68. Ang Hinugpong Nga Simbahan

Mga higala sa Dios, ang matag usa ug ang mga katawhan sa palibot

Tan-awa ang mga Pagtulon-an

Basaha Kini sa Imong Biblia
Mga Buhat 10, 22-48

Ani-a ang Imo’ng Sag-ulohon nga Bersikulo
Sila nagabahinbahin sa tinapay sa ilang kabalayan, nangaon sila nga malipayon ug sa putli nga kasingkasing,
nga nagadayeg sa Dios ug nahamut-an sa tibuok nga lungsod. Ug ginadugang sa Ginoo
kanila sa matag-adlaw ang mga ginaluwas. Mga Buhat 2.46,47.

Pagkahuman Hisguti ang Mahitungod Niini
Kung ang pagpanglutos moabot sa inyong dapit unsa may mahitabo sa imong simbahan?
Unsa may imong mahimo aron pagpanalipod sa imong mga katawhan?

Usa ka Butang Angay Buhaton sa Dili pa ang Musunod
Pag-organisar ug usa ka mahigalaong ginagmay nga panagtigum inubanan sa pipila ka pagsalosalo ug panaghigalaay
diha sa inyong panimalay. Pangimbita ug mga katawhan sa kadalanan ug tan-awa kung pila ang manunga.
Sultihi sila nga adunay gusto makig-istorya kanila sulod sa singko minuto aron pagpahat
kung giunsa niya pag-ilaila si Kristo. Tan-awa kung pila ang manunga!

Buluhato’ng Pangdiploma
Pagsulat ug 2 ka pahinang salaysay nga nagahulagway sa dugay nga epekto diha sa simbahan
sa dihang kini nahimong opisyal nga simbahan sulod sa 321 AD
ug nanunod sa tanang mga tepmlo ug mga kopo.

Pamalandungi ang Matag Pulong Niini’ng Bersikulo
1 Mga Taga-Corinto 14.26

Pag-gahin ug Pipila ka Minuto aron sa Kausaban sa Kalibutan

Pray For Italy - 58,000,000 Southern European people

Declining traditional Roman Catholic heartland, 31,000 towns with no evangelicals

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Usa ka ebanghelista nag-istorya mahitungod sa iyang kampanya sa usa ka siyudad sa Aprika gipanalanginan kaayo diin ang iya lamang buhaton aron pagdumala sa mga nakabig mao ang pagsinggit, "Mga Kristohanon nga nagpuyo niini nga distrito iisa ang inyong mga kamot. Mga bag-ong magtutuo, kung nagpuyo kamo niini nga distrito, pagtigum kamo sa sunod Dominggo sa mga panimalay niining mga tawhana. " Ug unya mopadayon siya pagsinggit sa mga pangalan ug pagtudlo sa mga tawo. Ingon siya nga mao lamang kini ang bugtong paagi sa pag-alima ug ingon ka daku nga pag-ani. Ang iyang gihimo mao ang pag-organisar ug mga gitawag nga Hinugpong Nga Simbahan.

Unsa may imong buhaton kung ang panon sa mga katawhan mohukom sa pagsunod kang Hesus? Asa ka man mangita ug salapi alang sa mga bag-ong balay alampu-anan?

1. Ang Simbahan Sa Mga Buhat Usa Ka Hinugpong Nga Simbahan

Ang simbahan walay gitukod nga balay alampu-anan hangtud nga kini mahimong opisyal nga simbahan sa Emperya sa Roma niadtong 321 AD. Unya kini mipuli sa tanang mga paganong templo ug mga parianong kopo, ug nagabaton niini sukad niadto. Mga Buhat 2.46 nagasulti kanato nga ang unang simbahan nagatigum matag-adlaw sulod sa mga hawanan sa Hudiyohanong templo sa Herusalem aron pagsimba sa Dios. Sila usab nagabahinbahin sa ilang tinapay sa ilang kabalayan, ug nagapangaon sila nga malipayon ug sa putli nga kasingkasing, nga nagadayeg sa Dios ug nahamut-an sa tibuok lungsod. Ang simbahan anaa sa mga kadalanan uban sa mga katawhan, wala pa natago sulod sa mga relehiyusong balay alampu-anan.

Nganong Namuhat Man Pag-ayo Ang Mga Hinugpong Nga Simbahan

Ang hinugpong nga simbahan kasagaran adunay 5 ngadto sa 15 ka mga tawo. Kini nagpasabot nga ang matag usa nailhan ug tinud-anay nga handumon kung kini malayo.

Ang hinugpong nga simbahan nagpasbot nga ang matag miyembro adunay katungdanan sama sa musika, pag-organisar, pagpanudlo, pagdala sa pag-ampo, pagluto, o pagbantay sa mga kabataan. Ang kali[ay diha sa pag-alagad wala lamang sa mga kamot sa mga pipila ka mga piniling ‘propesyonal’ nga sinuholan o mga pangulo.

Ang hinugpong nga simbahan nagpasabot nga ang mga tawo dili angay mobati’g kaguol diha sa simbahan sa dihang ang mga kasilinganang komunidad modala kanila diha sa sabakan sa pamilya sa Dios.

Ang hinugpong nga simbahan maoy kasagaran nga dapit alang sa pagpanudlo uban sa tanang kagawasan ug kinabuhi sa gagmay’ng grupo.

Ang mga panagtigum sa hinugpong nga simbahan maoy usa ka maayong dapit sa mga tawo aron pagbansay sa ilang espirituhanong mga gasa diha sa dili kahadlokan nga palibot uban sa mahigalaong pangulo ug mga Kristohanong pamilya aron modasig ug motabang.

Ang hinugpong nga simbahan nagpasabot nga ang mga silingan nga dili gusto mosulod ug simabahn makakaplag kang Haesus diin gusto siyang makauban, kauban sa mga katawhan. Diha sa hinugpong nga simbahan ang panan-aw alang sa nagkalainlaing mugna sa pag-ebanghelyo sulod sa panimalay limitado.

Ang hinugpong nga simbahan motugot sa mga tinugahan nga mga ministro sa pagpanaw aron motabang pagsangkap sa ubang mga magtutuo.

Diha sa Hinugpong nga simbahan paspas ang pagtubo dili limitado sa kakulang sa salapi alang sa mga balay alampu-anan. Sa dihang ang grupo motubo na ibutang ta ngadto sa, 16 ka mga sakop, kini bahinon ngadto sa 2 ka panimalay o abangan nga lawak, matag usa may pangulo. Sunod kini magatubo ngadto sa 15 matag usa ug unya bahinon na usab.

Ang hinugpong nga simbahan nagpasabot ug mas dugang pag-ampo, tungod kay mas daghang mga tawo ang mo-ampo diha sa gagmay’ng mga grupo, ug sila makatigum bisag unsang orasa. Mas maayo pa kini kaysa sinimamang pag-ampo sa usa ka dapit diin dili makatungha tungod sa mga hinungdan sa trabaho.

Ang hinugpong nga simbahan nagpasabot nga ang mga masakiton ug mga tawong nagkinahanglan mahimong maampo-an dihadiha dayon sa walay paghulat sa pastor.

2. Mga Hugpong, Mga Katiguman Ug Mga Pagsa-ulog

Ang hinugpong nga simbahan walay gipanag-iya ug gibayran nga sentrong balay alampu-anan, o usa ka dakung panagtigum matag Dominggo tungod kay ang mga hugpong mao ang simbahan. Walay gitipoigan nga mga talaan, mao nga kung lutoson walay makaplagan nga mga ngalan, walay balay nga masunog, ang mga katiguman dili makaplagan ug walay daghang mamatay sama sa nahitabo didto sa Rwanda. Mas luwas sa peligro ang simbahan.

Ang tanang mga hugpong, mga pangulo ug mga katawhan parehong kinahanglan nga maghiusa sa matag karon ug unya sa usa ka inabangan nga dapit sama sa usa ka dakung hawanan o estudyum, alang sa usa ka pagsa-ulog, ug aron nga ang tanang mga hugpong sa usa ka dapit magkahimamat bisan ka-usa o kaduha sa usa ka bulan. Ang labaw’ng magbalantay kinahanglan nga makigtigum uban sa ilang mga pangulo sa hugpong basi sa naandan, ug ang labaw’ng magbalantay kinahanglan nga mobisita sa matag hugpong sumala sa naandan.

3. Unsa May Imong Buhaton Diha Sa Hinugpong Nga Simbahan?

Ang tumong mao ang pagkahimong higala sa Dios pinaagi sa Mga Buhat 2.42 nga panig-ingnan sa pagka matinud-anon diha sa pulong sa Dios, pag-ampo, pagbahinbahin sa tinapay ug panaghiusa sa pagtigum, unya panaghigalaay sa matag-usa, unya motutok diha sa pagpakighigala sa mga katawhan sa kadalanan aron ilang makaplagan nga ang gugma sa Dios dili milyon ka milya ang gilay-on.

Hinumdumi Sa Paghupot Niining 4 Ka ‘P’

Pagdawat – kanimo nganhi kanako, kanako diha kanimo.

Pagsimba – nato diha sa Dios.

Pulong – gibuhian sa Dios nganhi kanato, pinaagi sa Biblia, mga espirituhanong gasa, pag-ampo ug personal nga pagministeryo sa matag-usa.

Pagsaksi – sa Dios pinaagi kanato ngadto sa uban.

4. Pagsugod Ug Usa Ka Hinugpong Nga Simbahan

Sayon alang sa mga misyonero pagsugod ug hinugpong nga simbahan pinaagi sa paghimo ug unang tigum sa usa ka panimalay ug unya motubo ngadto sa mga hugpong. Mas lisod ang pag-usab sa usa ka na-ugmad nga naandang  patukuranan nga simbahan kay kini mohatag kaarang sa mga tawo ngadto sa pagpakabana ug pag-ebanghelyo ug kini makapasilo sa mga propesyonal nga sinuholang mga ministro. Ang kausaban mopabati usab ug kapugos niadtong mga tawo nga nahimutang ug naharuhay na, apan kung ang Dios maoy mosugo sa kausaban mahimong bililhon ang maong paghago.

5. Unsaon Pag-usab Ngadto Sa Hinugpong Nga Simbahan

Kinahanglan nga adunay igo nga oras, pag-ampo, usa ka plano, ug kasabutan.

·  Pagpili’g mga pangulo sa hugpong ug mga katabang nga may pagkamapaubsanon, may maalagarong kasingkasing ug matinud-anon.

·  Bansaya una sila sa mga kahibalo sa pagpamastor, ug kung unsaon pagdumala ug gagmay nga grupo.

·  Kinahanglan ilang mahibaloan ang kadako sa ilang katungdanan ug kung unsay angay buhaton diha sa mga kalisdanan.

·  Bahina ang distrito ngadto sa mga sona, matag sona kinahanglan adunay matinugyanong pangulo.

·  Bahina ang matag sona ngadto sa mga hugpong, matag hugpong kinahanglan adunay piliong pangulo ug mga tawo.

·  Pagpili ug oras sa pagtigum, paghi ug pagsugod.

·  Balikan kanunay pagtan-aw ang mga kalamboan.

6. Ang G12 Nga Panan-awon Sa 2001

Mao kini ang pinakabag-ong kalamboan sa pana-awon sa Hinugpong Nga Simbahan nga nagakaylap sa dapit Latinong Amerika ug gitanyag usab ngadto sa UK, Espanya ug Oropa. Ang upat ka mga prinsipyo mao ang Pagkabig, Pagtipon, Pagdisipolo ug Pagpahigawas ug plano mao nga ang matag hugpong kinahanglan nga manganak ug dugang 12 ka hugpong. Alang sa kinatibuk-ang pagpasabot sa tanan nga gikinahanglan alang sa G12 diin gikinahanglan nga ilangkob niini nga pagtulon-an adtoa kining mga pahina:

http://www.mci12.com/ nga mao ang simbahan ni  Pastor Cesar Castellanos diha sa Colombia diin mitubo gikan sa 8 ngadto sa 120,000 ka mga sakop ug adunay grupo sa mga batan-on nga 30,000 pinaagi sa G12.

http://www.revivaltimes.org/content/g12.zxml nagagikan sa Kensington Temple/London City Church diin nakasagop sa panan-awon sa London ug nakakita sa talagsaong pagtubo diha sa kalibutanon kaayo nga palibot.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.