29. Ang Kinabuhi Sa Pagtuo

Ang pagtuo mao ang pagkamalinawon ug nagatuo sa Dios

Tan-awa ang mga Pagtulon-an

Basaha Kini sa Imong Bibliya
Hebrohanon 11

Ani-a ang Imo’ng Pahinumdum nga Bersikulo
Ug sa mitubag si Hesus, miingon kanila: Tumuo ka sa Dios. Sa pagkamatuod nagaingon ako kaninyo:
Bisan kinsa nga mag-ingon niining bukid; pahawa ug lumayat ka sa dagat, ug dili
magduhaduha sa iyang kasingkasing apan motuo nga ang iyang 
giingon mahimo, siya makabaton niini. Marcos 11.22 - 23.

Pagkahuman Hisguti ang Mahitungod Niini
Nganli ang mga bukid nga nagabarog atubangan kanimo, nga nagababag sa imong paglambo.
Pakigsulti kanila diha sa pag-ampo. Mandoi sila sa paghawa.

Usa ka Butang Angay Buhaton sa Dili pa ang Musunod
Pagsulat ug lista sa tanang mga saad nga gihatag sa Dios kanimo. Susiha ang imong kasingkasing
aron pagtan-aw kung gituhuan mo pa ba gihapon ang Dios bisan sa mga pagbatok
o pagsupak sa higayon. Kung imong gikinahanglan, paghinulsol ug tuo kaniya pagbalik,
pasalamati ang Dios pinaagi sa pagtuo sa iyang mga tubag.

Buluhato’ng Pangdiploma
Pagsulat ug balig duha ka papel nga naghulagway sa nagkalainlaing klase sa pagtuo nga makita sa Biblia.

Pamalandungi ang Matag Pulong Niini’ng Bersikuloha
Filemon 6

Pag-gahin ug Pipila ka Minuto aron sa Kausaban sa Kalibutan

Pray For Japan - 126,000,000 wealthy, lost people

Mainly ancestor worshippers, 250,000 evangelical believers

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Unsa Man Ang Pagtuo?

Ang simpling tubag naa makita sa Hebrohanon 11.6 diin nagsulti nga kinahanglan kang motuo nga ang Dios tinuod, ug nga siya ang magaganti niadtong makugihon nga nagapangita kaniya.

Sa Aprika may nahimamat akong usa ka tawo nga natawo diha sa kakahuyan, sulod sa kapubrihon apan karon nanag-iya ug usa ka buhatan, maayong balay ug sakyanan. Siya usa ka agalon ug usa ka pangulo sa simbahan, nagatagamtam sa gihatag sa Dios nga kauswagan uban sa responsibilidad, diha sa usa ka yuta sa makalilisang nga kapubrihon.

Giunsa Man Niini Pagkahitabo?
Siya miingon, "Usa ka adlaw sa mga nanglabayng katuigan may usa ka misyonero nga nagwali sa ebanghelyo didto sa akong Muslim nga baryo. Isip usa ka bata mituo ako sa Dios, midawat kang Hesus ug nagsugod ako pag-ampo sa tabang sa Dios nga ako maka nagdto ug eskwelahan, dayun sa unibersidad, ug hangtud sa unahan. Ako lamang gibutang ang akong pagtuo diha sa mga saad sa Dios.”

2. Pinaagi Sa Pagtuo . . .

Gikan sa Hebrohanon 11.1-39

 

Makasabot kita sa kalibutan ug kung asa kita gikan. 3

Makasimba kita sama sa gibuhat ni Abel. 4

Makapahalipay kita sa Dios. Sama sa gibuhat in Enoch. 5

Makalikay kita sa mga katalagman, bisan pa makaluwas sa atong mga pamilya. Sama sa gibuhat ni Noe. 7

 

Makadawat kita sa tawag sa Dios ug motuman. Sama sa gibuhat ni Abram. 8

Makahimo kita kung unsay dili mahimo sa pisikal. Sama sa gibuhat ni Sara. 11

Makahibalo kita nga ang pagtapos sa kapanahonan haduol na ug mobuhat sa atong parte niini. 13-16

Makahalad kita sa atong pinakamaayohan sa pagkahibalo nga ang Dios matinudanon. Sama sa gibuhat ni  Abraham. 17

Maka-ikyas kita gikan sa sala ug makatan-aw sa dili makita. Sama sa gibuhat ni Moises. 25, 27

Ang Biblia nag-ingon nga, "Kining mga tawhana nagpadayon sa pagpuyo sa pagtuo bisan sa ilang kamatayon.” ug nga, “ kining tanan gipahimotang alang sa ilang pagtuo, bisan walay si bisan kinsa kanila ang nakadawat sa unsay gisaad kanila." 11.13, 39

Nganong Wala Man?
"Ang Dios adunay mas maayong mga butang sa iyang hunahuna alang kanato nga makaayo usab kanila, kay dili sila makadawat sa ganti sa katapusan sa lumba hangtud dili kita makahuman sa lumba."

3. Nan Unsa Man Kining Giingo’ng Kinahanglanon Nga Pagtuo?

Ang pagtuo mao ang simpli nga pagtuo nga ang Dios tinuod, ug nga siya magatuman sa iyang pulong. " Numeros 23.19. Usa ka igsoong babaye giingnan sa iyang doktor nga gamay ra ang iyang purohan nga makaanak. Midumili siya ug mga sinulay nga pagtambal ug mibutang ug pagtuo sa saad sa Dios diha sa Exodo 23.25. Milabay ang mga katuigan, daghan nang mga luha ang miagas ug ang pagtuo nagkaluya na. Usa ka bulan pagkahuman sa usa ka espesyal nga pagpangusog diha sa pag-ampo sa katapusan namabdos siya.  Ang samang doktor nga miingon “imposibli” ang mipaanak sa usa ka milagrosong anak, Elisabet, diin nagpasabot nga ang Dios nagatuman sa iyang saad.

Ang Pagtuo Mao Ang Pagtawag Ngadto Sa Dios

Unsa may nahitabo niadtong mga tawo kinsa

Nangasaag sa kinabuhi? Salmo 107, 4-9

Ug niadtong mga tawo nga nangawala diha sa sala? 10-16

Ug niadtong mga tawo nga nangawala diha sa balatian? 17-22

Ug bisan pa niadtong mga tawo nga nangawala ug naa sa kakuyaw diha sa panaw? 23-31

4. Asa Man Gikan Ang Pagtuo?

Adunay pagtuo nga moluwas, ang gasa sa Dios, Mga Taga-Ef. 2.8, ug

Pag-alagad nga pagtuo, Rom. 12.3, 2 Tim. 1.6

Pagtuo nga nagapasaylo, Lukas 17.5

Ang pagtuo mao ang ‘pagpaminaw’ unsay gisulti sa Dios, pinaagi sa Biblia,

pagwali, mga teyp ug mga libro. Roma 10.17

aduna ang gasa ang pagtuo 1 Mga Taga-Cor. 12.9.

5. Ang Pagtuo Nagpasabot Nga Mosalig Ka Diha Sa Imong Kasingkasing

Kita lawas, kalag ug espiritu, 1 Mga Taga-Tes. 5.23, apan tungod kay ang Dios Espiritu, Juan 4.24, ato siyang saligan diha sa atong espiritu, ang biblikal nga pulong sa atong kasingkasing. Ang kasingkasing mao ang panimalay sa mainitong pagpuyo sa pagtuo, ug mao kana’ng patukuranan sa Dios sa atong hunahuna diin maoy pundohanan sa nangakat-onan ug tawhanong kaalam, Marcos 11, 23-24; Roma 10.10.  Mga Proberbyo 23.23 nagsulti kanato sa pagpalit sa kamatuoran ug dili pagbaligya niini, nagpasabot nga ang kamatuoran may bili, ug nga ang bili mahimong ang pagtuo sa mga saad sa Dios batok sa tanang sukwahi nga mga kahimtang. Usahay ang manggialamon apan dili espirituhanong hunahuna mobaligya sa kamatuoran sa Dios alang sa tawhanong kapilian, diin sa pagkatinuod nga ang maong alternatibo kinahanglan mabutang sa iyang dapit luyo sa nagalihok nga pagtuo diha sa pulong sa Dios. Si Pablo, usa ka maalamon sa iyang panahon misulti nga magkinabuhi kita sa pagtuo ug dili sa atong makita. 2 Mga Taga-Cor. 5.7

Sa daghang katuigan usa ka igsoong lalaki ang nanghulam ug sakyanan, apan ang tag-iya miagi ug kalisod ug ang panalangin daw sa nahurot na. Nabasa niya sa Deut. 28.31 nga usa sa tunglo sa balaod mao nga ang imong asno gihulaman ug wala giuli. Siya miingon, “Diha kang Hesus ako napanalanginan,” mao nga siya midumili sa tunglo ug nangayo sa Dios ug bag-ong asno. Naglakaw lakaw siya bisag asa sulod sa pipila ka simana nga nagpasalamat sa Dios sulod sa iyang kasingkasing sa bag-ong ‘asno.’ Daw sa wala nay paglaum apan sa kalit lang may usa ka tawag sa telepono gihatagan siya ug maayong sakyanan diin sa hilum gitudlo sa Dios ngadto sa usa ka mainampuon nga tawo aron palitan siya.

6. Ang Pagtuo Karon Na

Diha sa Hebrohanon 11.1 imong makit-an ‘Karon’ ang pagtuo. Ang Pagtuo wala nagasalig nga ang Dios makahimo, o kung siya mohimo, kun dili nga siya nakahimo na niini. Ang tinuod nga pagtuo nagasalig nga ang tubag anaa na diha sa Dios ‘karon’ ug ang panalangin akoa na ‘karon’ – bisan sa wala pa kini makit-an o mahuptan. Sama pananglit, dili nga ang Dios makaluwas kanako o moluwas kanako. Natural makahimo siya!

Ang tinuod mao nga:
Si Hesus miluwas na kanako didto sa Krus.

Ako kining nakaplagan pinaagi sa pinadayag,

Ako siyang gidawat, ako siyang gipasalamatan,

Ug ang iyang kaluwasan nahimong akoa.

Sama, sa purtahan ngadto sa kaayuhan, kagawasan, panalangin ug kauswagan dili na sa umaabot sa pagtuo nga mahimo ni Hesus, o bisan pa motagbo sa imong gikinahanglan. ‘Karon’ ang pagtuo nagdawat gikan sa Krus diin ang iyang natapos nga buluhaton mitagbo sa tanan nakong mga kinahanglanon sa milabayng 2000 anyos! Tuo, dayga siya, pasalamati siya, ug paghulat diha sa pagtuo.

7. Ang Pagtuo Nag-atubang Sa Kamatuoran Ug Nagasalig

Sama sa gibuhat ni Abraham ang amahan sa atong pagtuo isisp sumbanan alang sa tanan nga nagasunod kaniya. Siya ang amahan sa atong pagtuo. Basaha ang sugilanon diha Roma 4,19-21.

Pagkahuman ug ingon ni Tomas, " dili ko motuo."

Si Hesus mitungha ug miingon kaniya, "Tomas, hunong sa pagduhaduha, sugdi sa pagtuo." Si Tomas mikompisal, "Akong Ginoo ug akong Dios," naghinulsol sa iyang pagka dili matinuohon, ug milakaw aron pagwali diha sa karaang India. Kinsa man ang imong pilion nga sundon, si Abraham o si Tomas? Juan 20, 24-29.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.