pinaagi sa pag-alagad ngadto sa uban.

Si Felipe nagsugod ingon nga tigdumala apan nahimong usa ka ebanghelista ug si Pablo nagsugod ingon nga magtutudlo ug mitubo ngadto sa pagka-apostoles. Mga Taga-Efeso 2.20, 1 Mga Taga-Corinto 12,28.

Kung adunay imong igsoon kinsa mas gigasahan sa usa ka tino nga bahin, atong dad-on ang mga tawo ngadto kanila kinsa dili nato matabangan. Kay kitang tanan usa ka grupo sa Dios, ang hingpit nga lawas ni Hesus sa panahon karon. Tan-awa sa 1 Mga Taga-Cor. 12.12-27

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.