64. Ang Simbahan Nga Naga-ani

Andam na ba alang sa pag-ani sa ulahing takna ?

Tan-awa ang mga Pagtulon-an

Basaha Kini sa Imong Biblia
Mga Buhat kapitulo 4

Ani-a ang Imo’ng Sag-ulohon nga Bersikulo
Ug karon, Ginoo, tan-awa ang ilang mga hulga, ug ihatag sa imong mga ulipon ang bug-os nga kaisog
sa pagsulti sa imong pulong. Samtang igatuy-od mo ang imong kamot sa pag-ayo, ug aron
nga pagabuhaton ang mga ilhanan ug mga katingalahan, pinaagi sa ngalan
sa imong balaang ulipon nga si Hesus. Mga Buhat 4.29, 30

Pagkahuman Hisguti ang Mahitungod Niini
Handurawa nga adunay liniboan ka mga tawo ang kalit lamang moabot sa lokal nga mga simbahan,
o nga ang paglutos nagsugod. Unsa may mahitabo sa mga kasimbahanan?

Usa ka Butang Angay Buhaton sa Dili pa ang Musunod
Hunahunaa lang nga adunay 1,000 ka mga bag-ong kaatwhan nga magsugod pagsunod kang Hesus. Ug ang inyong simbahan magsulod lamang ug 200, ug ang tanan gi-atiman sa imong pastor. Kwentaha kung pila ang kantidad
aron pagsuhol ug dugang mga pastor ug pagpadaku sa dapit sa inyong simbahan aron motubo
pa ug dugang, o pagtukod ug dugang  panimalay sa simbahan diha sa mga distrito.

Buluhato’ng Pangdiploma
Pagsulat ug 2 ka pahina aron pagtandi sa mga patukuranan sa modernong simbahan batok sa
epektibong kayano sa patukuranan sa Bag-ong Tugon. Isulti kung nganong ang usa o ang laing usa mas maayo.

Pamalandungi ang Matag Pulong Niini’ng Bersikulo
Mga Buhat 2.46,47

Pag-gahin ug Pipila ka Minuto aron sa Kausaban sa Kalibutan

Pray For Burkina Faso - 8,000,000 in four major groups

Islamic, passive, very poor, many committed Christians

Sending base for West Africa missions

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

i-klik >64chart aron pagtan-aw sa ilustrasyon alang niining maong pagtulon-an 

Sa unang gatusan ka mga katuigan ang bag-ong bino nga gibubo sa Espiritu sa Dios nagkinahanglan ug bag-ong sudlanan aron paggpundo ug paghingpit niini. Daghang liniboan ka mga katawhan ang sa kalit lang misunod kang Hesus apan ang kagubot dili usab layo kanila!

Unsa Kaha Kung Kani Mahitabo Karon?

Sa tibuok kalibutan, duha lamang ka paagi ang makita sa Simbahan karon. Unsa may inyong buhaton kung adunay bisag asa niini ang mahitabo sa inyong nasud?

Dakung Pagtubo

Diha sa Argentina, Habagatang Korea ug ubang parte sa Aprika may minilyon ka mga katawhan ang midesisyon sa pagsunod kang Hesus ug misulod sa simbahan.

 

Mainitong Paglutos

Sa milabay nga mga katuigan sa kasimbahanan sa Bosnia, Englatera, India, Indonesia, Ireland, Liberia, Pakistan, Senegal, Sierra Leone ug sa Sudan ang gipang-sunog. Diha sa Rwanda sa dihang may kagubot ang mga magtutuo namakwit ngadto sa ilang simbahan, diin nakit-an sila sa mga kaaway ug gipamatay ang liniboan kanila.

Pagpanagna O Usa Lamang Ka Pangutana?

Diha sa pagtubo o paglutos, o kung kining duha mahitabo sa samang higayon, igo na ba ang atong mga naandang patukuranan sa mga simbahan, pagdumala sa simbahan ug ang mga propesyonal nga tinugyanan?

Diha Sa Pagtubo, Unsa May Imong Buhaton?

Makahimo ka ba pagpundok sa mga bag-ong magtutuo diha sa bag-ong balay sa simbahan ug nagtuo ka ba nga ang imong sinuholan nga mga pangulo maningkamot 10 ka pilo sa pagpamuhat?ug kung sa kalit lang magkinahanglan ka na usab ug dugang mga katukuran sa simbahan, asa man magagikan ang salapi nga imong gikinahanglan?

 

Diha Sa Paglutos, Unsa May Imong Buhaton?

Didto sa Rwanda ang simbahan nahugno apan didto sa Tsina, tuig 1948, sa dihang ang mga simbahan gisirado, ang mga pastors patyon o prisohon ug ang mga misyonero gipanghinginlan, ang simbahan wala mamatay. Nganong wala man? Tungod kay ang simbahan manunuton ug naga-usab sa iyang porma balik ngadto sa patukuranan sa Bag-ong Tugon ug mitubo taliwala sa maong kalisdanan gikan sa 8,000,000 tingali hangtud nagdto sa 80,000,000 ka mga magtutuo kutob sa tuig 1988.

Ang Patukuranan Sa Bag-ong Tugon.

Ang simbahan nga nagpaabot sa pag-ani sa kaulahian kinahanglan nga andam, bisag unsay mahitabo, pinaagi sa pagsiguro nga ang iyang patukuranan mao kadtong makasugakod sa pagtubo ug pagpanglungtad. Ang libro sa Mga Buhat mao ang sumbanang libro sa Dios alang sa patukuranan sa simbahan. Ato kining tan-awon ug atong makaplagan ang tulo ka mga yawi sa mga pamaagi.

Ang Simbahan, Dili Mga Simbahan.

Ang bugtong pagkabahin bahin nga atong makit-an mao lamang ang mga lugar, dili ang mga pundok. Walay Katoliko, Baptis o Pentekostal nga pagkabahinbahin diha sa Biblia, o bisan pa didto sa langit ! Ang ato lamang makit-an mao ang Simbahan. Didto sa Herusalem, sa Antioquia, sa Efeso ug uban pa. Diha sa pagtubo magkinahanglan kita sa matag-usa, kay sa dihang gihatagan ni Hesus si Pedro ug daghang kuha sa mga isda, gikinahanglan man niyang manawag sa ubang mga bangka aron moduol ug motabang kaniya. Lukas 5, 4-7. Sa panahon sa kalisdanan ang nagkalainlaing parte sa Simbahan magtinabangay sa matag-usa. Mga Buhat 11, 27-30.

1. Ang Mga Inahan Nga Simbahan

Ang punoang kasimbahanan sa Mga Buhat ug sa mga Sulat na-ila ingon nga Mga Inahang Kasimbahanan tungod sa bag-ong kinabuhi nga ilang nahatag sa ilang mga lugar. Ang simbahan sa Tesalonica maoy usa ka panig-ingnan nga simbahan natong tanan, 1 Mga Taga-Tess. 1.7. Apan ang Herusalem, Antioquia, Efeso, Filipos ug uban pa mga labaw pa kaysa lokal nga simbahan. Gawas sa panagtigum kinaiya na usab nila ang mga buluhaton sa Balaang Espirito, pag-ampo, pag-ebanghelyo, pagpropesiya ug mga panaghisgut sa pagtulon-an. Adunay pagdaghan sa mga pangulo, ug usa ka buhi, matinagdanon nga komunidad, ilabina diha sa Herusalem. Mga Buhat 2.42-47; 4, 32-34. mi-atubang sila sa mga paglutos, ug muisugakod sa mga balaodnong paghagit.

Sila Usab Usa Ka Sumbanan Nga Apostolik.

Unsa ang sumbanan nga apostolik? Kini usa ka panig-ingnan nga simbahan, diin ang mga apostoles ug ang katawhan nagkatigum pinaagi sa Balaang Espiritu. Sa tinuod ang pulong apostolik nagkahulogan ug misyonero, mao nga ang inahan nga simbahan mahimong usa ka pundohanan sa mga igpadalahay ug basi sa mga katawhan, sa salapi ug sa mga kasangkapan alang sa mga misyon, diin dinhi gipalambo ang mga pamaagi sa misyon ug diin ang mga apostolik nga grupo ug tabang ipadala ngadto sa ubang kasimbahanan ug ngadto sa gawas sa mga nasud. Kini usa ka dapit sa panagtigum, kabag-ohan, kapangako-an ug pagpaluyo alang sa mga tawo kinsa gipadala sa Dios, apan dili kini usa ka ‘piramid’ nga gimando sa usa ka hawud nga apostolis.

 

Ang Inyong Inahan Nga Simbahan Aduna Bay Tore?

Hangtud sa ika-4 ka gatusan ka tuig wala pay simbahan nga adunay tore, o bisan panimalay! Ang kusog nga pagtubo, kadaghan sa mga tawong kabus ug kabangis sa pagpanglutos nagpasabot nga ang simbahan kinahanglan nga ma-unat-unat, makadumala sa dili mapog-ngan nga pagdaghan diha sa walay paggasto alang sa balay simbahan, ug kinahanglan makahimo pagsugakod sa mga pagpanghadlok, ug magbaton ug daghang mga katawhan nga kung mahimo mapalihok ngadto sa pagpamuhat.

 

Ang Patukuranan Sa Gagmay Nga Simabahan

Gi-unsa man nila kini paghimo? Pinaagi sa paggamit ug patukuranan sa ginagmay nga simbahan ug pagtigum sa mga panimalay ilalum sa apostolik nga pagtabon. Magatigum lamang sila matag karon ug unya. Tan-awa ang ~ Ang Gamay Nga Simbahan

2. Ang Mga Anak Nga Simbahan.

Ang mga tawo sama kang Filepe magawas gikan sa usa ka inahan nga simbahan, magwali sa maayong balita, motigum sa mga bag-ong magtutuo, ug mobiya nga may bag-ong anak nga simbahan, nga gi-atiman sa mga pangulo sa inahan nga simbahan hangtud kini mahimong hignpit. Mga Buhat 8, 4-17. Ang anak nga simbahan kinahanglan nga mahimo usa nga misyonero sa iyang kaugalingon gikan pa sa sinugdan, nga nagapangita sa iyang itanum nga kaugalingong anak nga mga simbahan. Tan-awa ang ~ Ang Inahan Nga Simbahan, pahina 25

3. Ang Mga Grupo Sa Apostolik Nga Misyonero.

Ang katapusang bahin, ang tumoy sa pana sa patukuranan sa Bag-ong Tugon mao ang apostolik nga grupo. Mga Buhat 13.1-4. Kini sila ang mga tawo nga gipanawag sa Dios aron moadto sa mga kanasuran. Sila gibuhian gikan sa ilang lokal nga mga buluhaton ug ipadala ngadto sa ilang padulngan. Sa ilang agianan sila mopaluyo sa ilang mga kaugalingon, modumala sa ilang mga kaugalingon ug moprodukto sa ilang kaugalingon ngadto sa:

Mga bag-ong simbahan sama niadtong sa Galacia, Mga Buhat 14, 21-25;

Mga bag-ong tunghaan sa pamansay sama sa Efeso, Mga Buhat 19, 9-10;

Mga buluhaton sa misyon, Titu 1.5,1 Tim. 1,3;

Mga bag-ong grupo sa mga apostolik sama sa grupo gikan sa daghang simbahan sa Mga Buhat 20,4.

Unya sila magataho balik sa ilang dapit ug makigbahin diha sa pangpangulo sa simabahan hangtud nga sila molakaw na usab. Tan-awa ang ~ Ang Misyonero Nga Simbahan, pahina 39

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.