63. Pagtukod Sa Simbahan

Unsa ang hulagway sa usa ka maayong simbahan?

Tan-awa ang mga Pagtulon-an

Basaha Kini sa Imong Biblia
Pinadayag 19, 1-10, Mga Taga-Efeso 5, 22-32.

Ani-a ang Imo’ng Sag-ulohon nga Bersikulo
Sa tuyo nga karon ikapaila alang sa mga punoan, ug sa kagamhanan diha sa mga
langitnon nga dapit, pinaagi sa iglesia, ang nagkalailain nga
kinaadman sa Dios. Mga Taga-Efeso 3.10.

Pagkahuman Hisguti ang Mahitungod Niini
Itandi ang tanang mga komplikado nga mga programa nga imong makita sa kadaghanan
sa mga modernong kasimbahanan batok sa pagkayano ug sa pagkamahinungdanon sa pagtuman sa
mga kina-unhang mando ni Kristo diha sa ideya sa kahoy sa kinabuhi.

Usa ka Butang Angay Buhaton sa Dili pa ang Musunod
Kung ikaw minyo pakigsulti sa imong kapikas, ug tan-awa kung ang inyong kaminyuon
nagbaton sa samang gugma, atensyon ug tumong sama sa tinguha ni Hesus alang sa simbahan.
Kung ikaw dili pa minyo andama ang imong kaugalingon sa insaktong kinaiya diha sa kaminyuon,
pag-ampo ug atong tan-awon kung unsay pagabuhaton sa Ginoo alang kanimo.

Buluhato’ng Pangdiploma
Iguhit ang kahoy sa kinabuhi ug isulat ang imong kaugalingong mga programa o plano sa simabahan
sa kilid niini. Isulat ang mga lista sa imong mga katapusang hukom.

Pamalandungi ang Matag Pulong Niini’ng Bersikulo
Juan 15.16.

Pag-gahin ug Pipila ka Minuto aron sa Kausaban sa Kalibutan

Pray For Comoros - 500,000 Indian Ocean islanders

Underdeveloped, poor, Muslim, 120 believers, intense persecution

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Unsa Ang Simbahan?

Bisan pa ug ang atong hisgutan ang kalibutanong Simbahan sa tibuok kalibutan o lokal nga simbahan diha sa may eskina, ang ‘simbahan’ kanunay nagpasabot sa katawhan ug dili ang dapit o balay, bisan unsa pa niini ka nindot. Kita ang simbahan, ang bugtong ‘Panimalay Sa Ginoo.’

 

Ang Pagkamahinungdanon Sa Simbahan

Ang simabahn mao ang tuyo sa Amahan, Mga Taga-Efeso 3.10

Ang simbahan mao ang saad sa Anak, Mateo 16.18

Ang simbahan maoy usa sa resulta sa pag-abot sa Balaang Espiritu sa Pentecostes, Mga Buhat 2.42-47

Ang simbahan sa sa Antioquia natanum pinaagi sa mga ordinaryong mga magtutuo ug gipalig-on sa mga tawong gigasahan, Mga Buhat 11,19-26

Ang pagtanum ug simbahan maoy usa sa mga dagkung tumong ni Pablo, Mga Buhat 13; 14.23;19; 20,17

Ang Dios nagapanalangin sa mga bag-ong kalihukan sa pagpananum ug simbahan karon, sa tibuok kalibutan.

Unsa Ang Hulagway Sa Usa Ka Maayong Simbahan?

Sa espirituhanon, Mga Taga-Efeso 5, 25-27 nag-ingon nga gihigugma ni Hesus ang simbahan ug iyang gihatag ang iyang kaugalingon ngadto kaniya uban sa tibuok nga atensyon. Ang maayong simbahan mahimong balaan, limpyo, puno sa pulong sa Dios, angayan nga ihalad ngadto kang Hesus ingon nga kahimut-an, maanyag nga pangasaw-onon, walay mantsa, kunot ug hugaw, putli sa tanang paagi.

Lain pa . . .

Bisan ug ang uban moingon ug ‘Amen’ ug nagtinguha niini sa ilang simbahan, hibalui nga ang kinatibuk-ang kahulogan mahitungod sa kaminyuon. “Mga bana higugmaa ang inyong mga asawa,” si Pablo nag-ingon, sa samang paagi nga gihigugma ni Hesus ang Simbahan ug mihatag sa iyang kaugalingon ngadto kaniya, bisan pa kung kini molangkob sa pagpakamatay alang kaniya. Ingon usab niini ang atong paghigugma, pagpanalipod ug pag-atiman ang atong mga asawa. Makahimo ba kita ug mas maayo pa?

 

Unsa may hulagway sa maayong simbahan diha sa buhat? Tan-awa ang ilustrasyon diha sa sunod nga pahina. Maka-ingon ikaw nga kini usa ka kahoy nga palmera, sa tinuod kini gitawag nga ‘Ang Kahoy Sa Kinabuhi’ sa usa ka Aprikanhon nga pastor kinsa mituhog niining maong pinadayag gikan sa Espiritu sa Dios.

 

i-klik > 63chart aron pagtan-aw sa ilustrasyon alang niining maong pagtulon-an

 

Ang Simabahn Ingon Nga Usa Ka Kahoy Sa Kinabuhi

Mga Gamot Nga Dili Makita Nagatubo Sa Kinailadman
Ang maayong simbahan adunay dili makita, natago nga mga gamot nga nagatubo nga halawum ilalum sa yuta, nagapadayon sa pagpangita sa kinabuhi gikan sa buhing tubig sa Dios. Busa ang halawum nga patukuranan mahinungdanon kaayo, diha sa pag-ampo, uban sa kaalam gikan sa pulong sa Dios, ug gugma ug gahum gikan sa Balaang Espiritu. Jeremias 17, 7-8; Salmo 1

Ang Punoan, nga gibahin ngadto sa tulo ka nagasaka nga mga bahin:
Ang punoan mao ang makita nga bahin sa kahoy. Kini magatubo sa pamagi ingon nga usa ka binhi nga miturok, unya diin mitubo aron mahimong lig-on, malungtaron ug mapugnganon sa mga hangin sa kasakit.

Ang Patukurana Sa Ebanghelyo
Ang maayong simbahan nagsugod sa makita nga ministeryo uban sa pag-ebanghelyo, ug sa dili gayud paghunong sa pag-ebanghelyo. Kung walay makanunayong pag-ebanghelyo sa bisag unsang pamaagi ang mga tawo magpabilin sa ilang mga kasal-anan ug pagka walay kahibalo mahitungod sa Dios. Nganong kinahanglan man kita mag-ebanghelyo? Yano tungod kay nag-ingon si Hesus nga kinahanglan nato. Tan-awa sa Marcos 16.15,16

Ang Tunga-tungang Bahin Sa Kusog Sa Pagdisipolo
Karon ang punoan mitubo ug nahimong lig-on nga suporta sa destinasyon sa kahoy nga mao ang pagpamunga. Kay wala man sila mihunong ngadto sa pagmantala sa maayong balita, karon ang maayong simbahan maggagahin na ug dakung panahon sa pagdisipolo sa mga bag-ong nakabig. Human niana ang mga nadisipolo mahimo nang mga pangulo kinsa mosangon sa pagpakaylap sa buluhaton sa Dios. Nganong mahinungdanon man ang pagpangdisipolo? Yano tungod kay nag-ingon si Hesus nga himuon nato ang pagpangdisipolo.

Tan-awa sa Mateo 28.19 ug ang mga Seksyon sa Sukaranon ug Malambuon Nga Padpangdisipolo.

Ang Mga Kinaibabwan – Ang Manggihatagong Pagpakabana Sa Mga Kabus
kay wala man sila mihunong ngadto sa pag-ebanghelyo ug pagpangdisipolo, karon ang maayong simbahan magasunod sa panig-ingnan ni Hesus diha sa Mga Buhat 1.1, ug 10.38 pinaagi sa pagbuhat ug maayo. Sobra sa 300 ka higayon nga gisulti sa Dios ang iyang gugma alang sa mga kabus ug nagkinahanglan diha sa Biblia. Buot usab ni Hesus nga ang iyang lawas nga mao ang simbahan mahimong magpakabana nga mga kamot ug ngabil. Dili tanan gitawag sa pagwali o sa pagpangulo apan ang matag magtutuo makahimo sa pagpakita sa Diosnong kaluoy ngadto sa mga kabus, ilabina ngadto sa mga balo ug mga kabataan. Ang pagpakabana sa mga kabus mahinungdanon tungod kay si Hesus nag-ingon. Tan-awa sa Mat. 25, 34-45, Santiago 1.27, ug ang mga Seksyon Sa Diosnong Kaluoy Alang Sa Mga Kabus.

Ang Mga Dahon Nga Nagalandong Mao Ang Tabon Sa Gingharia Nga Pang-ekonomiya

Aniay usa ka hilisgutan nga gisalikway sa kadaghanan sa mga kasimbahanan nga makapeligro kanila. Hunahunaa kini. Ang pag-ampo ug ang grasya sa Dios libre alang sa mga ugat, apan ang pag-ebanghelyo adunay bili, ang pagpangdisipolo mas labawng bililhon, ug ang pagpakabana sa mga kabus maoy pinakabililhon kaayo. Asa man magagaikan ang salapi? Ug karon hunahunaa kini . . .

Diha sa Mga Buhat 2, 42-47 ug 4,32-35 atong makita nga ang simbahan sa Herusalem adunahan kaayo nga diin wala nay mga tawong nagkinahanglan. Pipila ka katuigan ang milabay ang samang simbahan nakasinati ug kakabus nga diin si Pablo nag-awhag ug mga halad alang kanila nagdto sa mga bag-ong simabahan sa Oropa. Unsa may nahitabo?

Diha sa Mga Buhat 6, 1-7 ang mga pangulo sa simbahan mitugyan sa mga isyu sa kaliwatan, sa panaglahi ug sa panalapi ngadto sa pito ka mga Gresyahanon, lagmit mga magwawali. Mao nga ang mga pangulo wala na modumala sa mga panalapi. Ang mga magwawali gusto magwali, dili sa mga papeles. Subong palandungon nga ang pagwali mibugti sa kinabuhi ni Esteban ug unya si Felipe miadto sa Samarya. Kung ang ubang 5 ka Gresyahanon nanagwali o nagkatibulaag tungod sa pagpanglutos sa Mga Buhat 8.1, kinsa man ang nagdumala sa pang-ekonomiya? Aduna ba? Wala kita makahibalo.

Ang mga kabus siguradong magagikan sa halayo, nakadungog nga ang mga panginahanglan matagbo, nakadungog sa ebanghelyo, midawat kang Hesus ug misulod sa simbahan. Ang gasto nagasaka apan ang pangitaan wala. Ang pagtulon-an tataw. Hangtud nga dunay usa, lagmit dili ang pangulong magwawali, ang seryuso nga modumala sa pang-ekonomiya sa simbahan ginamit ang pagtuo ug mga buhat, ang kakabus magatuktok sa pultahan. Nganong mahinungdanon ang pagdumala sa salapi? Yano tungod kay si Hesus nag-ingon. Tan-awa sa Lukas 19, 11-26, ug ang seksyon sa Mga Panalapi Sa Gingharian Sa Dios.

Ang Bunga Sa Mga Binhi Diha Sa Ginhawa Sa Dios
Ang maayong simbahan mamunga gayud inig-abot sa panahon. Ang maong bunga magadala ug himaya ngadto sa Dios nga makit-an diha sa mga batang kahoy sa mga anak nga simbahan, maanaa man sa duol o sa lagyong dapit pinaagi sa mga misyon. Ang matag bag-ong kahoy adunay kaugalingong mga ugat diha sa Dios, uban sa pag-ebanghelyo, pagpangdisipolo, kaugalingong landong sa panalapi ug bunga.

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.