53. Ang Padulngan

Si Martin Luther King mihimog kabililhon sa iyang kinabuhi uban sa tabang sa Dios

Tan-awa ang mga Pagtulon-an

Basaha Kini sa Imong Biblia
Jeremias 1

Ani-a ang Imo’ng Sag-ulohon nga Bersikulo
Sa wala pa ikaw nako buhata sa tiyan naila ko na ikaw, ug sa wala pa ikaw mogula sa tagoangkan
gibalaan ko na ikaw; gitudlo ko ikaw nga manalagna alang sa mga nasud. Jeremias 1.5

Pagkahuman Hisguti ang Mahitungod Niini
Kausa lamang ang kinabuhi, lumalabay lamang, ang bugtong molungtad mao lamang ang unsay nahimo alang kang Hesus. Kung kini tinuod unsa man nga seryusong kausaban ang imong buhaton?

Usa ka Butang Angay Buhaton sa Dili pa ang Musunod
Isulat ang imong panan-awon gikan sa Dios alang kanimo, sa imong pamilya
(bisan kon ikaw dili pa minyo) ug alang sa imong Kristohanong pagpangalagad. Ibutang ang imong kaugalingon
sa hamubo, igoigo ug hataas nga gidugayon sa tumong alang sa matag dapit
pagsiguro nga silang tanan makakaplag sa ‘SMART’ nga prinsipyo.

Buluhato’ng Pangdiploma 
Pagsulat ug tinuod o gihunahuna nga duha ka pahina nga plano aron paghimo ug usa ka ebanghelyohanon
nga kampanya. Gamita ang pito ka mga pangutana sa insakto.

Pamalandungi ang Matag Pulong Niini’ng Bersikulo
Jeremias 29.11-14

Pag-gahin ug Pipila ka Minuto aron sa Kausaban sa Kalibutan

Pray For Brazil - 165,000,000 people, all colours, many poor and unreached

peoples. Astonishing 22% evangelicals, many spiritist worshippers

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Pislita > 53chart aron pagtan-aw sa ilustrasyon alang niining pagtulon-an

Ang Islam ug ang ubang makalaglag nga mga relihiyon nagatudlo nga kita sama sa mga dahon nga nangalagas gikan sa kahoy sa panahon sa tinglagas ngadto sa sapa sa kinabuhi diin magadala kanato kung asa kini padulong, mobanlas kanato ngadto sa pilapilan o modagit kanato ngadto sa walay katapusang lawud.

Diha sa tataw nga kalainan kang Kristo, pinaagi sa pagtuo ug pag-ampo diin nagadala ug pinadayag, atong maibaloan ang plano sa Dios sa atong mga kinabuhi. Apan gawas kon ipahimutang nato ang atong mga kinabuhi nan ang pinadayag magpabilin hangtud sa kahangturan diha sa hinanduraw nga porma ug si bisan kinsa ang mobenepisyo gikan sa atong katuigan. Ako man o ang tibuok kalibutan.

Pagkaplag Sa Plano Sa Dios Alang Sa Imong Kinabuhi.

Ang malampuson nga kinabuhi adunay halawum nga mga ugat diha sa Dios, ug nagapamunga alang sa iyang himaya. Ang pagpangita sa insaktong direksyon, nga maoy nagadala sa kinamaayuhan sa imong kinabuhi ug naga-usab sa kalibutan alang sa kaayuhan dili lang usa ka pagdamgo sa makadiyot apan usa ka kausahan sa kahangturan, sa kagahapon, sa pagkakaron ug Diosnong mapanagnaong pinadayag sa iyang piniling kaugamaon alang kanimo.

1. Nailhan Ka Nang Daan Diha Walay Katapusang Kagahapon.

Sa wala pa ang sinugdan adunay panag-istorya didto sa langit mahitungod sa imong kinabuhi. Jer. 1, 5, Mga Taga-Galacia 1.15, Salmo 139, 15-16.

Ang Makagagahum Nga Dios Mipili Kanimo:
Sa imong adlaw ug dapit nga natawhan, imong kolor ug hitsura, imong mga ginikanan ug kagikan adunahan man o kabus. Aron siya makapasalig nga siya adunay plano alang sa imong kinabuhi.

Ang Imong Kagahapon Nagaandam Kanimo.
Sukad sa imong pagkatawo ang mga samarang kamot sa Ginoo talagsaon nga nagaandam kanimo.

Giumol Sa Labaw Nga Mang-uumol
taliwala sa maayo ug pait nga mga kasinatian diha sa panimalay ug diha sa mga panghitabo, sa tunghaan ug relihiyusong pagtulon-an Kristohanon man o dili. Nakakita ka ba sa mga agi sa tudlo ni Hesus diha sa imong kagahapon nga naghatag kanimo ug kinabuhi sa grasya ug proteksyon gikan sa mga katalagman ug dautan diha sa tunghaan sa kinabuhi. Ikaw nabuhi sa dihang ang uban wala.

2. Unya Nagsugod Gayud Ang Kinabuhi

ya ikaw nga gidala sa dapit sa pagbati sa iyang kabalaan ug mobatig pagkombiktar sa imong kasal-anan, nag-atubang sa alaut nga kahangturan. Ang Iyang Espiritu mopadayag sa imong Manluluwas ngadto kanimo, si Hesus, ug magahatag kanimo ug pagtuo aron pagsalig ug aron nga mahimong manununod sa Anak sa Dios.

Panahon Sa Pakighanimon Sa Dios
Ang mga bag-ong magtutuo malipayong nagpahimulos sa hanimon uban sa Ginoo sa dihang ang Amahan mobubo sa iyang gugma ug kalipay sa iyang bag-ong pamilya. Adunay kaayuhan ug kagawasan gikan sa mga pagkumkom ni satanas sa kagahapon, ug ang grasya ug ang kakulbahinam sa bautismo sa tubig ug diha sa Espiritu. Mga Taga-Efe 2, 1-10

3. Ang Tawag Sa Pagkakaron.

Dili pa dugay sa wala pa nato hikaplagi nga ang Dios adunay plano kanato, ug ang atong pagkamapakisayron napukaw. Tan-awa sa Jeremias. 29.11.

Nganong Ania Man Kita Dinhi?
Diha sa Juan 13.3 atong ankat-onan nga, sama kang Hesus, kita gikan sa Dios ug ania kita alang sa Dios ug usa ka adlaw kita mobalik ngadto sa Dios. Sa pagkahibalo niini mihatud kang Hesus sa kasiguroan nga siya, ang Magbubuhat sa kalibutan ug Ginoo sa tanan, nakahimo sa pag-alagad pinaagi sa paghugas sa mga tiil sa iyang mga tinun-an.

Pag-ampo Aron Pagkaplag Sa Plano
Mga Taga-Efeso 2, 10 nagsulti nga ang Dios nag-andam sa mga maayong buluhaton sa unahan alang sa atong pagpamuhat. Mao nga kaplaga gikan sa Ginoo nganong gipakatawo ikaw ug unya gipakatawo pag-usab. Hupti ang iyang walay katapusang katuyoan ug ang buluhaton nga giandam ni Hesus alang kanimo. Juan 15.16

Isulat Ang Maong Panan-awon Diha Sa Papel
Tan-awa sa Exodo 31.18, 1 Mga Cronicas 28.19, ug Pinadayag 1,19.

4. Karon Itanom Ang Pana-awon Sa Imong Kaugmaon

Ingon nga binhi diha sa pag-ampo, tugoti kini sa pagpahulay diha sa Dios samtang naghulat sa adlaw diin may bag-ong kinabuhi ug ting-ani moabot. Juan 12.24

5. Pagbutang Ug Tin-aw Nga Tumong Aron Paghulma Sa Imong Kaugmaon.

Tin-aw nga tumong mopahapsay sa atong mga hunahuna, mga pag-ampo, mga talaan, mga kapangitaan ug sila mopahigawas ug gahum sa walay sama.

Ang Epektibo Nga Tumong Mao Ang ‘SMART’ ,nga mao ang giingon:

 

Solido, mahikap, nga diin dili hanap.

Masukod, aron pagtan-aw sa imong nahimo.

Ang pagkamalampuson – tinud-anay, dili imposibli.

Pag-utRo, igong katin-awan aron masulti ngadto sa uban.

May Takna – uban sa tagal aron pagtapos pinaagi…… usa ka sigurong petsa

 

Makahimo ka pagbaton ug hamubong tagal sa tumong, ibutang ta sulod sa 3 ka bulan;

Igo-igo nga tagal, ibutang ta sa sunod nga 2 ka tuig;

Ug hataas nga tagal ingnon ta 10 ka tuig gikan karon.

6. Mga Prioridad Nagadugang Ug Dugang Gahum.

Walay si kinsa nga makapamuhat ug sobra sa unom ka mga tumong sa samang panahon mao nga paghimo ug lista sa tanang mga butang nga gusto nimong buhaton sa imong kaugalingon, diha sa pamilya ug diha sa Kristohanong pagpangalagad. Unya pangutan-a ang imong kaugalingon niining usa ka pangutana – Kung itugot sa Dios kanako ang unom, asa niadtong unom  ug asa kanila ang pinaka-importante, ug unya ang ikaduha, ug uban pa?

7. Mga Maayong Tubag Magahimo Ug Hingpit Nga Plano.

Aron paghimo ug hingpit nga plano alang sa usa ka gamayng proyekto sa simbahan pangutana ug pito ka mga pangutana. Ang mga tubag makahatag kanimo ug hingpit nga plano.

Unsa may akong buhaton – eksakto?

Ngano nga ako kining gusto buhaton?

Asa ko kini gusto buhaton - eksakto?

Kanus-a ako magsugod ug maglaraw pagtapo?

Kinsa ang mosuperbisyo kanako, mamuhat uban kanako, ug kinsa ang mabulahan gikan sa akong plano?

Unsaon ko kini paghimo? 1 lakang, 2 lakang, uban pa.

Pila man ang magasto? Lukas 14, 28-29

8. Karon Ibutang Ang Imong Plano Ngadto Sa Buhat

Tungod kay ang pagtuo nga walay buhat patay. Pag-andam sa pagtugyan sa imong panahon, kusog, pag-ampo, salapi, pagkatawo ug garbo kay sa nahibaloan nga ang tanang buhat magahatud ug kaayohan. Prob. 14.23. Ayaw kalimti sa pagdawat ug mga tamabg ug pagkat-on pinaagi sa uban. Matag 3 ka bulan ug kada tapos sa tuig tantiyaha ang kalamboan ug paghimo mga gikinahanglan nga kausaban.

 

 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.