65. Ang Simbahan Nga Maalagaron

Si Gandhi nangulo sa India pinaagi sa pagpangalagad ug pagkamalinawon

Tan-awa ang mga Pagtulon-an

Basaha Kini sa Imong Biblia
1 Pedro 5, 1-4; Ezequiel 34, 1-17

Ani-a ang Imo’ng Sag-ulohon nga Bersikulo
Kay ang Anak sa Tawo mianhi dili aron pagaalagaran, kondili sa pag-alagad,
ug sa paghatag sa iyang kinabuhi nga lukat alang sa daghan. Marcos 10.45

Pagkahuman Hisguti ang Mahitungod Niini
Itandi ang pagpadagan sa pagpangulo nga nagalihok  ug anaa sa mga institusyon
sa imong nasud ug kung unsa kini kung diha sa Simbahan.

Usa ka Butang Angay Buhaton sa Dili pa ang Musunod
Lakaw ug ipakita ang kasingkasing nga maalagaron ni Kristo, buhata ang pagpaluyo sa mga tawong ubos
nga dili nimo kasagaran mahunahunaan, sama sa mga kabataan, mga tawo sa kadalanan,
mga nomado, mga dili dali matandog. Ihatod sila paduol ngadto sa Dios.

Buluhato’ng Pangdiploma
Isulat sa usa ka pahina aron ipasabot ang kalahian sa duha ka mga simbahan,
ang usa adunay magbalantay, ang laing usa gipangulohan sa usa ka ‘mangingihaw.’

Pamalandungi ang Matag Pulong Niini’ng Bersikulo
Proberbyo 27, 23-27

Pag-gahin ug Pipila ka Minuto aron sa Kausaban sa Kalibutan

Pray For Hong Kong - Ownership returned to China in 1997

Asian business powerhouse, 6,000,000 Chinese and immigrants

66% Tao & Buddhist, 14% Christian, a missionary gateway into China

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Pagpangulo O Pagpanghawud

Ang pagkapangulo sa usa ka simbahan o misyon may kalahian sa ubang matang sa pangpangulo sama sa politika, kasundalohan, negosyo o relihiyon. Dinhi sa kalibutan usa ka tawo mohawud sa ubang katawhan pinaagi sa ranggo, pagpugos o sa kahadlok nga mawad-an ug trabaho. Siya, o ang mga mamuhonan nagadawat ug dagkung benepisyo samtang ang mga trabahanti nagakinabuhi diha sa kalisud. Dili ikahibulong nganong adunay pagrebelde ug pag-welga. Gikasubo nga adunay ubang simbahan gidumala sa samang paagi. Ang pagkawalay katagbawan dili kalikayan.

Mga Magbalantay O Mga Mangingihaw?

Ang usa ka maalamong pangulo nag-ingon, "Duha lamang ka matang sa tawo ang nagadumala sa karnero – mga magbalantay ug mga mangingihaw!

 

Asa Niini Ang Maong Tawo?

Ganahan siya nga kanunay numero uno. Molikay siya sa mga tinuod nga tawo sa Dios. Magasulti siya ug dili maayo mahitungod sa mga tawo. Siya nagakontrolar sa mga tawo sa simbahan, iyang ginabuhat ang pagpanghawud, diin usa ka porma sa gahum sa kangitngit. Siya mao si Diotrefes, diha sa 3 Juan 3-10. Aduna pa gayuy mga dautan nga mga magbalantay diha sa Ezequiel 34, 1-6, ug Zac. 11, 15-17.

Unsaon Mo Pag-ila Kung Si Kinsa Ang Dautan?

Diha sa mga bangko ang mga empleyado nakakat-on unsaon pagsuta sa mini nga mga papel de bangko pinaagi sa pagpadayaon ug tipig sa mga mga matuod. Sa usa lamang ka paghikap sa mini nga papel de bangko, ila na kining mahibaloan. Makahimo usab kita paglikay sa pagpangilad sa mga mini nga pangulo pinaagi sa pag-ila sa unsay matuod.

Si Hesus, Ang Maayong Magbalantay.
si Hesus, ang walay kahadlok nga Leyon sa tribo sa Huda mao usab ang malumong Kordero sa Dios. Ang pangulo karon mahimong mongulob ingon sa leyon diha sa sala, apan kinahanglan usab siya nga magpaubsanon, maaghop ug ingon sa karnero ngadto sa mga katawhan.

Ang Paagi Sa Manluluwas
Ang mga tawo kasagaran modumala sa militanhon, politikanhon, salapianon o relihiyusong pamaagi apan si Hesus mipili sa laing matang sa gahum sa kinatibuk-an, usa nga panag-sa ra mahunahunaan ug usahay tamayon pa. Ang katingalahang gahum sa mapaubsanon, mahalaron nga pag-alagad.

Diha sa Marcos 8.31, si Hesus mipahibalo sa iyang kahibulongang plano sa pagdaug sa pagkamatinuoron sa mga katawhan, pinaagi sa pagdawat sa pag-antos, paglahutay sa mga pagbiaybiay, pagpakaulaw ug sa wala pagsukol sa mga pagdagmal, ug sa pagdawat sa mga pagsalikway, paglu-ib ug bisan pa sa kamatayon sa walay pagbagulbol. Mga Taga-Felipos 2, 6-11; Juan 12.32. Si Hesus naghisgot sa pagkabanhaw, bisan tuod kini wala masabti sa mga disipolo si satanas nakasabot kaayo ug dali nga misupak sa plano pinaagi kang Pedro, Marcos 8.32,33

Si Hesus Mipahiluna Sa Sumbanan.

Diha sa Marcos 8, 34,35, si Hesus nag-ingon nga ang pagsunod kaniya nagpasabot ug pagdumili sa kaugalingon, pag-antos sa pagkamatay sa kaugalingon diha sa krus ug ang pagkawala sa imong kinabuhi alang sa Ginoo. Ang ganti sa maong pagkawala alang kang Hesus ug sa ebanghelyo mao ang pag-angkon sa matuod nga kinabuhi!

Mahimo Ba Ako Nga Pangulo?

Diha sa Marcos 9,31-39 si Hesus mi-usab sa iyang plano sa mapaubsanon, mahalaron nga pag-alagad pag-usab. Dili katuhoan nga ang mga disipolo naglalis sa ilahang mga katungdanan ug kung si kinsa kanila ang mahimong numero uno. Si Hesus mitubag nga aron maha-una kinahanglan himuon niya ang iyang kaugalingon nga ulahi ug mahimong alagad sa tanan, bisan sa kabataan ug sa uban nga may kalahian.

 

Mahimo Ba Ako Nga Ginoo?

Diha sa Marcos 10,32-45, si Hesus mipasabot sa iyang plano sa mapaubsanon, mahalaron nga pag-alagad sa ikatulo nga higayon ug karon sila si Santiago ug Juan ang naningkamot sa katungdanan ug gahum sa pagkaginoo kaysa pag-alagad. Si Hesus mitubag nga ang mga Hentil lamang ang nagadumala sa kahawud ibabaw sa mga katawhan ug nga kini dili angay mahitabo taliwala sa iyang mga tinun-an nga nag-ingon, bisan ang Anak sa Dios wala moanhi aron alagaran, apan sa pagpangalagad ug paghatag sa iyang kinabuhi.

Ang Bugtong Paagi Sa Pagsaka Mao Ang Pagpa-ubos.

Si Hesus nanaog ngadto sa kamatayon ug nabuhi pag-usab. Ang plano namuhat ug karon siya nagapangulo sa minilyon ka mga matinuoron, mahigugmaon, mapasalamaton nga mga katawhan sa tanang kolor ug kultura. Si Hesus, ang hingpit nga Leyon ug hingpit nga Kordero mihatag kanato sa usa lamang ka sumabanan ug pamaagi sa pagpangulo, usa sa mapaubsanon, mahalaron nga pag-alagad. Bisag unsa ang pagkatawo ug kultura sa usa ka pangulo, siya mamuhat pag-ayo aron sa pag-alagad nga mapaubsanon, mahalaron diha kang Kristo.

 

Mahimo Ba Kini?

Ang unang sulat ni Pablo ngadto sa Mga Taga-Tesalonica, 2, 1-13, bagapadayag ug usa ka pagpamatuod sa maalagarong pagpangulo diha sa buhat. Si Pablo milahutay taliwala sa mga pag-antos ug mga insulto, ug walay mahugaw nga motibo o pagpangilad. Siya nagkinabuhi aron paghimaya sa Dios ug dili sa tawo, walay tawong giulog-ulogan ug dili dalo sa salapi ni sa kahingawa sa kang bisan kinsa, malumo ug magpakabana, may matuod nga tinguha sa pagpakig-uban sa mga tawo. Siya nakit-an nga balaan, dili salawayon ug matarong. Karon kinsa man kaha ang dili mahigugma ug ministro nga sama niana?

Maka-interes nga bisan ang mga bagison nga mga tawo sa kalibutan miila sa kaanindot sa maalagarong pagpangulo sulod sa salikwaut nga kalibutan sa pagpanghawud. Ang ‘TIME magazine’, Mayo 9,1994, nagtaho nga "ang botohay sa mga Pranses nagpakita nga ang pari sa mga walay panimalay, nga si Abbé Pierre nahimong pinakadinayeg nga tawo sa nasud."

Unsaon Man Niini Pagpamuhat Karon?

Mga Taga-Efeso 4.11 nagasulti kanato nga ang Dios nagahatag sa mga apostoles, mga propeta, mga ebanghelista, mga pastor ug mga magtutudlo aron pagpangulo sa Simbahan, ug 4.12 nagasulti kanato nga ang ilang trabaho mao ang pag-andam sa mga tawo alang sa ministeryo, dili aron mohimo niining tanan alang sa ilang mga kaugalingon. Apan unsaon man?

i-klik >65chart aron pagtan-aw sa ilustrasyon alang niining maong pagtulon-an

 

Ipahimutang Ang Ibabaw Sa Triyanggulo Sa Insaktong Pagkabutang

Sa kalibutan ang triyanggulo adunay tawo sa ibabaw niini. Ang mga mando magapadulong sa ubos, ang bahandi magapadulong sa ibabaw. Bisan pa man, diha sa Gingharian sa Dios ang triyanggulo sa kalibutan kinahanglan balihon sa mga pinakatinugahan ug may kaarang nga mga tawo, diin ang kadaghanan sa mga pagpangulo anaa sa ubos nga nagaluhod sa ilang mga tuhod aron sa pagpaluyo sa musunod nga lebel sa pagpangulo, kinsa nagapaluyo usab sa musunod nga lebel hangtud nga ang tanang katawhan napaluyohan ug natulod paduol ngadto sa Dios.

Nganong Ang Mga Apostoles Anaa Man Sa Ilalum?

Ang mga Apostoles mao ang una sa simbahan, kanunay nga nakig-abin kauban sa mga pangulo sa simbahan, kanunay usab nga una diha sa lokal nga simbahan. 1 Mga Taga-Cor. 12.28; Mga Buhat 15, 2, 4, 6, 22, 23; Mga Buhat 13.1. Unsa May gisulti ni Hesus? Ang una mao kanunay ang mo-alagad sa tanan. Ug mao kini.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.