57. Ang Paggawas

Ang mga nangawalang asno gihatod ngadto sa trono sa Israel

Tan-awa ang mga Pagtulon-an

Basaha Kini sa Imong Biblia
1 Samuel kapitulo 9 ug 10

Ani-a ang Imo’ng Sag-ulohon nga Bersikulo
Ayaw tugoti nga bisan kinsa magatamay sa imong pagkabatan-on, apan magmapanig-ingnan ikaw
kanila sa mga mingtoo, sa pulong, sa gawi, sa kinabuhi, sa gugma,
sa pagtoo ug kaputli. 1 Timoteo 4.12

Pagkahuman Hisguti ang Mahitungod Niini
Nakasulay ka ba nga nabutang sa kasamok tungod sa pag-istorya ug sobra, ug paspas
ug ngadto sa sayop nga mga tawo. Sultihi ang matag-usa kung unsay nahitabo,
ug kung unsay inyong buhaton sa sunod panahon.

Usa ka Butang Angay Buhaton sa Dili pa ang Musunod
Asa nga tawo sa Dios ikaw  nag-alagad ug gigiyahan. Lakaw ug isalig
ang imong kaugalingon kaniya, sultihi siya sa imong pagkamatinguhaon, paminawa siya
ug dapita ang iyang mapanagnaong ministeryo diha sa imong kinabuhi.

Buluhato’ng Pangdiploma 
Isulat sa usa ka papel ug ipasabot ang mga hiyas nga imong gusto sa usa ka lalaki
o babaye sa Dios kinsa malipayon ikaw nga mo-alagad.

Pamalandungi ang Matag Pulong Niini’ng Bersikulo
1 Mga Taga-Corinto 6.12-13

Pag-gahin ug Pipila ka Minuto aron sa Kausaban sa Kalibutan

Pray For China - 1, 215,000,000 people, 20% of all mankind

Massive revival in some areas, great resistance in others

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Aduna Bay Nakulang Sa Imong Kinabuhi?

Alang kang Saulo ang mga nangawala lamang nga mga asno, apan ang pagpangita kanila misugod sa panaw ni Saulo paingon sa trono sa Israel. 1 Samuel 9,3

Si Saulo Nakaila Sa Tingog Sa Iyang Amahan

Si Saulo mituman sa iyang mga tugon, ingon nga kita usab kinahanglan maminaw, paminaw ug tuman sa tingog sa imong Amahan.

 

Wala Ka Ba Nasayod Sa Imong Padulngan?

Bisan diha sa pagtuman si Saulo walay nahimo pag-uswag, ug siya mouli-ay na sa iyang panimalay. 9, 4-5. Kini mahitabo sa dihang ang mga tawo sa Dios makamatngon sa iyang tawag apan wala masayod unsay buhaton. Ang iyang suluguon malipayon nga nakahibalo sa agianan padulong ngadto sa panalangin sa Dios, 9.6, ug pinaagi sa pagsunod sa samang espirituhanong agianan makahimo usab ikaw pagsalig sa imong nagsugod nga tawag gikan sa Dios ug molihok  padulong sa imong padulngan. Ania ang mga lakang ~

Sugdi Pinaagi Sa Pag-alagad Ug Usa Ka Tawo Sa Dios.

Ang alagad miingon, “Moadto kita sa usa ka tawo sa Dios, kay basin ug makatudlo siya kanato sa atong agian.” 9.6

Si Josue una mi-alagad kang Moises. Si Eliseo una mi-alagad kang Elias. Si Timoteo una mi-alagad kang Pablo. Hangtud nga sila gihatagan sa ilang kaugalingong ministeryo. Pagpuyo ubos sa iyang pagtan-aw ug ubos sa iyang mapanagnaong dihog ug ayaw pagbiya, hangtud nga ang Dios mopadala kanimo, ug bisan pa man pagbaton ug malungtaron nga pakighigala. Usahay adunay siyay pulong alang kanimo gikan sa Dios. 9,15,16. Timan-I nga sila migasa ngadto kanila, kay sa gina-ingon ni Hesus, “ Kung asa ang imong bahandi atua usab ang imong kasingkasing." Mateo 6.21.

Asa Man Ang Tawo Sa Dios Alang Kanimo?

Ang matuod nga tawo sa Dios mahimong lisod pangitaon, bisan si Saulo wala dayun makahunahuna kang Samuel. 11, 18. Basin tungod kay si Samuel walay relihiyusong mga kupo, karismatik nga kinaiya o mahalon nga mga sapot nga maoy gidahuman ni Saulo? Tugoti ang Dios, ug dili ang imong kaugalingong mga mata ang mogiya kanimo ngadto sa imong amahan sa pagtuo.

 

Paabota Ang Ubang Mga Sorpresa Gikan Sa Dios.

Hinumdumi kanunay nga ang mga pamaagi ug mga hunauna sa Dios lahi kaysa atua. Isaias 55, 8-9, Mao nga tugyan kanunay ngadto sa tawag sa Dios, bisan ug usahay mopatingala siya kanimo. 1 Samuel 9,20-21; Jer 1.7, 1 Sam 16.7; 1 Mga Taga-Cor. 1.27

Sugdi Sa Masibuton Nga Pagpangita Sa Dios.

Alang Sa Iyang Pagtagbo

Diha kang Hesus ang tanan nga imong gikinahanglan inandam na alang kanimo, nag-una na si Hesus nimo, Mateo 26,32. Hinumdumi nga ang tiil, ang bahin alang sa mga pari  human nag gahin alang kang Saulo, ug maingon man alang kanimo, 9. 23,24

 

Alang Sa Mapanagnaong Pinadayag

Kaalam sa pinadayag, labaw sa kinaiyahang paggiya ug langitnong pagpataliwala mao ang imong gikinahanglan ibabaw ug labaw sa tanang natural nga pagpanabot. 9.27; Mga Taga-Galacia 2.2, Mga Buhat 16,6-10.

 

Alang Sa Iyang Dihog

Mao kini ang kinahanglanon kaayo nga espirituhanong pagpagahum nga kuyog sa tawag. Mao kini  ang presensya sa Balaang Espiritu. Tan-awa sa 10.1 ug Mga Buhat 1.8

 

Alang Sa Iyang Napili Nga Padulngan Alang Kanimo

Ingon nga si Saulo gidihogan nga pangulo ibabaw sa iyang panulundon, 10.1, ang Dios usab adunay padulngan alang kanimo sa pag-abot, basin sa tibuok kinabuhi. Hinumdumi kanunay ang imong tawag, sa panahon sa kalisod gikinahanglan mo ang inusab nga pasalig. Jeremias 1.5

Karon Hupti Ang Mga Diosnong Pamaagi.

Bisag unsa man ang imong nakat-unan diha sa Tunghaan sa Balaang Espiritu, adunay tulo ka mga pagtulon-an nga hingpit nga gikinahanglan alang sa mga umaabot nga pangulo. 1 Samuel 10, 2-6; Roma 6, 3-8.

Pagkamatay Ngadto Sa Kaugalingon

Si Saulo gihatud ngadto sa lubnganan ni Raquel diin naghishut sa kamatayon, Juan 12.24, Lukas 9.23.

 

Kausaban Sa Sulod

Unya si Saulo gipadala ngadto sa togas sa Tabor nga maoy nasugid nga dapit sa pagkabalhin sa panagway ni Kristo. Kini naghisgut sa kinasulorang kausaban nga gidala sa Dios. Hinumdumi usab ang pagtulon-an sa pagkamaubsanon ug pagkat-on unsaon sa pagdawat nga malipayon sa paagi.

 

Bag-ong Nabanhaw Nga Kinabuhi

Sa katapusan si Saulo gipadala ngadto sa Gibeah, ang bungtod sa Dios diin naghisgut sa pagkayab ngadto sa bag-ong kinabuhi ug ang pagkahimong lahi nga pagkatawo. 10,6. Nakakaplag siyag mga tawo nga iayng makauban ug  dapit aron mapadayag ang iyang espirituhanong gasa. Hinumdumi nga ang mga kaaway nga Pilistihanon atua usab didto, tungod kay ingon sa dihang ang Dios mohatag pagmatuod sa iyang tawag ang kaaway makiglumba usab niini.

Pagpuyo Diha Sa Kaalam Sa Dios.

Ang kaalam mahimong magpasabot sa pagpailob. Si Saulo giingnan sa paghulat hangtud nga " kining mga timailhan matuman." 10,7; Proberbyo 8.12. Kutob karon bantayi ang imong isulti ug ang imong sultihan, 10,15.

Si Jose diha sa Genesis 36, 6-9 nasipyat tungod sa sayo niyang pagsugilon.

Unsa may nahitabo kang Maria miadto ba siya aron pagmantala sa unsay gisulti sa anghel kaniya? Hinuon miadto siya sa usa ka tawo kinsa makasabot sa unsay nahitabo kaniya. Lukas 1, 26-45

Tugoti ang Dios sa pagpamatuod sa imong tawag sa espirituhanon ug sa natural sa dili pa ikaw mopangulo sa uban.   1 Sam. 10, 20-23; 11.15.

Ayaw Buhata Ang Gibuhat Ni Saulo Sa Kaulahian!

Ang kaalam maoy pagtuon sa mga pagtulon-an gikan sa kasaysayan. Si Saulo napakyas ug wala makabalik.

Si Saulo wala motuman sa tawo sa Dios ug nawad-an sa iyang pakighigala ug suporta.

Siya mikuha ug pagtagbo gikan sa mga tawo.

Siya midawat ug mga pagtudlo gikan sa mga tawo.

Siya nagpuyo diha sa unod ug dili sa Espiritu.

Siya nawad-an sa iyang dihog ug destinasyon.

1 Samuel 13-16.

Ang Dios mihatag kaniya ug maayong pagsugod sa ministeryo. Nasayod siya unsay buhaton apan siya nahimong mapasigarbuhon, masaligon sa kaugalingon ug mibuhat sukwahi sa mga pamaagi sa Dios nga gitudlo sa iyang pagkabatan-on. Subong palandungon, napuno siya sa mga demonyo ug namatay sa kaguol, pildiro ug naghikog aron nga mapolihan ni Dabid.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana