52. Kinsa Ang Gitawag Sa Dios ?

Si Billy Graham gitawag ingon nga batan-on ug nangalagad sa Dios sa tibuok kinabuhi

Tan-awa ang mga Pagtulon-an

Basaha Kini sa Imong Biblia
1 Mga Taga-Corinto 1.18 ngadto sa 2.16

Ani-a ang Imo’ng Sag-ulohon nga Bersikulo
Kay ang pagbayaw sa itaas dili magagikan sa sidlakan, ni magagikan sa kasadpan,
ni magagikan sa habagatanapan ang Dios mao ang mohuhukom: pagapaubson niya ang usa,
ug pagabayawon niya ang usa. Salmo 75, 6-7

Pagkahuman Hisguti ang Mahitungod Niini
Itandi kugngiunsa sa tawo pagpili ug pangulo sa pamaagi sa pagtan-aw ug pagpili sa Dios.

Usa ka Butang Angay Buhaton sa Dili pa ang Musunod
Pagsusi diin adunay ubang mga pastor o mga misyonero nga namuhat diha sa dakung
kaluyahon, kagul-anan o kalisdanan. Lakaw ug pamisita kanila, o pagsulat kanila
aron pagdasig kanila diha sa ilang tawag ug paghatag paglaum kanila sa unahan
uban sa imong mga pulong ug mga pag-ampo.

Buluhato’ng Pangdiploma 
Sutaa ang mga bersikulo nga diin nagalatid sa matang sa kinaiya nga gipangita sa Dios
ug ipasabot kini sa usa ka pahina nga pagsaysay.

Pamalandungi ang Matag Pulong Niini’ng Bersikulo
1 Mga Cronicas 28, 9-10

Pag-gahin ug Pipila ka Minuto aron sa Kausaban sa Kalibutan

Pray For Chile - 15,000,000 South Americans, 27% evangelicals,

58% Catholic, a century of pentecostal revival, unreached Indian peoples

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Ang Biblia nagpakita nga si Hesus kinsa mao ang dakung ‘Ako’ gikan sa tanang kahangturan, kinsa mipadala sa tanang mga propeta, mga manggi-alamong katawhan ug mga magtutudlo aron pagpanalangin sa kalibutan lahus sa tanang mga henerasyon. Mateo 23.34

Siya mao ang naghatag sa uban nga mahimong mga apostoles, mga propeta, mga ebanghelista, mga pastor ug mga magtutudlo, Mga Taga-Efeso 4.11

Kinsa Man Ang Pilion Sa Dios Aron Ipadala?

Si Andreu usa ka anak sa pastor ug gidala sa simbahan human sa pipila ka oras gikan sa iyang pagkatawo. Sukad niadto talagsa ra siya mopakyas sa mga pagsimba sa Dominggo ug pinaagi sa grasya sa Dios nagdala ug usa ka mapanalanginon nga kinabuhi, mitugyan ngadto kang Kristo ug sa iyang kapasikaran dinhi sa kalibutan. Magdahum ka gayud nga ang mopadala kang Andreu ngadto sa ministeryo ug tinuod siya namuhat gayud.

Apan Ang Dios Mopadala Ba Niining Mga Tawhana?

Si Stefan, kinsa maglugos pagbasa ug pagsulat, apan karon usa ka misyonero sa Espanya.

Si Miguel nga sugarol, karon usa na ka pangulo sa mosobra sa 7,000 ka katawhan sulod sa 30 ka mga nasud.

Si Leo, gikan sa mga kadalanan nahimong usa ka banggiitang ebanghelista, sa wala pa mamatay sa ‘AIDS’.

Si Philippe, usa ka kabus nga probisyano sa Aprika, karon nagadumala ug 136,000 ka katawhan diha sa Kasadpang Aprika.

Si Lidia, natawong kabus nga babaye diha sa usa ka kabus nga lungsod sa usa ka kabus nga estado sa usa ka kabus nga nasud, sa Brazil, karon nagabansay ug nagapadala ug sobra sa 600 ka katawhan ngadto sa ministeryo.

Asa Man Magagikan Ang Pagbayaw ?

Dili Pinaagi Sa Kaugalingong Pagpili

Sama kang Kora kinsa mipili sa iyang kaugalingon aron pagpangulo ug usa ka pagbatok batok sa mga piniling pangulo sa Dios ug naghatud us katalagman sa iyang kaugalingon ug sa tanan nga misunod kaniya. Numeros 16

 

Dili Pinaagi Sa Tawhanong Pagpili.

Sama kang Saulo kinsa gipili pinaagi sa mga tawo human ang mga tawo midumili sa paghari sa Ginoo ug namugos ug usa ka Hari, sama sa ubang laing nasud. Laing katalagman alang sa tanan nga hingtungdan. 1 Samuel 8

 

Ang Pagbayaw Magagikan Lamang Sa Ginoo Salmo 75, 6-7

Aniay usa sa pinakamaanindot nga bersikulo sa Biblia, "May usa ka tawo kinsa gipadala gikan sa Dios, ang iyang ngalan si Juan." Walay katalagman, dagkung panalangin lamang alang sa kadaghanan. Juan 1.6

May Katakus Ka Ba Alang Sa Pagbayaw?

Adunay tulo ka mga sukaranong katakus:

1. Hugot nga pagtuo sa sala, uban sa matuod nga paghinulsol.
2. Pagkakabig nagadto kang Kristo.
3. Pagkabautismo sa tubig, Balaang Espiritu ug kalayo.

Ang kondisyon lamang sa kasingkasing ug dili ang kaabtik sa salabutan ug panghunahuna maoy mopaarang kanimo. Ang mga tunghaan sa Biblia maayo, lakaw kung mahimo nimo, apan hinumdumi nga ang mga pagtulon-an paagi lamang alang saDios aron pagpamuhat sa imong kinabuhi pinaagi sa iyang Espiritu ug Pulong. Ug ania pay laing makahibulong nga kaarangan:

Ang Dios Nagapili Sa Maluyahon Ug Sa Talamayon.

Ang Dios nag-ingon nga ang mga sundalo ni Gideon daghan ra kaayo ug lig-on aron pagdaog sa kadaugan alang kaniya. Si Gidoen giingnan sa pagpabalik sa pagpauli niadtong may kahadlok, ug gani ang pipila sa nahibilin kadtong nakalampos sa pagsulay ug pinili. Sila midaog ! Mga Maghuhukom 7,2-7

Ang Dios mismo mianhi sa kalibutan ingon nga maluya, madutlan nga pagkatawo. Isaias 53.3

Ang Dios nagapili sa mga tawong luya. Tan-awa sa 1 Mga Taga-Corinto 1, 26-29

Ang Dios malipay mogamit sa mga tawong luya kay ang iyang gahum mahingpit diha sa atong kaluyahon.       2 Mga Taga-Cor. 12, 9

Unya ang Dios maga-usab sa mga atwong luya, ug magadugang sa ilang kusog. Isaias 40.29

 

Gibati Mo Ba Ang Kaluya?

Sila ba anga-ingon nga ikaw nga batan-on ka pa, o tigulang ka an, o dili ang imong pagkatawo, o dili mao nga kolor, o tungod kay minyo ka imbis ang gikinahanglan daili minyo o balihon, o ikaw ba inutil – nan pagkalipay ! Ang imong kaluya ug pagkasinalikway makapakuha sa atensyon sa mga mata sa Dios.

Plano Sa Dios Mao Ang Pagbungkag Sa Imong Kusog

Tan-awa sa Salmo 66.12; 102.23. Iyang gitugotan ang kakabus ug kalibog o ang kakulang sa pagtagad nga moabot sa imong kinabuhi aron paghimo sa mga pangulo sa umaabot nga mas maluyahon ug mas masaligon diha kaniya. Ang pinakalisod nga pagsulay, diin daghan ang napakyas, mao ang wala damha nga pagsulay sa pagdumala pag-ayo sa kalamboan.

Ang Dakung Katakus Sa Kasingkasing.

Ang Dios dili modayeg sa panggawas nga hitsura, taas man, tabunon ug ambongan, maayo man manamit o dili, kay ang Dios nagatan-aw sa kasingkasing sa Dios. Mao nga napili si Dabid labaw kay sa iyang mga igsoon nga lalaki.       1 Samuel 16.7

Si Pedro usa ka bagis, mapintas nga mangingisda, diin walay tawo nga mopili aron mahimong pangulo sa simbahan, apan ang iyang kasingkasing matarong. Ingon man ang mga kasingkasing niining mga tawhana -

 

Sila Santiago ug Juan nga mga anak sa dalogdog,

Si Tomas nga maduhaduhaon,

Si Mateo nga mahigugmaon ug salapi,

Si Simon nga usa ka politiko nga manggugubot,

Si Pablo nga mibatok sa pagtuo,

Si Haring Dabid  usa ka mangilngig nga makasasala,

Ang ilang mga kasingkasing matarong.

 

Si Hudas nga higala ug suod nga kauban ni Hesus,

Apan ang iyang kasingkasing DILI gayud matarong.

Ang Kinahanglan Sa Maayong Kinaiya.

Usa ka maayong kamatuoran nga ang Dios wala magasud-ong sa atong kagahapon aron pagtudlo sa atong kaugmaon. Wala siyay tawo nga gipala tungod sa unsay ilang pagkakinsa. Ang imong pagkakinsa karon ug ang imong pagka ikaw sa umaabot uban sa iyang tabang ang mahinungdanon. Tan-awa ang kinaiya nga gipangita sa Dios diha sa Exodo 18.21, 1 Tim. 3,1-13; 4.12. Nganong dili mo man danihon ang atensyon sa Dios pinaagi sa paghimo niining tulo ka mga desisyon karon:

Desisyon sa paghigugma kang Hesus labaw sa imong paghigugma kang bisan kinsa, Lukas 14.26.

Desisyon sa paglimud sa imong kaugalingon ug pas-ana ang imong kaugalingong Krus, Lukas 14.27, 9.2 .

Desisyon sa pagtugyan sa tanang butang ngadto sa Ginoo alang sa iyang paggamit, Lukas 14.33.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.