45. Ang Pagsukol Sa Kakabus

Diha kang Hesus makaplagan nimo ang mga pamaagi sa pagsukol sa kakabus

Tan-awa ang mga Pagtulon-an

Basaha Kini sa Imong Bibliya
2 Mga Taga-Corinto 8 ug 9.

Ani-a ang Imo’ng Sag-ulohon nga Bersikulo
Kay kamo nasayod sa grasya sa atong Ginoong Hesu Kristo, nga bisan siya datu, apan tungod kaninyo nagpakakabus
siya, aron mangadatu kamo, tungod sa iyang pagkakabus.  2 Mga Taga-Corinto 8.9.

Pagkahuman Hisguti ang Mahitungod Niini
Pagmatinud-anon sa inyong kaugalingon. Imo bang gidawat ang kakabus ingon nga dili kalikayan ug wala mihimo ug
pagsulay sa pagpakig-away sa espiritu batok sa  mga gahum sa kangitngit nga maoy mipahamtang niini diha kanimo?

Usa ka Butang Angay Buhaton sa Dili pa ang Musunod
Pangitai ug mga rason aron pagpanghimakak niini nga pagtulon-an. Kung dili ninyo mahimo nan pagtigom kamo
ug sa ligdong paghinulsol atubangan sa Dios tungod sa pagdawat niining maong tunglo ingon nga normal, ug diha sa
pag-ampo pinaagi sa ngalan ni Hesus, sa pagbarog diha sa pulong sa Dios, paghatud ug mensahe kang satanas
nga ang gubat batok sa iyang kakabus nagsugod na.

Buluhato’ng Pangdiploma
Isulat sa usa ka papel aron paghulagway sa unsay ipasabot sa ‘kamelyong may tulo ka bugdo sa likod’
sa aktuwal nga buhat.

Pamalandungi ang Matag Pulong Niini’ng Bersikuloha
Salmo 23.1

Pag-gahin ug Pipila ka Minuto aron sa Kausaban sa Kalibutan

Pray For Kuwait - 1,300,000 Arabs and immigrants

Vast oil income, Kuwaitis are Muslims, immigrants may be Christians

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Pagsakay Sa Kamelyong May Tulo ka Bugdo Sa Likod.

Ang mga nag-ingon nga dili hamugaway ang magsakay ug kamelyo nga may usa o duha nga bugdo sa likod, mao nga hunahunaa ang usa ka taas nga panaw sakay sa kamelyong may tulo ka bugdo sa likod. Apan mao kana ang insaktong tawag kanato aron sa pagpamuhat diha sa kinabuhi sa Kristohanong pagpangalagad. Paminawa ang gisulti ni Pablo mahitungod sa iyang kaugalingong pamaagi sa salapianon diha sa Mga Buhat 20, 33-35:

Wala ako magatinguha sa salapi ug bulawan

sa ubang tawo apan . . kamo nasayod nga kining 

akong mga kamot nakahimo pagtagbo -

 

Sa akong mga gikinahanglan,

Sa mga gikinahanglan sa akong mga kauban

Ug sa mga gikinahanglan sa mga maluyahon . .

Tungod kay mas bulahan ang mohatag kaysa modawat.

Unang bugdo –ang pagtagbo sa imong kaugalingong mga gikinahanglan.

Ikaduhang bugdo – pagbaton ug igong salapi aron pagtabang sa imong mga kauban;

Ikatulong bugdo – pagbaton ug igong salapi aron ihatag ngadto sa mga kabus. Ang tumong mao nga makabaton ug igo alang sa imong kaugalingon ug bisan pa dugang aron ipanghatag ngadto sa uban. Mahimo nga ikaw naglisod pa gani sa pagbayad sa imong kaugalingong bayronon, mao nga nganong makahunahuna ka pa mahitungod sa pagpanghatag?

Pagtuo Aron Sa Pagsukol Sa Kakabus.

Kung walay pagtuo imposibli ang pagpahimuot sa Dios, ug ang pagtuo nagagikan sa pagpaminaw ug pagsalig sa pulong sa Ginoo. Mao nga unsa may angay isulti sa Ginoo?

Hebrohanon 11.6, Roma 10.17.

Ang Dios Nagahatag Ug Katakus Aron Makabaton Ug Bahandi

Deuteronomiyo 8.18 mipamatuod nga ang Dios mao ang  nagahatag ug katakus aron makabaton ug bahandi. Ang Dios dili mohatag kanimo ug bahandi, siya magahatag kanimo ug katakus aron makabaton niini. Nangayo ka na ba niana nga katakus?

Ang Dios Makahimo

Unsa may iyang arang mahimo?

 

Siya makahimo aron -

Paghimo sa  tanang grasya nga mobuhong nganha  kanimo,

Aron nga diha sa tanang mga butang,

sa tanang oras,

pagbaton sa tanan nga imong gikinahanglan,

ikaw mabuhong sa tanan nimong mga maayong buhat.

Ang yawi mao nga mopugas nga manggihatagon aron nga magaani sa anihunon. Kung imo kanang buhaton ang pulong sa Dios nagasaad nga ikaw mahimong madatu sa tanang paagi. Nganong buhaton man kana sa Dios? Aron nga ikaw mahimong mahinatagon sa tanang panahon, ngadto sa imong mga kauban ug ngadto sa mga kabus, ug ang imong pagkamanggihatagon moresulta ngadto sa pagpasalamat sa Dios. 2 Mga Taga-Cor. 9, 6-11.

Ang Dili Maasoy Nga Gasa Sa Dios.

Si Pablo mitapos sa iyang kapitulo mahitungod sa salapianong kagawasan pinaagi sa pagpasalamat sa Dios sa iyang dili maasoy nga gasa. Unsa man kini nga gasa?

Ang Gasa Mao Si Ginoong Hesu Kristo

Kini tungod lamang kang Hesus ug sa tanan niyang pag-antos ug gibuhat ngadto sa Krus nga ang bisag unsang panalangin sa Dios ania sa atong mga kinabuhi.

Unsa May Nahitabo Ngadto Sa Krus?

Si Hesus mikuha sa tanang mga butang nga makadaut kanato ug mihatag sa mga panalangin sa Dios. Usa ka langitnong pagbaylo ang nahitabo.

Siya gilansang tungod sa atong mga kasalanan.

Siya gidugmok tungod sa atong mga kadautan.

Siya gisilotan aron makabaton kita ug kalinaw.

Siya gisakit aron makabaton kita ug kaayohan.

Isaias 53, 5-6; 1 Pedro 2.24.  

·         Si Hesus mikuha sa atong sala ug mihatag kanato sa kapasayloan sa Dios. Kini atong gituohan ug kita mibatok sa tanang pagsulay ni satanas sa pagkawat sa atong kaluwasan. Oo?

·         Si Hesus mikuha sa atong balatian ug mihatag kanato sa kaayuhan. Kini atong gituohan ug kita mibatok sa tanang pagsulay ni satanas sa pagkawat sa atong kabaskog.

·         Si Hesus mikuha sa atong silot ug mihatag kanato sa kalinaw sa Dios. Among gisuklan ang tanang pagsulay ni satanas aron pagkawat sa among kalinaw.

·         Si Hesus mikuha sa atong mga tunglo ug mihatag kanato sa iyang kagawasan gikan sa dautan. Mga Taga-Galacia 3.13. Si Hesus gisalikway labaw sa tanang katawhan aron lamang paghatod kanato ngadto sa Diosnong pagsagop. Kini among gituohan ug mibatok sa tanang pagsulay ni satanas sa pagkawat sa atong panulundon. Mateo 27.46; Mga Taga-Efe. 1.5.

Moadto Na Usab Kita Sa Paglakang Sa Unahan

Kay ikaw nasayod sa grasya sa Ginoong Hesu Kristo,  nga bisan siya datu, apan tungod ug alang kanato siya nahimong kabus, aron nga ikaw pinaagi sa iyang kakabus mahimong maadunahan. 2 Mga Taga-Corinto 8.9

Si Hesus buhong sa tanang panalangin sa Dios didto sa langit. Alang kanimo siya nahimong kabus. Ang tawong kabus usa ka timawa, walay kabtangan ug dili makatabang sa iyang kaugalingon. Didto sa Krus si Hesus nahimong tawong timawa. Ngano man? Aron nga ikaw pinaagi sa iyang kakabus mahimong adunahan. Tun-i pag-ayo ang mga sinugdanang pulong ug imong makaplagan nga ang adunahan, ang mga pulong ‘plousios ug plouteo,’ nagkahulogan lamang ug pagkaadunahan sa kabtangan, ug ang kabus, ‘ptocheuo,’ nagkahulogan sa giladmon sa pagkatimawa.

Si Pablo Wala Nagpasabot Ug Espirituhanong Pagkaadunahan.
Si Hesus kinsa adunahan mikuha sa imong kakabus ug pagkatimawa, ug mihatag kanimo sa materyal nga mga kabuhong  aron madawat pinaagi sa pagtuo.

Motuo Ka Ba Niini?
Mituo ba ikaw nga ikaw naluwas na ug makusganong midumili sa tanang pagsulay ni satanas sa pagkawat kanimo. Ikaw mituo nga ikaw naayo na didto sa Krus ug ikaw misukol kang satanas alang sa imong kabaskog. Ikaw mituo nga ikaw nahigawas na sa mga tunglo didto sa Krus ug imong gibunkag ang matag usa nga gisulay pagbutang ni satanas diha kanimo, apan imo bang gisuklan ang kakabus sa samang paagi?

O basin miuyon ikaw sa kaaway, midawat sa iyang mga bakak ug paglalis nga tungod kay ang tanan nga naa sa imong palibot kabus unya gigutom, nag-antos ug pagkakulang diha sa buluhaton sa Dios dili kalikayan ug angay nga dawaton, bisan ang Biblia nag-ingon nga ang kakabus usa ka tunglo. Ang tinuod sa tanan mao nga tungod kang Hesus ug sa Krus ikaw kinahanglan usa ka naluwas, naayo, gihigugma, gawasnon ug adunahan nga atwo. Nganong dili mo man dawaton ang matag usa niini ug dili katong lain?

Si Hesus Miingon, ‘Natapos Na.’

Ang iyang buluhaton didto sa Krus wala nay gibilin nga buluhaton alang sa tawo gawas lamang sa pagtuo. Juan 19.30. Kung ikaw nakulangan sa bisag unsang mga kaayuhan sa Dios kinsa ang nagapangawat kanimo? Unsa may imong buhaton mahitungod niana? Kung imong kuhaon kini nga patukuranan sa pagtuo sa insaktong dapit ug mobatok sa tunglo sa kakabus pinaagi sa paglahutay diha sa pagtuo, pag-ampo ug mga buhat nan ang mga kahigayonan sa kadugayan magsugod sa pagpamatuod sa kamatuoran sa pulong sa Dios.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.