60. Pagbuntog Sa Pagkaluya

Nganong nagmasulob-on ikaw? Ibutang ang imong paglaum diha sa Dios!

Tan-awa ang mga Pagtulon-an

Basaha Kini sa Imong Biblia
Josue 1

Ani-a ang Imo’ng Sag-ulohon nga Bersikulo
Wala ko ba ikaw sugoa? Magmakusganon ka ug magmaisog.
Ayaw pagkahadlok ug dili ka magmaluya; kay si Jehova nga imong Dios
magauban kanimo bisan asa ikaw paingon." Josue 1.9

Pagkahuman Hisguti ang Mahitungod Niini
May usa ba sa inyong grupo ang nagmaluyahon. Pagmatinud-anon kay ang Dios
nagahatag ug grasya niadtong mapaubsanon. Ministeryo sa matag usa.

Usa ka Butang Angay Buhaton sa Dili pa ang Musunod
Pag-ampo sa Dios nga tultolan ka niya sa mga tawong nagmaluyahon,
ug sugdi pagministeryo ug paglaum ngadto kanila. Tanyag ug pag-ampo alang kanila
sumala sa mga tubag nga atong nakita.

Buluhato’ng Pangdiploma
Tan-awa ang mga hinungdan sa pagkaluya ug isulat sulod sa duha ka pahina
kung asa  makita kining mga hinungdan sa kinabuhi karon.

Pamalandungi ang Matag Pulong Niini’ng Bersikulo
1 Pedro 5, 6-11

Pag-gahin ug Pipila ka Minuto aron sa Kausaban sa Kalibutan

Pray For Niger - 8,000,000 African desert tribes

90% strong and organised Muslims, 0.38% Christian but open to gospel,

At least 19 unreached peoples

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Ako kanunayng mahinumduman ang akong higala nga si John. Usa ka adlaw sa dihang siya naluwas gikan sa kinabuhin nga nalulong sa druga siya mibarog ug miawit sa Salmo 42, mga bersikulo 1, 2, 5 ug 6 diha sa maanindot nga tingog.

"Nganong nagmasulob-on ikaw O akong kalag,

Nganong nahasol ikaw sa akong sulod?

Ibutang ang imong paglaum diha sa Dios,

kay ako magadayeg pa kaniya,

akong Manluluwas ug akong Dios."

Milabay ang katuigan akong nahibaloan nga si John mi-undang sa pagpangulo, ug naluya pag-ayo. Unsa man ang nahitabo?

Nagmaluyahon? Wala Ka Nag-inusara!

Ang pagkaluya maoy usa sa paboritong hinagiban ni satanas, ug kini iyang gigamit batok sa mga tawo sa Dios sa tanang panuigon. Basaha ang gisulti niining mga tawhana,

• Si Moises, diha sa Numeros 11.15
• Si Josue, diha sa Josue 7.7
• Si Elias, diha sa 1 Mga Hari 19.4
• Si Job, diha sa Job 10.1
• Si Dabid diha sa Salmo 42, 5 ug 43,5.
• Si Jeremias, diha sa Jeremias 15.10
• Sa duha ka mga disipolo, diha sa Lukas 24.17.

Mao Nga Nganong Nagmasulob-on Ikaw?

Ang pagkamadasigon mao nga sa dihang nagadawat kita ug dugang kadasig mao nga ang pakaluya nagkahulogan sa sukwahi ug mahitabo sa dihang may mga butang nga hinungdan sa pagkahubas sa atong kadasig. Aniay mga pipila ka mga hinungdan nganong kana mahitabo sa mga katawhan diha sa Biblia ~

Ang Kalisod Sa Pagpanaw

Diha sa Numeros 21.4 ang mga tawo gikapoy na sa ilang panaw padulong sa yuta sa saad. Ang kamingawan ingon sa nagpabayad.

 

Mga Sagbot Sa Kagahapon

Diha sa Nehemias 4.10 ang mga tawo nangadaot sa pagdaladala ug basura gikan sa kagahapon. Mahimo kanang tinuod dinhi kanato sa dihang ang atong kaniadtong mga kinaiya mobalik ug maoy hinungdan nga kita mapakyas.

 

Mga Pulong Gikan Sa Kaaway

Diha sa Neh. 4.11 ang mga lokal nga kaaway midugang ug bul-og sa makapaluyang mga negatibong pulong.

 

Mga Mata Nga Wala Magtutok Kang Hesus, Nga Mibalik Sa Kalibutan

Diha sa Salmo 73, 2-3 ang manunulat nagpamatuod nga hapit na gayud siya mapakyas sa dihang mihunong siya pagsalig sa Dios ug nagsugod kaibog sa kauswagan sa mga dautan. Peligro!

 

Sekreto O Malinglahong Pamaagi

Diha sa 2 Mga Taga-Cor. 4.2, si Pablo nasayod nga makaluya gayud kaayo sa dihang ang mga atwo magahimog mga hinakog nga butang sa imong likod.

 

Ang Dios Niining Panahona

Kini mao si satanas, nga gihisgutan diha sa 2 Mga Taga-Cor. 4.4. Ang Dios mao ang nagahatag pagkamalungtaron ug pagkamadasigon, tan-awa sa Roma 15.5, aron nga imong mahibaloan kung kinsa kining nagabubo kanimo sa kaluyahon.

 

Kaugalingong Kamandoan

Dili gayud mohatod sa panalangin sa Dios ug kanunay mopadulong ngadto sa kapakyasan ug pagkaluya. Tan-awa sa 2 Mga Taga-Cor. 4.5

 

Lawasnong Kakapoy Ug Kaluya

Diha sa 2 Mga Taga-Cor. 4.7 si Pablo nagatawag kanato nga mga panudlanan nga yuta aron pagpakita unsa kita ka dali mabuak, ug unsa ka mahimayaon ang bahandi sa Dios sa sulod. Hinumdumi nga ang mga panudlanan nga yuta daling mabuak o maliki ug tinuod kana mahitungod sa atong mga lawas ug hunahuna kung kini masobrahan sa paghago.

 

 

 

Ang Mga Pagdumala Sa Dios

Kung atong kalimtan nga ang Labawng magkukulon nagapadyon sa pag-umol, paghulma ug pag-unat kanato aron mahimo kitang mahisama kang Hesus, nan mahimo kitang maluya tungod sa mga butang nga nangahitabo kanato diha  sulod sa buhatan sa Dios. Tan-awa sa 2 Mga Taga-Cor. 4.8-11.

Unsaon Pagbuntog Sa Pagkaluya.

Walay bisag usa ka butang nga imong mahimo tungod kay ang mga hinungdan sa mga kaluya nga imong nakita nagkadaiya. Apan aniay pipila ka mga lakang nga magamit.

Ilha Ang Mga Higante Sa Agianan

Ang duha ka mga higante nga naga-atang sa pultahan sa yuta sa saad karon mao ang gitawag nga kahadlok ug kaluya. Kung ikaw makadungog kanila ug mabati nimo ang ilang kabug-aton nan imong mahibaloan nga haduol na ikaw sa imong mga saad.

Niining mga katapusang kapanahonan sama kang Josue kinahanglan nga magmalig-on ug magmadasigon ug modutdot dinha sa grasya sa Dios nga iyang gihatag. Tan-awa ang Josue 1.9.

 

Sabta Unsay Nanghitabo.

Diha sa 2 Mga Taga-Corinto 4.16, si Pablo nag-ingon nga dili magkaluya kay taliwala sa mga kalisdanan kita ginabag-o sa sulod. Siya nag-ingon nga kining mga gaan ug dili madugay nga mga kalisdanan magasangpot ug maayo alang kanato diha sa Dios.

 

Paglaum Diha Sa Dios

Bisan kung ang pagtuo mo-ubos makahimo pa gihapon ikaw paglaum sa Dios ug salig nga ang Dios sa kalinaw sa dili madugay modugmok kang satanas ilalum sa imong mga tiil. Tan-awa sa Salmo 42.5 ug Roma 16.20

 

Isugid Ang Imong Gikinahanglan, Patabang Sa Pag-ampo

Diha sa Ecclesiastes 4.12 atong makita nga mas maayo ang duha kaysa mag-inusara, ilabina kung ang usa mas lig-on kanimo. Ayaw tagoa ang imong gibati sa imong kaugalingon, isulti kini sa uban ug pag-inampoay kamo, ilabina sa paggapos kang satanas.

 

Dawat Gikan Sa Dios

Ablihi ang imong kasingkasing ug tugoti ang Balaang Espiritu sa pagministeryo sa Diosnong paglahutay, pagdasig, paglaum, kalipay ug kalinaw nganha kanimo. Roma 15.5 ug 13.

 

Atubanga Ang Natural Nga Mga Hinungdan

Sa dihang si Elias gikapoy ug naluya ang Dios nagpadalag pagkaon ug kapahulayan alang kaniya sa dili pa moatubang sa matuod nga mga hinungdan ug mohatag kaniya sa bag-ong mensahe, bag-ong deriksyon ug bag-ong paglaum. 1 Mga Hari 19, 3-18.

 

Barugi Ang Saad Sa Dios

Si Pedro mitambag kanato sa pagpaubos sa atong mga kaugalingon ilalum sa gamhanang kamot sa Dios, sa pagtugyan sa atong mga kabalaka ngadto kaniya, sa pagkotrolar sa atong mga kaugalingon, sa pagsukol sa yawa ug sa pagtabang niadtong uban nga nag-antos. Siya nagahatag ug dakung paglaum pinaagi sa pagpamulong nga ang Dios sa tanang grasya moabot sa dili madugay aron siya mismo ang moayo kanimo ug mohimo kanimong lig-on, dili matarog ug malahutayon." 1 Pedro 5, 6-11.

 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.