37. Gugma

Ang gugma nagpasabot nga adunay pagabuhaton

Tan-awa ang mga Pagtulon-an

Basaha Kini sa Imong Bibliya
Mga Taga-Efeso 5, 21-6.9

Ani-a ang Imo’ng Sag-ulohon nga Bersikulo
Tungod niini ang tanang katawhan makahibalo nga kamo akong mga tinun-an,
kung kamo maghinigugmaay sa usa’g usa. Juan 13.35

Pagkahuman Hisguti ang Mahitungod Niini
Unsa nga pinulongan sa gugma ang imong masabtan sa tanan?
Basin ang matag usa lainlain!

Usa ka Butang Angay Buhaton sa Dili pa ang Musunod
Sutaa pinaagi sa pagtan-aw, pagpaminaw ug pagpangutana unsa nga pinulongan sa gugma ang gitubag
sa mga tawo nga imong nailhan – mga asawa, mga higala, mga ginikanan. Buhat o sulti ug mga butang
aron pagpuno sa ilang mga kinabuhi uban sa matang sa gugma nga ilang labaw nga nasabtan!

Buluhato’ng Pangdiploma
Kung ikaw usa ka pastor unsaon nimo pagkasiguro nga ang lima ka mga pulong
sa gugma nasulti tanan ngadto sa imong katawhan.
Sa unsang mga paagi makahimo ikaw pagsulti ngadto kanila? Isulat sulod sa duha ka pahina.

Pamalandungi ang Matag Pulong Niini’ng Bersikuloha
Mga Taga-Efeso 4.26

Pag-gahin ug Pipila ka Minuto aron sa Kausaban sa Kalibutan

Pray For Hungary - 11,000,000 Eastern Europeans

Past revivals needed again, 62% RC, 25% Protestants

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Pagkat-on sa pagpadaplin sa imong kaugalingong mga tinguha aron mahimo ikaw nga mapailubon ug diosnon, sa malipayon nagatugot sa Dios sa pagpamuhat sa iyang kaugalingon uban kanimo. Kini magahimong posibli sa musunod nga lakang, nga mao ang pagkalipay nimo sa ubang katawhan ug sa pagkauyon kanila ug sa katapusan mutubo ikaw sa halawum nga paghigugma kanila. 2 Pedro 1, 6-8, Ang Buhing Biblia.

Diha sa 1 Mga Taga-Corinto 13.1-13 si Pablo hingpit nga mihulagway sa tinuod nga gugma, nga mao ang gugma diha sa buhat alang sa kahimayaan sa Dios dili walay hinugdan nga pagbati sama sa atong makit-an sa mga salida karon.

1. Mao Kining Gugma Nga Nagahimo Kanato Nga Espesyal!

Ang Dios wala lamang nagbaton ug gugma o naghatag ug gugma, siya mismo sa kinatibuk-an ang gugma sa kinaiyahan, sa pagkatawo ug sa pagkalabing hataas. Ingon nga iyang pamilya kita pinasahi sa ubang katawhan tungod sa iyang presensiya taliwala kanato ug sa iyang mahigugmaong kinaiyahan nga gipadayag pinaagi kanato ngadto sa kalibutan diin ang mga katawhan kasagaran nahigugma lamang sa ilang mga kaugalingon ug sa ilang pinakasuod ug pinakapinangga.

Kini Gugma O Wala

Kung ako magasulti sa mga dila sa mga tawo ug sa mga manolonda apan walay gugma, mahimo ako nga tumbaga nga nagatunog, kon piyangpiyang nga nagatagingting. Ug kon ako may hiyas sa pagpanagna, ug makahibalo sa tanang mga tinago ug sa tanang mga kaalam, ug kon ako makabaton sa tanang pagtuo sa pagkaagi nga mabalhin ko ang mga bukid, apan walay gugma, wala akoy kapuslanan. 1 Mga Taga-Corinto 13.1-2

Kinsa Man Ang Atong Higugmaon?

Ang Dios Amahan, Anak ug Balaang Espiritu.

Ang atong silingan sama sa atong mga kaugalingon.

Ang atong kaugalingon.

Ang atong mga kapikas sa kinabuhi.

Ang atong mga kaigsuonan sulod sa simbahan

Ang atong mga ginikanan. Mga Taga-Efe 6.2, 1 Tim 5.4

Ang atong mga pastor, 1 Mga Taga-Tes 5.13

Ang atong mga tagilungsod. Roma 9.3, 10.1

Mga bisita. Lev. 19.34; De 10.19

Bisan pa atong mga kaaway. Mateo 5.44

Ug tanang katawhan sa bisag asa. Mga Taga-Gal 6.10

2. Unsaon Ta Paghigugma Kining Tanan Nga Katawhan?

Salamat nga aduna kitay tanang tabang nga gikinahanglan tungod kay si Pablo nag-ingon kanato nga ang Dios nagbubo sa iyang gugma dinhi sa atong mga kasingkasing pinaagi sa Balaang Espiritu kinsa iyang gihatag kanato. Mahigugma kita sama sa iyang gugma, tungod kay ang atong gugma, bisan sa iyang kainiton, dili pa gihapon igo. Roma 5.5

3. Una Sa Tanan Gusto Natong Higugmaon Ang Dios.

Diha sa Marcos 12.30, si Hesus nag-ingon nga ang pinakamahinungdanon nga mando sa tanan mao ang paghigugma sa Ginoo nga atong Dios ug ania kung unsaon.

Uban Sa Tibuok Natong Kasingkasing o Espiritu,

Diin mao ang pinakasentro sa kinabuhi.

Uban Sa Tibuok Natong Kalag,

Diin atoa ang atong mga tinguha ug mga pagbati.

Uban Sa Tibuok Natong Hunahuna,

Ang atong pagpanabot ug imahinasyon.

Uban Sa Tibuok Natong Kusog,

Ang atong abilidad, kusog ug pisikal nga kagahum.

4. Ang Paghigugma Sa Dios Nagpasabot Ug Paghigugma Sa Mga Kasilinganan.

Ang ikaduhang mando ingon niini, `Higugmaa ang imong silingan sama sa imong kaugalingon.' Marcos 12.31. Sa samang paagi sa atong pag-amuma ug pagtagbo alang sa atong mga kaugalingon ato usab nga hatagan ug pagtagad ang atong mga silingan.

Kini Ba Ang Tawo Nga Nagpuyo Sa Pikas Balay?

Sumala sa pulong ni Hesus nga gigamit siya nagpasabot ug bisag kinsa nga laing tawo sa walay pagtagad sa iyang nasud o relihiyon nga uban nanimuyo kanato o kinsa atong mahimamat. Basaha ang sugilanon kung unsay nahitabo didto sa Dalan sa Jericho diha sa Lukas 10.25-37

5. Ang Paghigugma Sa Dios Nagpasabot Sa Paghigugma Sa Imong Kaugalingon.

Si Hesus nag-ingon nga kinahanglan gayud nimo apan malisod kini niadtong mga katawhan nga wala mobati nga sila gihigugma sa ilang pagkabata. Basin gipangga sila apan wala lang kini nila gibati. Kung wala nimo hunahunaa ang imong kaugalingon sulayi pagtan-aw pag-usab ang imong kaugalingon gikan sa itaas, gikan sa tinan-awan sa Dios. Ania kung unsa ka kahigugma sa Dios, igo na aron pagpadala sa iyang Anak aron pagpakamatay alang kanimo aron nga kanunay ikaw diha sa iyang mahigugmaong paggakos hangtud sa kahangturan.

Siya nagapanalangin kanimo.

Siya nagapili kanimo.

Siya nahigugma kanimo.

Siya midawat ug misagop kanimo.

Siya mibayad ug mahal alang kanimo.

Siya mipasaylo kanimo.

Siya mihatag kanimo sa kadagaya sa iyang grasya, kaalam, pagsabot ug kahibalo, ug sa iyang Balaang Espiritu usab.

Mga Taga-Efeso 1, 3-14

Oo, dili ikaw takus apan aduna kay dakung bili diha sa mga mata sa Dios. Sa pagkasayod nga gihigugma sa Dios sa maong kadagaya, makatabang kanimo sa paghigugma sa imong kaugalingon. Ingon ikaw niana kamahinungdanon.

6. Ug Ang Atong Mga Kapikas Sa Kinabuhi.

Ang mga bana kinahanglan higugmaon ang ilang mga asawa ug ang mga asawa mahimong matudloan sa paghigugma sa ilang mga bana. Mga Taga-Efeso 5.25, Titus 2.4.

Unsa Nga 'Pinulongan' Sa Gugma Ang Imong Ginasulti?
Wala ka ba kahibalo nga ang mga bana ug asawa adunay nagkalainlaing panginahanglan sa gugma, ug mga tubag ngadto sa nagkalainlaing ‘mga pinulongan’ sa gugma? Kung ang asawa dili kadungog sa iyang pinulongan mao kana ang panahon nga gibati niya nga wala siya higugmaa bisan ug dili kana mao ang hinungdan. Sama usab sa mga kalalakin-an. Kung nakahibalo ikaw sa pinulongan nga mas nasabtan sa imong kapikas nan isulti kini kanunay.

 

Ania Ang Lima Ka ‘Mga Pinulongan’ Sa Gugma:

Mapamatud-on nga mga pulong – isulti sa makanunayon.

Bililhon nga oras – ginapangandoy sa kadaghanan.

Pagdawat ug mga gasa – mas may mensahe ngadto sa uban.

Mga buhat sa pag-alagad – nagapahayag sa imong gugma.

Pisikal nga pagtandog – gikinahanglan usahay sa uban.

7. Ug Ang Paghigugma Sa Mga Kaigsuonan.

Basaha ang imong gamhanang Juan 13.35 nga sag-ulohonon nga bersikulo pag-usab. Hebrohanon 13.1, 1 Juan 4.7

Ayaw Hatagi Ang Dautan Ug Lig-on Nga Baruganan

Ang mga kalahian kanunay nga motungha taliwala sa paghunahuna sa mga katawhan apan ayaw tugoti ang dautan sa pagpahimulos. Kanunay pakig-uli sa dili pa mosalop ang adlaw, Mga Taga-Efe. 4.26. Ang Dios mismo mihatag kanato ug sayon nga paagi sa pagsulbad sa mga panagbingkil ug mga kasal-anan sa walay pag-eskandalo. Diha sa pagpakig-uli sa Mateo 18, 15-18 ang tumong sa Dios kanunay mao ang pagpugong sa pagkaylap sa kahibalo sa kasal-anan ug pagdani sa imong igsuon, dili aron pagpamuntos batok kaniya.  

 

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.