50. Una Ang Pagdisipolo

Aron pagtan-aw kang Hesus kinahanglan nga moadto ka sa kung asa siya sa una

Tan-awa ang mga Pagtulon-an

Basaha Kini sa Imong Bibliya
Juan 12.

Ani-a ang Imo’ng Sag-ulohon nga Bersikulo
Kung kinsa ang buot magsunod kanako, magdumili sa iyang kaugalingon, ug magpas-an sa iyang krus
ug sumunod kanako. Kay bisan kinsa nga buot moluwas sa iyang kinabuhi, mawala kini kaniya
ug bisan kinsa nga mawad-an sa iyang kinabuhi tungod kanako, hikaplagan niya. Mateo 16, 24-25

Pagkahuman Hisguti ang Mahitungod Niini
Nakasulay kana ba pagpangutana sa Dios mahitungod ug usa ka butang ug makadawat ug lahi kaayo
nga tubag? Sultihi ang matag-usa kung unsay gisulti sa Dios.

Usa ka Butang Angay Buhaton sa Dili pa ang Musunod
Paghimo ug lista sa tanan nimong mga kabtangan, matag usa, madaku o magamay.
Dad-a ang tnan nimong mga lista ngadto sa panahon sa pag-ampo ug ibutang sila diha sa altar sa pagsimba
atubangan sa Ginoo, sa kadaghanan itugyan ang imong pagpanag-iya ngadto kaniya.

Buluhato’ng Pangdiploma 
Ihulagway sulod sa usa ka pahina nga sinulat kung unsay buot ipasabot ngadto sa magtutuo
karon mahitungod sa pagpas-an sa iyang kaugalingong krus. Paghatag ug mga sanglitanan.

Pamalandungi ang Matag Pulong Niini’ng Bersikulo
Lukas 24, 30-31

Pag-gahin ug Pipila ka Minuto aron sa Kausaban sa Kalibutan

Pray For Eskimos - 32,000 Inuits in the Arctic

Suffering from western life, many conversions since 1982

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Ang pinakamaayong paagi sa pagtan-aw kang Hesus mao ang pagpakig-uban kaniya, unya pareho kamong makakita kaniya ug makadungog ug klaro sa iyang tingog. Tan-awa sa Lukas 8.1. Kadtong misunod kang Hesus iyang gitawag ug mga disipolo, usa ka pulong nga naghulogan ug tinun-an, estudyante o magtutuon. Kini nga pagtulon-an gikan sa Juan 12, 19-33 ug kining tanan mahitungod sa bili sa pagka disipolo ni Hesus, bili nga  adunay gamay nga kalabotan sa salapi.

Ang Tibuok Kalibutan Nagapangita Kaniya.

May pipila ka mga kalalakin-an gikan sa Gresya miadto kang Felipe, usa sa mga magtutuon ni Hesus kinsa usa usab ka Griego sama kanila, ug nag-ingon nga gusto silang makakita kang Hesus. Si Felipe misulti sa iyang igsoon nga si Andres ug silang duha miadto ug mihangyo kang Hesus alang sa pagpakigkita sa ilang bag-ong mga higala.. 12.21

Si Hesus tingali nalipay sa ilang gihangyo kay bag-o lamang siya nagtudlo nga nag-ingon, Juan 10.16, " Aduna pa akoy mga karnero nga wala niini nga balay sa karnero. Kinahanglan ako usab silang dad-on. Sila usab magapaminaw sa akong tingog.” Basin kining mga tawo gikan sa Gresya maoy unang miduol ngadto kaniya nga nagagikan sa laing mga nasud.

Gusto Kitang Makakita Kang Hesus.
Wala ka ba nakamatikod nga usahay si Hesus mohatag ug pinasahi nga tubag sa atong mga pangutana ug mga hangyo. Ang iyang tubag may kalabotan sa tinuod nga mga hilisgutan, diin mao ang dili kaayo nato matagad sa paghisgot! Kita magpaabot ug tubag sama sa alas 3, o ugma sa alas 10 sa buntag. Apan ang tubag nga ihatag ni Hesus, sa dihang kini atong masabtan, magasulti kanato unsaon nato pagtan-aw si Hesus ug pag-ila kaniya pag-ayo. Unsay iyang gisulti? Juan 12, 23- 28

Ang Oras Miabot Na
Nagpasabot nga oo,  kini ang panahon alang sa mga katawhan pagtan-aw sa himaya sa Anak sa Dios. Oras pa gihapon, karon maoy kanunay nga pinakamaayong panahon sa tanan.

Kinahanglan Ikaw Mamatay
Ingon sa makalilisang nga mga pulong apan si Hesus wala maghisgot ug lawasnon nga kamatayon. Aron nga motubo ug modaghan ang binhi sa trigo kinahanglan ilubong, mawala ang putos sa gawas ug sa insaktong panahon mogitib uban sa bag-ong kinabuhi diin magapamunga ug daghan. Ingon usab niana anga tong kinabuhi ug ang daang kinaiyahan. Kini kinahanglan usab nga mamatay uban sa tanan niining mga hakog nga pangandoy ug mga tinguha, kinahanglan malubong uban kang Kristo ug mobangon, usa ka natawo pag-usab ngadto sa bag-ong kinabuhi. Kung matawo ka pag-usab diha sa espiritu  makaita ka kang Hesus sa tin-aw. Juan 3.3; Roma 6.1-14.

Ang Disipolo Kinahanglan Usab Nga Mamatay – Matag Adlaw.

Ang pinkadako nga babag sa pagtan-aw kang Hesus mao kanunay ang kaugalingon, nga mao ang paghimo sa atong kaugalingong mga butang, sa atong kaugalingong paagi, bisan paghimo niini diha sa ngalan ni Hesus. Unsaon pagkamatay sa usa ka disipolo? Si Hesus nag-ingon niini ~

Pinaagi Sa Dili Paghigugma Sa Iyang Kaugalingong Kinabuhi
Kana nagpasabot walay pagtuboy sa mga kaugalingon ug mga plano, sama sa gibuhat ni Korah ug gilamoy nga buhi sa lubnganan s adihang giablihan sa Dios ang yuta. Numeros 16,32

Nga nagpasabot walay pag-away aron lamang pagkuha sa imong gustong paagi sama sa gihimo ni Moises sa wala pa siya tudloi sa Dios sa mas maayong paagi, apan kadto mihangtud sa kwarenta ka mga tuig diha sa kamingawan.. Exodo 2.12

Nga nagpasabot dili motabang sa Dios aron pagtuman sa iyang mga saad, sama sa gibuhat nilang  Abram ug Sarahto ug tungod sa paghimo niini natawo si Ismael ang amahan sa Islam. Ang bili sa pagka dili mapailubon nga hangtud karon ato pa gihapong gibayran matag adlaw. Genesis 16.

Pinaagi Sa Pagdumot Sa Iyang Kinabuhi
Si Hesus wala nagpasabot nga kinahanglan atong dumtan ang bililhon nga kinabuhi nga gihatag sa Dios kanato, hinuon atong dumtan ang atong kinabuhi dinhi sa kalibutan. Ang kinabuhi nga gitanyag sa kalibutan kanato mao ang kinabuhi sa pagkaon, pag-inom ug pagkalipay kay ugma mamatay kita ug mao na kana ang katapusan. Ang kalibutan nag-ingon nga pagpakabuhi – pag-inom, sulay sa drugas, pakighilawas ug hakog nga pagkinabuhi. Hinungdan nga si Hesus miingon nga pakamatyan ta kini. Balibari. Dunti kini.

Ang Disipolo Kinahanglan Mosunod Kang Hesus.
Ang pagpakig-uban kaniya naghulogan ug pagkaplag asa si Hesus ug unya mosunod sa mga kaugalingong balaod ni Hesus, gikan sa Lukas 14, 25-33 diin atong mabasa nga ang disipolo kinahanglan:

Mahigugma Kang Hesus Labaw Sa Kang Bisan Kinsa
Bisan labaw pa sa amahan, inahan, asawa ug pamilya. Kung pananglit, ang amahan mosulay pagdani kanimo sa pagsimba sa diosdios sa pamilya motubag ikaw, “Dili, gihigugma ko si Hessu.” Kung ang imong bayaw moaghat kanimo aron sa pagpanugal uban niya, motubag ikaw, “Dili, gihigugma ko si Hesus.” 14.26

Mopas-an Sa Iyang Kaugalingong Krus
Nga mao ang pag-antos tha kabug-aton ug kasakit sa pagbuhat sa bisag unsay bili aron lamang pagtuman sa kabubut-on sa Dios, sama sa gihimo ni Hesus. 14.27

Mobiya Sa Tanan Nga Anaa Kaniya
Diin nagpasabot sa pag-ingon nga bisag unsa nga sa imong hunahuna imoha sa tinuod iyaha sa Dios, ug iyaha aron gamiton ug sa imong mga kaigsuonan aron magamit sumala sa direksyon sa Dios. 14.33. Ang disipolo kinahanglan kanunay atoa kung asa si Hesus, dili mangayo ug kagawasan gikan sa mga kasakit, pagsulay ug kamatayon, magapangayo lamang sa himaya sa Dios. Juan 12.26,27

Ang Langit nag-ingon, “Oo, Insakto Kana."

Ang Amahan nalipay sa gibuhat sa iyang Anak mao nga siya mitambo dikan sa tamboanan sa langit ug namulong, aron pagpamatuod sa mensahe ni Hesus. Ang mga dili magtutuo nag-ingon ka kato usa lamang ka dalogdog, ug ang mga relihiyusong katawhan nag-ingon nga kadto usa ka anghel nga nakigsulti apan si Hesus nag-ingon nga kadto ang tingog sa Dios. Juan 12, 29-30

Unya Si Hesus Nagpropesiya

Una, ang nagkaduol nga paghukom ug kalaglagan ni satanas, mohatod sa kagawasan sa mga tawo gikan sa iyang pagkumkom. Juan 12, 31. Dayun ang iyang kaugalingong kamatayon, ug ang katuyoan nga pagatumanon niini ngadto sa Krus, aron pag-abli sa agianan ngadto sa Dios aron ang kadaghanan nga nangandoy aron pagtan-aw kang Hesus, makahimo sa pagtan-aw ug pag-ila kang Hesus sa ilang mga kaugalingon. Juan 12, 32-33

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.