54. Paglahutay

Si Cory Aquino milahutay aron pagdala sa malinawon nga rebolusyon sa Pilipinas

Tan-awa ang mga Pagtulon-an

Basaha Kini sa Imong Biblia
Daniel 10

Ani-a ang Imo’ng Sag-ulohon nga Bersikulo
Apan managpasakup kamo sa Dios; apan sukli ninyo ang yawa,
ug siya mokalagiw gikan kaninyo. Santiago 4.7

Pagkahuman Hisguti ang Mahitungod Niini
Diha sa Mga Buhat 16. 6-10 ang Balaang Espiritu mipugong kang Pablo, diha sa 1 Mga Taga-Tes 2.18
si Satanas mipugong kaniya, ug sa 1 Mga Taga-Cor. 16.12 si Apolo mismo walay tinguha.
Unsaon mo man pagsulti kung kinsa ang nagapugong kanimo?

Usa ka Butang Angay Buhaton sa Dili pa ang Musunod
Pangita ug 2 ka mga bag-ong magtutuo gikan sa lainlaing simbahan. Bisitaha ug dasiga sila.
Basin nag-atubang sila ug lainlaing matang sa pagbatok.

Buluhato’ng Pangdiploma 
Si satanas mipugong sa usa ka haniti nga sundalo sama kang Pablo.
Isulat sa usa ka pahina kung unsay imong hunahuna kung giunsa niya kadto pagbuhat.

Pamalandungi ang Matag Pulong Niini’ng Bersikulo
1 Pedro 5, 6-11

Pag-gahin ug Pipila ka Minuto aron sa Kausaban sa Kalibutan

Pray For Jordan - Nearly 4,000,000 Arabic peoples

94% Muslim, 7,000 Evangelicals

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Nakamatikod ka ba kung unsay mahitabo sa dihang ang tawo mohukom pagsunod kang Hesus? Ang imong pamilya mokalit lang ka batid sa relihiyon ug motungha ang mga panaglalis. Hisguti ang mahitungod sa bautismo sa tubig o pagkapuno sa Espiritu ug ang pagsulti sa mga dila ug imong makit-an nga mawala ang ilang pahiyum.

1. Adunay Masakitan!

Mga Taga-Efeso 6.12 nagsulti nga ang atong pagpakigbugno dili batok sa unod ug sa dugo, mao nga kini si satanas, ug ang iyang dautang kalihukan nga nagabatok sa atong:

Kaluwasan  

Diin si satanas dili na kahupot kanato, ug samot nga makadaot kaniya, kay ang Dios mopuyo sa sulod nato.

Pagbautismo sa Tubig

Diin ang daang pagkamakasasala sa tawo mahunong.

Pagbautismo sa Espirit

Diin ang bag-ong pagkatawo aduna nay kagahum.

Sa dihang si satanas mapakyas ang sunod niyang plano mao ang pagsulay ug pagbuta sa mga bag-ong magtutuo pinaagi sa pag-adto sa simbahan matag Dominggo lamang ug mohatag ug pipila lamang ka peso.

2. Padayon Sa Unahan, Alang Kang Hesus.

Karon kung ikaw nangahas pag-ampo mahitungod sa 'mga misyon,' bantayi gayud pag-ayo sa mga pagbuto sa kinasulorang kahadlok, kasakitan sa pamilya ug bisan pa mga panaglalis diha sa Simbahan, tungod kay ang misyon maoy agianan diin ang bag-ong natawo, madaugon, puno sa espiritu ug giniyahan nga manununod ni Hesus makahimo ug dakung paghasmag diha sa kalibutan nga naglibot kaniya alang kang Kristo.

Ang Biblia nag-ingon nga kung walay panan-awon ang mga katawhan mangalaglag, Mga Proberbyo 29.18, ug mao kana ang eksaktong buot mahitabo ni satanas. Buot ka niyang malaglag gikan sa kalaay ug unya buot usab niyang malaglag ang mga katawhan sa kalibutan hangtud sa kahangturan uban niya. Ang imong kinabuhi diha sa Balaang Espiritu mahimong magkahulogan ug walay katapusang kinabuhi alang sa kadaghanang kalalakin-an ug mga kababayehan.

Usa Sa Matag Usa Ka Gatos.

Ngano nga 1 lamang gikan sa 100 ka mga magtutuo ang mosugot ngadto sa misyon ug moadto gayud sa dapit? Ang mga naunang pasalig sa kaminyoon, sa trabaho o pag-eskwela, o ang kakulang sa salapi maoy tinuod nga mga rason? O aduna bay mga dili makita nga mga kamot nga nagapamuhat pa gihapon nga nagalaraw pagsanta sa mga bag-ong magtutuo, mga pastor, mga katigulangan sa simbahan, bisan pa sa tibuok kasimbahanan gikan sa pagsulod ngadto sa Dakung Sugo?

3. Kinsa Ang Nagasanta Kanimo?

Ang Balaang Espiritu Ba ?
Makapatingala nga ang Dios, ang Balaang Espiritu ang unang magasanta kanimo, ingon nga higala. Kung ikaw andam sa pag-alagad ikaw mahimong usa ka bililhon nga tawo, busa kung ikawadunay mga sayopnga tumong, pamaagi o higayon, Siya magasanta kanimo tungod kay dili siya buot nga ikaw masayop. Tan-awa sa Mga Buhat 16, 6-10; Isaias 30.21

Ang Dautang Espiritu Ba ?
Ang katapusang butang nga buot  mahitabo sa mga espiritu ni anti-Kristo mao nga mawali ang ebanghelyo sa tibuok kanasuran ug ang pagbalik sa Hari. Gikan sa sulod sa ilang kota sa kalibutanong pagtuo sama sa Islam, sila magatamay kanato, nga maga-ingon, “ Dili gayud kamo makasulod dinhi. Tan-awa unsa kami kadaku, unsa kami kadaghan nga mobatok kaninyo, unsa kamo kagamay ug kabahinbahin! " Apan diha sa 1 Mga Cronicas 11,4-5 uban sa tabang sa Dios ang masantaon nga Herusalem napukan, ug ingon man bag-ohay lang ang Paril sa Berlin ug ang higanting komunismo. Bisan atong hunahunaon nga kita sama kagamay ug kahuyang sa hinup-ak sa nyebe, apan sa dihang mapundok kini sila makapahunong sa usa ka siyudad!

Unsa may nangahitabo niadtong mga dautang prinsipe sa Gresya ug Persia, o niadtong mga diosdios sa panahon ni Elias, ug ang ilang Romanhon ug Greigo nga mga katugbang sa panahon ni Pablo, si Zeus ug Hermes pananglit? Nangahanaw na ba sila? Sila mga malungtarong kinaiya wala magapos sa panahon ug katawhan uban sa walay katapusang pamaagi sa kadautan aron pagdumala sa tibuok kapanahonan sa kangitngit. Mao, nga kung ang prinsipe sa Mexico makahibalo nga ikaw moabot siya magasugo ug mga paghasmag batok nimo karon aron pagpasibog kanimo sa dili pa ikaw mobiya sa imong panimalay ug moabot sa iyang dapit. Mao nga ayaw kahibulong sa kalit nga pagsumpaki sa imong pamilya ug kaubang magtutuo tingali sa diha nga wala nimo damha.

Ang Imo Bang Kaugalingong Espiritu ?
Kadaghanan sa mga wala pa nawalihan nga mga katawhan lahi ra kaayo kanato ug dili tanan mga magtutuo ang andam sa pag-adto ug pagpuyo uban nila ug pagpaila kang Hesus kanila. Atong makita ang mga hinugdan diha sa Genesis 12.1-3, diin si Abram gitawag sa Dios. Si satanas mao usab ang hari sa mga pagpasulabi ug kahadlok.

Hiyograpikanhong Mga Kakulian

Tungod kay kinahanglan kitang mobiya sa atong nailhan nga kaugalingong nasud.

 

Kultural Nga Mga Kakulian

Tungod kay kinahanglan kitang mobiya sa mga nasinati natong mga katawhan ug nasinati nga mga kinaiya.

 

Mga Pagsakit Sa Katilingban

Tungod kay kinahanglan kitang mobiya sa atong pamilya ug simbahan ug mobalhin ngadto sa mga tawo nga atong gitahapan ug sila may katahap usab kanato.

 

Kaugalingong Kahadlok

Gatuyok-tuyok nga hunahuna makahimo kanimo nga magtukaw sa kagabhion nga nakiglimbasog sa kahadlok nga diin dili na ikaw ang makabuot, kahadlok sa kausaban, o kahadlok sa kapakyasan diha sa salapianon o sa pinulongan. Ang tinuod mao nga naanad kita sa kaharuhay ug kasayon ug naanad pag-adto sa simbahan diin ang tanan inandam na alang kanato. Kung kita moadto sa laing dapit mahimo nga kita ang mahimo nga simbahan alang sa uban!

4. Pagbuntog Sa Kangitngit

Buntoga ang mga laraw sa pagdaot uban sa Diosnong mga lakang:

Sunda ang tawag sa Dios. Himoa nga mapugsanon ka pinaagi sa gugma ni Kristo, 2 Mga Taga-Corinto 5.14.

Kinahanglan nga disiplinado ngadto sa kahingpitan. Ang kadaugan moabot gikan sa kaluyahon taliwala sa mga pag-ampo, espirituhanong pagpakigbugno, kaalam ug masuportahong grupo sa mga pangulo ug mga higala kinsa nagtinguha sa imong kalampusan.

 

Pagbansay diha sa Biblia ug mga kahanas.

Pagkamagtutuon diha sa umahan.

Sa katapusan, mahimo kang magtutudlo ngadto sa uban.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.