32. Ang Pagkahisama Kang Hesus

Ang bunga sa Espiritu mao ang kinaiyahan sa Anak sa Dios

Tan-awa ang mga Pagtulon-an

Basaha Kini sa Imong Bibliya
1 Juan 3, 1-3; Mga Taga-Filipos 2, 1-11

Ani-a ang Imo’ng Sag-ulohon nga Bersikulo
Apan ang bunga sa Espiritu mao kini; ang gugma, kalipay, pakigdait, pagkamapailubon,
pagkamahinuklugon, pagkaayo, pagkamatinudanon, pagkaaghup ug pagpugong sa kaugalingon.
Batok sa maong mga butang walay Kasugoan. Mga Taga-Galacia 5, 22-23

Pagkahuman Hisguti ang Mahitungod Niini
May nahunahunaan ka bang tawo nga imong nailhan, o gikan sa kasaysayan, o diha sa mga balita,
nga sa makanunayong nagpakita niining matanga sa kinabuhi nga sama kang Kristo?

Usa ka Butang Angay Buhaton sa Dili pa ang Musunod
Pamalandong sa hilum ang matag Biblikal nga kahulugan sa kalipay, sa gugma, pakigdait, pagkamapailubon, pagkamahinuklugon, pagkaayo, pagkamatinudanon, pagkaaghup ug pagpugong sa kaugalingon. Sutaa ang imong kaugalingong mga kinaiya ug desisyoni kung unsaon
nimo pagkab-ot ang taas nga pasukaranan uban sa tabang sa Dios.

Buluhato’ng Pangdiploma
Pagsulat ug siyam ka mugbo lang kaayo nga han-ay nga gipakita diha sa ebanghelyo
diin si Hesus mipakita sa matag bunga sa Espiritu.

Pamalandungi ang Matag Pulong Niini’ng Bersikuloha
2 Pedro 1, 3-4

Pag-gahin ug Pipila ka Minuto aron sa Kausaban sa Kalibutan

Pray For Austria - 8,000,000 European people

83% Roman Catholic, much occultism, alcoholism and suicide

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Ang naningkamot pag-ayo aron paghatag kanato sa bunga sa Balaang Espiritu, diin mao ang matahum nga kinaiyahan ni Hesus. Unsa nga matang sa bunga ang buot makita sa Dios sa atong kinabuhi?

1. Gugma, Apan Unsang Matanga?

Adunay daghang matang sa gugma, mga bantugan kaayo. Sama pananglit diha sa Biblia atong makita ang gugma sa pamilya o mga higala, ang gugma ingon nga nahiuna, ang gugma sa kaigsuonang mga lalaki ug mga babaye, ang gugma sa salapi, gugma sa babaye alang sa iyang pamilya, ang gugma sa isigkatawo ug gugma sa kahilayan. Kining tanan nga gugma maoy tawhanong gugma, ‘phileo’, apan ang dakung gugma sa Dios lain nga pulong, ‘agape’. Nahigugma siya kanimo sa walay kondisyon, dili ubos sa kapakyasan ug dili labaw sa kalampusan. Nahigugma lang gayud Siya kanimo.

Ang Dios mismo mao ang ‘agape’! 1 Juan 4.8

Siya ‘na-agape o nahigugma kang Hesus.’ Juan 17.26

Ang Dios ‘na-agape o nahigugma’ sa mga tawo sa samang paagi ug mipakita sa ‘agape’ pinaagi sa gasa sa iyang Anak.
Juan 3.16, 1 Juan 4,9 -10.

Ang Amahan aduna pay dugang ‘agape’ alang niadtong nahigugma kang Hesus. Juan 14.21

 

Agape o Gugma Diha Sa Buhat

Sa dihang makasasala pa kita si Kristo nagpakamatay alang kanato. Mao kana ang ‘agape’ nga gugma. Roma 5.8

Tan-awa giunsa ni Hesus pagpakita sa kinatibuk-an sa iyang ‘agape’ nga gugma diha sa Juan 13, 1-34

Si Hesus nagsugo kanato sa pag ‘agape’ sa matag usa ug ipakita ang ‘agape’ ngadto sa uban. Juan 13.34,35; 1 Mga Taga-Tes 3.12; 1 Mga Taga-Cor. 13. 1-8.

 

Busa Kumusta Man Ang Imong Kinabuhi Sa Gugma?

Napugos ka ba sa paglakaw, pinaagi sa gugma ?

2 Mga Taga-Corinto 5.14-20

Unsa may buhaton uban sa gugma. 1 Juan 3.16-18

Asa makakaplag ug dugang gugma. Roma 5.5.

2. Ang Kalipay – Diha Sa Ginoo

Si Hesus gidihugan uban sa lana sa kalipay, Heb. 1.9. Si Hesus nalipay sa mga tawo, mga kasal ug mga pagsalo-salo. Adunay pulong diha sa Lukas 10.21 nagkahulugan nga siya milukso sa kalipay, ang paglantaw sa kalipay nakatabang kang Hesus sa pag-antos sa Krus. Hebrohanon 12.2.

Ang Pagsunod Kang Hesus Nagadala Ug Kalipay

Tan-awa sa Lukas 10.17; Mga Buhat 13.52

Ang mga siyudad makasinati ug kalipay. Mga Buhat 8.8

Ang kalipay maoy usa ka tumong sa ministeryo.

Tan-awa sa Mga Taga-Filipos 1.25 ug 2 Mga Taga-Cor 1.24

Buot si Hesus nga ang imong kalipay magaawas. Imong makaplagangiunsa gikan sa Juan 15.1-11.

3. Kalinaw, Sama Sa Usa Ka Suba

Ang mga pulong sa biblia nga ‘eirene’ ug ‘shalom’ nagkahulogan ug nasudnong panagdait, walay panag-away bisan tali sa duha ka tawo; kasiguroan, kalamboan, kalipay. Kini ang kalinaw sa kalag nga naluwas nga walay angay ikahadlok gikan sa Dios, kontento sa kinabuhi ug may kasiguroan sa eternidad. Si Hesus mao ang Prinsipe sa Kalinaw, ug iyang gihatag ang iyang kalinaw ngadto sa mga tawo nga wala mahimotang.dili ikahibulong nga si Pablo kanunay moabli sa iyang mga sulat uban sa pag-ampo alang sa ‘eirene.’ Isa. 9.6; 2 Mga Taga-Tes. 3.16; Lukas 7.50, 8.48.

Unsaon Pagpangita Sa Kalinaw Sa Dios
Gikan sa gisaad diha sa Mga Taga-Filipos 4.1-7

 

Himoa nga matam-is ang mga relasyon.

Pagkinabuhi nga madayegon diha sa tanang mga kahimtang.

Hibalui nga ang Ginoo duol aron pagtagbo kanimo.

Ayaw kabalaka, hinunoa pag-ampo ug pangayo sa Dios.

Ang iyang kalinaw magabantay sa imong kasingkasing ug hunahuna.

4. Hatagi Ako Ug Pailob, Karon!

Aniay usa ka pulong nga ‘makrothumia’ diin nagkahulogan ug taas nga pag-antos, paglahutay ug pagpugong sa kasuko sa dugay nga panahon diha sa pag-atubang sa paghagit. Ang pulong naglakip sa pag-antos nga gikan sa paghulat ug taas taas nga panahon niadtong mga tawong gahi ug kasingkasing sa pagduol kang Kristo, ingon nga ang Dios mismo nag-antos ug dugay sa dihang nagdugay-dugay usab kita pag-ila kaniya. Rom. 2.4, 9.22.

Pinaagi Sa Pagtuo, Ug Pinaagi Sa Pagpailob

Atong nadawat ang mga saad sa Dios. Heb. 6.12.

5. Pagkamaaghop Ug Pagkamaayo

Aniay duha ka managsamang mga pulong. Ang usa mao ang ‘chrestotes,’ pagkamaaghop o pagkamaayo diha sa kaluoy, ug ang ‘agathosune’ diin nagkahulogan pagbutang kung unsay maayo diha sa buhat.

Si Hesus Maaghop Ug Maayo

Siya usa ka 'chrestotes,' maaghop ug malumo niadtong makasasala apan mahinulsulon nga babaye apan nagabutang usab siyag kaayo nga ‘agathosune' diha sa buhat sa iyang gihinloan nga templo. Lukas 7,37-50, Mateo 21, 12-13. Tan-awa ang Mga Buhat 10.30 aron pagtan-aw sa duha ka mga butang gidihog ngadto kang Hesus.

6. Pagkamatinud-anon

Si Hesus misaad nga muona paglakaw sa iyang mga disipolo ngadto sa Galilea. Iyang gipamatud-an ang pagkamatinud-anon sa iyang pulong, ‘pistis,’ kay aron paghimo sa pulong ni Hesus nga matinud-anon kinahanglan siyang moadto sa Gethsemane, sa Krus, sa Lubnganan, impyerno, langit ug sa pagkabanhaw. Mat. 26.32.

Ang Plano Sa Dios Mao Ang Paghimo Kanimo Nga Matinud-anon.

Ang imong Oo tinuod ba gayud nga ‘Oo’? Mateo 5.37

Nagatuman ka ba sa imong mga saad? Salmo 15.5

Makatawag ba ang Hari kanimo nga usa ka maayo ug matinud-anon nga suluguon? Mateo 25.21

7. Pagkamalumo

Mao kini ang ‘praotes,’ ang kang Kristo nga pagkamapaubsanon ug pagkamalulot nga kinaiya diha sa Dios nga nagaabi-abi sa tanan niyang pagtagad kanato ingon nga maayo, bisan tuod ug wala kita makauyon niini. Si Hesus ang Lion sa Huda, apan siya usab ang malulot o malumo nga Kordero sa Dios, nga gitugyan ngadto sa Amahan. Kining mga malulot o malumo ang gipanalanginan. Mateo 5.5. Kinahanglan nga makakat-on kita gikan kang Hesus. Mat. 11.29

8. Makapugong Ka Ba Sa Imong Kaugalingon?

Kung 'Dili?' gikinahanglan mo ang ‘egkrateia,’ nga mao ang pagpugong sa kaugalingon niadtong mga tinguha ug mga halawum nga pagbati.

Si Hesus Nahibalo Unsaon Pagbalibad!

Diha sa Lukas 4.1-14 imong makita kung giunsa pagpugong ni Hesus ang iyang kaugalingon sa panahon sa kaluyahon.

Sa dihang si Hesus gigutom, ang yawa miingon sa pag-abusar sa iyang gahum aron pagtagbo sa iyang personal nga panginahanglan sa pagkaon. DILI!

Si Satanas mitintal kang Hesus diha sa paglaktaw aron paglikay sa krus. DILI!

Si Satanas misugyot ug diha-diha nga pagka inila pinaagi sa pagpakita sa kadaghanan sa ibabaw sa templo. DILI!

 

Gikinahanglan Nato Ang Tabang Sa Dios Aron Pagpugong Sa Kaugalingon

Aron pagbilanggo sa mga hunahuna. 2 Mga Taga-Cor. 10.5

Aron pagpanton sa dila. Santiago. 3.8, Mga Buhat 2.4

Aron pagpugong sa atong mga lawas. 1 Mga Taga-Tes. 4.4

 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.