56. Ang Balaod Sa Pagpangandam

Usa ka Astronomo ug magtutuo nga si Buzz Aldrin nahimong usa ka inandam nga Kristohanon

Tan-awa ang mga Pagtulon-an

Basaha Kini sa Imong Biblia
Isaias 49

Ani-a ang Imo’ng Sag-ulohon nga Bersikulo
Tungod kay ikaw bililhon sa akong pagtan-aw ug dungganan, ug gihigugma ko ikaw,
tungod niini magahatag ako sa mga tawo puli kanimo, ug mga 
katawhan ilis sa imong kinabuhi. Isaias 43.4

Pagkahuman Hisguti ang Mahitungod Niini
Hisguti unsa imong gibati sa kabatid sa usa ka magkukulon
ug mamumuhat ug pana sa imong kinabuhi.

Usa ka Butang Angay Buhaton sa Dili pa ang Musunod
Tan-awa kung makabisita ka ug usa ka magkukulon ug pangutan-a unsay pamaagi gikan sa lapok
ngadto sa nahuman nga butang. Pangutan-a siya ngano. Sutaa ang pipila sa mga sanga,
dayun lakaw ug pagtan-aw ug hikapa ang pipila ka mga pana.

Buluhato’ng Pangdiploma 
Susiha ang mga gikinahanglang kinaiya diha sa Exodo, Timoteo ug Titu
ug pagsulat ug usa ka pahina aron paghulagway kanila diha sa modernong kinabuhi.

Pamalandungi ang Matag Pulong Niini’ng Bersikulo
Jeremias 18, 1-6

Pag-gahin ug Pipila ka Minuto aron sa Kausaban sa Kalibutan

Pray For Philippines - 70,000,000 Asian islanders, dramatic church

growth, Catholic majority, 5% Evangelicals , widespread poverty

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Ang Pagkapangulo Ba Uban Sa Iyang Pagkatawo O Hinimo?

Wala ka ba makahunahuna nga ang kasangkapan kinahanglan nga andamon sa dili pa kini ibaligya ug gamiton? Sama pananglit ang mga maabtik nga mga tawo kinahanglan mangandam ~

• Bato – aron mahimong estatwa o monumneto.
• Mineral nga puthaw – aron himoong awto.
• Mga kahoy – aron himoong kasangkapan.
• Balahibo sa karnero – aron himoong kupo.
• Panit – aron mahimong sapatos.

Imo usab nga makit-an ang Diosnong balaod sa pagpangandam diha sa kinaiyahan. Mga mananap mag-andam alang sa tingtugnaw, ang yuta andamon alang sa pagpananum ug ang mga batong hait  pahamison sa nagaagas nga tubig.

Sa dihang kita giluwas ug gitawag sa Dios kita nahimo usab nga kasangkapan, wala hibalui kung unsa kita human ang Dios naga-andam kanato. Ang pundok sa mga bato dili mahimong usa ka balay hangtud kini maandam ug ipahimutang diha sa usa ka plano. Bisan ang pundok sa mga ‘buhing mga bato’ dili makahimo ug usa ka espirituhanong panimalay o simbahan hangtud kini maandam. 1 Pedro 2.5

Mga Binhi Ug Mga Tanum Sa Dili Pa Ang Bunga.

Ang usa ka pangulo natawo, unya natawo pag-usab, gitawag ug gidihugan apan sa dili pa siya mobaton sa iyang responsibilidad ug mamunga alang sa Ginoo aduna kanunay panahon sa pagpangandam. Ang usa ka pangulo nga molikay o molaktod niining mahinungdanong natad nagbutang sa iyang kaugalingon sa peligro ug bisan pa sa mga katawhan sa Dios inig abot sa panahon.

Ang Balaod Sa Pagpangandam.

Tungod kay ang Dios mahigugma sa kahan-ayan ug kahamili ug masilagon sa pagkaalang-alang, diha sa panahon sa Biblia adunay mga butang nga angay andamon -

• Usa ka panimalay alang sa Ginoo. Exodo 15.2, Salmo 107:36, KJV.
• Mga paghalad alang sa tabernakulo. Numeros 15.3-12; 23.1-2, AV
• Ang kasingkasing sa tawo aron sa pagpangita sa Dios. 1 Samuel 7.3; Salmo 10.17, KJV
• Mga kasangkapan alang sa Templo ni Solomon 1 Mga Cronicas 22, 3-14. KJV
• Agianan alang sa Manunubos, Isaias 40.3; 62,10; Mat. 3.1-3;11.10
• Mga katawhan aron makighimamat uban sa Dios, Ex. 19.14-15. KJV
• Usa ka kabayo alang sa gubat, Proberbyo 21.31
• Dungganang mga panudlanan, 2 Tim 2.20-21
• Usa ka lawas alang kang Hesus, Hebrohanon 10.5
• Usa ka pangasaw-unon ni Kristo, Pinadayag 19.7; 21.2

Matag hanas nga mamomoo magkinahanglan ug mga pipila ka tuig sa pagkamagtutuon, ug ang mga haniti nga mga pangulo sa mga katawhan sa Dios dili usab gawas niini. Si Josue nakig-uban kang Moises sa pipila ka mga tuig, si Eliseo nakig-uban sa pipila ka tuig ni Elias, si Timoteo nakig-uban sa pipila ka tuig ni Pablo.

Giunsa Sa Dios Pag-andam Ang Mga Pangulo?

Isaias 49 1-6 mao ang pultahan ngadto sa kaugalingong tunghaan sa pagbansay sa Dios ug ang mga pagtulon-an molungtad kutob sa imong pagpamuhat! Mahimo kang mobiya ug Unibersidad apan ang tunghaan sa Dios magasunod kanimo kanunay, Salmo 139, 7-10. Kung dali nga makakat-on, dali nga makalampos. Si Isaias nagpropesiya kung unsaon sa Dios pag-andam si Hesus alang sa pagkinabuhi ug sa pagpamuhat. Ang samang paagi matuod alang kang  Isaias ug maoy usa ka sumbanan alang kanato karon. Atong tan-awon ang mga pagtulon-an diha sa Tunghaan sa Espiritu ~

Mga Pagtulon-an Diha Sa Padulngan

Ang mga pangulo kinahanglan makasabot nga sila tinawag sa wala pa sila matawo ug mosunod sa ilang matunhayong padulngan, 49.1; Mga Taga-Gal. 1.15; Jer 1.5; Is. 9.6; Mga Taga-Efe. 1.4.

 

Mga Pagtulon-an Diha Sa Kinabuhi Sa Pagpamulong

Ang Dios nagapamuhat sa atong mga dila aron paghimo sa atong mga pulong nga mahait sama sa espada dili habulan ug negatibo.

 

Mga Pagtulon-an Diha Sa Magkukulon

Siya nagatago kanato sa landong sa iyang mga kamot, 49.2, diin maoy usa ka hulagway sa Labawng Mag-uumol nga nagaumol kanato, nga lapok, Jer. 18,1-4. Si Hesus nagagamit sa iyang kaugalingong samaran nga mga kamot ug sa kalibutanong ‘kamot’ sa iyang lima ka punoa’ng mga magtutukod, Mga Taga-Efeso 4.11.

 

Wala ka ba kahibalo nga ang lapok kinahanglan kaluton una, bisan kini gidugmok ug gibulagbulag? Ang lapok kinahanglan nga hugasan ug ihumol sa tubig, unya lutoon, pisaon pag-ayo ug dugsakon sa usa ka nipis nga alambre aron pagtangtang sa mga bulabula sa hangin. Kinahanglan kini tuyok-tuyokon sa usa ka ligid, inaton ug bitaron pagbalik hangtud nga may porma na nga mabuo, aron lamang ibutang daplin aron mogahi. Nan kini ang kalayo! Basin kani modugang pagpasabot sa unsay nahitabo kanimo?

 

Mga Pagtulon-an Sa Paghimo Ug Pana

Ang Dios nagaplano paghimo sa iyang mga pangulo ingon sa gipasinawan nga mg pagtulon-an, Isaias 49.2. Niadtong panahona ang mga pana hinimo gikan sa kahoy nga Acacia diin gansangon, bukohon ug hiwi, sama sa kinaiya sa usa ka tawo sa wala pa kini modawat kang Hesus!

 

Ang pana nahimo pinaagi sa gibalikbalik nga pagpanit, pagliha ug pagtul-id, uban sa lana diin naghisgut sa Balaang Espiritu, gihaplas aron pag-ayo sa mga pangus, sa dili pa kini ita-od sa tumoy sa pana. Ang tumong mao nga makahimo ug insaktong pagtugpa ngadto sa gipunting nga ig-anan.

 

Ang tumoy mao ang gasa sa ministeryo, apan ang pana nagrepresenta sa kinaiya diin dinhi ang pangulo mosaka o mahulog, ug usa ka dakung gikinahanglan alang sa ministeryo,  Exodo 18, 21, 1 Timoteo 3, Titu 1, 5-9. Napamati-an mo ba ang Diosnong pamaagi sa pagtul-id? Karon nakahibalo ka na kung ngano!

 

Mga Pagtulon-an Diha Sa Pagpailob

Human sa tanang paghago ug sakit nga pagpangandam imo nang bation nga andam ka na sa pagpangulo, apan hinuon ang Dios motipig kanimo diha sa iyang panudlanan sa mga pana, uban sa ubang mga bag-ong pana. Ang pagtipig nagpasabot sa pagtago kanimo gikan sa mga pagtan-aw sa publiko. 49.2. Kini kinahanglan sa dili pa mogawas ang mga sayop nga reaksyon sa kapakyasan, pagsukol ug pagka masaligon sa kaugalingon. Ang uban moingon, “Nakawang lang ang tanan ug naadto sa wala,” 49,4, apan ang pagpailob ug pagpanugyan makat-unan pinaagi sa pagbuhat.

Ang Adlaw Sa Kalampusan Moabot Sa Katapusan.

Uban sa ganti alang sa tanan nga mga pag-antos. “Apan karon,” ang Ginoo nag-ingon, “Usa ka gamay nga butang alang kanimo ang pagtabang lamang sa akong mga katawhan. Himuon ko ikaw nga kahayag alang sa tanang kanasuran. Dad-on mo ang akong kaluwasan hangtud sa kinatumyang bahin sa kalibutan,” 49, 5-6. Ang bili sa pagkahimong galamiton sa Dios mao ang pailob diha sa pagtugot kaniya pag-andam kanimo nga mahimong usa ka hingpit nga lalaki o babaye sa Dios.

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.