46. Kagutom Paingon Sa Kadagaya

Diha sa nauga sa adlaw nga yuta sa kagutom nganong nagpadala ug tubig ang Dios ngadto kang Isaac?

Tan-awa ang mga Pagtulon-an

Basaha Kini sa Imong Bibliya
Genesis 26.

Ani-a ang Imo’ng Sag-ulohon nga Bersikulo
Kung ang imong igsuon makasala batok kanimo, badlongon mo siya, ug kon siya maghinulsol, pasayloa siya. Ug kon
siya makasala batok kanimo sa makapito sulod sa usa ka adlaw, ug sa makapito magabalik kanimo
sa pag-ingon, Naghinulsol ako, pasayloon mo siya. Lukas 17.3

Pagkahuman Hisguti ang Mahitungod Niini
Unsa may buot ipasabot ni Hesus sa dihang siya miingon,
" mas bulahan ang magahatag kaysa magadawat."

Usa ka Butang Angay Buhaton sa Dili pa ang Musunod
Sutaa ang imong kasingkasing ug ang imong kagahapon uban sa tabang sa Dios aron pagkaplag sa imong kaaway.
diha sa dan-ag niining pagtulon-an ug sa imong pagkinahanglan sa panalangin ug kauswagan sa Dios
unsa may imong buhaton, usab uban sa iyang tabang? Buhata kini sa dili pa ang sunod higayon mapersonal man o pinaagi sa pagsulat.

Buluhato’ng Pangdiploma
Pagsulat ug usa ka pahina mahitungod sa modernong Isaac nga imong nailhan o nabasahan.
Tawo kinsa migamit sa ilang kinabuhi sa walay kahakog mipanalangin sa uban kinsa walay mga dili palaran.

Pamalandungi ang Matag Pulong Niini’ng Bersikuloha
Mateo 5, 43-48

Pag-gahin ug Pipila ka Minuto aron sa Kausaban sa Kalibutan

Pray For Syria - 15,000,000 Arabs

Christians there since Antioch, 90% Muslim, 0.1% evangelicals

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Moadto kita karon sa pagtan-aw sa usa ka sugilanon sa usa sa banggiitang tawo sa Daang Tugon. Ang iyang ngalan mao si Isaac ug kini nga sugilanon naa makita sa Genesis 26, 1-33. Atong makita kung giunsa ni Isaac pagpuyo sulod sa kahimtang sa hulaw, kagutom ug kadaot sa ekonomiya ngadto sa pagkakulang dili lamang sa iyang kaugalingon, apan usab diha sa kadagaya nga diin nakahimo siya pagpanalangin sa tibuok siyudad.

Mas Bulahan Ang Mohatag Kaysa Modawat

Ang Biblikal nga kauswagan dili ang pagkadatu sa imong kaugalingon, apan ang pagbaton ug igo alang sa imong kaugalingon ug dugang pa aron ikahatag ngadto sa uban aron pagpakaylap sa ebanghelyo ug pagtabang sa mga kabus. Mao kini ang tumong ni Pablo sa  2 Mga Taga-Cor. 9.8 ug diha sa kapitulo 8 ug 9 iya kining gipasabot pag-ayo. Si Hesus wala mianhi aron magpaalagad apan aron mangalagad ug mohatag sa iyang kaugalingon. Siya miingon, "Mas bulahan ang paghatag kaysa pagdawat." Marcos 10.45, Mga Buhat 20.35.

Aniay Pipila Ka Mga Modernong Isaac -
George Muller – kinsa mitagbo alang sa iyang kaugalingon ug sa liniboang mga ilo.
Dr. Dowie mitukod sa siyudad nga gitawag ug Zion ingon nga iyang panimalay ug sa dugang liniboan.
William Booth migamit sa iyang pagtuo aron pagtabang sa liniboan ka mga Briton nga kabus niadtong ika-19 ka gatusan sa tuig.
Miguel Diez gikan sa Espanya nagpakaon sa liniboan ka mga katawhan ug kabataan sa kadalanan didto sa Espanya ug diha sa laing 45 ka mga nasud.

Kagutom Diha Sa Kayutaan
Genesis 26.1 nag-ingon nga adunay kagutom diha sa kayutaan. Ang kagutom miabot tungod sa hulaw ug nagdalag kagutom, balatian ug lungsuranong kasamok. Daghan sa mga nag-uswag nga kanasuran karon nagpadayon pag-antos ug sagad nga kagutom. Si Isaac gusto mokalagiw ngadto sa Ehipto apan ang Dios nagpakita ug nakig-istorya kaniya. Giunsa man paglingkawas ni Isaac sa kagutom?

Si Isaac Nakadungog Sa Pulong Sa Ginoo.

Una mituman siya sa Dios ug mibutang sa iyang pagtuo diha sa pulong sa Dios. Inay nga iyang kan-on ang iyang nahibilin nga mga binhi, iya kining gipugas sa uga nga yuta. Tungod kay siya mituman sa Dios pinaagi sa pagbuhat sa dili kasagaran nga butang diha sa dili kasagaran nga dapit, sulod sa usa ka tuig si Isaac nag-ani ug gatus ka pilo ug nagsugod sa pag-uswag. Subong palandungon, dili tanan malipay kung ikaw mapanalanginan. Ang mga Pilistihanon nasina sa iyang Diosnon nga paglambo ug mibubo ug yuta ug mga bato ngadto sa atabay ni Isaac. Ang ilang hari mihingilin kaniya. Genesis 26.6; 12-16.

Si Isaac Midumili Sa Kapildihan Diha Sa Iyang Kaugalingong Mga  Kapakyasan.

Bisan ang mga banggiitang tawo sa Dios adunay mga kapakyasan. Sa kaso ni Isaac nahimo niya ang samang kapakyasan sa iyang amahan nga si Abraham. Si Isaac nahadlok sa mga Pilistihanon ug mihimakak mahitungod sa iyang asawa. Ang Dios misiguro nga siya masakpan, masanta ug maulawan pinaagi sa iyang sala. Genesis 26, 7-11.

Atong nahibaloan nga siya naghinulsol tungod kay ang tawo nga motipig sa sala dili madunggan sa Dios, ug si Isaac gipanalanginan sa wala madugay. Siya midumili nga pildihon sa iyang kaugalingong kapakyasan ug kaluyahon tungod kay kung ikaw mapildi dili ka gayud makaabot sa imong yuta sa saad. Kung ikaw mapakyas ang bugtong paagi sa pagpadayon sa unahan mao ang pagkamatinud-anon, pagkamapaubsanon, pagsugid ug kapasayloan. Salmo 66.18; 1 Juan 1,8-9; Proberbiyo 24.16, Miqueas 7,7-9.

Si Isaac Miabli Pagbalik Sa Mga Atabay Ni Abraham.

Ang mga atabay gipangtakpan sa mga madumtanong mga Pilistihanon pagkahuman sa kamatayon ni Abraham. Si Abraham mikalot niadtong mga tabaya pinaagi sa paghago ug pagpatulo sa sngot tungod sa kainit sa adlaw. Genesis 26.18.

Kinsa Man Ang Mga Pilistihanon Karon?

Sa espirituhanon, sila mao ang mga gahum sa kangitngit.

 

Unsa Man Ang Mga Atabay Ni Abraham Karon?

Sa mga nanglabay nga katuigan pinaagi sa atong mga ginikanan diha sa pagtuo naghimo sa pagkalot ug mga espirituhanong atabay uban sa paghago, pagbudlay ug pagpatulo ug singot aron pagtukod sa simbahan. Tungod sa atong pagpasagad ug kadanghag, ang mga gahum sa kangitngit miabot ug mipuno kanila. Pipila sa mga atabay ni Abraham sa pagtuo nga gikinahanglan maablihan pagbalik sa atong panahon mao ang -

 

Mga atabay sa pagsalig sa Dios, Gen. 15, 4-6.

Mga atabay sa pagpangamuyo, Gen. 18, 20-33.

Mga atabay sa pagsaksipisyo, Gen. 22, 1-14.

Mga atabay sa pagluwas, Gen. 14,14-16.

Si Isaac Milahutay Taliwala Sa Pagbatok.

Adunay mga panaglalis ug pasupak ibabaw sa katungod sa tubig sa , mga panag-away sa Sitnah, Genesis 26,19-22. Kung si Isaac nagpabilin aron sa pagpakiglantugi sa iyang katungod, basin naa pa gihapon siya didto hangtud karon apan si Isaac mipadayon. Sa katapusan, didto sa Rehoboth si Isaac nagkalot ug atabay ug walay si bisan kinsa ang mibatok kaniya. Siya nadasig ug nagpropesiya, "Karon ang Ginoo naghatag kanato ug luna ug kita mouswag dinhing dapita." Nianang gabhiona ang Ginoo nagpakita kaniya ug mikompirma sa maong propesiya. Gen. 26,22-24.

Ang Katapusang Lakang Aron Pagpahigawas Sa Panalangin.
Hinumdumi kung giunsa pagtagad si Isaac sa mga Pilistihanon ? karon ang ilang hari, iyang magtatambag ug ang mga kadagkoan sa iyang kasundalohan mibisita kaniya. Imbis sa paghulga kang Isaac usab miabot sia uban sa ilang mga makapahingangha nga mga bakak ug mga katarungan alang sa ilang mga nangagi nga kinaiya. Niining higayona gusto sila ug kauyonan sa panagdait. Genesis 26, 26-30. Unsaon man nimo pagtagad kining matanga sa mga kaaway kinsa nakahimo ug kadaut ug hinungdan sa grabing kasakit?

Si Isaac Nagpakit Ug Kaayo Ngadto Sa Iyang Mga Kaaway

Si Isaac mipakita sa espiritu ni Kristo kinsa miabot liniboan ka mga tuig ang milabay. Isaac mipili sa pagtagad kanila pag-ayo pinaagi sa pag-andam ug salosalo sa panaghigala alang kanila ug mihimog kasabutan sa pakigdait uban kanila. Walay mga panimalus o masakit nga mga pulong. Genesis 26, 3-31. Mateo 5, 43-48, 6.14, Lukas 17, 3-5. Higugmaa ang imong kaaway o magpabilin siya nga imong kaaway. Ang gugma maoy modaug ibabaw kaniya.

Ang Mga Suluguon Ni Isaac's Nakakaplag Ug Tubig.

Walay sulagma diha sa kahigayonan sa Dios! Nianang adlawa sa dihang gipasaylo ni Isaac ang iyang mga kaaway ang kadagaya gibubo sa Dios. Nakakaplag sila ug tubig alang sa pito ka atabay, igo alang sa ilang mga kaugalingong kahayopan ug kaugalingong pananom, ug labaw sa kaigoan aron pagpanalangin sa mga katawhan sa lungsod. Kini ilang gitawag nga Beersheba, nagkahulogan sa pito ka atabay. Si Isaac nakakaplag ug panalangin alang sa iyang kaugalingon ug alang sa uban pinaagi sa pagpaminaw sa pulong sa Dios ug pinaagi sa paglahutay taliwala sa kapakyasan, pagkugi, pagsupak ug pagpakitag kaayo ngadto sa iyang mga kaawaya. Ang tubig tam-is kaayo ug lasa!

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.