58. Pagkamatinud-anon

Si Haring Saulo wala nagmatinud-anon apan ang batan-ong si Dabid nagmatinud-anon.

Tan-awa ang mga Pagtulon-an

Basaha Kini sa Imong Biblia
1 Samuel 16, 1-13, 2 Sam. 7,8-11, 18-29

Ani-a ang Imo’ng Sag-ulohon nga Bersikulo
Ang Dios nag-ingon, "Ayaw tan-awa ang iyang hitsura o ang gitas-on sa iyang barog,
tungod kay ako nagasalikway kaniya. Kay ang Dios wala magatan-aw sa mga butang sama sa tinan-awan sa tawo.
Ang tawo nagatan-aw sa panagway sa gawas, apan ang Dios nagalanatw sa kasingkasing."
1 Samuel 16.7

Pagkahuman Hisguti ang Mahitungod Niini
Aduna bay tawo nga dinihogan sa Dios karon nga inyong mahiusahan
sa pagpaluyo aron sa pagtabang kaniya paghatud sa nasud ngadto kang Krisot?

Usa ka Butang Angay Buhaton sa Dili pa ang Musunod
Basaha ang tibuok sugilanon ni Dabid gikan sa 1 Samuel 16 ngadto sa 2 Samuel 24,
ug hinumdumi hilabina ang dalan ngadto sa Zion, ug ang tanang mga dapit nga gihunongan

Buluhato’ng Pangdiploma 
Pagsulat ug usa ka pahinang salaysay diha sa mga pagsulay sa kakabus, kalibog
ug kadagaya nga diin naghisgut asa ang kapiligro.

Pamalandungi ang Matag Pulong Niini’ng Bersikulo
Mateo 25.21

Pag-gahin ug Pipila ka Minuto aron sa Kausaban sa Kalibutan

Pray For Iraq - 22,000,000 mainly Arab peoples

95% Muslim, 0.03% evangelicals, much suffering after Gulf War

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Si Dabid gidihogan ingon nga piniling pangulo sa Israel sa dihang siya batan-on pa kaayo apan daghan pang mga katuigan ang milabay sa dihang siya namuhat ingon nga hari sa katapusan sa taas nga dalan ngadto sa Bukid sa Zion. Sulod niining panahona ang Dios naga-andam kaniya alang sa pagkapangulo.

Ang mga pangulo karon magaagi usab sa samang agianan. Ang Zion alang kanato dili mao ang tumoy sa bukid sa Israel, apan usa ka dapit sa espirituhanong pagdumala diin atong ginadala ang responsibilidad ug nagatan-aw  sapagtubo. Ang Zion alang kanato maoy usa ka dapit diin ang mga tawo matinguhaon, ilabina ang mga batan-on ug diin magadumala kita ibabaw sa atong mga kaaway. Salmo 110, 2-3; 48.11. Ang dalan padulong sa Zion adunay daghang mga paghunong.

Betlehem

Si Dabid gidihogan ingon nga Hari diha sa 1 Samuel 16,13, apan mibalik siya ngadto sa kapatagan aron pagsugod sa iyang pagbansay alang sa paghari. Si Dabid gikinahanglan nga makakat-on sa pagkamatinud-anon ug ang Betlehem nagalarawan sa pagkamatinud-anon diha sa gagmay’ng mga butang -

Pagkamatinud-anon Diha Sa Mga Butang Nga Natural  

Siya matinumanon sa iyang kalibutanong amahan sa walay pagpangutana, 17,17-18

Pagkamatinud-anon Diha Sa Tago

Siya nagapatay’g liyon ug oso, wala makita ug wala magantihan, 17.35

Pagkamatinud-anon Diha Sa Mga Gagmay Nga Butang

Si Dabid nagabantay sa mga karnero samatang nagahulat sa iyang destinasyon. 17.28

Ang Pagkamatinud-anon Magamugna Ug Oportunidad

Ang Dios nagapangita sa pagkamatinud-anon ug uban niana, Siya magamugna ug oportunidad. 1 Samuel 16, 17-19; Salmo 75.7. Ang balita sa mga kaarang ni Dabid miabot hangtud ngadto sa palasyo ug ang pangalan ni Dabid nabutang sa unahan. Dali nga miabot kang Dabid ang pag-uswag ug kalamposan, sa kadugayan ang kalamposan nagpasabot na sa kasuko ug kasina ni Saulo. 1 Sam. 18, 5-9; 19,10-13

Adulyam.

Karon si Dabid anaa sa iyang kaugalingong pagpanginahanglan ug siya mikalagiw ngadto sa langub sa Adulyam. 1 Sam. 22, 1-3, ug nahimong pangulo sa 400 ka mga kalalakin-an nga miduol kaniya.

Ang uban mga tawong masub-anon –nagahilak uban sa pagkalooy sa kaugalingon!

Ang uban anaa sa pagka-utangan – ug nagkinahanglan ug tabang aron makabayad sa ilang mga bayronon!

Ang uban mga tawong walay katagbawan – kinsa walay hunong sa pagreklamo!

Si Dabid kinahanglan usab nga mo-atiman sa iyang mga ginikanan. Silang tanan anaa sa panginahanglan kinsa nagalaum nga si Dabid makatabang kanila, diin nga mismo si Dabid nagkinahanglan usab ug tabang! Diha sa dalan padulong sa Zion, usa sa hunongan kanunay mao ang Adulyam, diin kinahanglan makakat-on ka sa pagkamatinud-anon sa mga nagkinahanglan sa dihang ikaw mismo anaa sa dakung pagkinahanglan. Si Dabid nagatudlo kanila sa pagdisiplina ug sila nangahimong mga sundalo. 23.5, ug siya nagatudlo kanila sa pagtahod sa katungdanan, bisan diha sa buangbuang, dili diosnon nga Hari. 24.3-7

Pagbantay  

Apan pagbantay, sa Adulyam ang mga tawo moduol kanimo aron matagbo ang ilang mga gikinahanglan pinaagi sa imong pagtuo. Basin dili sila motabang kanimo, ug sa dihang ikaw na usab ang magkinahanglan ug tabang, wala gayuy motabang! Mao kini ang nahitabo kang Dabid uban sa mga katawhan sa Keilah kinsa iyang giluwas gikan sa siguradong kamatayon, 23, 1-13. Hinumdumi usab kanunay nga si Hesus lamang ang motagbo sa tanang mga panginahanglan, sa imong kaugalingon ug niadtong mga katawhan. Kanunay itudlo ang mga tawong nagkinahanglan ngadto kaniya.

Ziklag.

Si Dabid nagpuyo diha sa Ziklag sa panahon nga ang iyang pagtuo diha sa Dios gi-uyog. Usa ka adlaw sa dihang ang mga kalalakin-an mipauli ang Ziklag nasunog, ug ang tanang mga kababayehan ug mga kabataan gibihag. Ang tawo ni Dabid nasuko ug naglaraw sa pagpatay kaniya! 1 Samuel 30.1-6. Sa Ziklag si Dabid nakakat-on sa pagkamatinud-anon  ngadto sa Dios diha sa hignpit nga kawalad-on, sa pagtuo, sa pamilya ug mga higala. Si Dabid, "midasig sa iyang kaugalingon diha sa Ginoo," ug ang iyang kina-ubsang higayon sa tinuod nahimong iyang bag-ong sinugdanan.

 

 

Hebron.

Dinhi si Dabid nakakat-on unsaon pagbaton ug maayong relasyon uban sa ubang mga dinihogan nga kalalakin-an kinsa mga batid nga mga sundalo ug mga banggiitang mga tawo diha sa ilang kaugalingong katungdanan. 1 Cron. 11 ug 12. Ilang nailhan ang Diosnong dihog, awtoridad ug panan-awon diha kang Dabid, mao nga imbis ilang ipadayon ang ilang mga kaugalingong buluhaton o mga ministeryo, sila mihukom sa paghimo kang Dabid nga Hari sa tibuok Israel. Human sa kasinatian sa Adulyam si Dabid nangutana kanila sa tulo ka mga kinasingkasing nga mga pangutanan:

Ania ba kamo uban sa kalinaw?

Ania ba kamo aron motabang kanako?

Ania ba kamo aron makighiusa uban kanako?

1 Cronicas 12.17-18

Sa dihang misulod sila diha sa panaghiusa ang dihog ug ang pagtagbo nadugangan. 1 Cron. 11,3; 12, 39-40. Pito ka tuig ang milabay, sa hiniusa ilang nabuntog ang mga mabiybiayong mga Jebusites, mikuha sa Bukid sa Zion ug midala sa paghari sa Diosnong Gingharian, 2 Samuel 5,6-12.

Zion, Ang Katapusang Panaw.

Ang Zion mahitungod sa pagkamatinud-anon diha sa pagdumala, diha sa samang kinaiyahan ni Kristo, ni malupigon, ni magakontrolar sa mga tawo. Maayo ang gibuhat ni Dabid apan ang pagdumala mihatod kang Dabid ngadto sa daghang mga pagsulay sa pagkamatinud-anon nga wala usahay niya malampos: Iyang gidala pagbalik ang Arka sa sayop nga paagi, ug usa ka tawo ang namatay. Nakasala siya uban kang Batseba, ug sa iyang bana ug usa ka bata ang namatay. Ang iyang anak nga si Absalom nangulo ug usa ka pagbatok, ug siya ug daghang lain ang nangamatay.

Ang Pinakalisod Nga Pagsulay Sa Tanan

Diha sa dalan padulong sa Zion mahimong mag-antos ka ug kalisod apan luwas ikaw tungod kay nagpuyo ka duol kang Hesus. Mahimong mag-antos ikaw sa kapakyasan sa kalibog apan imong buhaton ang tanan alang kang Hesus ug magpabilin nga luwas gikan sa garbo. Diha sa Zion bisan ang pinakalisod nga pagsulay nagahulat sa matag pangulo, ug daghan mga katawhan ang napakyas. Diha sa Zion adunay kauswagan ug pagdayeg ug igong katingalahan nga tungod niana ang mga pangulo makahimo ug mihimo sa pagkalimot kang Hesus, ug nalaglag.

1. Betlehem, pagkamatinud-anon diha sa gagmayng mga butang.
2. Adulyam, pagkamatinud-anon sa mga nagkinahagnlan.
3. Ziklag, pagkamatinud-anon diha sa hingpit nga kawalad-on.
4. Hebron, pagkamatinud-anon diha sa mga pakigrelasyon.
5. Zion, pagkamatinud-anon ngadto sa Dios diha sa pagdumala.

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk