27. Ang Pagpaminaw Sa Dios

Si Martin Luther nakadungog sa Dios ug misugod sa Kausaban

Tan-awa ang mga Pagtulon-an

Basaha Kini sa Imong Bibliya
Juan 10, 1-16, Salmo 29, Mateo 4.4

Ani-a ang Imo’ng Pahinumdum nga Bersikulo
Salig kang Jehova sa bug-os mong kasingkasing ug ayaw pagsalig sa imong kaugalingong
salabutan; sa tanan nimong mga dalan ilha siya,
ug siya magamando sa imong mga agianan. Mga Proberbyo 3, 5-6

Pagkahuman Hisguti ang Mahitungod Niini
Unsaon man kalagmitan sa tawo pagpangitag giya sa dili pa mohukom unsay buhaton?
Itandi ang imong tubag sa mga punto sa pagtulon-an aron pagpangita sa pinakamaayong paagi sa unahan.

Usa ka Butang Angay Buhaton sa Dili pa ang Musunod
Pagsugod ug himog taladlawan aron pagtala sa tanang butang nga gisulti sa Dios kanimo.
Mga bersikulo, mga panghitabo, mga pagtagbo kinahanglan tana mahasulat
ug matun-an pag-usab aron pakdiskobre sa tibuok pinadayag.

Buluhato’ng Pangdiploma
Tan-awa ang listahan sa mga labaw sa kinaiyahang mga pamaagi sa pagdawat sa giya,
dayun sa usa ka papel pangitaa ug ilista diin ning mga butanga nahitabo sa Biblia.

Pamalandungi ang Matag Pulong Niini’ng Bersikuloha
Pinadayag 19, 9-10

Pag-gahin ug Pipila ka Minuto aron sa Kausaban sa Kalibutan

Pray For Tibet - 2,200,000 loyal to the Dalai Lama

Invaded by China, maybe 1m dead. strongly Buddhists, few believers

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

1. Mogiya Ba Ang Dios Kanako?

Daghang katawhan miduol sa espiritismo alang sa giya, tan-awa sa Isaias 8.20, apan walay laing pinakamaayong mogiya sa iyang katawhan kaysa Dios. Tan-awa sa Mga Prob. 3, 3-5, Roma 12, 1,2 ug Salmo 25, 9; 32, 8-9; 37, 23-24; 48.14.

Asang Dalana?
Si Hesus mao ang Dalan,ug ang Kamatuoran ug ang Kinabuhi. Siya nag-ingon, “Sunod kanako”, Juan 14.6; Lukas 1.79 ug Pinadayag 7.17. Kung gusto ka masayod sa tanang bahin sa pamaagi sa Dios nan tutok kang Hesus kay siya ug ang Amahan Usa ra. Juan 6.38, 10.30, Hebrohanon 1.3.

Unsa may gisulti sa suluguon ni Abraham? Genesis 24.27.

Nganong malipayon man ang mga nangawalang katawhan? Salmo 107,7.

Nganong malipayon man kaayo ang mga hari? Mateo 2.9-12.

Kinsa ang misulti kang Pedro paglakaw sa Mga Buhat 10, 9-19?

Kinsa man ang nag-ingon padala diha sa Mga Buhat 13, 1-3?

Kinsa man ang gagiya ni Pablo sa Mga Buhat 16, 6-10?

 

Kinsa man ang mosulti kanimo ug ang mogiya kanimo bisan sa imong pang adlaw adlaw nga mga problema?

"Sa akong pagbiyahe sa Pransya adunay welga ug ang tanang kadalanan naalihan sa mga trak. Adunay usa ka tawo nga miduol ug nakig-istorya kanamo ug Kinatsila ug mihatag kanamo ug detalyadong kasayuran bahin sa kung unsaon pag-abot ngadto sa Espanya gamit ang mga agianan sa nasud. Akong gisulat ang mga detalye, mihangad ug nawala dayun siya. Nianang adlawa kami lamang ang bugtong sakyanan nga molabang sa utlanan. Kinsa man katong tawhana? Giunsa man niya pagkahibalo nga makasabot ko ug Kinatsila? "

 

Ang Dios Wala Magpakahilum,

Sa pagkatinuod siya mapadayunon nga nakigsulti sa sinugdanan pa. Ang pagpaminaw sa tingog sa Dios maoy unang lakang sa pagkahibalo sa giya sa Dios. Genesis 1.3, Hebrohanon 1.1,2.

2. Unsaon Man Pagpakigsulti Sa Dios Kanato?

Ang Dios Makigsulti Pinaagi Sa Iyang Pulong.

Matingala ka kung unsay imong madungog sa imong kasingkasing samtang nagbasa ka uban sa imong mga mata. Salmo 119,105, Hebrohanon 4.12. Hinumdumi kanunay nga ang Dios nga nagahatag sa pinadayag angay usab nga pangutan-on sa hubad ug sa gamit niini.

 

Ang Dios Makigsulti Pinaagi Sa Iyang Espiritu.

Siya nagpuyo kanimo, Juan 14,17

Iyang gihatod ang pulong sa Dios ngadto sa kinabuhi. Genesis 1.2-3; Zacarias 4,6,

Siya makigsulti sa atong kinasuloran, Roma 8.16

 

Unsa Pay Laing Buhaton Sa Espiritu?

Siya nagagiya sa mga kaanakan sa Dios, Roma 8,14

Siya makigsulti sa mga panahon sa pagsimba, Mga Buhat 13,2

Siya  makigsulti pinaagi sa pagpanagna, sa mga dila ug sa paghubad, mga pulong sa kahibalo, kaalam ug pag-ila. Lukas 2, 25-38

Siya moabli ug mosira sa mga purtahan, Mga Buhat 16,10

 

Paminawa Ang Tingog Sulod Sa Imong Kasingkasing

May mga Kristohanong negosyante nga nakighisgut sa usa ka sinati nga manedyer, alang sa usa ka importante nga trabaho. Silang tanan nakahibalo sa espiritu nga ang maong tawo usa ka bakakon apan walay bisag usa nila nga nangahas pag-ingon. Nanglabay ang mga bulan ang maong manedyer nakahimog kadaot. Sa dihang ang uban nagkita pag-usab matag usa misugid nga silang tanan gipasidan-an sa tingog sa Dios, apan walay naminaw!

 

Ang Dios Makigsulti Sa Mga Panahon Sa Pag-ampo

Kung motawag ka sa Dios siya magasulti kanimog mga dagkung butang nga wala pa nimo hingbaluan. Jeremias 33.3

Si Dabid may kinaiya sa pagpangutana sa Dios kung unsay buhaton, 2 Samuel 5.19

 

Ang Dios Makig-istorya Sa Labaw Sa Kinaiyahan Nga Mag Pamaagi

Ang Dios magpadalag mga damgo, mga panan-awon, mga madungog nga tingog, mga pagpasidaan ug mga pasakit. Siya magapadala ug mga tultulanan sama sa haliging panganod o kalayo, nagdilaab nga sagbot, bisan mga bitoon, ug mga bagyo, Job 3,14-28; Exodo 13.21, 3.2; Mateo 2.2. Jonas 1.12.

 

Si Juanita mopadulong ug usa ka biyahe sa misyon ngadto sa Kasadpang Aprika agi sa Senegal. Usa ka gabii ang Dios nakigsulti kaniya pinaagi sa damgo nga nag-ingon, “Magkinahanglan ka ug bisa sa Senegal.” Mitawag siya sa panakayan sa kahanginan kinsa miingon, “Dili, dili na kinahanglan.” Mitawag siya sa embahada kinsa miingon, “ Oo, kinahanglan nimo.” Ang maong biyahe naluwas pinaagi sa pagpadamgo sa Ginoo.

 

Ang Dios Makigsulti Pinaagi Sa Mga Bisitang Manulunda

Si Gabriel ug ang mga anghel nagahatod pa gihapon ug mga mensahe gikan sa Dios sumala sa ilang ginabuhat. Daniel 10, 4-21, Lukas 1, 11-20; 1, 26-28, 2.10-15, Hebrohanon 13.2, Pinadayag 19, 9-10

 

Ang Dios Makigsulti Pinaagi Sa Mga Tawo.

Mga kaubanang magtutuo labina ang mga hamtung nga mga kalalakin-an ug mga kababayehan, mga katigulangan ug mga ministro sagad mohatud kanato ug mensahe sa Dios pinaagi sa pagwali, pagtudlo, pagtambag ug sa mga gasa sa Espiritu. Mga Buhat 15.28,

 

Ang Dios Makigsulti Pinaagi Sa Mga Pagpanghimatuod.

Kung wala kay siguro sa gigikanan sa imong giya, ayaw kahadlok pagpangayo sa Dios ug pagpanghimatuod sa iyang kaalam ngadto kanimo. Jacobo/Santiago 1.5-7, 1 Juan 4.1. Ayaw ug buhat kung walay kompirmasyon sa Diosno’ng paghukom, ang gasa sa kalinaw sa imong kasingkasing ug konsiyensya. Mga Taga-Col. 3.15

 

Ang Dios Makigsulti Pinaagi Sa Pagpangandam.

Ang pulong ‘pro’ diha sa ‘pro-vision’ (paglanataw sa unahan) nagpasabot ‘alang sa,’ nga maoy usa ka butang ‘alang sa’ panan-awon. Ang Dios nagadasig kanato sa pagpadayon pinaagi sa pag-andam ug mga inablihang purtahan, mga katawhan, salapi ug mga materyal. Ezra 1, 5-7.

3. Unsaon Nato Pagdawat Sa Diosnong Giya?

Sama kini sa usa ka eroplano nga nangitag daganan. Gikan sa halayo nagamit kini ug radar aron maoy motultol sa padulngan. Dayun ang signal sa radyo maoy mohatag sa rota hangtud nga ang piloto makakita sa mga suga nga nagtudlo sa agianan. Ang tukma nga mga suga motultol kaniya sa dagananan mismo ug sa katapusan ang tawo nga may suga mosulti kaniya asa mo hunong. Sa laing pagkasulti ang giya nagagikan sa daghang pamaagi, ug kini dili magdungan ug abot, apan nagapuno ug nagakuhag dugang detalye samtang ang biyahe sa pagtuo nagasaka. Mga Prob. 16.9

Ang Dios usahay molangay sa pagpakita sa iyang kabubut-on diha kanimo hangtud nga moabot ang ensaktong panahon sa pagpakita sa iyang himaya. Pagmapailubon, basin makakuha ka ug mas labaw pa kaysa gilauman sama sa gihimo sa mga igsoong babaye ni Lazaru! Juan 11, 5-44 Mangahas ka ba gayud sa pagpamasin sa pagsunod sa pinadayag sa Dios? Ayaw kabalaka kay ang Dios adunay dakung pukot sa kaluwasan. Kung gusto nato ang iyang kabubut-on, ang tingog sa Dios kanunay mopanghimatuod, motul-id o bisan pa mopakgang sa atong mga plano, Isaias 30.21.

 

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.