59. Mga Pagtintal

Si Presidente Nixon sa Estados Unidos gitawag aron mobarog apan siya nahulog ngadto sa pagtintal

Tan-awa ang mga Pagtulon-an

Basaha Kini sa Imong Biblia
1 Tim. 6, 3-21, Daniel 4,28-37, 1 Mga Hari 19.

Ani-a ang Imo’ng Sag-ulohon nga Bersikulo
Mag-antos ka ug mga kagul-anan uban kanako, ingon sa usa ka sundalo ni Hesu Kristo.
Walay bisan kinsa nga naga-alagad sa pagkasundalo nga nagapagapos sa iyang kaugalingon tungod sa
mga patigayon niining kinabuhia, aron siya makapahimuot niadtong nagdawat kaniya sa pagkasundalo.
Ug kung ang usa ka tawo usab makigbangga sa mga dula, dili siya mapurong-purongan gawas kong
siya makigbangga uyon sa mga tulomanon. 2 Timoteo 2, 3-5

Pagkahuman Hisguti ang Mahitungod Niini
Bahina sa duha ug pangutan-a ang matag-usa sa mga pangutana sa pagkamatarong.

Usa ka Butang Angay Buhaton sa Dili pa ang Musunod
Pagdala’g bisag unsa nga magasin, libro, ‘video’, imahen sa diosdios ug uban pang mga butang gikan
sa inyong panimalay nga dili angayan didto ug sunoga kining tanan diha sa ngalan ni Hesus.

Buluhato’ng Pangdiploma
Isulat sa usa ka pahina kung unsaon sa mga pagtintal nga posibli’ng moapekto kanimo

Pamalandungi ang Matag Pulong Niini’ng Bersikulo
2 Timoteo 2.20-21

Pag-gahin ug Pipila ka Minuto aron sa Kausaban sa Kalibutan

Pray For England - 46,000,000 secular people in serious spiritual decline

Many hope for another revival, lots of churches in renewal

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Ang plano sa Dios mao kanunay ang pagbangon ug mga pangulo kinsa matinud-anon nga mo-alagad kaniya sa tibuok kinabuhi apan ang plano ni satanas mao ang pag-igo sa magbalantay aron nga magkatibulaag ang mga karnero. Kinahanglan nga dili kita ignorante sa iyang mga pamaagi diin magahatod kanato sa mga kakuyaw sama niini, Zacarias 13.7, 2 Mga Taga-Cor. 2.11.

Mga Pagtintal

Diha sa kamingawan si satanas mitintal kang Hesus sa pag-abuso sa iyang katungdanan ug espirituhanong gahum aron pagtagbo sa iyang kaugalingong panginahanglan, unya mitintal kaniya sa paglaktod aron paglikay sa pag-antos ug sa katapusan si satanas mitanyag ug kaugalingong pagpa-usbaw. Si Hesus kanunay mibalibad sa tanang panahon! Ang desisyon nga imong pagahimuon karon mahimong makaluwas sa imong kinabuhi inig-abot sa panahon.

Laing matang sa mga pagtintal nga gi-atubang sa mga pangulo mao ang gitawag nga ‘mga babaye, kamadanihon ug bulawan.’

Mga babaye, (O Mga lalaki !) Usa Ka Sayop Nga Paggamit Sa Sekswalidad

Ang pagtan-aw sa mga malaw-ay nga mga pulong ug mga hulagway makahimo paghatod ngadto sa pakighilawas gawas sa kaminyuon, ilabina sa panahon sa kagul-anan, kabug-aton o pagpanaw. Ang pagkalaglag makadaut sa ministeryo, kaminyuon ug sa pagsalig sa kadaghanan. Prob. 6,20-35; 5, 7-14

 

Kamadanihon, Usa Ka Sayop Nga Paggamit Sa Kadungganan

Imong madunggan ang garbo nga nagapanghambog mahitungod sa unsay “AKONG” nabuhat, imbis sa pagpasidungog sa Dios. Ang garbo maoy hinungdan sa kalaglagan ni satanas ug nagalimbong sa daghang mga pangulo sukad.

Daniel 4, 28-37. Proberbyo 16.18, 29,23.

 

Bulawan, Usa Ka Sayop Nga Paggamit Sa Salapi

Pagka-ibog sa dagkung mga balay, mga mahalong sakyanan, mga relong bulawan, mga maayong sapot ug mahalong pagbiyahe dili kalikayan nga mohatod ngadto sa pagpangutang, pag-abusar sa pagkamang-gihatagon sa mga katawhan sa Dios ug sa malaglagong kalisod sa panalapi. 1 Timoteo 6, 6-10

 

Labaw Sa Tanan – Ayaw Kalaglag!

Bantayi ang pagkamalimbongon sa imong kasingkasing, Jeremias 17.9

Itutok ang imong mga mata ngadto kang Hesus, Heb. 12.2

Ipaubos ang imong kaugalingon diha sa Dios, kay tingali ug si satanas maoy mopaubos kanimo, 1 Pedro 5,5-6

Paduol kanunay sa Dios, Job 33.14

Ang mga katawhan nag-ingon, "Kung dili pa tungod sa grasya sa Dios mahimong kawang ang akong kinabuhi.” Adunay grasya gikan sa Dios, mao nga siguroha pag-angkon sa hingpit. 2 Timoteo 2.1. Pagbaton ug usa ka higala nga imong makahisgut-hisgot, kinsa matinud-anon diha kanimo. Himoa siya sa pagpangutana kanimo niining pito ka mga pangutana ~

Ang Mga Pangutana Sa Pagkamatarong

1. Nakig-uban ka ba ug usa ka babaye (o lalaki) bisag asa niining milabay nga simana kinsa makit-an ingon nga makapaangin?
2. Ang uban ba sa imong mga patigayon kulang sa pagkamatarong?
3. Imo bang gipahimotang ang imong kaugalingon ngadto sa mga dayag nga malaw-ay’ng butang?
4. Ikaw ba nagagahin ug hustong panahon diha sa pagtuon ug pag-ampo?
5. Imo bang gihatagan ug mahinungdanong oras ang imong pamilya?
6. Imo bang natuman ang mga mando sa imong tawag?
7. Namakak ka ba karon sa Dios, kanako o sa imong kaugalingon?

Bulahan O Nabug-atan?

Human kang satanas ang sunod nga kaaway sa pangulo mao ang iyang kaugalingon, sama pananglit kang Elias. Pinaagi sa 1 Mga Hari 19 iyang gipahunong ang ulan aron paghatod ug kadaot sa nasud, mibuhi ug batang namatay, misangpit sa kalayo gikan sa langit, mitumba sa 400 ka mga mini nga propeta, mipabalik sa ulan ug midagan ug kusog labaw pa kaysa karuwahe. Unsang tawhana! Apan karon sa dihang siya gihadlok ni Jezebel, ang tanang emosyonal nga kusog ni Elias naluya. Dili na siya maka-atubang ug dugang pang pagpangharong o propetanhong pagpasundayag, bisag dugang usa ka isyu. Dili na gani siya makahimo pag-atubang sa pagpangita sa Dios alang sa iyang pulong.

Si Elias Napuno Na.

Iyang gibiyaan ang iyang suluguon, mibiya sa problema ug nahiabot nga nag-inusara ngadto sa malang dapit nga nagahangyo sa Dios pagkuha sa iyang kinabuhi. Si Moises mihimo usab ug pag-ampo sama niini, Numeros 11.15, ug kini mahimong mahitabo usab kang bisan kinsa. Ang kaugalingong kahingawa sa usa ka pangulo mahitungod sa iyang pamilya, panalapi, simbahan ug kaugmaon mahimong mohatud ngadto sa pagkapuno, emosyonal nga pagka-ugdaw o bisan pa kahugnoan. 1 Mga hari 19, 3-5.

 

Unsa Man Ang Mga Tubag Sa Dios?

Walay pagbadlong gikan sa Dios, kundili kalooy ug maayong pagkaon, ilimnon ug kapahulayan. Ang Dios dili malipay sa pagka walay pagtuo ug pagkalooy sa kaugalingon ug mihatod kang Elias ngadto sa bag-ong pakighibalag kaniya. 19.5-9. Human sa mga hangin, pag-uyog ug kalayo ang Dios mihunghong kang Elias nga wala pa siya mahuman ug mipadala kaniya pagbalik aron pagdihog ug laing duha ka mga bag-ong pangulo ug aron pagpangita ug laing 7,000 ka mga magtutuo! Mituman siya sa Dios ug ang iyang buluhaton gamhanan  nga nagapadayon. 2 Mga Hari 1 & 2.

Pagpildi Sa Pagka-ugdaw.

Sa dihang ang usa ka alambre iunat pag-ayo kinahanglan kining lanayon ug himuon pagbalik. Sama sa atong kaugalingon kung atong pugson ibabaw sa atong limitasyon. Ang pagpildi sa pagka-ugdaw mohimo kanimo pagpundo ug pipila ka mga bulan aron mahimo pag-usab.

Unsaon Pag-amping Sa Imong Kasingkasing Ug Hunahuna

Ang kabug-aton mamuhat sa kasingkasing nga nalumos sa dugang mga kalisdanan, ug mga hunahuna nga napuno ug dili na makahimo ug insaktong mga desisyon.

Si Pablo diha Mga Taga-Filipos 4, 2-9 nagaingon nga ang Dios sa kalinaw ug ang kalinaw sa Dios maga-amping sa imong kasingkasing ug hunahuna sa dihang ~

 

Ikaw  nagabati ug mabug-at nga relasyon pinaagi sa pagpaubos ug paghinulsol.

Ikaw nagapadayon sa pagkalipay diha sa Ginoo, ingon nga pagbuhat sa imong kabubut-on.

Ikaw malumo, dili saputon, kay ang Ginoo haduol, ug adunay paglaum.

Ikaw dili mabalaka sa bisag unsang butang, apan nagasangpit ug nagapasalamat sa Dios,

Imong pilion ang paghunahuna sa unsay matuod nga mahitabo, dili ang unsay makalilisang.

Ikaw nagapakita sa mga positibong butang dili ang mga negatibo.

Ang Dios nagasaad kanimog paagi sa matag pagsulay, 1 Mga Taga-Cor. 10.13. Mahimo nga kini may kalabutan sa tinuuod nga mga isyu sa pagdumala sa oras, salapianon ug mga utang, ug ang pagbalibad sa ubang mga tawo, mga proyekto ug mga papeles.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.