39. Ang Kristohanong Nagabuhat Ug Eskandalo

Kang kinsang balay ang imong gitukod ?

Tan-awa ang mga Pagtulon-an

Basaha Kini sa Imong Bibliya
Haggeo kapitulo 1 ug 2

Ani-a ang Imo’ng Sag-ulohon nga Bersikulo
’Ug uyogon ko ang tanang mga nasud, ug ang mga bililhong butang sa tanang mga nasud moabot,
ug kining balaya pun-on ko sa himaya’, nag-ingon si JEHOVAH sa mga panon. Haggeo 2.7

Pagkahuman Hisguti ang Mahitungod Niini
Pila man ang imong gihatag sa buluhaton sa Dios diha sa pag-ebanghelyo, sa misyon
ug pag-atiman sa mga kabus kompara o itandi sa imong paggahin alang sa imong kaugalingon?

Usa ka Butang Angay Buhaton sa Dili pa ang Musunod
Diha sa usa ka grupo, diskobriha ang inyong nagkalain laing mga praktikal nga naantigohan ug paghimo ug butang aron
pagpalambo o pag-ayo diha ba sa imong simbahan o sa laing mas kabus nga simbahan sa duol.

Buluhato’ng Pangdiploma
Pagsulat ug usa ka pahina nga han-ay aron pagpasabot sa unsay buot ipasabot sa Haggeo 1.6
sa atong praktikal nga matag adlaw nga pagkinabuhi karon.

Pamalandungi ang Matag Pulong Niini’ng Bersikuloha
Zacarias 4.6

Pag-gahin ug Pipila ka Minuto aron sa Kausaban sa Kalibutan

Pray For Benin - 5,500,000 West African peoples

55% animists and voodoo, the churches are growing well

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Ang mapanagnaong libro sa Haggeo nagahatag sa klarong direksyon sa Dios alang sa pagtukod sa iyang Gingharian, ilabina karon.

Ang Kasinatian Didto Sa Haggeo
Diha sa 538 BC si Cyrus, ang Hari sa Persia mitugot sa mga tawo sa Dios nga mga gihinginlan sa pag-adto sa Herusalem ug pagtukod sa ilang Templo. Imo kining mabasa diha sa Ezra. Si Zerubbabel ug ang 50,000 ka mga tawo mibalik, ug sulod sa duha ka tuig nahuman nila ang patukoranan. Adunay dakung pagkalipay apan ang mga Samaritanhon kinsa namalhin sa panahon sa paghingilin, mibati ug kahadlok ug sa politikanhong paagi mipahunong sa pagtukod ug balik hangtud nga si Darius, kinsa ganahan ug mga relihiyon, miabot sa kagamhanan sulod sa 522 BC. Human niadto ang mga katawhan sa Dios mao ang nabasol sa pagkahunong sa trabaho ug sila si Haggeo ug Zacarias nagsugod pagwali aron pagpukaw nila pagbalik hangtud nga natapos ang buluhaton sulod sa 516 BC.

Karon ang mando sa pagtukod sa Gingharian sa Dios sa tibuok kalibutan mao ang gitawag nga Dakung Sugo. Samang mga pagtulon-an ang magamit.

1. Mao Na Ba Kini Ang Oras Sa Dios?

Ang mga katawhan kanunay maga-ingon, "wala pa moabot ang oras". Adunay duha ka mga pulong alang sa takna, ang chronos ug kairos. Ang Chronos mao ang oras sa imong relo, apan ang kairos, diin maoy gigamit nga pulong sa Ginoo, nagkahulogan ug panahon sa natagna nga higayon. Ang mga katawhan nag-ingon man, apan ang uban moingon pa gihapon karon, “wala may nahitabo, manginabuhi na lang ta alang sa atong kaugalingon.” Haggeo 1.2

Unsa May Nangahitabo Karon ?

·         Taliwala sa 1780 hangtud 1900 ang ebanghelyo nakaylap pag-ayo nganhi sa kalibutan.

·         Taliwala sa 1900 ug 1996, katunga sa tanang mga tawo nga nangaluwas miabot ngadto sa pag-ila sa Ginoo, ug katunga niining mga tawhana naluwas niadto pang 1950.

·         Ang pentekostal ug karismatik nga mga kabag-ohan miabot sa matag nasud sa kalibutan.

·         Karon dul-an sa 2000,000,000 ka mga kalalakin-an ug mga kababayehan ang misunod kang Hesus ug sobra sa 70,000 ka mga katawhan ang medesisyon sa pagsunod kang Hesus kada adlaw, ug 59,000 kanila ang mga magtutuo nga napuno sa Espiritu.

·         Kini usa ka dakung makusganon nga pagtubo, ang daku nga kalibutanong kalihukan, apan uban sa mga katawhan moingon pa gihapon nga karon dili pa ang oras, ang kairos, aron paghimo ug pagkugi alang sa Dios.

Unsa May Problema?
Ang Ginoo nagabutang sa iyang tudlo ngadto sa tinuod nga problema. Ang mga katawhan nagagamit sa katigayunan sa Dios aron pagtukod ug mga hamugaway nga mga panimalay alang sa ilang mga kaugalingon samtang ang iyang panimalay nagpabilin nga gubaon. Niadtong mga panahona ang mga kahoy mao ang nakabsan sa kagamitan, karon kini mao ang mga pundo ug mga magbubuhat alang sa ebanghelyo. Haggeo 1.4; 9.

Makatuo Ka Ba Niini?
Kini nga kamatuoran gisusi pag-ayo nga ang Kristohanong kalibutan sa kasadpan mogasto:

99.9% sa tanan niyang kita nganha sa iyang kaugalingon.

0.09% lamang nganha sa ebanghelyo

Ug 0.01% lamang alang sa pagpamuhat sa misyon ngadto sa mga wala pa nawalihan nga mga katawhan.

Ang Ginoo nagapunting nga hangtud ang mga tawo mogasto ug salapi alang sa ilang kaugalingon, walay makatagbaw ,1.6. Siya misulti kanila sa makaupat nga higayon sa pagsabot unsa kakabos ang ilang gipuy-an bisan pa sa pag-angkon sa  tanang mga kadagaya sa ilang mga kaugalingon. Ang Dios miingon kanila sa pagtapos niining eskandalo ug itukod ang iyng panimalay. 1.8-11.

2. Ilang Nadungog Ang Tingog Sa Ginoo.

Ang pagpaminaw kanunay nagkahulogan sa pagtuman usab, tan-awa sa Santiago.22-25. Diha sa panahon ni Haggeo ang mga pangulo mituman, ug ang mga katawhan usab. 1.12. Ang Biblia nag-ingon diha sa Mga Buhat 5.32 nga ang Dios nagahatag sa Balaang Espiritu niadtong nagatuman kaniya, ug mao nga kini ania na. 2.5

3. Ang Dios Nagahimo Usab Sa Iyang Kaugalingon Nga Buluhaton.

Ang Dios nag-ingon, "Ako anaa uban ninyo," ug nagahimo sa unsa lamang nga ginahimo sa Dios tungod kay ang atong pagtuman nagadala ug buhat. Siya nagapalihok, o nagapukaw sa espiritu sa politikanhong Gobernador ngadto sa pagbuhat ug mipahinam sa Pangulong Pari ug sa tanang mga atwo, ug sila misugod sa pagtrabaho sa balay sa Dios. 1.13-15, Zacarias 4.6. Ang Dios misulti ngadto sa Gobernador, sa Pangulong Pari aron dili mahadlok, apan magmalig-on ug mamuhat kay siya anaa uban kanila. 2, 1-5

Ang Gitag-na Nga Saad
Unya ang Dios misaad ug butang diin dili labaw ka tinuod kaysa karon, nag-ingon nga siya magauyog sa langit ug sa yuta. Sa dihang ang Dios magauyog sa langit ug mopabungog sa mga madumalahong mga gahum sa kangitngit kini dili madugay sa dili pa mobati ang kalibutan sa epekto. 2.6. Kaniadto aduna kitay mga katuigan sa pag-uyog dinhi sa kalibutan uban niadtong mga dili mabangbang nga mga kagamhanan, mga nasud, mga banko ug bisan niadtong mga dagkung gahum sama sa komunismo nga nalumpag, ug kini nahitabo pa gihapon hangtud karon.

4. Tan-awa Kinsa Ang Moabot!

Unya ang gitinguha sa tanang mga nasud moabot. Daghan ang mikuha niini aron pagpasabot nga si Hesus, kinsa maoy gitinguha sa iyang mga katawhan sa matag kanasuran nga mobalik, ug siya sigurado gayud, apan ang pulong dugokan nga gigamit sa tinuod pulong plural.

Ang Gitinguha Moabot
Kini nagpasabot nga ang ‘mga matag usa nga gitinguha’, nga mao ang matag usa nga gitinguha ni Hesus sama sa 1.2 ka bilyon ka mga Intsik, Mga tawong Indio, Mga Arabo, ang mga mapahitas-ong mga taga-kasadpan ug bisan pa niadtong mga wala pa gayud naabtan nga mga walay permanente nga puloy-anan nga mga tribo moabot diha sa kairos nga oras sa Dios.

Ang katapusang lisod nga mensahe ni Haggeo mao ang giingon nga ang paghikap ug mga butang balaan dili makahimo kanato nga balaan, ang sala lamang mao ang makatakod. Sa managsamang pagkahibalo mahitungod sa Dakung Sugo wala magahimo kanimo nga magtutukod sa Gingharian, kay ang gahum wala sa pagkahibalo kundili naa sa pag-adto. 1.10-18

5. Aduna Pa Bay Nahibilin Nga Binhi Sa Bodega?

Kung ang kinabuhi dili makapatagbaw, hunahunaa ang imong mga pamaagi ug sugdi pagtukod ang balay sa Dios karon pinaagi sa pag-ampo, paglakaw, pagpadala ug paghatag. Wala pa siguro kay matawo nga mga bunga alang kang Hesus hangtud karon apan kung imong kuhaan ug sulod ang imong bodega, ang saad sa Dios mao nga, "sukad niining adlawa ako magapanalangin kanimo." 2.19

 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.