61. Pagdaug Sa Kamingaw

Dili maayong paagi sa pag-abante kung ang mga tawo nagbatokay sa usag usa

Tan-awa ang mga Pagtulon-an

Basaha Kini sa Imong Biblia
Exodo 18, Roma 16

Ani-a ang Imo’ng Sag-ulohon nga Bersikulo
Ang duha labi pang maayo kaysa usa, kay sila adunay maayong balus sa ilang buhat:
Kay kung sila mangapukan, ang usa makabangon sa iyang kauban. Ug kung ang usa ka tawo modaug
batok niadtong nag-inusara, ang duha makasukol kaniya. Ug ang tulo ka bakokon nga pisi
dili madali sa pagkabugto. Ecclesiastes 4, 9-12

Pagkahuman Hisguti ang Mahitungod Niini
Hisguti kung unsa kadaku sa mahimo sa duha nga nagkauban
kaysa duha nga nagbulag ug pagtrabaho.

Usa ka Butang Angay Buhaton sa Dili pa ang Musunod
Pag-organisar ug usa ka lumba sa binitaray ug pisi tali sa mga kasimbahanan, mga tunghaan,
mga kaabogadohan ug uban pa. Tan-awa unsaon pagbitad nga hiniusa sa usa ka grupo.

Buluhato’ng Pangdiploma
Isulat sa usa ka pahina nganong gipadala ni Hesus ang iyang mga tinun-an nga tagtinagurha.

Pamalandungi ang Matag Pulong Niini’ng Bersikulo
Numeros 11, 14-17

Pag-gahin ug Pipila ka Minuto aron sa Kausaban sa Kalibutan

Pray For North Korea - 26,000,000 Asian peoples

Isolated nation, near collapse, 68% atheist, 30% Shamanism

Once in revival, now 0.4% believers

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Usa sa pinakasagad, apan wala mahisguti nga problema diha sa pagpangulo mao ang pag-inusara. Uban sa mga mamumuhat wala lang gayuy mga higala o kauban tungod kay gitudloan sila sa Tunghaan sa Biblia nga ang mamumuhat kinahanglan molahi gikan sa uban. Hinuon ang Biblia nagpakita kanato ug usa ka lig-ong panig-ingnan sa mga kalalakin-an kinsa kauban nga namuhat  diha sa grupo.

Ang Mga Apostoliko Nga Grupo Ni Pablo.

Siya nagsugod lamang sa duha ka tawo, apan sa nagkadugay aduna na siyay usa ka dakung internasyonal nga grupo ug usa ka ubay-ubay nga grupo diha sa Roma, Mga Buhat 13.1-4; 20.4; 16, 1-10; Roma 16, 10-16.

 

 

Apostolis O Apostolik?

Ang mga sakop sa usa ka apostolik nga grupo dili kinahanglan nga mahimong apostoles, apan kinahanglan nga mahimo silang apostolik ug tinawag ug sinangkapan sa Dios alang sa apostolik nga pamaagi. Alang kang Pablo kini nagkahulogan ug pagpanaw apan alang sa grupo sa Antioch kini nagkahulogan ug halapad nga buluhaton sa siyudad.

 

Diha sa grupo ni Pablo imong makita ang nagkadaiyang katawhan gikan sa mga batid nga mamumuhat sama kang Barnabas ug Silas, ngadto sa mga batan-on sama kang Timoteo ug Juan Marcos, Doktor Lukas, mga tigpangaliya sama kang Epapras, Mga Taga-Col. 4.12, Tychico nga mensahero, Mga Taga-Efe. 6.21, Cenas nga usa ka manlalaban ug kang Apolo nga usa ka lalin nga magtutudlo, Titu 3.13. Ang grupo maga-usab sa dihang ang mga tawo makakaplag sa ilang mga destinasyon diha sa Dios ug mohupot sa responsibilidad, ang uban gipadala samtang ang uban misalmot. Dili tanan milampos sa unang higayon! Mga Buhat 15, 38; 2 Tim 4.11.

Mga Prinsipyo Sa Grupo.

Ang Dios mismo mao ang pinakamaayong panig-ingnan sa grupo kay bisan tuod ang Amahan, Anak ug Balaang Espiritu lainlain ug buluhaton sila nagkahiusa sa pagpamuhat diha sa hingpit nga panag-uyon ug panaghiusa padulong ngadto sa dayag nga katuyoan nga sa kaniadto daan na nilang gihiusahan. Genesis 1.26; 3.22; 11.7; Isaias 6.8; Mat 3,16-17

Si Hesus Mihimo Ug Usa Ka Grupo

Siya mipili sa iyang grupo human sa usa ka gabiing pag-ampo diha sa pakigkonsulta sa iyang Amahan, unya sila iyang gipatawag ug mihatag kanilag awtoridad ug gasa, Lukas 6,12-15, Mat. 10.1.

Siya nakaila ug midisipolo sa matag usa kanila pinaagi sa ngalan, ug sa kadugayan mipadala kanila sa tagtinagurha, Mateo 10. 2; 5; Lukas 10.1.

Sa dihang ang simbahan naporma sa adlaw sa Pentecostes ang mga apostoles mipili sa pagpamuhat diha sa grupo.

Ang Mga Katawhan Sa Genesis.

Imong makita ang kahimoan sa pagpamuhat ingon nga grupo diha sa pagtukod sa tore ni Babel nga mikuha sa atensyon sa Dios, Genesis 11, 1-9. Bisan niining hitaboa ang mga tawo namuhat alang sa dili diosnon nga tumong, sud-onga lamang ang gahum sa panaghiusa ug ang pagsulti sa samang pulong, diin nagpasabot nga walay mahimong imposibli alang kanila, Genesis 11.1-6; Salmo 133.

Ang Prinsipyo Sa Ecclesiastes.

Ang kaalam ni Solomon nag-ingon nga ang duha mas maayo kaysa mag-inusara, ug ang tulo ka bakokon nga pisi dili dali mabugto, Ecc. 4,9-12. Sa dugay nang panahon adunay usa ka tawo nga nakamatikod nga sa dihang siya mohiusa pagsangon sa duha ka kabayo kini makaguyod ug daghang karga kaysa duha ka kakabyo nga nagtagsa. Mao nga kini nahibaloan nga sa dihang ang duha magkauban sa pagpamuhat  daku ug mahimo kaysa duha nga magtagsa – kini gitawag nga ‘synergy’ o hiniusang kusog. Ang duha nga magkahiusa diha kang Hesus mahisama sa tulo kabakokon sa pisi nga lisud bugtuon.

Ang usa ka maayong grupo magkinahanglan ug 3 ka pilo nga bugkos sa pagtan-aw, o ang pagministeryo sa propeta, ministeryo sa pastor aron pag-atiman sa mga tawo nga gidala sa maong panan-awon ug ang abilidad sa administratibo aron pagdumala sa tanang organisasyon nga gikinahanglan sa maong panan-awon.

Ang Pagpili Sa Imong Grupo.

Kini nga prinsipyo gikan sa panahon nga si Moises adunay kinaiyanhong problema ingon nga pangulo sa pagkasobra sa trabaho ug nagpadulong na ngadto sa pagkabudlay hangtud nga ang iyang ugangan nga si Jetro mihatag kaniya ug usa ka maayong tambag.

Si Jetro miingon nga ang katungdanan ni Moises ingon nga pangulo mao ang ~

 

 

Pagrepresenta alang sa mga tawo atubangan sa Dios.

Pagtudlo sa mga tawo.

Mahimong panig-ingnan ngadto sa mga tawo. Exodo 18, 13 -20

Gitambagan si Moises sa pagpili ug mga kalalakin-an nga makahimo, mahinadlukon sa Dios, kasaligan, matinud-anon ug mamuhat ingon nga grupo kauban niya, aron pagpasa sa mga buluhaton ngadto kanila. Ang kaayuhan mao nga si Moises makahimo pagbarog diha sa pagpakiglimbasog ug ang mga katawhan mahimong may katagbawan, Exodo 18, 21-26.

Si Moises sama sa ubang mga apostoles wala makakat-on dihadiha dayon ug may mga panahon nga siya mamuhat gihapon nga mag-inusara ug mao nga siya gikapoy nga nag-ampo aron mamatay.

Sa makausa miingon ang Dios sa paghimo ug grupo sa mga kalalakin-an nga imong nailhan ug malipayon nga makig-uban kanimo ug mobarog uban kanimo. Numeros 11,13-18.

Pagpili Ug Tawong Matinud-anon

Tungod kay ang Dios mokuha sa espiritu sa pangulo ug mobutang niini diha sa grupo, mao nga kinahanglan ang matag usa magmadinasigon alang sa panan-awon sa usa ka pangulo ug alang sa iyang pamaagi sa pagbuhat niini, kay kundili basin ug mopadulong kamo sa pagkabahinbahin, nga nagpasabot ug duha ka panan-awon. Ang mga matinud-anon nga mga tawo anaa alang kanimo, dili alang sa ilang kaugalingong kaayuhan. Si Hesus adunay tulo ka mga disipolo kinsa iyang nailhan nga mopaluyo gayud kaniya. Si Elias nakadungog sa pag-ingon ni Eliseo, “Dili ako mobiya kanimo,” ug didto sa Hebron si Dabid nangita ug mga matinud-anon nga mga kalalakin-an ug nangutana kanila sa tulo ka mga pangutana,

Mianhi ba kamo alang sa kalinaw,

Mianhi ba kamo aron pagtabang kanako,

Mianhi ba kamo aron makighiusa kanako o aron pagbudhi kanako? 1 Mga Cron. 12.17-18.

Kalamboan Sa Grupo.

Ang kinabuhi sa grupo magsugod sa dihang ang matag-usa masaligon sa pangulo ug mapanan-awon. Sa kadugayan sila mahimong magsinaligay diha sa pangulo ug sa matag usa apan ang kuyaw kung moabot ang garbo ngadto sa usa nga mohunahuna sa pagkamasaligon sa kaugalingon. Ang iyang dili maayong pagbiya makaluya sa grupo ug bisan pa sa iyang kaugalingong pagkamatuohan ug kaugmaon.

Ang mga inahan nga simabahan kinsa tigpasiugda sa apostolik nga buluhaton nga nagapadala ug mga apostolik nga grupo sa mga misyonero ngadto sa mga siyudad ug sa mga nasud mao ang Bag-ong Tugon nga pamaagi sa pagpalihok sa ebanghelyo. Makahimo ba kita ug mas labaw pa niini?

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.