43. Mga Mamumuhat Sa Ulahing Takna

Moadto usab ikaw ug mamuhat sa akong kaparasan

Tan-awa ang mga Pagtulon-an

Basaha Kini sa Imong Bibliya
Mateo 20

Ani-a ang Imo’ng Sag-ulohon nga Bersikulo
Iyahat ko ang akong mga mata ngadto sa kabukiran, diin ba nagagikan ang akong tabang?
Ang akong tabang nagagikan kang Jehova, nga nagabuhat sa langit ug sa yuta. Salmo 121.1-2

Pagkahuman Hisguti ang Mahitungod Niini
Gusto ka bang mangahas sa pagpamuhat sa ulahing takna? Kung ang Dios motawag kanimo sa paglakaw
ngadto sa iyang kaparasan apan wala ka masayod kung asa ang salapi
magagikan mangahas ka ba sa pag-adto?

Usa ka Butang Angay Buhaton sa Dili pa ang Musunod
Pagsulat ug usa ka pasundayag nga naghulagway sa tibuok istorya ni Lazaru ug sa tawong datu,
ug unya tan-awa kung kini inyong matun-an ug ipasundayag kini sa mga kasimbahanan.
Pagbutang ug usa ka tunok diha sa ikog mahitungod sa Kristohanong mga makililimos.

Buluhato’ng Pangdiploma
Pakig-sulti ug mga nagkalainlain nga mga pastor ug ebanghelista ug sa tago pangutan-a
sila sa ilang mga sugilanon mahitungod sa pagkamatinud-anon sa Dios diha kanila.
Isulat kini sa duha ka pahina.

Pamalandungi ang Matag Pulong Niini’ng Bersikuloha
Lukas 15.31

Pag-gahin ug Pipila ka Minuto aron sa Kausaban sa Kalibutan

Pray For Ethiopia - 53,000,000 Nilotic peoples ruined by famine, wars and Marxism

One of the oldest nations, Christian from 4th century, now 58%

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Nganong Mga Mamumuhat Man Sa Ulahing Takna?

Diha sa, Mateo 20, 1-15 mao ang usa ka sugilanon nga gisulti ni Hesus mahitungod sa mga magbubuhat kinsa gisuholan sa nagkalainliang oras sa adlaw. Ang uban gipatrabaho sa kaadlawon, ang uban diha na sa tungang adlaw ug silang tanan gisaaran nga sweldohan. Apan ang mga mamumuhat sa mga ulahing takna, pagtapos sa adlaw giingnan lamang sila sa pagpauli ug magtrabaho sa kaparasan nga walay gisaad nga sweldo. Kinahanglan lamang nila nga mosalig nga ang ilang amo mahimong makatarunganon, ug wala gayud sila mapakyas.

Ang Dios Mahinatagon Ug Andam
Ang agalon nag-ingon, " Ako mahinatagon," Mateo 20,15, nagasalamin sa tinuod nga kinaiyahan sa atong Langitnong Amahan. Diha sa sumbingay sa nawala nga anak, Lukas 15, 11-31, sa dihang ang magulang lalaki nagpakita ug kapait ug dili maayong kinaiya, ang mga bersikulo 28-30, ang amahan sa makausa mipakita sa iyang mahinatagon ug maluloyon nga Diosnong kasingkasing, bersikulo 31.

Sumala sa mananagnang orasan sa Dios kini 11.55 sa gabii ug inig alas 12 sa tungang gabii ang Ginoong Hesus mobalik. Mao nga daghan sa mga mamumuhat sa ulahing takna nga tinawag sa Dios aron sa katapusang pagpangani mahimong walay insaktong sweldo, apan walay ni bisan usa ang mapakyas. Ayaw kabalaka kung wala ka kahibalo unsay buhaton. Makakat-on ikaw gikan sa uban tungod kay daghan na ang nagalakaw niining 2000 anyos nga dalan sa pagtuo diin ang Dios batid na kaayo sa pagtipig sa iyang katawhan ug ang nangahimo kaniadto, mahimo gihapon pag-usab. Ecc. 1.9.

2. Unsaon Pagkinabuhi Sa Usa Ka Mamumuhat Sa Ulahing Takna?

Mahal kaayo ang pagkinabuhi niining panahona, apan ang pagpuyo dili mao ang tumong. Ang sumbanan sa Dios mao nga aduna kitay igo alang sa atong mga kaugalingon ug dugang daghan aron makahatag ngadto sa uban. 2 Mga Taga-Corinto 9,8-11. Kini posibli ug ania ang pipila sa mga nabantog nga mga pilianan -

Mahimo Mong Sundon Ang Inilang Sumbanan
Ang sukaranan mao kini, " Ang akong simbahan ang motagbo sa tanan alang kanako aron ako makalakaw. " Mao kini ang inilang sumbanan sa kasadpan sa pagbayad ug mga pangulo sa simbahan o sa pagsuporta ug mga misyonaryo. Ang ilang mga nabuhat nakatandog ug labaw sa katunga sa kalibutan sa milabay nga 200 anyos ug salamat sa Dios alang niadtong mga kasimbahanan kinsa mihimo niini nga posibli.

Apan aduna kini dakung problema tungod kay kini nga sumbanan dili mahimo ngadto sa kadaghanan sa mga kasimbahanan sa nag-uswag nga kalibutan. Aduna silay igo nga mga tawo alang sa misyon apan gamay lamang ang salapi nga mosulod aron nga ibayad sa ilang mga andam nga mga ebanghelista, mga pastor ug mga misyonero.

Mao nga dili tanan ang magalantaw aron ipadala nga may sweldo. Sa matag panghitabo mahimong wala na gayuy mahibilin niadtong mga naandam nga mga kalalakin-an ug mga kababayehan kinsa gusto mangalagad sa Ginoo diha sa nag-uswag nga kalibutan. Unsa pa may ilang buhaton?

Usa Ka Inila Nga Alternatibo: Ang Sumbanan Ni Lazaru.

Si Lazaru diha sa Lukas 16, 19-22 usa ka makililimos kinsa naputos sa mga kasakit ug mga samad ug nagaatang matag adlaw sa pagbantay sa tawong datu nga mogula gikan sa iyang purtahan. Karon si Lazaru nagatuo sa Dios kay sa dihang siya namatay siya gidala ngadto sa sabakan ni Abraham, apan ang tawong datu wala man mutuo ug mao nga sa dihang siya namatay ngadto siya padulong sa impyerno.

 

Unsa May Makuha Sa Mga Makililimos?

Mga kasakit ug mga samad gikan sa dili makatarunganong pagsalikway. Sila mga biniaybiay, ang mga tawo molikay sa pagtutok sa ilang mga mata. Sa laing bahin ang mga makililimos makakuha lamang ug pipila ka mga sensilyo nga ilabay ngadto kanila.

 

Kini Takus Ba Gayud?

Daghan sa mga pastor ilabina diha sa nag-uswag nga kalibutan ang misagop sa Lazaru nga pamaagi sa pagpangita ug pundo. Mosulat sila ngadto sa mga tawo sa Kasadpan ug mag-istorya ug mga luoy nga mga sugilanon ug magpadala ug mga hulagway aron pagdugang sa pagpalihok sa tabang. Ilang ihulagway si Kristo uban sa mga kamot nga nangayo imbis nga ang iyang mga kamot inunat aron pagluwas sa mga katawhan sa ilang mga dagkung problema. Ang ilang Hesus makaluwas sa kalibutan apan dili makahatag sa kalan-on alang sa iyang suluguon.

 

Usa Ka Adlaw Ang Makililimos Namatay

Lukas 16.22. Kung sa bisag unsang higayon nga siya buhi pa gihapon sa imong kasingkasing, ibutang siya pagbalik sa iyang lubnganan diin siya angayan. Karon.

Sa dili pa ~ makita mo ba ang tinuyoang sayop niining bersikulo gikan sa Salmo 121. Kahibulongan nga kadaghanan sa mga tawo musolti niini sama niining pagkasultiha -

" Iyahat ko ang akong mga mata sa kabukiran,

diin ba magagikan ang akong tabang?

Ang akong tabang magagikan sa Kasadpan,

Ang tag-iya sa langit ug sa yuta? "

Imo bang nakit-an ang sayop? Ang atong tabang nagagikan lamang gayud sa Ginoo. Mao nga ang mga mata ilikay sa Kasadpan, ug ilikay sa kang bisan kinsa ug itutok lamang ngadto kang Hesus, diin didto nagagikan ang atong tabang. Sa bisag unsang higayon bisan usa sa imong mga sugilanon dili makatandog sa Kasadpan aron pagtabang, apan usa lamang ka pulong ni Hesus makahimo.

3. Ang Sinuholan.

Imo mahimamat kining tawhana diha sa Juan 10, 11-15. Kining tawhana modawat sa trabaho sa magbalantay, o pastor, alang sa salapi ug sa titulo, dili tungod kay siya nagpakabana sa mga karnero. Siya usa ka mini nga magbalantay tungod kay sa dihang ang lobo sa kalisud moabot, siya mokalagiw ug mobiya sa mga karnero ngadto sa kalaglagan. Daghang mga maayong simbahan ang nadaot sa mga tawong sama niini.

Apil Kanamo Ug Palitan Ka Namo Ug Bisikleta!
Uban sa mga dagkung simbahan motintal sa mga probinsyanong mga pastor sa pag-apil kanila tungod lang sa salapi. Bugtong mga sinuholan lamang ang mohimo pagbaylo sa ilang mga karnero ngadto sa laing agalon, mao nga kung adunay moabot nga magdala ug tanyag sama niana, ingna siya nga dili ka para baligya. Walay igo nga salapi sa tibuok kalibutan aron ipalit ug tinuod nga tawo sa Dios.

4. Asa Man Nimo Makaplagan Ang Salapi?

Atong pagahisgutan ang detalye niini sa umaabot apan aniay usa ka mahinungdanon nga prinsipyo nga angay tun-an sa kinasingkasing. Diha sa Juan 5,1-9 aduna kay mahimamat nga usa ka atwo kinsa nalulid ug inutil sa dugay nang panahon. Sa dihang gipangutana, siya mihatag ug tulo ka kasagarang mga rason aron pagsulti nganong dili siya makabuhat sa bisan unsa o makaadto sa bisan asa -

1. – Walay tawo nga makatabang kanako.

2. – Naningkamot ako, apan

3. – Adunay laing tawo ang makauna pagkuha sa panalangin nga mag-una kanako. (NIV)

Kini tinuod alang kaniya, ug kini mahimong tinuod alang kanimo, ug kini tinuod usab sa kadaghanang mga tawo, apan sama kaniya anaa usab si Hesus nga makig-istorya kanimo. Siya nakadungog sa Ginoo, mituman, mitindog ug milakaw diha sa mapuslanong kinabuhi pinaagi sa grasya sa Dios.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk