30. Panan-awon

 Si Handel nakakita sa himaya sa Dios ug misulat "Ang Mesiyas"

Tan-awa ang mga Pagtulon-an

Basaha Kini sa Imong Bibliya
Isaias 43.18, Pinadayag 1, 9-18,1 Mga Cronicas 28, 11-12

Ani-a ang Imo’ng Pahinumdum nga Bersikulo
Diin walay pana-awon, ang katawhan nagsalikway sa pagpugong; apan kadtong nagabantay sa
Kasuguan, malipayon siya. Mga Proberbyo 29.18.

Pagkahuman Hisguti ang Mahitungod Niini
Unya unsa may imong nakita? Ipakabahin ang imong panan-awon, mga kasakit, mga kapakyasan
o ang kakulang sa panan-awon sa walay lipod-lipod uban sa matag usa.

Usa ka Butang Angay Buhaton sa Dili pa ang Musunod
Susiha ang imong kaugalingong kasingkasing ug tan-awa ang pana-awon nga gihatag sa Dios kanimo. Ayaw ug dawat ug kapalaran apan kab-ota ang destinasyon nga gitagana sa Dios kanimo, sa imong pamilya, sa ministeryo, sa simbahan ug sa umaabot. Paghimog mga pipila ka mga sinulat ug tagoi kini
aron imong tan-awon sa umaabot nga mga katuigan.

Buluhato’ng Pangdiploma
Palamboa ang tema sa mga langgam nga magdadagit pinaagi sa pagsulat. Unsaon niini pag-apekto
sa bag-ong panan-awon diha sa pagbuhat. Unsa kahay mahitabo?

Pamalandungi ang Matag Pulong Niini’ng Bersikuloha
Exodo 25.8

Pag-gahin ug Pipila ka Minuto aron sa Kausaban sa Kalibutan

Pray For Mexico - 98,000,000 mainly poor people

Dynamic growing nation, many social & political problems

88% Catholic, 5% evangelicals, long history of persecution

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Si Jeremias usa ka batan-ong lalaki nga nagsugod pa lamang sa iyang paglakaw kauban sa Dios, nag-alagad sa templo. Usa ka adlaw ang Ginoo nagpakita kaniya ug miingon kaniya nga siya nailhan na sa wala pa siya natawo, ug nga siya usa ka espesyal nga batan-on, gilain sa Dios aron mahimong propeta. Si Jeremias milalis nga siya usa lamang ka batan-on apan ang Ginoo mipasalig kaniya ug mihatag kaniyag mga dagkung saad. Unya ang Ginoo nangutana kaniya, Jeremias 1,4-12.

Jeremias, Unsa May Imong Nakita?

Si Jeremias mitubag sa insakto. Iyang nakita ang unang mga ilhanan sa bag-ong kinabuhi sa iyang yuta.

Ang Ginoo miingon, Insakto, Ako nagatan-aw ibabaw sa akong pulong aron pagbuhat niini!

1. Unsa Imong Nakita Gikan Sa Ginoo?

Kinsa man ang kinahanglan nga adunay nagdilaab nga panan-awon?

Ang matag magtutuo alang sa iyang kaugalingon, iyang panimalay, iyang serbisyo ug kaugmaon.

Ang matag pangulo alang sa Mga Buhat 2.42-47 nga kasimbahanan ug sa gipanalanginana sa Dios nga dapit ug rehiyon.

Ang matag simbahan sa tibuok kalibutan.

Ang Biblia nag-ingon nga kung walay pana-awon ang mga katawhan mangalaglag, Mga Proberbyo 29.18. Ug ang unang malaglag mao ikaw gumikan sa kalaay sa imong Kristohanong kinabuhi. Ang pagbaton ug panan-awon mas labaw pa kaysa sa makita nato diha sa usa ka tigum sa Karismatik nga pagsimba. Kini usa ka halawum nga pagkahibalo  kung nganong natawo ka karon, ug bisan pa pinaka-importante, nganong ikaw, ug dili ang uban, ang natawo pag-usab diha sa mga kamot sa Dios.

2. Ang Panan-awon Mao Ang Mapanagnaong Bag-ong Kinabuhi Gikan Sa Dios

Usa ka pagtan-aw sa umaabot sa dili pa kini mahitabo kon kita magmatinumanon sa Dios, apan pagbantay – ang demonyo nagdumot sa saad sa bag-ong kinabuhi. Misulay siya pagpatay sa batang si Moises kinsa maoy mamahimong manluluwas sa usa ka nasud. Misulay usab siya pagpatay sa batang si Hesus, kinsa maoy mamahimong manluluwas sa tibuok kalibutan. Siya nagaatake sa mga bata sa sabakan karon. Siya nagaatake sa mga bag-ong natawo nga mga Kristohanon ug sa samang paagi ang bag-ong panan-awon mamahimo usab nga atakihon!

Panan-awon Ug Mga Langgam Nga Mananagit

Sa nanglabay nga katuigan nagapanaw kami sa usa ka disyerto sa Kasadpang Aprika padulong sa pagbisita ug usa ka halayo nga eskwelahan sa biblia. Sa unahan may nakita kaming mga langgam magdadagit nga nanag-alirong ug kami nasayod sumala sa among makit-an nga mga salidang kinawboy nga adunay namatay o patay na. Unsa kaha kadto? Nag-usab kami ug agianan ug miabot kami sa pipila ka mga minuto.

Mga Langgam Magdadagit
Sa among pag-abot nakakita kami ug grupo sa pito ka dagku ug itom nga mga langgam magdadagit sa yuta ug nagpadulong sa usa ka bag-ong natawo nga kanding kinsa ang inahan luya pa kaayo aron pag-abog kanila. Amo silang gihadlok hangtud nga ang maong gamayng kanding nakahigayon pagdagan. Samatang nagasud-ong sa pito ka itom nga mga langgam nagpakita kini kanamo ug hulagway sa gahum sa kangitngit ug ang ilang pag-atake batok sa mga bag-ong natawo nga mga panan-awon ug mga plano. Ang Biblia nagatawag, sa mga gahum sa kangitngit, ‘mga langgam sa kahanginana.’ Kini nga mga langgam nagadasdas batok kanimo sa dihang ikaw magapanamkon ug plano. Sila motuyo pag-atake sa imong panan-awon ug mohatag kanimo ug kalisdanan sa pagsugod ug sa pagpadayon.

3. Ang Mga Langgam Sa Kahanginan.

Langgam 1 Mao Ang Gitawag Ug Pagka Walay Pagtuo
Siya magalingkod sa imong abaga ug magsige ug iyagak, "Nag-ingon ba gyud kaha ang Dios niini?"

Langgam 2 Mao Ang Gitawag Ug Pagduhaduha
Siya nag-ingon, "Ayaw ug salig sa Dios, mga tawo o sa imong kaugalingon." Si Moises naminaw sa iyang pag-iyagak ug miingon sa Dios, " Kinsa man ako? Dili sila mutuo kanako! Dili ko kamao mosulti! Palihug, padala lang ug lain!”

Langgam 3 Mao Ang Gitawag Ug Kahadlok
Siya nag-ingon, "Unsa may ikasulti sa mga tawo kung masipyat ka, mausab ba kaha o mapakyas." Moingon siya ayaw ug sulay sa peligro.

Langgam 4 Mao Ang Gitawag Ug Pagkabugnaw
Si Josue gipasidan-an sa Dios sa pagbantay sa itom, batig nawong nga langgam magdadagit. Josue Kap. 1, Deut. 31.6.

Langgam 5 Mao Ang Gitawag Ug Katapul
Nakita kini ni Haggeo sa palibot, ug miingon sa iyang katawhan sa pagmalig-on ug pagtrabaho. Haggeo 2.4

Langgam 6 Mao Ang Gitawag Nga Mga Pagsamoksamok
Siya usa ka gamhanang langgam nga nagalingkod sa atong abaga ug nagahunghong sa ubang mga butang nga atong angay buhaton, karon. Lukas 8.14

Langgam 7 Mao Ang Gitawag Ug Pagka Walay Pasensya
Siya usa ka maldito ug batig nawung nga mananap. Kung dili ka niya mapalangay pinaagi sa kahadlok iya kitang itulod aron mag-una sa Dios. Kung ang pagtuo mahimo nang pamasin, ang panan-awon nga unta pangulohan sa Espiritu mahimo nang buhat sa unod ug modangat ngadto sa kapakyasan! Pagbantay gayud niini, kay siya ma-igmaton kaayo ug makahimo pagdani sa imong pagka walay pasensya.

Nganong Adunay Samang  Pag-atake Gikan Sa Demonyo?
Mao kini ang Proberbyo 29.18. Bisan ang batang panan-awon nagpasabot nga gamay ra ang mga tawo nga malaglag. Diha sa Mateo 25 imong makita ang mga maalamong mga birhen nga may panan-awon sa pagpangandam, maalamong mga suluguon nga may panan-awon sa paggamit sa tanan nilang mga gasa ug maalamong karnero nga may nagdilaab nga panan-awon aron pagministeryo sa uban.

4. Busa Unsa May Imong Nakita?

Basin ug wala kay panan-awon ?

Kung wala, buhata ang sama sa gibuhat ni Juan ug sulod ngadto sa Espiritu, ug tan-awa si Hesus!

Pinadayag 1.10

Tingali May Nakita Kang Gamay?
Kung ang imong panan-awon napakyas nan ilubong kini sa siguro ug sa matuod nga paglaum alang sa mas hingpit nga pagkabanhaw. Mga Buhat 16, 6-10

Milikay Ka Ba Palayo Gikan Sa Usa Ka Panan-awon?
Hinumdumi nga ang pulong sa Ginoo miabot kang Jonas sa ikaduhang higayon, ug kang Juan Marvos usab. 2 Timoteo 4.11

Nag-antos Ba Ikaw Sa Usa Ka Panan-awon?
Hinumdumi nga si Jose adunay tataw kaayo nga panan-awon apan nag-antos usa siya diha sa lawas ug kalag, Salmo 105.19, ug si Habakuk usab diha sa kasingkasing ug kalag. Hab. 2.3. Tan-awa unsay gisulti ni Daniel diha sa Daniel 10, 7- 8, 16 -17. Gikinahanglan siyang lig-onon sa Dios aron pagpadayon,. Sama kang Daniel, 10.14, pagbantay sa insaktong panahon, kay kana mahinungdanon.

Ug alang niadtong kadaghanan kinsa may mga panan-awon -
Buhata ang sama sa gibuhat ni Abraham diha sa Gen. 15, 5-10:
Dugangi pud ug personal nga pagsakripisyo ang panan-awon.
Hinginli palayo ang mga langgam sa kahanginan, 11
Paabota ang Dios mokompirma sa panan-awon, 13

 

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.