49. Ang Pang-ekonomiya Sa Gingharian

Ang langit usab may bangko

Tan-awa ang mga Pagtulon-an

Basaha Kini sa Imong Bibliya
Genesis 41

Ani-a ang Imo’ng Sag-ulohon nga Bersikulo
Ako nagaingon kaninyo, mangita kamo ug mga abyan sa inyong kaugalingon pinaagi sa bahandi sa dili pagkamatarong, aron, nga kung kana mawala na , sila magadawat kaninyo didto sa mga puloy-anan nga walay katapusan. Lukas 16.9

Pagkahuman Hisguti ang Mahitungod Niini
Ang epekto sa mga utang diha sa tawo, sa pamilya, sa simbahan ug sa nasud.
Timbanga ang mga kaayuhan batok sa mga kantidad ug sa pagkawala sa kagawasan.
Aduna pa bay laing mas maayong paagi sa pagpanghulam ug salapi?

Usa ka Butang Angay Buhaton sa Dili pa ang Musunod
Basaha ang Deut. 15, 6-11 ug sa hiniusa paghan-ay ug usa ka laraw sa pag-abli ug usa ka
‘Kristohanong Bangko’. Unsaon mo man pag-aghat ug puhonan aron sa pagpahulam ug gamay’ng kantidad
ngadto sa mga kabus sa wala o gamayng tubo? Ang mga manghuhulam magagamit sa salapi
aron pag-ablig ilang kaugalingong gamay nga negosyo ug mahimong tunhay ang pagpuyo.

Buluhato’ng Pangdiploma
Hunahunaa ang panahaon sa binhi ug ting-ani, pagpugas ug pag-ani. Pagsulat ug osa ka pahina
nga mga ilustrasyon sa kinaiyahan ug espirituhanon diin adunay prinsipyo
nga kinahanglan madapat aron pagpakabaton sa kaabundansya.

Pamalandungi ang Matag Pulong Niini’ng Bersikuloha
Proberbyo 14.23

Pag-gahin ug Pipila ka Minuto aron sa Kausaban sa Kalibutan

Pray For Georgia - 5,600,000 Caucasians and Slavs

Tension and ruins after independence, 57% Orthodox, 0.43% evangelicals

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Ang ekonomiya sa imong nasud bisan kon kini mauswagon, gapundo o gaus-os dili usa ka aksidente. Kini resulta sa mga desisyon nga gipili basi sa ekonomikanhong pagpangusog ug sa politikanhong pagtuo sa kaugalingon o sa langyaw. Ubang nasud mipili sa kapitalismo, ang uban mipili sa sosyalismo o komunismo. Ubang mga nasud mihimo sa ilang patigayon ug salapianon ngadto sa ilang kaugalingon, ang uban mipaanod uban sa kalibutanong dagan sa patigayon. Kining tanan hinungdan lamang sa mga palakaw ug mga desisyon pinaagi sa panggobyerno ug mga bangko.

Ang Pang-ekonomiya Sa Gingharian

Dili ikahibulong nga ang gingharian sa Dios aduna usab siyay pamaagi sa ekonomiya nga gimugna diha sa gugma ug kaalam sa labawng mananalapi sa kalibutan. Ang pagkaplag sa mga prinsipyo sa Diosnong gingharian sa ekonomiya ug ang pagdapat kanila diha sa kinabuhi magatudlo ngadto sa panalangin, kalinaw ug kadagaya. Ang pagpakyas sa pagpanumbaling sa mga prinsipyo sa gingharian, o ang pagkahibalo niini apan napakyas sa pagbutang niini sa buhat mopabilin kanimo diha sa kaluoy sa kalibutanong pamaagi diin mopakabus sa kasagaran sa mga katawhan, ug mohatag lamang ug gamay’ng kaayuhan. Unsa man kanang mga pamaagi sa ekonomiya, mga buhaton ug mga prinsipyo sa Gingharian sa Dios?

1. Ang Kalibutan Iya Sa Ginoo.
Ang Dios ang Magbubuhat, ug ang makatarunganong tag-iya. Ang iyang pagpanag-iya  adunay  matin-aw, deklaradong tumong ug usa ka nahibaluan nang kaugmaon. Ang Magbubuhat  mipahibalo, mipamantala ug lig-on hangtud sa kahangturang kaayuhan sa espirituwal ug kinaiyahang mga balaod diha sa kalibutan diin gisupak sa tawo sa iyang katalagman.. Genesis kapitulo 1; salmo 24, 1-2.

2. Ang Kalibutan Gitugyan Ngadto Sa Tawo.
Ang Dios ingon nga katapusang tag-iya mihatag sa responsibilidad alang sa matag adlawng kalamboan sa kalibutan ngadto sa mga kalalakin-an ug mga kababayehan. Kita gisaligan sa pagdumala ingon nga mga maayong tinugyanan, aron pag-atiman sa kalibutan, aron pagkaplag ug pagdumala pag-ayo sa iyang mga bahandi aron nga ang kaayuhan mahatag alang sa tanan. Atong giabusahan ang kalibutan diha sa atong dakung kapeligrohan. Gen. 1, 26-31, Salmo 8.6; 115.16.

3. Responsibilidad Nagpasabot Ug Tulubagon.
Ang tanang responsibilidad ug pagsuporta mounay sa paglihok sa pagdala sa iyang gikinahanglang paghatag ug pagpanubag ngadto sa tag-iya alang sa kalamboan niana nga responsibilidad. Ang Dios mopatubag sa tawo sa iyang mga buhat, ug ang tawo mopatubag sa iyang isigkatawo diha sa buluhaton ug diha sa simbahan. Ang kahoy sa kinabuhi misulay sa pagkamatinud-anon sa tawo didto sa Eden, ug kay napakyas si Adan kinahanglan manubag. Gen. 2.16, 3, 4-6.

4. Ang Trabaho Usa Ka Panalangin Dili Usa Ka Tunglo.
Ang trabaho maoy usa ka paagi sa Dios sa kauswagan. Si Adan gihatagan ug usa ka responsabling buluhaton sa wala pa ang pagkalaglag ug si Hesus miingon nga, "Ang akong Amahan nagtrabaho ug mao nga ako nagtrabaho usab," Pagkatapulan mopadulong lamang sa kakabus. Gen. 1, 31-2.3; Juan 5.17; Proberbyo 12.24; 14.23.

5. Ang Pagkamaayo Mao Ang Bugtong Sukaranan Sa Dios.
Mao kini ang kaugalingong sumbanan sa Dios gikan pa sa sinugdan. Mangalagad kita sa tawo ingon nga ang Dios ang atong inspektor ug tawhanong agalon. Genesis 1.31; Salmo 8; Mga Taga-Efeso 6.7.

6. Ang Pamilya Mao Ang Pang-ekonomiyang Sukdanan Sa Dios.
Ang pamilya mobuhat sa dihang ang mga kahibalo magamit alang sa kaayohan. Ang pagpasa ug patigayon ngadto sa mga kaanakan magdalag ganti niadtong mga katigulangang ginikanan. Ang mga patriyarka nagaprotekta sa ilang ekonomiya pinaagi sa hiniusang pagpuyo, pagpanrabaho ug pagpanaw.

7. Ang Pagkamatinud-anon Mao Ang Sukdanan Sa Dios.
Ang tawo motan-aw sa kalampusan apan ang Dios motan-aw sa pagkamatinud-anon. Siya nagasulay kanato uban sa mga gagmay’ng butang nga buluhaton ug ato usab nga gisulay ang uban sa samang paagi. Ang pagkamatinud-anon magadala ug promosyon. I Mga Taga-Cor .4.2; Lukas 19.11-26; Lukas 16, 9-12.

8. Salapi Mao Ang Ilis Sa Kinabuhi.
Ang bunga sa mga oras sa pagtrabaho mao ang salapi dinhi sa atong bulsa, mao nga dili lamang salapi ang atong ibalik ngadto sa Dios ingon nga ikapulo ug halad kondili kinabuhi. Kung pila ang atong ihatag mao kana ang sukod kung pila sa atong kinabuhi ang tinuod nga gipanag-iya ni Hesus. Lukas 16.11, Mateo 6, 19-21; Mal. 3.8.

9. Pagkamagtutuon Nagkahulogan Ug Kalamboan.
Ang pagkat-on sa espirituhanon ug kinaiyahan nga mga pagtulon-an gikan sa uban mohatod ngadto sa bag-ong kahimoan, kauswagan ug kalamboan. Ang napili nga pulong ni Kristo sa pagdisipolo, nga laing pulong sa pagkamagtutuon, nagkahulogan ug pagpakita ug pagpahigawas sa uban. Lukas 5.10; Mat. 28.19.

10. Pagtubo Nagkahulogan Ug Paghatag Ug Unang Dapit Sa Dios Sa Atong Kinabuhi.
Ang Biblia nagtudlo nga ang pagpangita ug una sa gingharian sa Dios ug sa iyang pagkamatarong mao ang patukuranan sa pagtagbo sa mga panginahanglan sa tawo. Ang politikanhon nga sistema maoy napiling patukuranan aron paggamit sa kaalam nga nadawat sa tawo gikan man sa Dios o kang satanas. Mateo 6.33; Mga Taga-Colosas 2.8.

11. Ang Pagtuman Mao Ang Paagi Sa Pag-abante

Ang pagtuman ngadto sa mga pamaagi sa Dios atubangan sa mga pagpig-ot sa kalibutan mao ang yawi aron pagpahigawas sa kalamboan. Deut. 8.18, 6-10; Deut. 28.1; Salmo 1; Josue 1.8; tibuok Deut. 28.

12. Panagkumbuya Nagkahulogan Ug Kalamboan.
Ang panagkumbuya magadala ‘pagtinabangay sa usag usa aron mas momaayo pa,’ dugang pagkamamugnaon ug pinilopilo nga mga kaayuhan. Himoa si Hesus nga labawng ekonomista ingon nga imong labaw nga kakumbuya, unya mga magtutuo nga may samang panghunahuna. 1 Mga Taga-Cor. 3.9, 2 Mga Taga-Cor. 6.15, Ecc. 4, 9-12.

13. Pagpugas Ug Pag-ani Maoy Usa Ka Lig-on Nga Balaod.
Ang pagpugas nga manggihatagon moabot una sa dili pa ang madagayaong pag-ani uban sa pagpailob, pagsalig ug pagtuo taliwala sa duha ka mga buluhaton. Genesis 8.22; 1 Mga Taga-Cor. 15, 42-58; Lukas 6.38; 2 Mga Taga-Corinto 9.6.

14.Ang Bahandi Kinahanglang Nga Dumalahon.
Ang bahandi giampingan pinaagi sa maalamon nga paggasto, paggahin, pagtigom, pagtipig, maalamong pagpamuhonan ug pinaagi sa pagkamaandamon. Deut. 6, 10-16; Gen. 41, 25-40.

15. Ang Mga Utang Peligruso.
Sila kasagaran mahiagom niini tungod sa garbo ug pagkawalay pailob. Sila malingla, mapakyas ug mopahilayo, mobungkag sa tibuok panimalay.. Deut. 28.44; Roma 13.8.

16. Ang Salapi Dili Mao Ang Tinuod Nga Bahandi.
Ang tinuod nga bahandi magagikan sa insaktong paggamit sa salapi aron pagkabig ug mga kalag alang sa langit ug aron pagpanalangin sa mga tawo nga nagkinahanglan dinhi sa kalibutan pinaagi sa pagka-matinudanon, pagkamapasalamaton ug pagkamanggihatagon. Lukas 12.15; 48; 16, 9-13; Prob. 11.24-26.

17.Ang Pagtrabaho Ug Pagpahulay Kinahanglan Nga Angay.
Aron pagpalungtad sa kabaskog ug pamilya diin kung wala kini ang kalamboan walay saysay kay ang Dios naghatag sa Adlaw’ng Igpapahulay nga prinsipyo sa mga adlaw sa pagpahulay aron paghinumdum kaniya ug sa iyang mga panalangin, ug aron nga mabag-o. Deut. 5, 12-15, Ex. 31, 12-17.

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.