28. Pagsimba

Simbaha ang Ginoo diha sa katahum sa himaya

Tan-awa ang mga Pagtulon-an

Basaha Kini sa Imong Bibliya
Pinadayag kapitulo 4 ug 5

Ani-a ang Imo’ng Pahinumdum nga Bersikulo
Manag-alagad kamo kang Jehova nga inyong Dios ug siya magapanalangin sa imong tinapay ug tubig.
Ug pagakuhaon ko ang sakit gikan sa taliwala mo, ug walay bisan kinsa nga kakuhaan sa iyang anak, ni
maapuli diha sa imong yuta, ug pagatumanon ko ang gidaghanon sa imong mga adlaw. Exodo 23,25-26

Pagkahuman Hisguti ang Mahitungod Niini
Unsa man ang laing mga diosdios ug mga dili tinuod nga dios nga gisilbihan sa mga tawo
aron alagaran karon diin nakapahimo sa Dios nga masilos ug masuko?

Usa ka Butang Angay Buhaton sa Dili pa ang Musunod
Pagplano ug usa ka gabii diin hinalad lamang ngadto sa pagsimba sa Dios,
gamit ang tanag matang sa pagsimba kung mahimo. Pangita ug pagpili ug
mga dinihugang mga tawo nga moapil ug mopahalipay pag-ayo sa Dios
uban sa panagkaangay sa panagdayeg ug pagsimba.

Buluhato’ng Pangdiploma
Paghimog lista sa daghang nagkalainlaing mga bersikulo kutob sa imong makit-an diha sa mga Salmo
diin naghisgot sa mga pamaagi sa ilang pagsimba sa Dios.

Pamalandungi ang Matag Pulong Niini’ng Bersikuloha
Mga Taga-Efeso 5, 19-20

 Pag-gahin ug Pipila ka Minuto aron sa Kausaban sa Kalibutan

Pray For Albania - Just 3,500,000 Europeans

Once the world’s first atheist state now devastated by anarchy and refugees

Now it will be either the gospel or Islam that becomes dominant.

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Ang tawo gikinahanglan nga usa ka binuhat nga magsisimba. Kini kabahin na sa iyang kinaiyahan. Ang bugtong pangutana mao nga kung si kinsa angiyang simbahon? Bisag unsay atong gisimba mosangpot gayud kini sa pag-alagad. Sa dihang magpadayon kita ug simba sa usa ka tawo o butang, magkadugang usab ang atong pagtugyan, ug magkaanam usab kita pagkahisama sa atong gisimba.

1. Unsay Buot Ipasabot Niining Pagsimba?

Ang Hebrohanong pulong niini mao ang ‘shachah’ diin nagpasabot ug pagsimba, pagyukbo, pagtahod, paghatag ug pasidungog o pagpaubos. Sa Bag-ong Tugon ang pulong ‘proskuneo’ sama ra nga ang gipasabot paghalok sa kamot o pagluhod sa tuhod ug paghikap sa yuta pinaagi sa agtang diha sa halawum nga pagtahod. Duha ka laing pulong sa pagsimba nagpasabot sa pag-alagad diha sa lawas, paghimog mga sagradong pagserbisyo ug paghalad ug mga gasa ngadto sa Dios.

2. Buhii Ang Akong Mga Katawhan, Aron Sila Managsimba Kanako.

Mao kini ang gibalikbalik ug mando sa Dios ngadto kang Paraon diin maoy mihatod sa pagpanggawas sa katawhan sa Dios gikan sa Ehipto. Sukad niadto ang Dios, kinsa seloso nga Dios, nakig-away uban sa iyang katawhan aron paglikay kanila sa pagsimba sa laing mga diosdios ug mga imahen kaysa pagsimba sa bugtong ug tinuod nga buhing Dios.

Ang pagsimba mao ang paghimaya sa Dios ug pagtagamtam kaniya sa kahangturan. Ang Dios makugihon nga nagapangita ug mga magsisimba ug ang pagsimba maoy atong unang tawag , tan-awa sa Juan 4.23. Ang tinuod nga pagsimba mao nga sa dihang atong tugotan ang Balaang Espiritu sa pagpasaka ug pagsimba gikan sa atong espiritu, o kasingkasing ug mohatod kanato sa pagsimba diha sa espiritu ug kamatuoran. Tan-awa sa Mga Taga-Fil. 3.3

Ang pagsimba bililhon ug dili kasagaran, kini Iya lamang sa Dios ug sa iyang Anak nga si Hesus Kristo kinsa mao lamang ang takus. Si Lucifer, kinsa maoy gitugyanan sa panagsimba diha sa langit, gusto makabaton sa samang pagsimba nga maoy mihatud kaniya sa kalaglagan. Isaias 14, Ezequiel 28. Mitanyag pa gani siya kang Hesus sa mga gingharian sa kalibutan ilis sa pagsimba apan ang Dios midumili, gayud. Mateo 4.8-10

3. Ang Pagsimba Makalukop Sa Lawak Uban Sa Dios.

Diha sa panahon sa Biblia daghang mga kalalakin-an ug mga kababayehan nga nadihugan sa Dios ug gipili sa mga pangulo aron pagdala sa mga katawhan sa Dios niadtong panahon padulong sa propetanhong pagsimba dili lamang pag-awit ug mga alawiton sama sa kasagaran nga atong ginahimo sa atong mga panagtigum karon. 1 Mga Cron. 25,1; 6-8.

Ang pagsimba maoy pag-andam sa agianan sa pag-abot sa Dios ug alang sa pagpuno sa imong kinabuhi sa kaluwasan, tan-awa sa Salmo 22.3; 50.23. Bisan ang pagsimba sa mga kabataan makaphilum sa kaaway, tan-awa sa Salmo 8:2.

4. Ako Magapanalangin Sa Ginoo Sa Tanang Panahon.

Kanus-a man kita mosimba? Sa tanang panahon alang sa pinahimuta’ng  mga panahon sa pagsimba ang Salmo 100 nagsulti kanato unsaon pagsugod, apan labaw sa tanan ang atong mga personal nga kinabuhi kinahanglan walay katapusang pagsimba. Matag gininhawa, matag hunahuna, pulong ug buhat kinahanglan pagsimba diha sa maayong Dios nga atong gi-alagaran, hangtud sa walay katapusan, tan-awa sa Salmo 145.1,2.

5. Ang Pagsimba, Kaniadto, Karon Ug Sa Umaabot.

Ang mga katawhan una misugod pagtawag sa ngalan sa Dios diha sa naunang kasaysayan. Sa dihang si Abram mipadulong sa Yuta sa Saad ang iyang gibuhat mao ang pagtukod ug altar sa pagsimba bisag asa siya mopadulong. Tan-awa sa Gen. 4.26; 12.6.

Sa paglabay sa mga adlaw ang mga katawhan sa Dios nagasimba diha sa Templo ug sinagoga apan karong mga panahona ang atong mga lawas mao ang templo sa Dios, 1 Mga Taga-Cor. 6.19. Kini nagpasabot nga makahimo kita pagsimba sa walay paglangay, bisan asa kita, bisag unsay mga kahimtang. Bisan si Pablo ug Silas nagsimba diha sa prisohan, Mga Buhat 16.25.

Apan ang atong pagsimba dinhi sa kalibutan nagahulagway lamang sa pagsimba didto sa langit. Kinahanglan nga imong mabasa ang mga mahimayaong mga kapitulo 4, 5 ug 19, 1-10  sa Pinadayag ug tan-awa giunsa nga ang pagsimba sa langit napuno sa kolor, kahayag, tunog, lihok, ug buluhaton. Ang atong pagsimba kinahanglan adunay samang tumong.

6. Unsaon Nato Pagsimba?

Ang Biblia nagsulti kanato giunsa sa mga katawhan paggamit ang ilang mga kasingkasing, mga hunahuna, mga bukton, mga kamot, mga tiil ug mga ngabil diha sa mga pag-awit. Sila nagasinggit sa kalipay uban sa pagyukbo, pagsayaw, pagdayeg, pagpanalangin ug pagpasalamat.

Mga pulong gikan sa Salmo sama sa halal o halleluyah nagpasabot sa pagdayeg, pagpasigarbo ug pagsaulog sa Ginoo. Ang Yadah nagpasabot sa pagbayaw sa mga kamot, ug ang barak nagpasabot sa pagluhod diha sa pagsimba aron pagpanalangin sa Dios.

Ang paghalad sa atong mga lawas alang sa pag-alagad sa Dios ug tawo pagsimba usab, tan-awa sa Roma 12,1. Ang katawhan sa Dios nagasimba usab kaniya diha sa ilang arte, pagkulit, sa pagsulat, pagpasundayag, sa musika ug arkitektura ug bisan pa diha sa paghatag sa ilang mga salapi alang sa ebanghelyo.

7. Ang Pagsimba Diha Sa Simbahan

Diha sa simbahan ang atong mga panagtigum kinahanglan mapuno sa mga salmo, himno ug espirituhanong mga awit diin mahimong ihatud sa Espiritu diha sa mga bag-ong pinulongan nga iyang ihatag. Daghan na kaayong mga bag-ong tigum daw sa plataporma nga ginadala sa mga Kristohanong pag-abiabi, walay kalahian sa teatro. Ang mga katawhan nagasud-ong apan nagasimba ba sila? Ang presensya sa Dios ug ang pagpadayag sa iyang Espiritu diha sa atong pagsimba kinahanglan mopahimo sa mga dili magtutuo sa pagyukbo ug pagsimba. Mga Taga-Col 3.16, 1 Mga Taga-Cor. 14, 15-16; 25; 26, Mga Taga-Efeso 5.19, Mga Buhat 2.4.

Ang Pagdayeg Sama Ba Sa Pagsimba?
Kinahanglan natong daygon ang Dios sa tanan niyang pagka siya ug gibuhat, apan ang Dios nagapangita ug nakinahanglan ug mga magsisimba, dili lang pagsimba.

Ang pagdayeg mahimo’ng pangkadaghanan apan ang pagsimba kanunay’ng panagsuod.

Ang pagdayeg kanunay nga makit-an o madunggan, ang pagsimba mahimong hilom ug tinago.

Ang pagdayeg kasagaran mapailhanon, nanghingapin ug mabis-ogon, samtang ang pagsimba kasagaran katingala diha sa presensya sa Dios.

 8. Ang Tinuod Nga Pagsimba Bililhon.

Ang Biblia nagsulti mahitungod sa sakripisyo sa pagdayeg. Si Dabid misayaw atubangan sa Dios sa tana niyang kusog ug midumili paghalad sa Dios ug halad nga walay bili kaniya,  2 Samuel 6,14, 24.24. Ang mga Mago sa Sidlakan mihalad sa mahal nga mga gasa sa dihang miabot sila sa pagsimba kang Hesus, tan-awa sa Mateo 2:9-12, ug ang babaye nga midihog kang Hesus sa mahalon nga pahumot, mihugas sa iyang mga tiil sa iyang luha ug mitrapo niini sa iyang mga buhok, tan-awa sa Lukas 7:36-50.

 

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.