41. Gidihogan Alang Sa Mga Kabus

Adto sa mga kanto sa kadalanan, imbitaha ang si bisan kinsa sa usa ka salosalo

Tan-awa ang mga Pagtulon-an

Basaha Kini sa Imong Bibliya
Isaias Kapitulo 61; Mateo 22, 1-14

Ani-a ang Imo’ng Sag-ulohon nga Bersikulo
Ang Espiritu sa Ginoo ania kanako, tungod kay iya akong gidihogan aron sa pagmantala sa
maayong balita ngadto sa mga kabus. Iya akong gisugo sa pag-ayo sa mga masulob-ong kasingkasing,
sa pagwali sa kagawasan sa mga bihag, ug pagpahiuli sa igtatan-aw sa mga buta, sa paghatag kagawasan
sa mga gipiutan. Sa pagmantala sa nahimut-ang tuig sa Ginoo. Lukas 4.18-19

Pagkahuman Hisguti ang Mahitungod Niini
Diha sa imong lungsod, kinsa man kining mga tawhana nga gihisgutan sa Isaias 61. Pagngalan ug mga ngalan,
mga trabaho ug mga dapit. Pag-ampo alang kanila.

Usa ka Butang Angay Buhaton sa Dili pa ang Musunod
Ingon nga grupo, human sa daghang pagbugkos ug pagbadbad nga pag-ampo, bisitaha ang dapit sa mga dautan
sa inyong lungsod aron pag-awit, pagwali kang Hesus ug pagtanyag’ gugma ug pakighigala ngadto sa mga tawo
kinsa sa nangawala ug naglunang sa sala ug kang Satanas.

Buluhato’ng Pangdiploma
Susiha ang Mga Taga-Roma 1.18-32 ug pagsulat ug usa ka pahina aron pagpasabot sa pagdailos padulong sa ubos
ngadto sa pagkadautan, ingon nga mao kini sa aktuwal nga kinabuhi.

Pamalandungi ang Matag Pulong Niini’ng Bersikuloha
Ezequiel 36, 37-38

Pag-gahin ug Pipila ka Minuto aron sa Kausaban sa Kalibutan

Pray For Uganda - 22,000,000 Bantu’s & Nilotics

84% Christians, 8% Muslims, War followed a 60 year revival

Huge orphans & AIDS problems

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Diha sa Isaias 61.4 adunay pinasahi nga saad -

Sila magabalik pagtukod sa karaang nangalumpag, ug mopasig-uli sa dugay nang nangalaglag, sila magabag-o sa nangalumpag nga mga siyudad, nga nangalaglag sa mga henerasyon.

Daghang mga sentro sa siyudad nga matahum tungod sa mga salapi nga gigasto aron paghimo niining maanindot alang sapagpamuhat sa mga tawo ug makapadani sa mga bisita. Apan alang sa minilyon sa mga kalalakin-an, kababayehan ug kabataan kinsa nagpuyo sa kinasuloran sa maong mga siyudad ang kamatuoran lahi kaayo. Sila nagapangita ug katrabahoan, mga sweldo ug usa ka kinabuhi nga maayo apan ang ila lamang makaplagan mao -

Ang kakulang sa trabaho, kakabus, pagpahimulos, polusyon, drugas, bisyo, krimin, balatian ug kagubot. Alang kanila, ug alang sa Dios ang siyudad mao ang pamatasan ug espiritwal nga pagkalumpag diin ang kinabuhi nahimong nalaglag sa dugay nang panahon. Ngano man kini?

1. Ang Pagdailos Padulong Sa Ubos.

Mga Taga-Roma 1, 18-32, nag-ingon nga sa dihang ang tawo magsugod pagkalimot sa tinuod nga buhing Dios sila mahulog ngadto sa pagsimba’g diosdios, diin maoy sinugdanan sa madanglog, nga pagdailos padulong sa ubos. 21-23

Ang dili kalikayan nga sangputanan sa pagsimba’g diosdios mao ang laing pagdailos, ngadto sa pagkamahugaw ug pagkadautan. 24,25.

Tungod kay ang pagkadautan dili matagbaw sa kadugayan, ang mga kalalakin-an ug mga kababayehan mahulog ngadto sa pagkatig-a. 26-27.

Sa katapusan sila maigo ngadto sa pagkatampalasan. Ang mga tawo mahimong walay pagbati, walay pagtuo, walay kasingkasing ug walay kaluoy diin mao na ang mga kadalanan sa kinasuloran sa siyudad uban sa tanan nilang mga paglimbong, mga dautang tuyo, mga panag-away ug pagpatay. 1, 28-32

Ang maayong balita mao nga ang Dios misaad nga “sila” mobalik pagtukod niining mga nangalumpag, ug mopasig-uli niining mga nangalaglag nga mga dapit.

2. Kinsa Kining Mga Tawhana?

Ania ang usa ka makapatingala nga tubag. Kaniadto sila mga kabus nga mga tawo, mga lalaki ug mga babaye nga masulob-on ug kasingkasing. Sila nabilanggo sa sala, sa kaugalingon ug kang Satanas pinaagi sa pagkalulong ug pag-abuso. Sa unang panahon sila mga binilanggo, bisan pa diha sa bilanggoan, ug ang ilang mga kaugalingon napuno sa kangitngit, pagka walay paglaum ug kaguol.

Karon sila ginalipay.

Karon sila mga maanyag nga mga katawhan.

Karon sila adunay kalipay ug kamaya.

Karon sila lig-on, dili matarog.

Sila ang gitawag nga mga saserdote sa Ginoo.

 

Ang mga mamumuhat sa atong Dios.

Aduna silay bahandi aron mabuhi.

Nakatagamtam usab sila sa dobleng bahin.

Sila nagahulat ngadto sa ilang panulundon.

Ang ilang mga kaliwatan magapanalangin sa mga kanasuran.

Ug ang tanan nga makakita kanila kinahanglan moila nga ang Dios nagapanalangin kanila. Mao nga dili katingalahan kung sila magasaulog ug magadayeg sa Dios. Isaias 61, 1-11.

Giunsa Niini Pagkahitabo?
Ang pag-usab sa pamaagi sa kinabuhi sama niini mahimo nga usa ka milagro sa Dios. Ang pasukaranan niini naa diha sa Isaias 61.1 diin ang usa ka tawo, ang manluluwas nag-ingon, "Ang Espiritu ni Jehova nga Ginoo ania ibabaw kanako, tungod kay gidihogan ako ni Jehova." Ang pagdihog nagpasabot sa usa ka pagtawag ug pagpagahum. 1 Samuel 16.13.

3. Kinsa Ang Gidihogan Sa Ginoo?

Ang Ginoong Dios midihog sa iyang Anak, si Hesus. Lukas 4.16-21 nagtug-an kanato nga si Hesus miadto sa sinagoga, mibasa sa saad ni Isaias sa kadaghanan ug namulong nga nianang ang propesiya natuman. Si Hesus nagsugod dayun sa pagbuhat sa tanan nga gisaad sa Dios.

4. Alang Sa Unsa Ang Pagdihog Kang Hesus?

Aron Mahimong Maayong Balita Niadtong Mga Kabus.
Ang kabus nga tawo mao ang tawo kinsa mipaubos sa iyang kaugalingon ug nangayo sa tabang sa Dios, sa usa ka sanglahon diha sa Lukas 5.12-15 .Ang usa ka tawo mahimo nga siya adunahan apan kung sulod sa iyang espiritu siya nagatuaw sa pakitabang, siya usa ka mapaubsanon nga tawo. Ang usa ka makililimos nga walay gayo’y kangho mahimong mopasigarbo ug moingon nga pasagdi ako.

Aron Paghatag Kagawasan Niadtong Mga Binilanggo.
Sa dihang si Pablo ug Silas nabilanggo diha sa Mga Buhat 16, 16-40 sila nanagdayeg sa Dios sa tungang gabii. Ang Ginoo nagpadala ug usa ka linog nga maoy mipahigaws kanila ug nagdala usab ug kaluwasan sa nagabantay sa mga binilanggo. Siya makahimo sa samang butang sa mga binilanggo sa drugas ug balatian karon.

Aron Paghatag Panan-aw Niadtong Mga Buta.
Uban sa mga katawhan buta sa pisikal nga bahin, apan daghan ang mahimong dili makasulod ni makakita sa Gingharian sa Dios tungod kay sila buta sa espirituhanon. Si Hesus nag-ingon nga sila kinahanglan matawo pag-usab. Juan 3, 3,5.

Aron Pagpahigawas Sa Mga Dinaogdaog
Si Hesus mao ang nagapahigawas sa mga tawo gikan sa mga demonyo nga nagahasol pinaagi sa kahadlok, kasuko, pagdumot, pagsalikway, pagkaluoy sa kaugalingon, kapakyasan, uban sa mga panan-awon ug mga tngog sa kagabhion.

Aron Pagpadayag Sa Gikahimot-ang Tuig Sa Dios.
Kadtong mga tawo sa kadalanan kinsa mga kabus kaayo, nagupok ug nabihag ngadto sa sala nakakaplag kang Hesus ug nakakaplag nga hangtud karon siya nagapadayon gihapon sa pagpasig-uli sa mga kalalakin-an ug mga kababayehan ngadto sa kinabuhi, kapiskay ug paglaum ug nagahatag kanila’g dignidad ug katuyoan. Ang ang panalangin dili lamang diha kutob.

5. Ang Dios Nagadihog Usab Sa Mga Tawo Sa Kadalanan.

Si Hesus nag-ingon nga sa dihang ang Espiritu sa Ginoo nga si Jehova moabot ikaw usab makadawat sa gahum sa Dios aron pagsulti sa ubang katawhan nga si Hesus buhi karon ug nagahimog mga milagro sa mga kinasuokan sa siyudad. Mga Buhat 1.8.

Si Hesus nag-ingon nga kung si kinsa ang adunay pagtuo ngadto kaniya siya magabuhat sa tanang ginabuhat ni Hesus ug bisan labaw pa nga mga butang. Juan 14.12

Si Hesus nag-ingon nga ingon nga siya gipadala sa iyang Amahan aron pagluwas sa mga kalalakin-an ug mga kababayehan niining dapit nga gisakop sa sala ug sa kalibutan nga gigamhan sa demonyo siya usab mopadala sa iyang mga disipolo aron pagpadayon sa buluhaton sa pagpangluwas ug pagpang-ayo. Mao nga kadtong mga tawo nga kanhi biktima sa kadalanan nahimong mga manluluwas. Sila ang mga tawo diin nadihogan, gianhian, giusab, gidihogan ug gipadala aron pagtukod pagbalik ug pag-ayo sa mga kinabuhi nga giguba sa sala, balatian ug ni Satanas.

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk