48. Ang Mga Yawi Sa Gingharian

Ang pagpakigsulti sa mga bukid dilu talagsaon sama sa imong gituohan

Tan-awa ang mga Pagtulon-an

Basaha Kini sa Imong Bibliya
Deuteronomiyo 14,22-15,11

Ani-a ang Imo’ng Sag-ulohon nga Bersikulo
Ug ang akong Dios magahatag sa tanan ninyong mga kinahanglanon sumala sa iyahang mga bahandi
sa himaya kang Hesu Kristo. Mga Taga-Filipos 4.19.

Pagkahuman Hisguti ang Mahitungod Niini
Nakasulay na ba ikaw pagpakigsulti sa awto nga naa sa imong atubangan, o sa mga suga sa trapiko
o sa bus nga nalangay, bisan pa gani sa kalaha ibabaw sa lutoanan? Nganong mahimo mang
talagsaon ang pagpakigsulti sa mga bukid, mga sapa ug mga bato?

Usa ka Butang Angay Buhaton sa Dili pa ang Musunod
Paghimog hingpit nga pagsusi sa imong paghatag aron pagsiguro nga kini insaktong
nahiuyon sa pasukaranan sa Dios. Basin gani ug makahunahuna ka pagdugang sa imong paghatag matag bulan aron paghatag sa hingapin ngadto sa mga kabus.

Buluhato’ng Pangdiploma
Ihulagway sulod sa usa ka papel unsa ang mga paagi sa pagluwas sa Dios diha sa Deut. 14,22-29
mahimong kini nagpasabot karon sa giingon tang paggahin sa salapi.

Pamalandungi ang Matag Pulong Niini’ng Bersikuloha
Ecclesiastes 7.12.

Pag-gahin ug Pipila ka Minuto aron sa Kausaban sa Kalibutan

Pray For Oman - 1,800,000 Arabs and immigrants

95.5% Ibadi Muslims, maybe 20 Omani Christians

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Atong masabtan nga kita ang mga mamumuhat sa ulahing mga adlaw sa kaparasan sa Ginoo ug bisan tuod ang atong sweldo wala pa nahibaloan sa unahan kita nasayod nga ang atong agalon manggihatagon. Ato nang nakit-an giunsa ni Hesus ug Pablo pagkinabuhi ug ato usab nga nakaplagan ang patukuranan sa pagtuo sa salapianon diha sa natapos nga buluhaton sa Krus. Si Isaac nagpakita kanato unsaon pagbaton ug insaktong kinaiya sa paglahutay taliwala sa mga pagsulay sa wala pa makaangkon sa kauswagan, dili lamang ang modernong idiya sa pagngalan sa gitinguha nga panalangin, pag-angkon niini ug paghulat nga may tawo nga mohatag niini kanato. Atong nakat-onan ang mahitungod sa panalapi sa pagtuo gikan sa Isaias. Unsa may atong buhaton diha sa pagbuhat?

 

1. Saligi Ang Ginoo.

Ilikay ang inyong kaugalingon sa paghigugma sa salapi ug makontento sa unsay naa kanimo kay ang Dios mismo nag-ingon,

“Ako dili magapakyas kanimo sa bisag unsang paagi, ni magabulag kanimo, ni magabiya kanimo nga walay pagsuporta. Dili ug dili gayud ako magabiya kanimo sa bisag unsang kahimtang nga makaluluoy, ni mopakaulaw o mopahulay sa akong pagkupot kanimo. Siguradong dili! Mao nga kita nahupay ug nangadasig, ug masaligon ug sa walay kahadlok nagaingon, “ Ang Ginoo mao ang akong katabang.” Hebrohanon 13, 5-6.

Padayon sa iyang pulong diha atubangan sa tanang mga sukwahi nga mga panghitabo, paglahutay ug sa dili madugay kining mga panghitabo maoy mausab dili ang kamatuoran sa pulong sa Dios.

2.Pagbaton Ug Pagtuo Diha Sa Dios.

Pangitaa pag-una ang gingharian sa Dios ug ang iyang pagkamatarong ug ang tanang mga butang igahatag diha kanimo. Mga butang, lonlon tinuod nga mga butang. Kung ikaw makulangan sa “mga butang” nga imong gikinahanglan kinahanglan kanunay nimong pangutan-on ang imong kaugalingon kung tinud-anay mo ba gayud nga gipangita ang balaod sa Hari, ug ang iyang matarong nga paagi sa pagbuhat sa mga butang.

Ang Teolohiya Ni Maria Alang Sa Pagtagbo
Si Maria, nga inahan ni Hesus adunay epektibo nga teolohiya. Siya nag-ingon, “ Buhata ang bisag unsa nga iyang isulti kaninyo.” Juan 2.5

Ang Pagtuo Ni Pablo Alang Sa Pagtagbo
Si Pablo nag-ingon sa iyang mga higala sa Filipos, “ Ug ang akong Dios magahatag sa tanan nga inyong gikinahanglan sumala sa iyahang bahandi sa himaya kang Hesu Kristo.” Mga Taga-Filipos 4.19 Mao kini ang iyang matinud-anong pagpamatuod human sa mga katuigan sa kalisod ug pagpanaw alang sa ebanghelyo. Tan-awa ang mga lista sa mga kahibulongang mga pagpanaw ni Pablo diha sa 2 Mga Taga-Corinto 11, 23-29

Human sa daghang mga kasinatian diin ang Dios maoy bugtong suporta ni Pablo mipahayag nga ‘ang akong Dios lamang, dili ang akong nasud o akong relihiyon ang motagbo sa tanan nakong mga gikinahanglan.’ Sa dihang si Pablo miingon ‘tanan’ siya nagpasabot sa tanan ug mipadayag nga ang mga sangkap mahimong ‘sumala sa iyahang mga bahandi’, maoy pagpahayag kanato nga didto sa langit walay pagkakulang. Si Pablo midugang ‘diha kang Hesus Kristo’ nagahatag kanato sa atong tinubdan.

3. Pagkinabuhi Sa Kinabuhi Nga Makapahimuot Sa Ginoo.

Ang simbahan sa Laodicea nahilayo na pag-ayo gikan sa Dios mao nga si Hesus gikinahanglang motuktok sa pultahan gikan sa gawas ug nagalaum nga adunay naa sa sulod nga makadungog kaniya. Pinadayag 3.20. Apan ang atong mga kinabuhi kinahanglan nga limpyo, maabiabihong mga dapit aron nga ang Dios malipay nga mopuyo sa sulod ug makig-istorya kanato sa masubsob. Si Pablo nag-ingon sa mga taga Filipos unsaon pagbuhat niana:

1. Pagbaton ug insaktong relasyon sa matag-usa magadala ug kahilum aron makadungog kaniya.
2. Ang kinabuhi sa pagdayeg ug pagpasalamat nagahimo sa Dios nga mobati nga iya kining panimalay.
3. Ang kinabuhi sa pag-ampo ug pakigkuyog uban sa Dios magadala sa iyang mga tubag.
4. Adunay dakung bili sa pagpabiling putli sa hunahuna, kay kini abli sa mga paghunghong sa Espiritu.
5. Tun-i ang pagkakontento diha sa kadagaya ug kalisod. Ang pagkakontento dili sayon. Kini usa ka sekreto nga pagatun-an. 
6. Tun-I ang paghatag ug pagdawat. Alang sa uban ang paghatag lisod apan alang sa mga tawong mapahitas-on mas lisod ang pagdawat. Ang Dios adunay paagi sa pagpahiluna sa mga balo ug mga gagmay aron pagpaubos sa mga mapahitas-ong kasingkasing.

Tungod kay siya nasayod nga ang mga taga-Filipos nagatinguha sa pagpuyo sama niana mao nga siya nagasulti kanila uban sa pagtuo nga, " ang akong Dios magahatag sa tanan ninyong mga gikinahanglan.." gikan sa Mga Taga-Fil. 4,2-20.

4. Pagdaug Sa Mga Dili Maayong Pagbati.

Hinulsoli ang bisag unsang pagbati sa pagka dili takus nga imong makaplagan sulod nimo. Pinaagi sa pagtawag kanimo, human ka na gideklara sa Dios nga takus kaniya ug sa tawhanong pagsuporta. Ayaw kalisangi ang kaluya o kahadloki ang kusog sa ubang tawo. Hinumdumi nga ang Dios nagapili, nagagamit ug naga-usab sa mga maluyahong tawo. Bungkaga ang tanang pagkamakaugalingnon ug garbo diin gikasilagan sa Dios, ug pilia ang panagsaligay diha sa Dios ug sa iyang mga katawhan, Ecc. 4.9-12.

5. Sukli Ang Kakabus Uban Sa Espirituhanong Pagpakigbugno.

Bungkaga ang tanang kanhi ug bag-ong tunglo sa pagpakabus, ug tanang demonyohanong kapit-os pinaagi sa pag-ampo diha sa ngalan ni Hesus. Pangamuyo ngadto sa dugo ni Kristo batok sa lokal nga pagdumala sa mga dautang espiritu kinsa misulay pagpugong sa kalamboan sa ebanghelyo pinaagi sa pagpakabus sa mga alagad ni Kristo.

6. Pakigsulti Ngadto Sa Mga Bukid, Mga Sapa Ug Mga Bato

Sultihi kanunay ang mga bukid sa kapobrehon, ug mando-i nga mopahawa sa ngalan ni Hesus. Paglahutay hangtud nga kini mahuman. Marcos 11, 22-23

Sulti ngadto sa sapa nga nagadalag kalipay ngadto sa siyudad sa Dios, sa Herusalem, diin walay iyahang kaugalingong sapa. Mandoi ang sapa sa Dios sa pag-agas pinaagi sa imong kinabuhi aron pagbisbis sa uban. Salmo 46.4

Sulti ngadto sa bato, nga mao ang simbahan Mateo 16.18, ug ang tubig magaagas. Ayaw bunali ang simbahan sa makagahum nga pagsanta. Numeros 20,8-11

Ang espirituhanong pagpakigbugno nagpasabot sa pagkapanagsama diha sa kadaghanan ug diha sa pribado nga dapit. Bayri ang imong bayronon sa insaktong oras ug paghimog matinud-anong mga talaan. 2 Mga Taga-Cor 8.21

7. Karon Buhii Ang Imong Ani.

Buhata kini pinaagi sa paghatag nga madagayaon ug malipayon sa ngalan ni Hesus. 2 Mga Taga-Cor. 9,6-8

Ayaw kawati ang Dios, kanunay hatag sa imong ikapulo. Deut 14, 22-29.

Mga unang bunga, Deut. 18.4, Prob. 3.9.

Pagpugas ug mga binhi sa mga paghalad. 2 Mga Taga-Cor. 9.6

Ayaw kalimti ang mga kabus, Deut. 15.7-10

 

"Ang buluhaton sa Dios nga himuon diha sa mga pamaagi sa Dios dili gayud makulangan sa pagtagbo sa Dios." Hudson Taylor, Tsina.

 

 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhan