44. Giunsa Ni Hesus Pagkinabuhi?

Ang usa ka panday makahimo gihapon sa pag-usab sa kalibutan !

Tan-awa ang mga Pagtulon-an

Basaha Kini sa Imong Bibliya
Mga Taga-Filipos 4, 2-20

Ani-a ang Imo’ng Sag-ulohon nga Bersikulo
Ug ang akong Dios magahatag sa tanan ninyong mga kinahanglanon sumala sa iyang mga bahandi
sa himaya diha kang Kristo Hesus. Mga Taga-Filipos 4.19.

Pagkahuman Hisguti ang Mahitungod Niini
Hisguti ang mga prisipyo nga imong nakaplagan diha sa kinabuhi ni Hesus
ug Pablo. Dili ba ikaw makahimo sa pagkinabuhi sama niana?

Usa ka Butang Angay Buhaton sa Dili pa ang Musunod
Paghimo ug imong kaugalingon o sa panimalay nga lista sa gastoson sa kada bulan sa tuig diin makita
ang imong kita ug mga gastos.  Ilista ang tanan nimong gidahuman nga kita sa pikas nga bahin
ug ang imong gidahuman nga mga gastos sa laing pikas nga bahin. Natimbang ba sila?
Ang kita ibabaw sa mga gastos usa ka kabulahanan, mga gastos ibabaw sa kita usa ka kabug-aton!

Buluhato’ng Pangdiploma
Ilista ang tanang gisulti sa Deuteronomiyo 28 mahitungod sa kauswagan
ug kapobrihon ug isulat sa usa ka pahina nganong ang kada usa moabot.

Pamalandungi ang Matag Pulong Niini’ng Bersikuloha
Deuteronomiyo 28.47

Pag-gahin ug Pipila ka Minuto aron sa Kausaban sa Kalibutan

Pray For Djibouti - 473,000 Muslim Somalis and Arabs

Mere handful of Christians, hot, desert land in horn of Africa

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Ang Dios Adunay Usa Ka Anak Nga Lalaki, Siya Usa Ka Misyonero.

Giunsa pagkinabuhi ni Hesus? Giunsa niya pagpamalit sa iyang pagkaon ug pagbayad sa iyang mga bayronon? Iya bang gihimong tinapay ang mga bato ingon nga siguradong mahimo gayud niya kini, o namuhat ba siya ingon nga tawo nga gigamhan pinaagi sa Balaang Espiritu? Mga Taga-Filipos 2, 6-8, ug Mga Buhat 1.2 nag-ingon kanato nga ang ulahing gihisgutan ang mao.

Wala kita nasayod sa tanang mga tubag apan ang Biblia nagtanyag ug daghang mga timailhan sa walay paghatag ug insaktong paagi. Ato usa nga hisgotan ang usa ka mahinungdanon nga pangutana.

Si Hesus Usa Ba Ka Kabus Nga Tawo?

Kasagaran sa mga katawhan ug mga pastor motubag, "Oo, kabus siya." Ang mga katawhan maghunahuna adunay pagkabalaan o pagkaaghop mahitungod sa kapobrihon, bisan sa tinuod ang Biblia nag-ingon nga kini usa ka tunglo. Deut. 28.47.

Nganong Ang Usa Ka Kabus Adunay May Tesorero?

Ang imo bang nailhan nga mga kabus adunay mga kauban kanunay kinsa nag-ihap sa tanang kwarta nga mosulod ug mogawas? Usa ka klarong butang, si Hesus adunay iyang kaugalingong kapangitaan, alang sa grupo sa dose ka batan-on, mga gigutom nga mga kalalakin-an, ug alang sa paghatag. Ang usa ka kabus dili gayud mahimong adunay tesorero, apan si Hesus aduna. Mao nga adunay salapi, apan asa kaha kini gikan?

Si Hesus Mipili Sa Kahuyang.

Karon ang matag-usa nangita sa kusog apan si Hesus mipili sa pagkahuyang, pagkamdutlan ug pagkamasaligon sa iyang Amahan ug sa iyang mga kahigalaan..

1.        Siya mipili aron matawo ngadto sa pinakaubos nga kahimtang.

2.        Siya mihukom nga masakop sa usa ka pamilya sa ordinaryo nga tawong mamumuhat.

3.        Siya mipili nga mahimong ordinaryong mamumuhat sa katilingban, wala malahi sa ilang mga kabug-aton. Siya mihimo sa iyang kaugalingon nga madutlan, ulipon ngadto sa lokal nga ekonomiya ug nagsalig.

4.        Siya gidihogan sa kalipay apan nakasinati usab sa mga pag-antos sa mga katawhan nga gapalibot kaniya. Isaias 53.3.

5.        Si Hesus mipili sa paglakaw nga walay dalang mga butang nga giingon sa mga katawhan nga gikinahanglan.   Siya miingon nga wala siyay balay katulganan, kung sa ato pa walay gipanag-iyang kabtangan, tungod kay ang mga maayong panimalay kanunay abli alang kaniya. Mao nga ang iyang mga gastos ug mga bayronon ngadto sa kinagamyan. Atong nahibaloan nga iyang gipili ang pagkatulog sa gawas sulod sa dili mokulang sa 40 ka gabii.

6.        Siya nagatrabaho sa paghimo ug pagpang-ayo ug mga kagamitang kahoy hangtud siya nagpanuigon ug 30.

7.        Siya nagadawat sa mga hinabang ug mga pag-abiabi. Atong makaplagan si Hesus sa mga panimalay nila ni Zaqueo, Mateo, Simon nga Pariseyo, Marta ug Maria sa Betanya, uganga’ng babaye ni Pedro, ug uban pa.

8.        Dili siya mapasigarbuhon tungod kay siya usa ka lalaki nga gisuportahan ug mga kababayehan. Lukas 8.3.

9.        Iyang gitugotan ang iyang mga tinun-an sa pagsupak sa mga balaod sa simbahan aron pagkuha sa Diosno’ng pagtagbo. Mateo 12,1-8

10.     Ang iyang mga tinun-an milakaw aron sa pagpamalit, Juan 4.8, ug usab nangisda aron ilang kan-on ug ibaligya.

11.     Adunay mga milagro sa pagtagbo matag karon ug unya apan inay nga balaod, kini mao ang gawas sa balaod, ug lakip niana ang isda nga may sensilyo sa iyang baba; pagkuha sa balon sa usa ka batang lalaki aron ipakaon sa 5,000 ka mga katawhan ug pagpangisda alang sa kalan-on sa pagkabanhaw.

Yano Ug Dili Kahibulongan!

Ang punto nga gusto buhaton sa Dios pinaagi sa sugilanon ni Hesus mao nga adunay mga milagrosong pagtagbo sa dihang atong gikinahanglan apan kasagaran ang Diosno’ng pagtagbo alang sa mga mamumuhat sa ulahing takna moabot pinaagi sa matag adlaw nga mga panghitabo ug gikan sa mga ordinaryong mga tawo nga iyang ihatod sa imong agianan. Padayon sa paglakaw sa pagkabalaan, pagkamaaghop ug ang pagkinabuhi alang sa uban ug imong makita unsaon sa Dios pagtukod ug mga lig-ong mga tulay ilalum sa imong mga tiil sa dihang ikaw motikang sa manipis nga hangin sa pagtuo diha kaniya ug diha sa iyang pulong. Tan-awa sa Juan 6.35

Giunsa Pagkinabuhi Ni Pablo?
Karon, unsa man ang mahitungod kang Pablo, ang tawo kinsa miabli sa ebanghelyo ngadto sa Oropa, ug kinsa misulat sa halos kasagaran sa mga sulat sa Bag-ong Tugon.

Kinsa Ang Nagasuporta Sa Ministeryo Ni Pablo?
Dili ang simbahan sa Antioquia, kay diha sa pagbansay mahimong imposibli niadtong mga panahona. Sa laing bahin si Pablo gipadala pinaagi sa Espiritu imbis nga gipagawas. Mga kasimbahanan nagasuporta kaniya, ug ang mga kasimbahanan misibog usab. Makausa may usa lamang ka simbahan ang misuporta sa iyang buluhaton sa  pagsugod. Tan-awa sa Mga Taga-Fil. 4.16.

1.        Ang suporta gikan sa Antioquia, mahimong moabot sa matag karon ug unya. Unsaon man nila pagkahibalo asa si Pablo? Wala may mga kard para makautang, mga banko, mga rehistradong sulat, padalhanan sa kwarta o telepono.

2.        Sama kang Hesus, si Pablo modawat ug mga pag-abiabi bisan gikan sa mga lalin sama kang Priscila ug Aquila diha sa ilang yanong panimalay, Mga Buhat 18.3

3.        Diha sa Cyprus, ang pamilya ni Barnabas adunay panimalay. Mao nga asa man sila mosaka? Uban kanila!

4.        Diha sa bilanggoan ang mga tawo nagadala ug mga pagkaon ug hangtud nga ang tigbantay sa mga binilanggo mag-andam na ug pagkaon. Mga Buhat 16.34.

5.        Sa Filipos, nagpuyo siya uban kang Lydia, usa ka bag-ong kabig ug usa ka negosyanteng babaye, Mag Buhat 16 15.

6.        Si Pablo adunay iyang kaugalingong buhatan aron paghimo ug pagbaligyag mga baligya diha sa merkado, aron pagtagbo sa iyang gikinahanglan ug alang sa mga panginahanglanon sa uban. Mga Buhat 18.3; 11.26; 20.24; 2 Mga Taga-Tes. 3.8.

7.        Ang mga Lebita, kinsa mga Kristohanong mamumuhat sa Daang Tugon nga nagasalig lamang sa Templo. Apan sa dihang ang templo dili na makatabang aduna silay kaugalingong umahan aron makatanom pagkaon ug makabaligya niini.. Num. 3; Num. 18.21; 35.2, 6-7, Nehemias 13.10.

Ang Teyolohiya Ni Pablo Sa Pagsuporta

Si Pablo, usa ka banggiitang teyolohista sa iyang panahon mipasabot sa iyang pamaagi sa pagkinabuhi sama niini, " Akong gihimo ang gikinahanglan, ang pinakamaayo nga akong mahimo bisan asa ako mahamutang. Akong nakaplagan ang sekreto sa pagkakontento sa tanang higayon, diha sa kalisod ug diha sa kaabundansya. Ako naningkamot aron mahiangay ug ako nahimong ako karon pinaagi sa grasya sa Dios. "1 Mga Taga-Corinto 15.10.

Imong nakita nga dili na nimo kinahanglan nga mahimong banggi-itang tawo sa pagtuo aron pagtikang ngadto sa pagtubag sa tawag sa Dios. Ang duha ka inilang mga atwo sa Bag-ong Tugon nagpakita kanato kung unsa ka tinuoray ang pagpuyo diha sa grasya ug sa pagtagbo sa Dios.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.