47. Ang Panalapi Sa Gingharian

Asa man ka makakuha niining tanang pagkaon nga walay kwarta o kantidad?

Tan-awa ang mga Pagtulon-an

Basaha Kini sa Imong Bibliya
Isaias 55

Ani-a ang Imo’ng Sag-ulohon nga Bersikulo
Kay ang akong mga hunahuna dili mao ang inyong mga hunahuna, ni ang inyong mga dalan akong mga dalan,
nag-ingon si Jehova. Kay maingon nga ng langit hataas kaysa yuta, mao man ang akong mga dalan labi pang
hataas kaysa inyong mga dalan, ug ang akong mga hunahuna kaysa inyong mga hunahuna. Isaias 55.8

Pagkahuman Hisguti ang Mahitungod Niini
Hunahunaa ang mahitungod sa pagdawat. Diha sa buhat, sa matag-adlaw nga pinulongan unsaon
ug kanus-a ka magadawat sa bisag unsa. Unsa may mga panghitabo?

Usa ka Butang Angay Buhaton sa Dili pa ang Musunod
Paghimog usa ka hugot nga pagpaningkamot aron sa pagpakahilum. Paggahin ug usa ka adlaw aron pagpangita sa Dios. Sa unang takna imong makaplagan ang tanang mga hilisgutan mosulod ngadto sa imong hunahuna.
Isulat silang tanan, itugyan sila ngadto sa Dios ug pagpakahilum.

Buluhato’ng Pangdiploma
Ihulagway sulod sa duha ka pahina kung giunsa ug kanus-a ang Ginoo mohimo pagtuman
niining tanan nga mga panalangin alang kang Dabid nga iyang gihisgutan diha sa 2 Samuel 7, 8-11

Pamalandungi ang Matag Pulong Niini’ng Bersikuloha
Salmo 37, 25-26

Pag-gahin ug Pipila ka Minuto aron sa Kausaban sa Kalibutan

Pray For Kenya - 31,000,000 in 117 ethnic groups, 82% Christian, many nominal

Great freedom for the gospel, over 500 Kenyan missionaries

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Ang Ginoo nagakuha sa pagpatalinghug sa matag-usa sa dihang siya nag-awhag kanato ngadto sa -

Pagpalit ug gatas ug bino

Nga walay kwarta ug walay kantidad.

Isaias 55.1

Ang pulong sa Dios niining mahimayaong kapitulo nag-ingon nga walay kwarta o kantidad, makabaton ikaw ug gatas diin gikinahanglan alang sa pagkaon, ug bino diin naghisgut sa pagsaulog.

 

Adunay Daghan Pa Nga Mga Saad

Ikaw magakaon sa unsay maayo, 55.2b.

Ang imong kalag magkalipay sa kabuhong sa pagpuyo, 55.2b. Jeremias 31.12 naghulagway kung unsa ang pagkamahinatagon sa Ginoo, ug ang Isaias 1.19 miuyon nga kung ikaw matinguhaon ug matinumanon ikaw magakaon sa pinakamaayo sa yuta.

Ikaw ba matinguhaon ug matinumanon?

Adunay kinabuhi sa imong kalag, 55.3.

Ania ang mga panalangin sa walay kataposang kasabutan. Hebrohanon 13.20

Ang Dios Nagasaad Kaninyo Sa Iyang Matinud-anong Gugma

Sama sa iyang gisaad ngadto kang Dabid, 55.3. Unsa may buot ipasabot niini? Imong makaplagan pinaagi sa pagtan-aw sa 2 Samuel 7, 8-12

Kaugalingong kauswagan.

Ang pakig-uban sa Dios uban kanimo.

Kapahulayan gikan sa imong mga kaaway, hangtud nga sila mawala diha kanimo.

Ang Dios nag-ingon nga siya magahimo sa imong ngalan nga banggiitan. Genesis 12.2.

Ma anaa ang pagtagbo sa dapit.

Mga kaanakan iyang gisaad.

Nganong Gipanalanginan Pag-ayo Sa Dios Si Dabid?

Nganong gusto man ka niyang panalanginan pag-ayo? Tungod kay ang Dios nagplano sa paghimo kang Dabid ug sa iyang gingharian nga buhing saksi aron ipakita sa mga kanasuran ang kaayo sa Dios ug ang libreng hinatag nga kaayo. 55.4. Mga katawhan nakakita sa panalangin sa Dios ug miduol ngadto kang Dabid, kinsa maoy usa ka hulagway ni Hesus. Sa samang paagi ang Dios gusto mopakita kanimo sa iyang kaayo sa paagi nga ang tanang katawhan sa palibot makakita kanimo kay ang iyang plano nagpabilin nga mao sa gihapon.

"Sigurado nga ikaw magapatawag sa mga kanasuran ug ang mga kanasuran nga wala nimo hiilhi
magdali nganha kanimo." Isaias 55.5

Laing Matang Sa Salapianon

Kung ang salapi dili gamiton aron pagpalit sa atong bino ug gatas nan adunay laing matang sa salapianon sulod sa ekonomiya ug pagpatigayon sa gingharian sa Dios.

Unsa kaha kini?

Ang Yawi Usa Lang Ka Pulong, " Pagdawat."

Usa ka Biblia mihubad sa Isaias 55.1 sa ingon, "Dali, pagpalit, nga yano alang sa kaugalingong pagtugyan nga nagadawat sa panalangin." Ang mga katawhan kasagaran gusto manrabaho ug maningkamot aron makakita ug salapi ug mobati  ug katakus. Apan ang kaluwasan sa Dios moabot pinaagi sa pagtuo ug walay atong kaugalingong buhat ang makapahimo kanato nga mobati ug katakus.

Ang Palihug Kinahanglan Nga Mahimong Salamat

Ang plano sa Dios kanunay mao nga kita magadawat sa unsay atong gikinahanglan gikan kaniya. Adunay panahon sa pagpangayo, ug panahon sa pagdawat apan uban sa mga tawo kanunay lang ug pangayo ug walay dawat. Roma 8.32, Juan 1.16

Ang Yawi Sa Pagdawat Mao Ang "Pagpaminaw."

Paminaw, paminaw kanako. Patalinghug, duol kanako, paminawa ako, ang Ginoo nagahangyo niadtong mga tawong daghang gibuhat dinhi sa nagkagoliyang nga kalibutan. Isaias 55,1-3. Kini sayon kaayong paminawon, apan kini mahimong lisod, kay ang mga tawong gigutom kasagaran dili na makahulat sa mga pulong, gusto na silang mokaon ug moinom. Atong nasayran nga ang Dios parehong nag-atiman sa iyang mga katawhan sa liniboan nga katuigan dinha sa mga siyudad ug mga kamingawan mao nga nganong mopili pa man gihapon kita sa pagpaningkamot sa atong kalan-on kaysa paggahin ug oras ug kahilom aron sa pagpaminaw ngadto kang Jehovah Jireh.

Nganong Lisod Man Kaayo Ang Pagpaminaw Ngadto Sa Dios?
Usa ka misyonero nasakit didto sa Malaysia, ug matod sa mga magtatambal basin mamatay siya. Diha sa tambalanan ang tanan niyang mga hilisgutan, mga problema ug mga atubangon mipuno sa iyang hunahuna apan iyang namatikdan nga siya nag-atubang na sa kamatayon ug wala nay mahimo mahitungod sa bisan unsa niadtong tanan. Sa dili madugay makig-uban na siya sa Ginoo ug laing tawo na ang moatiman sa mga tiket, sa salapi, sa pamilya ug sa uban pang mga butang. Tagsa tagsa iyang gitugyan tanan diha sa pag-ampo ug mitugyan kanila ngadto sa Dios ug mipahulay uban sa iyang hunahuna nga nagpakahilum aron pagtan-aw kung unsay mahitabo kaniya. Sa dihang ang mga tingog sa tanang mga hilisgutan mihunong paghari sa iyang hunahuna nakamatikod na siya sa Ginoo ug iya nang madunggan sa klaro ang tingog sa Dios. Siya nakabaton sa kaayohan,apan karong adlawa nagamahay sa pagbaton niadtong tanan nga mga tingog sa hilisgutan balik ngadto saiyang hunahuna ug sa pagkawala sa iyang pakiglambigit uban sa Ginoo. Kining nagaharing mga tingog sa matag adlaw nga mga hilisgutan ug ang atong pakiglimbasog sa hunahuna aron pagsulbad kanila ang nagasampong kanato sa pagpaminaw gikan sa Dios.

Unsa Kahay Imong Madunggan Gikan Sa Ginoo?
Kung imong madunggan ang Espiritu nga nagaingon “Dali,” siya magasulti kanimo kung asa ka moadto. Sa dihang ang kaslonon, ang Simbahan usab magaingon, “Dali,” aduna ka nay lig-on nga kamatuoran. Tubag ngadto sa Espiritu, “Oo, moanha ako,” ug dihadiha sa iyang napiling dapit ikaw libre nga moinom. Pinadayag 22.17

Ang Yawi Sa Pagpaminaw Mao Ang, "Pagpangita."

Ang Ginoo nag-ingon,  "Pangitaa ako." Kung kita mangita kaniya siya atong makaplagan, ug kita makadungog kaniya. Isaias 55.6-11. Apan kung ikaw dili mangita ug maminaw, siguradong masipyat ka gayud. Ngano man? Tungod kay ang iyang mga hunahuna ug mga pamaagi taas pa kaysa atoa ug lahi ra gayud kaayo sa atoa. Kini iyang kaugalingong mga pulong nga nagagikan sa iyang baba diin atong gisulti pagbalik sa atong mga ngabil nga maoy magatuman sa iyang katuyoan ug dili mobalik nga kawang. Isaias 59.21, Mateo 6.33.

Ang Mga Yawi Nga Moabli Sa Purtahan.

Kining tulo ka mga yawi sa pagdawat, pagpaminaw ug pagpangita nagadalag salapianong kagawasan alang sa mga suluguon sa Ginoo ug sa buluhaton sa ebanghelyo. Ang Dakung Sugo mahimong suod nga paglakaw uban sa Dios, dili usa ka salapianong kabug-aton nga buluhaton.

Ikaw Magalakaw Diha Sa Kalipay Dili Sa Kabug-at

Tungod kay ikaw nasayod nga ang Dios nakigsulti kanimo ug nagatudlo kanimo. Pinaagi sa pagtuo ikaw nasayod nga siya nagbutang ug insaktong pagtagbo nga umaabot diha kanimo.

Aduna kay kalinaw kay wala nay kabalak-ang mga kalisod hinungdan sa imong gibaylo nga salapi aron pagbuhat sa imong mga idiya

Ikaw magapangulo sa mga kabukiran ug mga kabungtoran diha sa pagdayeg imbis kabalaka.

Ikaw magalakaw nga magapaabot ug pagtubo sa mga magahing dapit imbis nga mga tunok ug mga sampinit, ug walay hunong nga bunga alang sa kadungganan sa Ginoo.

 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.