34. Ang Pagpandong Sa Mga Kamot

Ginoo, tugoti ang imong Espiritu pagpuno kanamo ngadto sa pag-awas

Tan-awa ang mga Pagtulon-an

Basaha Kini sa Imong Bibliya
Deuteronomio 34

Ani-a ang Imo’ng Sag-ulohon nga Bersikulo
Ug sa gipandungan sila ni Pablo sa iyang mga kamot, mikunsad kanila ang Espiritu Santo,
ug nagasulti sila ug mga pinulongan ug nagpanagna sila. Mga Buhat 19.6

Pagkahuman Hisguti ang Mahitungod Niini
Ang pagpamandong sa mga kamot nahitabo ba sa inyong simbahan? Kini ba usa ka butang
nga kasagaran mahitabo sa dihang adunay Obispo nga moabot
o kini ba usa ka butang nga ginahimo sa tanan?

Usa ka Butang Angay Buhaton sa Dili pa ang Musunod
Uban sa pagtugot sa inyong mga pangulo, pag-andam kamo ug panahon diin makapandong
kamo sa inyong mga kamot sa matag usa, aron pagdawat ug sa pag-alagad, panalangin o kaayuhan.

Buluhato’ng Pangdiploma
Pagsulat ug duha ka pahina aron paghulagway kung kanus-a ang nagkalain laing
mga rason alang sa pagpandong sa mga kamot mahitabo.

Pamalandungi ang Matag Pulong Niini’ng Bersikuloha
Exodo 31, 1-6

Pag-gahin ug Pipila ka Minuto aron sa Kausaban sa Kalibutan

Pray For Former Yugoslavia - Only Serbia & Montenegro remain

Bosnia, Croatia, Kosovo, Macedonia, and Slovenia have broken away

with bloodshed, suffering and intense ethnic tensions

Evangelicals are few but growing

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Diha sa Hebrohanon 6, 1-2 ang manunulat nag-ingon nga adunay unom ka mahinungdanong butang nga angay mahibaluan sa mga magtutuo, bisag unsa ka bata sa pagtuo, sa mga panginahanglanon nga mahibaluan, sa dili pa moabot ngadto sa pagkahingpit..

1. Paghinulsol,
2. Pagtuo diha sa Dios,
3. Mga Pagtudlo mahitungod sa bautismo,
4. Ang pagtapion sa mga kamot,
5. Ang pagbanhaw sa patay,
6. Ug ang walay katapusang hukom.

Ang pagpandong sa mga kamot maoy usa kanila, ug kini nagpasabot nganong usa kini sa inyong makit-an diha sa mga panagtigum sa pag-ampo ug mga serbisyo sa simbahan. Makakaplag ka ug mga pagpasabot sa ubang pasukaranan sa atong pagtuo bisag asa dinhi sa kurso.

1. Unsa Ang Pagtapion Sa Mga Kamot?

Ang pagpandong sa kamot matawag nimong usa ka buhat sa pag-alagad sa usa ngadto sa usa nga mahitabo sa dihang ang usa ka tawo mopandong sa iyang usa o duha ka kamot ngadto sa lawas sa laing tawo alang sa usa ka tino nga espirituhanong hinungdan. Kasagaran ang tawo nga magdadawat sa pagpandong sa mga kamot mahimong ampoan, o pagapropesiyahan sa samang panahon. Usahay ang grupo sa mga magtutuo magaalirong niadtong tawo nga nagkinahanglan ug sila magapandong sa ilang mga kamot kaniya.

2. Asa Nato Kini Makit-an Diha Sa Biblia?

Sa pagkatinuod, ang pagpandong sa mga kamot maoy usa sa pinakadaang pagpanalangin nga nahibaluan sa mga tawo sa Dios. Adunay mga rekord niini sukad pa sa unang kapanahonan.

Ang Pagbulag Ngadto Sa Kamatayon
Diha sa Daang Tugon ang mga Isaraelita nagapandong sa ilang mga kamot ngadto saulo sa mga mananap sa dili pa nila sunogon aron pagbalhin sa ilang mga sala ngadto sa mananap nga hinalad. Exodo 29,10; 29; 15; 19; Levitico 1,1-5; 4.15; 8.4; 8.18; 22; 16.21; 24.14. Numeros 8,12; 2 Mga Cron. 29.23;

Paghatag Ug Propesiyanhong Panalangin
Si Jacob mihatag sa iyang katapusang propesiyanhong panalangin ngadto sa iyang mga apo, sila si Ephraim ug Manasseh, pinaagi sa pag-ampo ug pagpandong sa mga kamot., Genesis 48.14.

Pagtugyan Sa Usa Ka Pangulo
Si Moises mipandong sa iyang mga kamot sa iyang katabang nga si Josue aron paghatag sa awtoridad ug kaalam ngadto kaniya ingon nga usa ka bag-ong pangulo sa katawhan sa Dios. Deuteronomio 34.9; Numeros 27, 15-23; Josue 1, 16-17; Numeros 8,10; 27,23.

Aron Pagtugyan Sa Kaayuhan
Si Hesus mitugyan sa kaayuhan pinaagi sa pagpandong sa mga kamot. Ang mga Katigulangan mohimo sa pagdihog sa lana, mopandong sa ilang mga kamot ngadto sa tawo ug mag-ampo sa kaayuhan. Ang mga magtutuo mahimo usab sa pagtugyan sa kaayuhan pinaagi sa pagpandong sa mga kamot.. Marcos 5.23; 6.5; 8.23-25; 16.18; Lukas 4.40; 13.13; Mga Buhat 9.12-17; 28, 8-9, Santiago/Jacobo 5, 14-16.

Aron Paghatag Panalangin
Si Hesus labaw nang mahigugma nga mohatag sa panalangin sa Dios ngadto sa mga gagmay’ng bata.

Aron Paghatag Kalinaw
Si Hesus mibutang sa iyang kamot ngadto kang Juan ug miingon, "Ayaw kahadlok." Pinadayag 1.17.

Aron Paghatag Sa Balaang Espiritu
Ang mga magtutuo kasagaran, maingon man ang mga pangulo, maapil diha sa pagpaambit sa bautismo sa Balaang Espiritu pinaagi sa pagpandong sa mga kamot. Mga Buhat 8,14-24; 9,10-17; 19.6.

Aron Paghatag sa mga Espirituhanong Gasa
Ang mga gasa sa grasya gikan kang Hesus maga-abot pinaagi sa Espiritu sa Dios pinaagi sa pagpandong sa mga kamot. 1 Timoteo 4.14; 2 Timoteo 1.6; Roma 1.11.

Aron Paglain Sa Mga Piniling Misyonero
Diha sa Mga Buhat 13, 1-4 si Pablo ug Barnabas gilain alang sa buluhaton sa misyon pinaagi sa pag-pandong sa mga kamot, sa ingon madawat ang espesyal nga dihog aron pagdala sa maong buluhaton.

Aron Pagsugo sa mga Magbubuhat sa Simbahan
Ang pagsugo sa pito ka mga magdudumala sa mga praktikal nga programa sa simbahan diha sa Mga Buhat 6, 1-6 kini naglakip usab sa pagpandong sa mga kamot pinaagi sa pagpandong sa mga kamot sa mga apostoles. Ang pito ka mga tawo sa pagtuo.

3. Kanus-a Man Ako Mamandong sa mga Kamot?

Sa hustong oras ug dakung pagpakabana ang angay buhaton sa dili pa ang pagpamandong sa mga kamot ngadto sa mga bag-ong miyembro sa simbahan, mga magtutudlo o mga misyonero. Ang pagpamandong sa mga kamot maoy katapusan ug pinakadayag nga paagi sa paghimog desisyon atubangan sa Ginoo. Sa walay duhaduha dili gayud ikaw gusto mopili sa sayop nga tawo, kinsa magadala lamang sa kadaot ug pagbahin bahin sa simbahan.     1 Timoteo 5.22.

4. Unsa  May Mahitabo Sa Dihang Ipandong ang mga Kamot?

Wala kita naghisgot dinhi ug ritwal o seremonya nga mahitabo sulod sa simbahan. Ang basiyo nga kamot lamang nga gipandong sa basiyo nga ulo. Kini dili mapuslan ug mawad-an ug pagtugot sa Dios. Sa dihang ang mga pangulo o mga magtutuo mipandong sa ilang mga kamot ngadto sa mga kalalakin-an o kababayehan kini tungod kay ilang gitinguha nga ang Dios mopaagi sa iyang Espiritu ug iyang grasya pinaagi niadtong mga kamot diha sa panahon sa pagpamuhat nga giunahan sa Balaang Espiritu. Deuteronomio 34.9.

Bantayi Kung Kinsa Ang Mopandong Sa Ilang Mga Kamot Nganha Kanimo
Tungod kay ang pag-agi nga mahitabo sa panahon sa pagpandong sa mga kamot matuod, ug gamhanan kaayo, ug tungod kay dili lamang ang Balaang Espiritu ang moagi, bantayi gayud pag-ayo  kung si kinsa ang imong tugotan sa pagpandong kanimo. Ayaw tugoti ang si bisan kinsa nga may kalabutan sa pagsimba ug mga espiritu o may tinuyo nga sala aron pagministeryo kanimo kay basin ug adunay pagpaambit sa dautang espiritu, diin magasamok sa imong kinabuhi..

Pangayoa sa Dios diha sadali ug hilom nga pag-ampo sa imong kasingkasing, sama sa gibuhat ni Nehemias diha sa Neh. 2.4, ug sa madali hatagi’g pagsusi ang kinaiyahan sa tawo nga gusto mopandong sa iyang mga kamot kanimo. Kung dili ikaw malipayon, sa pagkamatinahuron balibari ang tanyag.

5. Unsaon Ko Pagpandong Sa Mga Kamot?

Mahimo kining simpli tungod kay imo lamang buhaton mao nga mahimong instrumento sa panalangin sa Dios niadtong tawo nga hingtungdan. Ang Balaang Espiritu ang mohimo sa ubang mga butang ingon nga pagbalos sa imong gugma, sa imong pagtinguha, sa imong pag-ampo ug ang pagtinguha ug pagkabukas sa tawo nga modawat. 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.