31. Ang Madagayaong Kinabuhi

Himamata si Zoe, ang mananaog

Tan-awa ang mga Pagtulon-an

Basaha Kini sa Imong Bibliya
1 Juan 2, 12-14 ug Mga Taga-Galacia 5, 16-26

Ani-a ang Imo’ng Sag-ulohon nga Bersikulo
Si Hesus miingon, "Ang kawatan mianhi aron pagpangawat, pagpatay ug paglaglag;
Ako mianhi aron kamo makabaton sa kinabuhi, ug makabaton sa madagayaon gayud." Juan 10.10

Pagkahuman Hisguti ang Mahitungod Niini
Mga Taga-Efeso 4.18 nag-ingon nga ang tawo una nahimulag gikan sa kinabuhi
sa Dios pinaagi sa pagkalaglag. Unsa man kaha ang kinabuhi alang kang Adan?

Usa ka Butang Angay Buhaton sa Dili pa ang Musunod
Pamalandungi ang pinadayag nga gihatag diha sa Roma 6, 1-6 ug matag adlaw
isugid ang mga kamatuoran ug dawata kini pinaagi sa pagtuo ug pag-ampo.
Ingna ang Dios nga himuon ang kamatuoran nga matuod ug nasinati nimo.
Paghimo ug pagtala sa mga kalainan sa dihang kini magasugod pagtungha.

Buluhato’ng Pangdiploma
Tun-i ang Mga Taga-Gal. 2.20, Mga Taga-Col. 1.29, Mga Taga-Efe. 3.20, Mga Taga-Fil. 2.13 ug pagsulat
ug usa ka pahina aron paghulagway sa pagtuo sa pamaagi sa kinabuhi ug ministeryo ni Pablo.

Pamalandungi ang Matag Pulong Niini’ng Bersikuloha
Mga Taga-Galacia 2.20

Pag-gahin ug Pipila ka Minuto aron sa Kausaban sa Kalibutan

Pray for Liberia - 3,000,000 people, 37% Christian

An African nation destroyed by war , many believers have fled or died

It will be a long hard struggle to rebuild

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Unsa Man Ang Madaugong Kinabuhi

Diha sa Juan 10.10 ang pulong nga gigamit ni Hesus gikan sa iyang kaugalingong pinulongan alang sa kinabuhi mao ang ‘Zoe’. Mga katawhan usahay maghunahuna nga ang kinabuhi masukod sa kadaghan sa mga kabtangan nga anaa kanato, apan si Hesus hugot nga misupak. Sa Lukas 12.15. Zoe mao ang kinabuhi nga gipuy-an ni Hesus; kaugalingong kinabuhi sa Dios, kinabuhing walay katapusan, kinabuhing madagayon, matuod ug putli; kinabuhi nga aktibo ug malagsik, hinalad ngadto sa Dios, bulahan karon, ug nagapadayaon hangtud sa kahangturan.

Ang Plano Sa Dios Alang Kanimo Mao Ang 'Zoe.'

Roma 8.29-30 nag-ingon ~

Siya nagahimo sa tanang butang nga mamuhat sumala sa Iyang plano ug katuyoan, alang sa imong kaayohan.

Siya nakaila na kanimo sa wala pa ang sinugdanan.

Siya nagatawag kanimo.

Siya ang naghatag katarungan kanimo, mikuha sa imong mga kasal-anan.

Siya nagabudlay sa paghimo kanimo nga mahisama kang Hesus.

Siya human na sa pagtuboy kanimo, ug pinaagi sa pagtuo ang himaya mao ang imong siguro nga destinasyon.

2. Unsay Buot Ipasabot Sa Pagkahisama Kang Hesus?

Sa dihang ang Dios miingon nga kita iyang gihimo aron mahisama sa hulagway sa iyang Anak, wala niya gipasabot nga ang atong lawasnong panagway kundili ang atong kinasuloran o kinaiya. Ang Dios magadala sa iyang mga kaanakan sa usa ka panaw sa kabag-ohan, Genesis 1.26, nagahimo kanato nga mahisama pa gayud ug dugang kang Hesus, ang Anak sa Dios, pagpakig-ambit sa iyang pagkabalaan, sa iyang huna huna, sa iyang kinaiayahan ug sa iyang kinaiyang hamili.

Gusto natong mahisama kang Hesus apan usahay masipyat kita sa pagpaningkamot pagtabang sa Dios pinaagi sa pagpaningkamot nga mahimong maayo, o pinaagi sa pagtuman sa mga relehiyusong mga balaod. Atong gihimo ang tanan matang sa tawhanong pagpaningkamot ug unya madismaya lamang tungod kay kita mapakyas. Hangtud nga atong makaplagan nga adunay makusog nga panagbingkil sa sulod kanato tali sa duha ka managsukwahi nga mga kinaiyahan, ang atong daang makasasala nga kinaiya ug ang atong bag-ong mahigugmaon sa Dios nga kinaiya. Mao nga atong mga kasingkasing ngatinguha sa pagbuhat kung unsay makahimaya sa Dios apan usahay ang atong mahimo mao ang sukwahi. Mga Taga-Galacia 5.17-21, Roma 7, 15-25

3. Unsaon Nato Pagpahigawas sa Diosnong Kinabuhi?

a. Pilia Ang Pagkinabuhi Pinaagi Sa Espiritu
Mas maayo nga tugotan ang ‘Balaang’ Espiritu aron pagdumala sa imong kinabuhi matag adlaw kaysa maningkamot ug mopuyo sa kinabuhi pinaagi sa balaod sa libro. Mga Taga-Gal. 5.1; 16; 18. Tugoti ang Balaang Espiritu sa pagdala sa bunga sa gugma, kalipay, kalinaw, pagkamapailubon, pagkamahinuklugon, pagkamaayo, pagkamatinumanon, pagkaaghop ug pagpugong sa kaugalingon sa imong kinabuhi. Mga Taga-Galacia 5, 22,23

Ang Duha Ka Pako Sa Salampati Sa Dios
Ang mga katawhan nagaapas sa mga gasa sa Espiritu apan ang bunga sa Espiritu mahinungdanon usab kaayo kay kini mao ang pagpahigawas sa kinaiya ni Hesus. Sa dihang makakita ka ug bunga aduna kay siguro nga kamatuoran nga ang Dios nga nagapamuhat sa imong kinabuhi aron paghimo kanimo nga mahisama pa gayud kang Hesus. Ang bunga sa nausab nga kinabuhi usa usab ka maayong kamatuoran. Ang Balaang Espiritu ang motanum sa mga binhi sa bunga sa atong mga kasingkasing apan kinahanglan atong tugotan ang binhi nga motubo ngadto sa kinabuhi nga sama kang Kristo aron makita sa tanan.

Tungod kay ang tawo may kahibalo sa paggamit sa gahum sa mga gasa sa Espiritu wala nag-garantiya sa maayong moral nga kinaiayahan o balaang kinabuhi. Kanunay pangitaa ang bunga.

b. Pilia Ang Pagpatay Sa Daang Kinabuhi
Basaha ang nasulat diha sa Mga Taga-Galacia 5.19  alang sa hulagway sa usa ka tawo sa dihang siya magpuyo lamang sa iyang kaugalingon. Usa ka ngil-ad ug daang kinabuhi miabot kanato gikan sa unang tawo nga si Adan, kinsa sa tinuyo misupak sa Dios aron pagsunod sa mga bakak ni Satanas.

Ang Dios mibiya kaniya ug ang espiritu ni Adan diin siya nasayod nga ang Dios namatay uban kaniya; ug siya nahibilin lamang uban sa iyang lawas ug kalag. Sukad karon ang kaugalingong interes sa tawo nagahari sa iyang kinabuhi. Gusto niya ang iyang kaugalingong pamaagi ug dili ang pamaagi sa Dios. Ang mangil-ad ug daang kinaiya ang giingon ni Pablo nga angayan natong ilansang, ibutang ngadto sa kamatayon. Mga Taga-Galacia 5.24.

Unsaon Nimo Paglansang Ang Imong Kaugalingon?
Sulayi! Barog, ibutang nga aduna kay krus, martilyo ug mga lansang alang sa mga tiil ug mga kamot. Insakto! Dili nimo mahimo! Bisan unsaon nimo ug paningkamot dili ka makapatay sa imong ngil-ad ug daan nga kinaiya. Apan aniay maayong balita.

Si Hesus Ang Nihimo Niini Alang Kanimo.
Ang tanan nga angay nimong buhaton mao ang pagdawat nianang kamatayon ug bag-ong kinabuhi pinaagi sa pagtuo. Ania kung unsaon.
Diha sa Roma kapitulo 1 ngadto sa 5 ang Dios modala sa tawo ngadto sa usa ka dapit. Ang usa ka walay mahimo nga makasasala ug dili makaluwas sa iyang kaugalingon hangtud nga iyang makaplagan nga si Kristo nagpakamatay alang kaniya. Mao kini ang modala sa tawo ngadto sa pagpakigdait uban sa Dios. Roma 5 ngadto sa 7.25 mohatud sa magtutuo ingon nga walay mahimo nga santos ngadto sa dapit nga walay paglaum nga nagatuaw alang sa kaluwasan. Rom. 7.24. Ang pagkaplag sa tubag magahatud sa tawo ngadto sa kalinaw uban sa iyang kaugalingon.

Unsa May Tubag?

Kini makit-an pinaagi sa pagtuo Roma 6.1-14.

 

Ang atong ngil-ad ug daang pagkatawo namatay sa makausa ug sa tanang panahon, didto sa Krus uban kang Kristo. 6.6.

Ang patay nga daang kinaiyahan nalubong uban kang Hesus. 6, 4-5

Kita nahiusa uban kang Hesus diha sa iyang pagkabanhaw, sa iyang bag-ong kinabuhi, ang atong Zoe. Apan pagbantay, ang atong ngil-ad ug daang kinaiyahan dili magpabilin dinha sa lubnganan nga walay pagpanglimbasog. Kinahanglan kang molahutay niini nga kamatuoran aron pagpahigawas sa hingpit nga kadaugan. Roma 6.4,5,8,10

 

Matag adlaw isipa ang imong kaugalingon nga patay na sa sala

Matag adlaw isipa ang imong kaugalingon nga buhi ngadto sa Dios ug ihalad kaniya ang imong lawas aron magamit. 6.11

Pinaagi sa pagtuo ipagawas ang kinabuhi ni Kristo ug paghari diha sa kinabuhi sama sa gibuhat ni Pablo. Basaha ang iyang pagpamatuod diha sa Mga Taga-Galacia 2.20; Mga Taga-Colosa 1.29; Mga Taga-Efeso 3.20; Mga Taga-Filipos 2.13 ug Roma 5.17.

 

Roma 8 maoy usa ka mahimayaong kapitulo mahitungod sa kinabuhi nga pinangunahan sa Espiritu. Basaha giunsa sa mga magtutuo pagsalibay sa pagkahinukman ug sa balaod sa sala ug kamatayon, ug pagbalhin ngadto sa balaod sa Espiritu sa kinabuhi, nga mao ang 'Zoe,' ang madaugong kinabuhi.

c. Sa Katapusan, Padayon Sa Paglakang Uban Sa Espiritu.
Diha sa Mga Taga-Gal. 5.25 si Pablo nag-ingon nga karon aduna kitay tinuod ug matuod nga kinabuhi pinaagi sa Espiritu, magamartsa kita nga naglinya uban kaniya ingon nga sundalo, sa madagayaon, nagatan-aw sa mga butang nga nangahimong maayo. Apan pagbantay sa imong kaugalingon, si Pablo nagapasidaan kanato mahitungod sa daghang mga pagtintal diha sa gamhanang kinabuhi nga pinangunahan sa Espiritu. 5.26 - 6.2.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.