55. Ang Gingharianong Patigayon

Ang pagbawi sa karaang agianan sa pagpatigayon alang sa ebanghelyo

Tan-awa ang mga Pagtulon-an

Basaha Kini sa Imong Biblia
Isaias 35

Ani-a ang Imo’ng Sag-ulohon nga Bersikulo
Ang iyang patigayon ug ang iyang suhol mahimong pagkabalaan kang Jehova; kini dili pagatigumon
ni pagatipigan, kay ang iyang patigayon mahimong alang niadtong nanagpuyo sa atubangan
ni Jehova, aron pagakan-on sa igo, ug alang sa mga bisti nga malungtaron. Isaias 23.18.

Pagkahuman Hisguti ang Mahitungod Niini
Pila man kaninyo ang anaa sa patigayon? Makahimo ka ba pag-ampo ug nagkalainlaing pamaagi
nga ang patigayon mahimong masagop aron mahimong agianan alang sa ebanghelyo?

Usa ka Butang Angay Buhaton sa Dili pa ang Musunod
Pagpundok ug mga tawong magpapatigayon gikan sa nagkalainlaing mga kasimbahanan
kon mahimo. Paghimog usa ka maayong presentasyon uban sa mga musika, pasundayag ug mga pulong,
uban sa mga pagpabugnaw, alang sa gikinahanglang panagkumbuya sa patigayon ug misyon.

Buluhato’ng Pangdiploma 
Sa usa ka papel isulat pag-usab ang tiyolohiya sa gingharia’ng patigayon gikan sa Lukas 19
sa bag-ong pinulongan ug uban sa bag-ong pagdapat.

Pamalandungi ang Matag Pulong Niini’ng Bersikulo
Isaias 19, 21-25

Pag-gahin ug Pipila ka Minuto aron sa Kausaban sa Kalibutan

Pray For Nigeria - 101,000,000 in 426 ethnic groups

Businessmen travel worldwide, 50% Christian, 40% Muslim conflict

Much oppression and corruption

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Atong nakit-an ang pipila sa mga kinaiyahan ug espirituhanong pamaagi diin ang mamumuhat saulahing takna makasulod sa katapusang panahon sa ting-ani diha sa kaparasan sa Ginoo. Aniay pipila ka mga dugang -

Bag-ong Dalan Sa Pagkabalaan.

Imo bang nahunahuna nga ang mga agianan sa patigayon mahimong mabawi alang sa katuyoan sa Dios. Hinumdumi kung giunsa sa mga dagkung relihiyon sa kalibutan apil na ang Kristiyanismo mikaylap sa karaang Dalan sa Sida gikan sa Oropa ngadto sa Tsina. Hunahunaa kini -

Ang Kusog Sa Mga Lalaki Ug Babaye Nga Pilipino

Usa sa pinakadakung mabaligya gikan sa mga isla sa Pilipinas mao ang trabaho sa liniboan ka mga Pilipino kinsa nagtrabaho sa laing dapit ingon nga mga katabang o marinero ug mopadala sa ilang mga kinitaan ngadto sa ilang panimalay. Kasagaran sila nagtrabaho didto sa mga nasud nga sirado sa ebanghelyo, sama sa Saudi Arabia. Daghang mga Pilipino ang nakaila sa Ginoo. Unsa kaha kung ang ilang kasimbahanan mobansay ug mag-ampo alang sa mga nagtrabaho sa gawas aron mahimong mga misyonero, ug mogamit sa ilang mga trabaho ingon nga agianan aron pagsaksi kang Kristo. Ang puwersa sa mga misyonero sa kalibutan mahimong madoble tibuok gabii uban niining yano nga pamaagi.

Magpapatigayon O Misyonero?

Uban sa mga magpapatigayon sa ‘ Air Afrique’ ug ‘Air India’ mga tawong Kristohanon, apan aduna bay nakasulti kanila nga makahimo sila sa Dakung Sugo sa samang panahon nga sila nagakita ug salapi. Ug makahimo niini sama sa ubang mga magwawali, ug dili man labaw pa tungod sa ilang salapi ug sa tanang mga tawo nga ilang mahimamat nga wala makasimba sukad.

Mga Taga-Nigerya Didto Sa London

Si Alfred Williams usa ka ebanghelista gikan sa Nigerya, apan siya miabot sa London ingon nga magpapatigayon aron pagbaligya sa luy-a ug mga dulaan gikan sa iyang dapit. Ang iyang kita nakasuporta ug usa ka bag-ong ministeryo diha sa dautang parte sa London. Ang bag-ong simbahan dasok kaayo, ug wala gayuy kalison sa salapianon. Ang Ginoo migamit ug usa ka paagi sa pagpatigayon aron pagpanalangin sa usa ka siyudad.

Mga Koryano, Intsik Ug Lebanhon

Ang mga Koryanong mga misyonero miadto sa mga tindahan nga gipanag-iya ug Koryano didto sa laing mga  nasud ug namuhat alang kang Hesus gikan didto. Mga Intsik, Lebanhon ug mga Kristohanong Indio nagkatag sa tibuok kalibutan. Unsa kahay mahitabo kung ang ilang simbahan motudlo kanila sa pagkamisyonero ug motugot sa mga pastor paghimog panagtigom sa ilang mga kan-anan, tindahan ug mga hotel.

Mga Sundalo Nga Naghulat Sa Mga Mando.

Sa dihang kita mag-ampo ug mga mamumuhat ang atong mahunahuna mao ang usa ka pastor o usa ka ebanghelista, apan unsa kaha kung kita mag-ampo ug panon sa mga tawong magpapatigayon, o “maghihimo ug tulda” sama kang Pablo?

Ang patigayon ug misyon nahimo nang magkakumbuya ug kaluhang liso sulod sa samang tipaka sukad pa niadtong panahon sa karaang Dalan sa Sida. Hinumdumi gi-unsa pag-abot sa ebanghelyo ngadto sa Aprika ug India pinaagi sa mga barko sa Britanya. Ang atong mga magpapatigayon mahimong dali ra nga malakip diha sa pagpangdisipolo sa tibuok kanasuran. Daghan ang aduna nay kaalam sa nagkalainlaing kultura o abilidad sa pagpangitag salapi sa iyang dapit alang sa bag-ong buluhaton sa misyon.

Tulo Ka Matang Sa Patigayon.

Si Miguel Diez adunay sobra sa 200 ka mga gagmay nga patigayon sa iyang Espanyahanong misyon sulod sa 31 ka mga nasud. Iyang gitudloan ang tanan niyang mga pangulo sa unsaon pagpangitag salapi diha sa dapit nga gipadalhan sa Dios kanila. Sa bug-os miingon nga adunay tulo ka matang sa mga patigayon niining kalibutana.

 

Ang Kasagaran Nga Patigayon

Kini anaa lamang aron pagpangita ug salapi alang sa kaugalingon ug usahay sa makasasalang katuyoan sa mga tag-iya ug mga magpupuhonan.

 

Ang Patigayon Sa Usa Ka Kristohanon

Kini nga patigayon adunay tag-iya nga nagahatag ug ikapulo nga 10% sa iyang simbahan ug nagahatag sa iyang halad kanunay, apang kadaghanan sa iyang kita nagpabilin sa iyang kaugalingong pagdumala.

 

 

 

Ang Gingharianong Patigayon

Niini nga patigayon ang labawng kakumbuya mao ang Ginoo. Human nga matagbo ang tanang gikinahanglan sa mga sakop, ang tanang kita mopadulong ngadto sa pagpalihok sa ebanghelyo o pagtabang sa mga kabus dinhi sa kalibutan.

Ang Tiyolohiya Alang Sa Gingharianong Patigayon.

Diha sa Lukas 19, 11-27, usa ka sugilanon nga nagahisgut ngadto kang Ginoong Hesus, ang mga suluguon gitugonan hangtud nga ang ilang agalon moabot. Matag suluguon gihatagan sa ilang 3 ka bulan nga suhol, ibutang ta 5000 rupiya, ug gitugonan sa , “ Pagbutang sa iyang salapi sa patigayon, pagpamalit ug pagbaligya.” Sa iyang pagbalik gusto niyang mahibaloan unsay nahitabo sa iyang salapi.

Usa sa mga suluguon mipahimo sa iyang 5000 rupiya ngadto sa 50,000 rupiya, sa 10 ka pilo nga pagtubo! Unsa may gisulti sa Hari? Uban sa mga magtutuo nagtuo nga ang pagnegosyo kalibutanon ug angay likayan. Uban sa mga misyonero nagatudlo ug sama niini, nakalimot nga ang kadaghanan sa ilang suporta nagagikan sa mga magpapatigayon gikan sa kaugalinong simbahan.

Apan Unsa May Gisulti Sa Hari?

Siya miingon, " Maayong pagkabuhat, maayo ug matinud-anong suluguon!” siya nag-ingon nga ang pagnegosyo maayo ug ang mokita sa napulo ka pilo gamay lamang nga matang sa butang. Iyang gihatagan ang suluguon ug napulo ka siyudad aron iyang mapauswag ang ilang ekonomiya ingon man sa ilang abilidad. Ang suluguon nga walay gibuhat sa iyang salapi giayo pagbadlong ug gikuhaan sa tanan.

Usa Ka Matuod Nga Sugilanon

Sa mga panahon sa 1950 usa ka misyonero ngadto sa kabus nga nasud sa  Kasadpang Aprika midasig sa ubang mga bag-ong nakabig nga mga negosyante nga dili mahimong pastor kundili magpabilin nga mga negosyante alang kang Hesus, aron pagpangita ug salapi aron itabang sa ebanghelyo ug pagpatukod ug mga dapit alang sa mga bag-ong simbahan. Ang uban nag-ingon nga ang mga magtutuo dili manrabaho aron nga mokita ug halos ang tanan misalikway sa maong tambag. Mipauli siya nga naluya. Usa lamang ka simbahan ang nakahinumdum sa iyang gisulti ug namalandong sa iyang tambag. Usa ka negosyante ang midesisyon nga dili magpastor apan mibaligya sa tanan niyang kabtangan, ug miadto sa Gana aron mamalit ug mga baratuhong mga butang aron ibaligya.

Pipila ka mga tuig ang milabay kadtong tawhana nagpabilin nga lig-ong magtutuo ug nahimo usab nga ikaduhang pinakadatu nga tawo sa tibuok kanasuran. Karon, samtang ang ubang nasud nag-antos sa kalisud, tungod sa pagnegosyo niining maong tawo alang kang Hesus ang mga kasimbahanan sa iyang distrito adunay mga maayong bilding, mga sakyanan, eskwelahan ug bisan pa mga misyonero sa gawas sa nasud. Sa katigulang, ang maong tawo bag-o lang nga mipanaw uban sa Ginoo..

Karon nga nahibaloan mo kining mga butanga ikaw mapanalanginan kung kini imong buhaton. Juan 13.17.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.