40. Nganong Kabus Man Kaayo Ang Kabus ?

Nasabtan ni Nelson Mandela ang pagpihig sa kaliwatan ug sa kakabus

Tan-awa ang mga Pagtulon-an

Basaha Kini sa Imong Bibliya
Lukas 6

Ani-a ang Imo’ng Sag-ulohon nga Bersikulo
"Bukha ang imong baba alang sa amang, diha sa kaayuhan
sa tanang mga biniyaan. Bukha ang imong baba, maghukom ka sa pagkamatarong, ug maghatag ka ug hustisya
sa mga kabus ug nagkinahanglan." Proberbyo 31, 8-9

Pagkahuman Hisguti ang Mahitungod Niini
Unsaon mo pagkahimong mga kamot, mga tiil ug kasingkasing ni Hesus ngadto sa mga kabus sa inyong lungsod?

Usa ka Butang Angay Buhaton sa Dili pa ang Musunod
Adto ingon nga grupo sa usa ka ahensya, Kristohanon o dili, nga nagapamuhat taliwala
sa kabus ug itanyag ang inyong mga kaugalingon sa pagpamuhat o proyekto alang kanila.

Buluhato’ng Pangdiploma
Ipasabot sulod sa usa ka pahina ang mga praktikal nga detalye sa unsay mahitabo
aron mahimong kabus ang mga tawo.

Pamalandungi ang Matag Pulong Niini’ng Bersikuloha
Jeremias 22.16

Pag-gahin ug Pipila ka Minuto aron sa Kausaban sa Kalibutan

Pray For Bangladesh - 132,000,000 of the poorest people

87% Muslim, 10 Hindu, 0.08% Evangelical believers

Over-populated, devastating floods

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Si Hesus, nakigsulti ngadto sa daghang mga ilayanhon nga katawhan kinsa nagpuyo ubos sa pagdumala sa mga malupigong sundalong Romano ug sa adunahang relihiyuso nga mga pangulo, nag-ingon, “Bulahan kamong mga kabus," Lukas 6,17-20. Bisan tuod usahay atong himoong espirituhanon ang mga pagpasabot ni Hesus ngadto sa kabus aron ipasabot nga kabus sa espiritu, ang pulong nga gigamit ni Hesus niini mao ang ptochos, sa literal, ang nagkurog nga kabus.

Ang Biblia naglakip ug ubos sa 245 ka mga pagpasabot ngadto sa kabus mao nga ang Dios daghang kaayo ug angay isulti mahitungod niini nga hilisgutan. Kini duol sa iyang kasingkasing ug ang Dios wala gayuyd motawag sa kakabus ug bulahan, mahimayaon o romantiko, hinuon ang Biblia nag-ingon nga kini usa ka tunglo.

1. Nganong Ang Kabus, Kabus?

Uban sa mga tawo nakabus ug nabawian sa paagi nga dili nila kaugalingong sala, apan tungod sa pagpahimulos ug pagpanlupig, mga sala sa mga adunahan, sa mga limbongan nga mga pangulo, o pagdumala sa masikupong mga nasud. Ang Hebrohanong mga pulong mao ang rush ug ani.

Ang Mapaubsanong Kabus Sa Ginoo
Uban sa mga katawhan sa Dios nga nahiagom sa kakabus ug pagpanlupig mao ang gitawag nga mga mapaubsanong mga kabus sa Ginoo ug sila nagatuaw kaniya sa mapaubsanong pagsalig, Exodo 1, 11-12 (Hebrohanon: ani, Griego, ptochos)

Mga Biktima Sa Kalaglagan
Mga katawhan mahimo usab nga makabus tungod sa natural nga kalamidad, usa ka aksidente, lungsoranong kadaot sa ekonomiya o natawo nga luya sa pisikal, sa makausa sa paagi dili nila kaugalingong sala. Basin mga yano lamang sila nga mga tawo o walay ikasukol nga mga balo o ilo. (Heb. Ebyon, dallah ug dal)

Kaugalingong Kasalanan
Kadaghanan sa uban nakabus tungod sa ilang kaugalingong sala, diin maoy kinatibuk-an nilang sayop, Tan-awa sa Job 33.3, Proberbyo 13.25; 24.30; 21.5; 22.16; 21.17; 28.22; bisan sa Deuteronomio 28.48 (Heb. Chaser). Ang kaugalingong kasalanan mahimong hinungdan sa kakabus, apan sa luyo niana ang kasakit sa kakabus naghinungdan ug dugang kaugalingong sala sama sa pagpangawat ug paghuboghubog, mopadulong ngadto sa pagkadautan, balatian, ug kagubot. Prob. 30.9, 30.7

2. Unsaon Nila Pagkahimong Bulahan?

Si Hesus mitawag sa mga kabus nga bulahan tungod kay siya nasayod nga sila gipanalanginan sa Dios, ang Dios sa tanang hustisya, ang Dios nga nagabutang sa tanan nga matarong. Kasagaran sa mga kabus nga mga tawo wala pa makadungog niini moabli sa ilang mga kasingkasing ug kinabuhi aron pagdawat ning maong panalangin.

Unsa May Tubag Sa Dios?
Proberbyo 31.9 nagsulti sa mga magtutuo sa insaktong buhaton. "Bukha ang imong baba alang sa amang, ug maghatag ka ug hustisya sa mga kabus ug nagkinahanglan.." Ang kaugmaon sa kabus ania sa atong mga kamot bisan tuod kini delikado nga buluhaton ingon sa katalagman nga giantos sa maong manlalaban sa mga kabus sama sa gipakita nila ni Amy Carmichael, William Wilberforce ug William Booth.

Ang Dios Naglantaw Sa Iyang Kabus Ingon Nga Bililhon
Basaha sa Job 36,15, Salmo 34,6; 35,10; 113,7-8, ug hibaloi nga ang maayong balita sa Dios alang sa ebyon, dal ug dallah nga kabus mao si Hesus, Lukas 7.22.

Kita Ang Mga Kamot Ni Hesus
Ang mikutlo sa 1 Juan 3,17 o Santiago 2,15;1,27 ug miingon nga kinahanglan natong tabangan una ang atong mga kaigsuonan. Maayo kana tungod kay adunay daghan nga naglimbasog diha sa kaluya apan bisan pa ang kabus nga chaser, kinsa dili mahigugmaon o labina dili mapasalamaton adunay kaluoy ug grasya diha sa Dios. Ang Dios nakigsulti kanila ilabina diha sa Salmo 23.1, Salmo 34, 9-10. Tan-awa sa Job 29, 15-16

3. Giunsa Sa Kabus Pagkabulahan?

Sa dihang miingon si Hesus, "Bulahan kamo nga mga kabus," siya naglantaw sa iyang mga disipolo, Lukas 6.20. Ang mga kabus kinsa mao usab ang mga disipolo ang nabulahan pinaagi sa ilang pagtuo diha sa Dios.

Nabulahan Tungod Sa Pagpakabana Sa Dios
Ang Dios nasayod sa kasakit nga gibati sa kakabus labaw kaysa uban, kay didto sa krus ang Dios mismo ingon nga si Hesus nag-antos sa pinakasukaranang pagbudhi, pagka walay hustisya, pagpanlupig ug pagkakulang sa tanang butang.

·         Si Job nagalaban sa kabus, Job 31.16

·         Ang mga salmo ni Dabid nagahatag ug paglaum sa kabus

·         Si Isaias nagapanagna ug tabang alang sa mga tawo nga nahigugma sa kabus, Isaias 58, 6-12.

·         Si Oseas nagtug-an kanato unsaon sa Dios pagdani ang mga kasingkasing, Oseas 11.4.

·         Si Jeremias nangutana kung nakaila ka ba gayud sa Ginoo, Jer. 22.16.

·         Si Hesus gidihugan sa Dios aron pagministeryo ngadto sa ptochos, ang mga mapaubsanong kabus sa Dios, Lukas 4,18-19.

·         Si Pablo mibutang sa doktrina ngadto sa buhat, Mga Taga-Galacia 2.10, 6.10; 2 Mga Taga-Cor. 8.13.

·         Si Santiago mihagit sa simbahan, Santiago 2.5, 14-16

·         Ang simbahan ni Pedro nagpakabana, Mga Buhat 4.34.

·         Ang katapusang pulong ni Juan, 1 Juan 3.17-18.

Bulahan Pinaagi Sa Pagpasaylo
Diha kang Hesus adunay kapasayloan sa Dios sa tanang mga kinaugalingon nga kasalanan nga mopasangpot sa kakabus. Ang pagkadailos padulong sa ubos ngadto sa buhing impyerno mahimong mapahunong ug mabali.

Bulahan Pinaagi Sa Grasya Sa Dios
Si Hesus nagahatag ug gahum sa mga kabus nga mga tawo ibabaw sa pagtintal. Mga kamot nga kawatan karon nagapamuhat na alang sa Dios, sa pamilya ug sa uban. Mga Taga-Efeso 4.28.

Bulahan Pinaagi Sa Katawhan Sa Dios
Ang Dios nagamando sa mga magtutuo nga may kabtangan ug kagawasan sa pagtagbo alang sa mga tawong kabus ug mobarog batok sa pagka walay hustisya nga maoy nagahupot sa minilyon sa tibuok kalibutan didto sa ‘hinanali’ nga kakabus. Diha sa Mateo 25.35 si mipakita kanato kung unsaon.

Diha sa kinatibuk-ang kahulogan sa kabus, ang mga disipolo giingnan sa paghigugma sa mga kaaway, kinsa mahimo kadtong kabus nga mitulis kanimo, ug dili lamang paghigugma niadtong mga nahigugma kanato. Magbuhat kita ug maayo dili lamang niadtong maayo kanato, dili maghukom kanila ug dili lamang magpahulam niadtong mobayad kanato. Sa dihang mohatag ka sa kabus nan kini ibalik diha kanimo, Lukas 6. 27-38. Dili sila makabayad kanimo, apan ang Dios makahimo, Proberbyo 19.17.

Ang ebanghelyo nakapanalangin sa kabus kung sila moduol ngadto kang Kristo ug samang ebanghelyo ang makapanalangin sa adunahan kung sila moduol ngadto kang Kristo. Apan kung ang tawong adunahan mahimong hinungdan sa pag-antos sa uban sa kakabus nan sumala sa Santiago, magbantay siya, Santiago 5,1-6. 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana